كومپىيۇتىرنى بۇزۇشنىڭ ئەڭ ياخشى ئۇسۇللىرى

tuman

	كومپىيۇتېرنى بۇزۇشنىڭ ئۇسۇللىرى كومپىيۇتىردىن زىرىككەنلەر ئۈچۈن دەششەت تىمىدىن بىرنى ئىلىپ كەلدىم، ئەمدى كومپىيۇتىرنى بۇزالماي يۈرگەنلەرنىڭ ئىشى ئاسان بولىدۇ . كومپيوتېرنى قۇياش نۇرى بىۋاسىتە چۈشىدىغان يەردە ئىشلىتىڭ. پار، مەش… دېگەندەك ئىسسىتىش ئۈسكۈنىلىرىگە يېقىن يەردە ئىشلەتسىڭىز تېخىمۇ ياخشى. ئەڭ ياخشىسى ئەتراپنىڭ ئازراق ھۆل، نەم بولۇشىنى قولغا كەلتۈرۈڭ. كومپيوتېرىڭىزنى ئەتكەندە، ئاۋارە بولۇپ ”باشلاش“ تىزىملىكىدىن ”كومپيوتېرنى ئۆچۈرۈش“ نى تاللاپ ئۆچۈرۈپ يۈرمەڭ، بىۋاسىتە Power كونۇپكىسىنى بېسىپلا ئۆچۈرۈڭ. ئۆچۈرۈپ بولۇپلا، دەرھال قايتا كومپيوتېرىڭىزنى قوزغىتىڭ. كومپيوتېرىڭىزنى ئىشلىتىۋاتقاندا توك كەتسە، كومپيوتېرنى ئېتىپ يۈرمەڭ، توك كەلگەندە ئېلىكتىر بېسىمىنىڭ ئۆزگىرىشلىرىدىن كېلىپ چىقىدىغان ئېكراندىكى غەلىتە رەسىملەر، ئانا تاختىدىن چىققان غەلىتە ئاۋازلار بىلەن كارىڭىز بولمىسۇن، ”ئەجەب قىزىقكەن“ دەپ قويسىڭىزمۇ بولىدۇ. كومپيوتېرنى قويغان ئۈستىلىڭىز مۇستەھكەم بولۇپ كەتمىسۇن. بۇنداق بولغاندا ھەر قېتىم كونۇپكا باسقىنىڭىزدا لەپەڭشىپ، چىڭراق باسىسىز، نىشانغىمۇ بالدۇر يېتىسىز. ئانا تاختىنى تامغا يېقىن، ھاۋا ئالماشتۇرۇش تۆشۈكچىلىرىنى تام توسۇۋالغۇدەك دەرىجىدە يېقىن ئورۇنلاشتۇرۇڭ، بۇنداق بولغاندا كومپيوتېرنى ئىشلىتىش جەريانىدا ھاسىل بولغان ئىسسىقلىق، ۋە كېرەكسىز ئىسلارنىڭ ئىسراپ بولۇپ كېتىشىنىڭ ئالدىنى ئېلىپ، كومپيوتېرىڭىزنىڭ ئىللىق ھالىتىنى ساقلىيالايسىز. ئېكرانىڭىزدا بىر رەسىمنى چىقىرىۋېلىپ، نەچچە سائەتكىچە ئۆزگەرتمەڭ، (رەسىم قانچە رەڭلىك بولسا شۇنچە ياخشى) بۇنداق بولغاندا ئېكرانىڭىزنىڭ رەڭ كۆرسىتىش ئۈنۈمى يۇقىرىلاپ، سىز كومپيوتېرنى ئېتىۋەتكەندىمۇ شۇ رەسىمنى كۆرەلەيدىغان بولىسىز. كومپيوتېرىڭىزنىڭ توك سىملىرىنى ئۇلىغاندا يەر سىمى ئىشلەتمەڭ. باشقا ئېلىكتىر ئۈسكۈنىلىرى بىلەن بىرلىكتە يەر سىمىسىز بىر توك مەنبەسىگە چېتىپ ئىشلەتسىڭىز ئۈنۈمى تېخىمۇ ياخشى بولىدۇ. كىچىك ئىنى-سىڭىللىرىڭىز، ياكى بالىلىرىڭىز بولسا، كومپيوتېرىڭىز بار ئۆينىڭ ئىشىكىنى ئادەتتە ئوچۇق قويۇڭ. كومپيوتېرىڭىزنىڭ ئەتراپىغا پارچە-پۇرات پۇل، ئويۇنچۇق بىرنەرسىلەرنى قويۇپ قويسىڭىز تېخىمۇ ياخشى. كومپيوتېرىڭىزنىڭ تور كارتىسى، ئاۋاز كارتىسى… دېگەندەك ئانا تاختىنىڭ ئىچىگە ئورۇنلاشتۇرۇلىدىغان كارتىلارنى پات-پات چىقىرىپ، ”ھاۋالاندۇرۇپ“ تۇرۇڭ. ئەلۋەتتە، تۆت قىرلىق ئەتۋىركە تاپماق دائىم ئاسان ئەمەس، شۇڭا خالىسىڭىز ئانا تاختىڭىزنى ئوچۇق قويۇڭ. بۇنداقتا بەك قولايلىق بولىدۇ. بولسا ئانىڭىزغا تاپىلاپ قويۇڭ، شىرەلەرنى، ئوچاق بېشىلىرىنى سۈرتكەندە كومپيوتېرىڭىزدىنمۇ بىر خەۋەر ئېلىپ قويسۇن. ئەگەر بۇ ئۇسۇللارنىڭ ھەممىنى سىنىسىڭىزمۇ كومپيوتېرىڭىز يەنە جاھىللىق بىلەن ئىشلەۋەرسە، ئامال يوق، ئەڭ ئاخىرقى ۋە ئەڭ ئۈنۈملۈك ئۇسۇلنى قوللىنىڭ: كومپيوتېرىڭىزنى كۆتىرىپ دېرىزىدىن تاشلاپلىۋېتىڭ.

haltakoqa

	ياخشى تىمىكەن، كومپىيۇتىر ئاسراشنىڭ ئەپلىك چارىسىكەن. ياخشى تىمىڭىزغا رەھمەت.

serjat

	بۇ ئۆزگىچە چۈشەندۈرۈش ئۇسۇلىكەن، بەلكىم ...نى قىلماڭ، دىگەندەك چۈشەندۈرۈشلەر بولغان بولسا چوقۇم ئۇنتۇپ كىتەتتىم، بىلىۋالدىم رەھمەت سىزگە. ئىكرانغا ئابدۇللا ئابدۇرىھم ئاكىمىزنىڭ رەسىمىنى چىقىرىپ قويغىلى ھەپتە بوپتۇ، دەرھال ئۆزگەرتىۋىتەي...

nargiz

	بەك ياخشى تىما يوللاپسىز بىلىۋالدىم

بانۇ

	ئوبدان گەپكەن، مەنغۇ بۇزۇلغاي دېمەيتىم. ئەمما ئېكران رەسىىمىنى ئالماشتۇرمىغىلى ئۇزۇن بوپ كېتيپتۇ، ئالماشتۇرىۋالاي.   قەشقەرلىقنىڭ تەنە گەپلىرىدىنمۇ بەكرەك ئۆتەپ كېتىپتۇ ما گەپلەر، چوقۇم ئاسرايمىز!

kaplan19

	ياخشى بىلۋالدىم.....

naxput

	بولىدىغان چارىلەر ئىكەن!!!!!!!

nazli007

	سىز دىگەندەك قىلىپ ئاۋەرە بولغاندىن كومپېيوتېرغا 4كۈندە بىر سستىما قاچىلاپ بەرسە تىزلا بۇزلۇش ئۈنىمىنى قولغا كەلتۈرگىلى بۇلدۇ

bilal

	كۆپ ئىزدىنىپسىزدە.....

dartman119

	ئۆزگىچە ئۇسسۇللاركەنغۇ بۇلار ،رەھمەت تېما ئىگسىگە جاپاچەكتىڭىز....