تەڭرىتاغ ئۇيغۇر تورىنىڭ باشقۇرغۇچىلىرىغا

muallim

	تەڭرىتاغ ئۇيغۇر تورىنىڭ باشقۇرغۇچىلىرىغا تەڭرىتاغ تورى ھۆكۈمەت باشقۇرۇشىدىكى ئاخبارات ۋاستىسى بولۇش سۈپىتى بىلەن بولۇپ، ھۆكۈمەتنىڭ ھەر خىل قانۇن پەرمان، سىياسەت بەلگىلىمىلىرىنى پۇقرالارغا دەل ۋاقتىدا، توغرا يەتكۈزۈش مەجىبۇرىيىتىنى ئۈستىگە ئالغان. مۇشۇ نۇقتىدىن چىقىش قىلغاندا ھۆكۈمەتنىڭ ھەر خىل قانۇن پەرمان، سىياسەت بەلگىلىمىلىرىنى تېخىمۇ كۆپ پۇقرالارغا ۋاقتىدا يەتكۈزۈش ئۈچۈن بۇ ھەقتىكى مەزمۇنلارنى تېخىمۇ كۆپ تور بېكەتلەرگە كۆچۈرۈپ باسسا نىمىشقا بولمايدۇ؟ يا بۇلار نەشىر ھوقۇقىغا دەخلى يېتىدىغان ئەدەبىي ئەسەرلەر بولمىسا. ئىككىنچىدىن، تەڭرىتاغ تورى ھۆكۈمەت بارلىق چىقىمىنى كۆتۈرۈپ، پۇقرالار ئۈچۈن قۇرۇپ بەرگەن ئۆگىنىش ۋە پىكىر ئالماشتۇرۇش سورۇنى. نىمىشقا بۇ توردىكى مەزمۇنلارنى WORD قا كۆچۈرىۋېلىپ كومپىيۇتىرىمىزدا كۆرۈشىمىز چەكلىنىدۇ؟

Erkman

	ھە، تازا جايىدىن تۇتۇپتىلا، بۇنىڭغا قازى-قۇززاتلار بىر نەرسە دېگەي!

muallim

	Erkman يوللىغان ۋاقتى  2011-11-14 08:01 ھە، تازا جايىدىن تۇتۇپتىلا، بۇنىڭغا قازى-قۇززاتلار بى ... راستىنلا جايىدىن تۇتۇلغان ئوخشايدۇ. باشقۇرغۇچىلاردىن ئىنكاس يوققۇ؟ بولمىسىغۇ تېمامنى جاۋاپ بېرىشكە ئەڭ ھوقۇقلۇق تەڭرىتاغ ئەپەندىم تەستىقلاپتىكەن.

KALBINUR0903

	باشقۇرغۇچىلار قېنى  سىلەر

uyghur

	مەن كۆچۈرۈپ ساقلىۋالدىمغۇ ؟ تېخى بېسىپمۇ چىقىرىۋالدىم ، تامغا چاپلىۋالغانلىرىممۇ بار، نەشىر ھۇقۇقىغا دەخلى  قىلغانلىق بولماس ؟؟؟

saray

	مەن گۇمانلىنىمەن، بۇ بىزنى ئالداپ ئاغزىمىزغا قۇرۇق سوسكا سالغاندىن باشقا ئىش ئەمەس. بۇ تور بەت ھۆكۈمەت باشقۇرۇشىدىكى تور بەت بولسىمۇ، بۇ مۇنبەردە ھۆكۈمەت خىزمىتىگە ماسلىشىپ خەلققە دۆلەتنىڭ سىياسەت ۋە ھەر خىل پەرمانلىرىنى يەتكۈزدىغان، خەلق ئاممىسنىڭ ھەر دەرىجىلىك خەلق ھۆكۈمەت ئورگانلىرى ۋە ئاساسىي قاتلاملاردىكى ساقلىنىۋاتقان مەسىللەرنى ئىنكاس قىلىدىغان، قانداق قىلغاندا خەلق ئاممىسنىڭ تۇرمۇشنى ياخشىلاش، ھەر دەرىجىلىك خەلق ھۆكۈمەتلىرى ۋە ئاساسىي قاتلاملارنى خەلققە يىقىن قىلىدىغان ھىچقانداق بىر تىما كۆرمىدىم. ساپلا بۇرۇن مۇنبەرلەرگە تولا يوللانغان ۋە باشقا مۇنبەرلەرگە يوللىنىشقا تىگىشلىك  ئەبجەش تىمىلار. مەن دائىم مۇنبەرگە كىرىپ ئۈمۈتسىزلىك بىلەن يىنىپ چىقىمەن. چۈنكى ھۆكۈمەت باشقۇرۇشىدىكى مۇنبەردە خەلق تۇرمۇشى ئۈچۈن ھىچقانداق ئەھىمىيتى يوق نەرسىلەرنى كۆرگەندە ئىچىم ئاچچىق بولىدۇ. بىز دائىم ھەر دەرىجىلىك ھۆكۈمەت ئورۇنلىرىدىكى ناتوغرا كەيپىيات، ئىش بىجىرىشتىكى ناچار ھادىسە ۋە ناچار پوزىتسىيلەرگە يولۇقىلىپ تۇرىمىز ئەمما بۇنى ئىنكاس قىلغۇدەك ئورنىمۇ يوق، بۇنى ھۆكۈمەت باشقۇرۇشىدىكى تەڭرىتاغ  مۇنبىرگە يوللاپ تىما يازساق ئۇنداق تىمىلار بىردەك تەستىقلانمايدۇ. بۇ  بىزنىڭ توردىمۇ ئەركىن پىكىر قىلىش ھوقۇقىمىزنىڭ يوقلىقىدىن دىرەك بىرىدۇ خالاس. نۇرغۇنلىغان داڭلىق خەنزۇچە تور بەتلىرىنىڭ داڭلىق بولالىشىدىكى سەۋەپ، ئۇلارنىڭ دەل خەلقنىڭ كۆڭۈل بولدىغان مەسىللىرىگە، ھۆكۈمەت ئورۇنلىرىدىكى ناچار كەيپىيات، ناچار ھادسىلەرگە قارىتا ھىچقانداق ئىككىلەنمەي ئۇلارنى جەمىئيەتكە ئاشكارلاپ، ئۇ مەسىللەرنىڭ ھەل بولۇشىغا قارىتا رول ئوينىغانلىقىدىن ئايرىپ قارىغىلى بولمايدۇ. ئۆتكەندە مۇنبەردە سىزنىڭ بىلەن سۆھبەتلەشكۈڭىز بار؟ ناملىق بىر تىمىنى كۆرگەن  ئىدىم. ئۇنىڭغا چۇشكەن ھەر خىل ئىنكاسلارنى كۆردۇم ھەم ئۆزەممۇ ئىنكاس يازىدىم. مىنىڭچە ناخشىچى ۋە باشقا ساھەدىكى مەشھۇر كىشلەرنى باشقا مۇنبەرلەر زىيارەتكە، سۆھبەتكە ئۇيۇشتۇرۋاتىدۇ، مىنىڭچە بۇ مۇنبەرگە ئۇلارنى سۆرەپ كىرىشنىڭ ھاجتى يوق، بۇ مۇنبەرگە پەقەت ھۆكۈمەت ئورگانلىرىدىكى كىشلەرنى تەكىلىپ قىلىپ ئۇلارنى دۆلەتنىڭ خەلق تۇرمۇشىدىكى ئورۇنلاشتۇرۇشلار، تۆۋەن دەرىجىلىك ھۆكۈمەت ئورگانلىرىنى نازارەت قىلىشىتىكى ياخشى بىر سورۇنغا ئايلاندۇرسىكەن دىگەن ئۈمۈدلەردە بولۇپ قالىمەن، لىكىن بۇ ئۈمۈد ئەمەلگە ئاشامدۇ يوق بىر نىمە دىگىلى بولمايدۇ. بەلكىم بۇ مۇنبەردىكى باشقۇرغۇچىلار ۋە تەستىقلىغۇچى ئورۇنلارغا ئاسانغا توختىماسلىقى مۇمكىن.

admin

	تەڭرىتاغ ئۇيغۇر تورى ھۆكىمەت تورى ، توردىكى ماتىرياللار مەيلى ئەدەبىي ماقالە بولسۇن ياكى ئاخبارات تېمىسىدىكى تېما بولسۇن ۋە ياكى تەرجىمە ، تەتقىقات تۈردىكى تېمىلار بولسۇن يازچۇچىلىرىمىز ۋە مۇخبىرلىرىمىز ئەجىر سىڭدۈرۈپ يىزىپ چىقىدۇ ، لىكىن بىر قىسىم بىكەت باشلىقىلىرى ئىككىلەنمەيلا مەزمۇننى كۆچۈرۈپ ، ئاپتور ، مۇھەرىر ۋە ئەسلى مەنبەنى ئەسكەرتىپلا قويماي بىزنىڭ ئەمگىكىمىزنى ئۆزىنىڭ ئەمگىكى قىلىۋالدى ، بۇنداق مەسىلىلەر ھەل بولمىدى ھەم ئاپتور ، مۇخبىر ، يازغۇچىلارنىڭ نارازىلىقى پەيدا بولدى ، شۇنىڭ بىلەن ئۇچۇر ھوقۇقىنى ئىمكانقەدەر قوغداش ئۈچۈن مەزمۇن كۆچۈرۈشنى چەكلەشكە قارىتا بەزى چارىلەرنى قوللاندۇق .

musapirbala

	تەڭرىتاغ ئۇيغۇر تورى مىنىڭچە ئۇيغۇرلاردىكى ئەڭ چوڭ ئۇنۋىرسال تور . ھەر قايسى ساھەدىكى تېمىلارنى تاپقىلى بولىدۇ ، باشقا تور بەتلەردە ئەدەبىيات سەنئەت ياكى كومپىيۇتېرغا ئائىت ئادەتتىكى مەزمۇنلار بار ، لىكىن تەڭرىتاغ تورىنىڭ مەيلى خەۋەرلىرى بولسۇن ياكى باشقا ئەدەبىي ئەسەرلىرى بولسۇن ھەممىسى دىگىدەك شۇنداق ئىسىل ، ئۇنىڭ ئۈستىگە مۇخبىرلىرىمۇ كۆپ . ئۇنىڭ ئۈستىگە مەن پات - پات مۇشۇ تور بەتتىن ماتىريال ئىزدەيمەن ، مەدىنىيەت ۋە باشقا ئىلمىي ماقالىلەر خىلىلا كۆپ .      بەزى تور بەتلەرنى كۆرسەم تەڭرىتاغ تورىدا گاڭ قىزىل نەرسىلەر بار ، خەلق قىزىقىدىغان سەنئەت ۋە باشقا نەرسىلەر يوق دەپ قاقشاپتۇ ، بەزى توربەتلەر ۋاي يەنە شۇ ناخشا شىئېركەن دەپ قاقشاپتۇ ، تەڭرىتاغ ئۇيغۇر تورىنىڭ خەنزۇچىسغا قارايدىغان بولساق ھەممە نەرسە بار ، مىنىڭچىمۇ تەڭرىتاغ ئۇيغۇر تورى شۇ خەنچۇزچە بەتتەك ئىسىل ، مەزمۇنى مول بولۇشقا تىرىشىۋاتقان بولسا كىرەك  .      مىنىڭچە بىز تەڭرىتاغ تورىنى قوللاپ ياخشى پايدىلىنىشىم كىرەك .      ئۇنى بۇنى دىگەننىڭ پايدىسى يوق .    مەن ئىچىم پۇشۇپ باشقا تور بەتلەردىكى مەزمۇننى google دىن ئاقتۇرپ باققان ئىدىم دىگەندەك كۆپ تەڭرىتاغ تورىنى ئوبزور ۋە باشقا ئەسەرلىرى ئىكەن  . مەنبەنى ئەسكەرتمەپتۇ  . ئەگەر ئاشۇ بىكەت باشلىقلرى ماڭا ئوخشاش گىرمانىيە بولغان بولسا ئاللا بۇرۇن تۇرمىگە كىركەتكەن بولاتتى  ، بۇ گىرمانىيە ئەسەر ھوقۇقى شۇنداق قوغدىلىدۇ .  لىكىن شىنجاڭدا بىزنىڭ ئارىمىزدا كىم بەك جىق كۆچۈرۋاسا شۇ نوچى ...    مەن تەڭرىتاغ ئۇيغۇر تورىنىڭ ئۇيغۇرلار ئارىسىدىكى yahoo تورى بولۇپ قىلىشىنى ئۈمىد قىلىمەن .    ھەممە مەزمۇن بولسۇن .    يىقىندا مۇنبەر ئىچىلىپتۇ ، قارىسام سىناق ھالىتىدە ئىكەن ، لىكىن چۈشكەن تېما ئىنكاسلار شۇنداق ياخشى ، تور بەت دىگەن مۇشۇنداق بولسا ھەممىسى بار ، ئۇنىڭ ئۈستىگە ئۇسلۇبىمۇ ئادەمگە بىر خىل باغقا كىرگەندەك تەسىر بىرىدىكەن ، ماڭا شۇنداق ياقتى . ئاڭلىسام يىقىندا تېلفۇن يان گىزىتى ۋە تېلفۇندا ئۇيغۇرچە چىقىدىغاننى قىلماقچىمىش ، يەنە مىكىروبىلوگ ئاچىمىز دىگەندەك قىلدى ، مۇمكىن بولسا ئاشۇ دۇنيادىكى ئىلغار تېخنىكىلارنى ئۇيغۇرلار ئارىسىغا ئەكىرىڭلار .

musapirbala

	تېلفۇندا ئۇيغۇرچە تەڭرىتاغنى زىيارەت قىلىشنى ئالدىنقى قىتىم تورداشلار ئۇيغۇرلاردا تېلفۇندا تورغا چىقىش نىسبىتى بەك تۆۋەن دەپ باھا بىرپتۇ ، ئوشۇق پۇل ئىسراب قىلغانلىق دەپ باھا بىرىپتۇ ، مىنىڭچە بىزدە ئاشۇنداق ياخشى ، ئۇيغۇرچە تېلفۇندا كۆرنىدىغان تىخنىكا بولمىغاچقا ئۇيغۇرلىرىمىزنىڭ تېلفۇندا تورغا چىقىدىغان نىسبىتى تۆۋەن ، مىنىڭىچە تەڭرىتاغ تورى ئۆز ئىمتيازىغا تايىنىپ ئادەتتىكى تور بىكەت باشلىقلىرى لاھيىلەشكە ، ئىچىشقا ئامالسىز تېخنىكىلارنى لايھىلەپ ياكى لايھەلىتىپ ئۇيغۇرلار ئارىسىدىكى بايراقدار تور بەت بولۇشىنى ئۈمىد قىلىمەن .

musapirbala

	مەن خىلى مەزمۇننى ئالىمەن ، لىكىن تېلفۇن قىلىپ دەپ قويۇپ ئالىمەن ، ھەتتا زۈرۈ بولغان مەزمۇنىلارنى تاپالمىسام تېلفۇن قىلسام ماڭا تىپىپ ئەۋەتىپمۇ بىرىدۇ . ئەلۋەتتە مەن  ‹‹ بۇ تېمىنى مۇنداق ئىشقا ئىشلىتەتىم ›› دەپ ئەسكەرتىپ تەڭرىتاغ تورىنىڭ رۇخسىتىنى ئالغاندىن كېيىن شۇ ماقلىنى كۆچۈرۈپ بۇ يەردىكى ئۇقۇش تەتقىقات ئىشلىرىمغا ئىشلىتىمەن . سىزمۇ تېلفۇن قىلىپ رۇخسەت ئالغان ئاساستا مەزمۇندىن پايدىلانسىڭىز بولىدۇ ئەمەسمۇ .    گىرمانىيەدە بىر تور بەتتىن مەزمۇن ئالسا شۇ ئاپتورنى ئىزدەپ تىپىپ رۇخسىتىنى ئالىدۇ ، بىزنىڭ ئۇ يەردە ....    ھەتتا تەڭرىتاغ تورىنىڭ رۇخسىتىنىمۇ ئالماي ئىشلىتىدىغانلار كۆپ . سىزنىڭ توردىكى نامىڭىز مۇئەللىم ئىكەن ، ئەجەبا مۇئەللىم بولغۇچى باشقىلارنى ئەمگىكىنى ئاسىرمىسىمۇ بولامدۇ ؟ بىزنىڭ ئۇيغۇر مەدىنىيىتى شۇنداق مەدىنىيەتمۇ ؟

kulke

	musapirbala يوللىغان ۋاقتى  2011-11-14 16:55 مەن خىلى مەزمۇننى ئالىمەن ، لىكىن تېلفۇن قىلىپ دەپ قوي ... ئاڭلىسام فىرانسىيدە توردىكى ماتىرياللاردىن پايدىلانسا ئاپتور ۋە مەنبە تور بەتنىڭ تارخىنى قىسقىچە توختىلىدىكەن راس شۇنداقمۇ ؟

musapirbala

	kulke يوللىغان ۋاقتى  2011-11-14 17:00 ئاڭلىسام فىرانسىيدە توردىكى ماتىرياللاردىن پايدىلان ... ئۇنى ئۇقمۇدۇم ، بىزدىن باشقا جىق يەرلەردە خەقنى ئەمگىكىنى بەك ھۆرمەتلەيدۇ

تەڭرىتاغ

	saray يوللىغان ۋاقتى  2011-11-14 14:40 مەن گۇمانلىنىمەن، بۇ بىزنى ئالداپ ئاغزىمىزغا قۇرۇق سو ... ئەسسالامۇ ئەلەيكۇم ساراي ئەپەندى ، سىرتتا بولۇپ قېلىپ ئىنكاسىڭىزنى ۋاقتىدا كۆرمەپتىمەن . سىز گېپىڭىزدە تۇنجى بولۇپ مۇنبىرىمىزدىن گۇمانلىنىپسىز ، مۇنبىرىمىزنىڭ سىز دېگەندەك تېمىلارنى چىقارمىغانلىقى توغرىسىدا قانداق ئىسپاتىڭىز بار ؟ گەپ قىلساقمۇ ئويلاپ تۇرۇپ قىلايلى ، بولمىسا شارائىت يار بەرسە سىزگىمۇ باشقۇرغۇچىلىق ھوقۇقىنى بېرەيلى ، ئۆزىڭىز كۆرۈپ بېقىڭ ، بىزگە زادى قانداق تېمىلار كېلىۋاتىدۇ ؟ بىز زادى قانداق تېمىلارنى چىقىرىۋاتىمىز ؟ ئۆزىڭىز بىر ھېس قىلىپ ئاندىن بىر نەرسە دەسىز . بىز ئادەتتە مۇنبىرىمىزگە كېلىۋاتقان تېمىلارنىڭ 98 پىرسەنتىنى تولۇق چىقىرىۋاتىمىز ، بەزى گەپنىڭ ئالدى - كەينى يوق ، نېمە دېمەكچى بولغانلىقى ئېنىق ئەمەس ئەدەبىي ئەسەر ۋە باشقا ئەسەرلەرنى چىقارمىدۇق ، مېنىڭچە ئۇنداق تېمىلارنى باشقا مۇنبەرلەردىمۇ چىقارمايدۇ .    سىز ئىنكاسىڭىزدا ‹‹ سىزنىڭ كىم بىلەن سۆھبەتلەشكۈڭىز بار ؟ ›› دېگەن تېمىنى ئوتتۇرىغا قويۇپسىز ، ئۆزىڭىز كۆرگەنسىز ، ئاشۇ تېمىغا چۈشكەن ئىنكاسلارنى ، شۇلارنى بىز تولۇق بەردۇق ، ئەزالارنىڭ پىكىر ھوقۇقىغا ھۆرمەت قىلدۇق ، بىراق نۇرغۇنلىغان تورداشلار ئۆزىنىڭ ئويلىغىنىنى دېدى ، بىزنىڭ مەقسىتىمىز مۇنبەرنى ئۇنىۋېرسال مۇنبەر قىلىپ قۇرۇپ چىقىش ھەرگىزمۇ سىز دېگەندەك پەقەت ھۆكۈمەتنىڭ قائىدە - قانۇن ، سىياسىي نىزاملىرى تەكىتلىنىدىغانلا مۇنبەر قىلىپ قويماسلىق . سىز ئىنكاسىڭىزدا خەلق تۇرمۇشىنى تەكىتلەپسىز ، مېنىڭچە ئاددىي قىلىپ ئېيتقاندا مۇنبەرنى ياخشى باشقۇرۇش ، دۆلەتنىڭ ۋە ئاپتونوم رايونىمىزنىڭ خىلمۇ خىل سىياسەت فاڭجىنلىرىنى يەتكۈزۈش ، خىلمۇ خىل ئىمتىھان ئۇچۇرلىرىنى يەتكۈزۈشنىڭ ئۆزىمۇ خەلق تۇرمۇشىغا كۆڭۈل بۆلگەنلىك ھېسابلىنىدۇ . مۇنبىرىمىز يوقلۇقتىن بارلىققا كېلىپ ، تېخى سىناق تەرىقىسىدە ئېچىلىۋاتىدۇ ، بىراقلا سىز دېگەندەك مۇكەممەل ئۆلچەمگە يېتىش سىزچە شۇنداق ئاسانما ؟     يەنە بىر تەرەپتىن ، مۇنبەر ئېچىلغىلى بىر ئايدىن ئاشتى ، سىز خەلق تۇرمۇشىغا ئائىت قانچە تېما يوللىدىڭىز ؟ نەچچىسى بىز تەرىپىمىزدىن ئۆچۈرۈۋېتىلدى ؟ سىزنىڭ يوللىغان تېمىلىرىڭىزنىڭ مەزمۇنى زادى قانداق ؟ سەۋەب ، پاكىت ، دەلىل - ئىسپاتلىرى تولۇقمۇ ؟ بولسا ئۆزىڭىزنىڭ خەلق تۇرمۇشىغا ئائىت يوللىغان تېمىلىرىڭىزدىن بىزنى خەۋەردار قىلسىڭىز ، مۇنبەرداشلارمۇ خەۋەر تېپىپ باقسا ، ئەگەر ھەقىقەتەن سىز خەلق تۇرمۇشىغا ئائىت تېما يوللاپ تېمىڭىز مەن ياكى باشقا باشقۇرغۇچىلار تەرىپىدىن ئۆچۈرۈلگەن بولسا مەن بۇنىڭغا تۇشلۇق جاۋاب بېرىمەن ۋە مۇنبەر ئىچىدە تېگىشلىك جازاغا تارتىلىشقا قايىلمەن . بولسا مۇشۇ سوئاللىرىمغا بىر جاۋاب بەرسىڭىز . قالغىنىنى يەنە پىكىرلىشەرمىز .

tuman

	باشقۇرغۇچىلار قېنى  سىلەر

musapirbala

	tuman يوللىغان ۋاقتى  2011-11-14 17:43 باشقۇرغۇچىلار قېنى  سىلەر ؟ سىز كورما ؟ خوشاقمىغاندەك ئىنكاس يوللاپ ، ئۈسىتدە تۇرمامدۇ باشقۇرغۇچىلار

harsan

	«تەڭرى تاغ ئۇيغۇر مۇنبىرى» كەڭ تورداشلارغا ئېچىۋېتىلىپ ياخشى بولدى. بۇ ھۆكۈمەت بىلەن پۇقرالار ئوتتۇرسىدا كۆۋرۈكلۈك رول ئويناپ  ،كەڭ ئامما بىلەن ھۆكۈمەتنى يېقىنلاشتۇرىدۇ. مۇنبەردىكى تېمىلارنى باشقا مۇنبەرگە يۆتكىگەندە مۇنبەر نامىنى .ئىزھاھلاپ ئىشلىتىشكە بولارمۇ ؟

musapirbala

	harsan يوللىغان ۋاقتى  2011-11-14 18:03 «تەڭرى تاغ ئۇيغۇر مۇنبىرى» كەڭ تورداشلارغا ئېچىۋېتىلى ... گەرچە مەن باشقۇرغۇچى بولمىساممۇ لىكىن سىزنىڭ مەزمۇن كۆچۈرگەندە ئاۋال مۇنبەرنى ئاندىن يازغۇچىنى ئەسكەرتىشىڭىزنىڭ ئۈمىد قىلىمەن ، ئاپتورلارنىڭمۇ ئەمگىكىنى قەدىرلەيلى .... مەسىلەن : تەڭرىتاغ ئۇيغۇر توردىكى مۇساپىر بالىنىڭ ئەسىرى .... دىگەندەك .

بىلگئەر

	ھا.... ھا.... تازىمۇ قىزىقچىكەنسىلەر. خاپا بولماڭلار. ھەرقايسىڭىزلار تاغتۇرايىمىزغا كەلگىنىڭلاردىن خەۋەرسىز قاپتۇق. پىقىر بۈگۈن شىكارگا چىقىپ كەتكەن. ھازىر قايتىپ كىلىپ كۆرۈشۈم. كۆپچىلىك مۇنبىرىمىزدىكى بەزى ئۆزلىرى قولايسىز دەپ ھىس قىلغان ۋە مۇۋاپىق بولمىغان مەسىلىلەرنى ئوتتۇرغا قويۇپتۇ. مۇنبەردە سىلەرنىڭ خىزمىتىڭلارغا بىز ھەرقاچان تەييارمىز. بەزى مەسىلىلەر بىرئاز  زىددىيەتلىك، ھازىر مۇنبەر سىناق باسقۇچىدا تۇرۋاتقان بولغاچ، بەزى ئىشلار سىلەرنىڭ ئويلىغىنىڭلاردەك بولماسلىقى ، مۇكەممەل بولماسلىقى مۇمكىن. لىكىن چوقۇم ئەڭ ياخشى ھەل قىلىش چارىسىنى تاپالايمىز. بۇنىڭغا ئىشەنچىمىز كامىل. ئەلۋەتتە سىزلەرنىڭ يىقىندىن قوللاپ قۇۋەتلىشىڭلار، تەكلىپ -پىكىر بېرىشىڭلاردىن بىز چوقۇم قىسقا مۇددەت ئىچىدە بىر ياخشى لايھىيە تۈزۈپ سىلەرگە جاۋاب بېرىمىز.           مۇئەللىم ئەپەندى ئەمدى بىزنىڭ تاناۋىمىزنى تارتىپ يۈرمەي، ياخشى تەكلىپ- پىكىرلىرىڭىز بولسا كۆرسەتمە بەرسىڭىز. ئەرىكمان سىزمۇ گەپنى ئېچىتماي ئولتوسىلا ، ماقىما. ئەلپازلىرىدىن خۇددى بىز يامان ئىش قىلىپ قويغاندەك ھىس قىلىپ قالىدىكەنمەن. بۇ ھىچقانداق بىر چوڭ مەسىلىمۇ ئەمەسكەن. بۇنداق مەسىلىنى كىتىپ بىرىپ ھەل قىلىۋالىمىز.

تەڭرىتاغ

	مەن ئەمدى مۇئەللىمنىڭ سوئالىغا جاۋاب بېرىپ ئۆتەي . تورىمىز ۋە مۇنبىرىمىز ھەقىقەتەن سىز دېگەندەك خەلققە پارتىيە ۋە ھۆكۈمەتنىڭ خىلمۇ خىل سىياسەتلىرىنى ، قانۇن - تۈزۈملىرىنى يەتكۈزۈشتەك مەجبۇرىيەتنى ئۆز ئۈستىگە ئالغان . بىراق خېلى ئۇزۇن ۋاقىتتىن بۇيان ، بىر قىسىم تور بېكەتلەر تورىمىزدىكى خەۋەر - ماقالىلەرنى قالايمىقان كۆچۈرۈپ ئۆز تور بېتىگە چاپلىدى . يا نەدىن ئېلىنغىنى يوق ، كېلىش مەنبەسى يوق ، يا بولمىسا تەپتارتمايلا ئۆز نامىدا ئېلان قىلىۋەردى ، باشقىلارنىڭ ئەمگەك مېۋىسىنى قىلچە ئىككىلەنمەستىنلا ئۆزىنىڭ قىلىۋالسا بۇنىڭغا ھەر قانداق ئىنسان چىدىمايدىغۇ دەيمەن . بەلكىم نۇرغۇنلىغانلار بىلمەيسىلەر ، بىز تەڭرىتاغ تورىدىكى 14 نەپەر مۇخبىر ۋە مۇھەررىر كۈندۈزى باش كۆتۈرمەي دېگۈدەك ئىشلەيمىز ، خەۋەر تەرجىمە قىلىمىز ، تۆۋەندىن كەلگەن ماقالىلەرنى تەھرىرلەيمىز ، مۇخبىرلىققا چىقىمىز ۋە باشقىلار . ئىشقىلىپ بىر كۈن ۋاقتىمىز ناھايىتى ئالدىراشچىلىقتا ئۆتىدۇ . ئادەم ھېرىپ ئۇھ دېگەندە تورىمىزغا چىققان ئۆزىمىزنىڭ ئەمگەك مېۋىسىنى كۆرۈپ ھاردۇقلىرىمىز چىقىشىدۇ . لېكىن بىزنىڭ تور بېكەتكە چىقىپ بەش مېنۇت ئۆتە - ئۆتمەيلا بىز جاپا تارتىپ تەرجىمە قىلىپ ، تەھرىرلەپ تورغا چىقارغان ماقالە - ئەسەرلەر باشقا بىر قىسىم تور بېكەتلىرىنىڭ تور بەت يۈزىدە مۇستەقىل ھالدا پەيدا بولىدۇ ۋە شۇ تور بېكەتنىڭ ئۆزىنىڭ ماقالە - ئەسىرىگە ئايلىنىپ كېتىدۇ . دەپ بېقىڭلار ، بىز زادى قانداق قىلىشىمىز كېرەك ؟ نۇرغۇنلىغانلار بۇنىڭغا نىسبەتەن تەدبىر قوللىنىش كېرەك دېدى ، شۇنىڭ بىلەن بىز ئاشۇ بىزنىڭ ماقالە - ئەسەرلەرنى كۆچۈرۈپ ئېلىپ تېمىسىنى ئەسكەرتمىگەن تور بېكەتلىرىگە تېلېفۇن قىلىپ ئەھۋالنى ئىنكاس قىلدۇق ، ئۇلارمۇ بۇنىڭدىن كېيىن شۇنداق قىلىدىغانلىقىنى بىلدۈرۈشتى . لېكىن ئىككى كۈندىن كېيىنلا ئۆز سەنىمىگە دەسسىدى . قانداق قىلىش كېرەك ؟ ئامالسىز ئوتتۇرىغا قالايمىقان كود قوشىۋەتتۇق ، مەقسىتىمىز ئاشۇنداقلارنى ئۆزگىرەمىكىن دېگەن ئاساستا . بىراق ئۇلار يەنىلا قىلىدىغىنى قىلىۋاتىدۇ . سىزمۇ بۇ تېمىنى ناھايىتى دەل ۋاقتىدا ئوتتۇرىغا قويۇپسىز ، بۇنى يەنىلا سىلەر ھەل قىلىسىلەر ، بىز توردا بەرگەن ماقالە - ئەسەرلەرنى سىلەر نازارەت قىلىڭلار ، باشقا تورلاردا كۆرسەڭلار شۇ تور بېكەتنى مەنبەنى ئەسكەرتىشكە دەۋەت قىلىڭلار ، كۆپنىڭ كۈچى كۆپ بولىدۇ ، تور مۇھىتىمىز ساپلاشسا ، تور ئوغرىلىرى ، كىشىلەرنىڭ ئەمگەك مېۋىسىنى خالىغانچە ئوغرىلايدىغانلار ئازايسا بۇ ئەھۋالمۇ تەبىئىيلا ھەل بولىدۇ .

noshirwan

	باشقا تور بەتلەرگە كۆچۈرۈشتە مەنبەنى ۋە ئاپتورىنى ئېنىق ئەسكەرتىپ كۆچۈرسە بولىدۇ، دەپ ئويلايمەن. قانۇندىمۇ شۇنداق بەلگىلەنگەن. ئەگەر ئەسەر ئاپتورى باشقا تور بەتلەرگە كۆچۈرۈشكە بولمايدۇ دەپ  ئالاھىدە ئەسكەرتكەن بولسا، كۆچۈرۈش ئۈچۈن ئاپتورنىڭ ئىجازىتىنى ئېلىش زۆرۈر. بۇ مۇنبەردىكى ئەسەرلەرنى ۋوردقا كۆچۈرگىلى بولمايدىغان قىلىپ چەكلەپ قويدى دەپ ئاڭلىمىدىم. كۆچۈرۈپ باقسام، كۆچۈرىلىۋاتىدۇ.