چۈنكى ھىجران تاشتىنمۇ قاتتىق
ئىشەنگۈم يوق، ئىشىنەلمەيمەن،
كەلمەس بولۇپ كەتكەنلىكىڭگە.
بۇنچە بالدۇر ھاياتنىڭ چېكى_
مەنزىلىگە يەتكەنلىكىڭگە.
چالا قالدى ئىستەكلىرىمىز،
سۇنالمىدىم ھەتتا بىر تال گۈل.
سەنسىز مەنا تاپمىدى ۋاقىت،
كۆپ نەرسىدىن سوۋۇدى كۆڭۈل.
نالە قىلىپ ياتار تېلىفون،
چاقىرالماي تونۇش نومۇرنى.
ئۇنىڭ بىلەن دەرتلىك كۈنلەرگە،
بىر چاغلاردا چاچقانتىڭ نۇرنى.
شېرىنلىكتە ئۆتكەن كۈنلەرنىڭ،
ئەسلىمىسى شۇ قەدەر تاتلىق.
ئەمما، كۆزگە ئولىشىدۇ ياش،
چۈنكى ھىجران تاشتىنىمۇ قاتتىق.
چوغقا ئايلانغان يۈرەك
گۈل بەرگىدەك رەڭدار لېرىكا،
لەرزان قانات قاقسا سامادا.
چوقان سېلىپ يېتىرقاق ياشلار،
ئاپئاق قارغا ئايلىنىپ بىردىن،
ماكانلىشار كەچمىش تېغىدا.
ئەلەڭلەيىتتى خىيالىي ئىستەك،
بىر تارتىنچاق سۆيگۈ باغرىدا.
تىنىچ ئوكيان مىسالى كەبى،
غەمكىنگىنە تارىتقىنىدا ئۇھ،
چاراسلايىتتى تەنلەر ئازاپتا.
تەكلىماكان باغرىدا ئۆسكەن،
يانتاق كەبى ئىرادە ئارا.
بىر ساڭىلا ئاتالغان سۆيگۈم،
پەقەت سۆيۈپ نازۇك جىسمىمنى،
جىمىرلايىتتى تومۇرلىرىمدا.
ئەي سۆيگۈمنىڭ ئىگىسى ئىنسان،
شىپىرلىغان يەڭگىل تىۋىشتا.
بىرسى ساڭا قويدى ئامانەت،
يۈرىكىنى سەن ماڭغان يولغا.
ئاتلاپ كەتمەي كۆرۈپ ئۆتۈپ كەت،
يولدا چوغنى كۆرسەڭ ناۋادا.
يوللىغان ۋاقتى 
