ئەرلەر چىرايلىق قىزلارغا قارىسا ئۆمرى ئۇزۇن بولىدىكەن

tursun007

	ئەرلەر چىرايلىق قىزلارغا قارىسا ئۆمرى ئۇزۇن بولىدىكەن     ئەرلەرنىڭ گۈزەل قىزلارغا قارىشى ئۇلارنىڭ تۇغما ئىنكاسى بولۇشىدىن باشقا يەنە مۇنداق بىر پايدىلىق تەرىپى بار. ئەنگىلىيە مەلۇم بىر تەتقىقات ئورنىنىڭ ئىسپاتلىشىچە، ئەرلەر كۈندە نەچچە مىنۇت گۈزەل قىزلارغا قارىسا ئۆمرى 4-5 يىلغىچە ئۇزۇن بولىدىكەن.     ئەنگىلىيە مەلۇم تەتقىقات ئورنى 5 يىل سەرىپ قىلىپ 200 نەپەر ئەرگە سىناق ئېلىپ بارغان. بۇلار كۈندە گۈزەل قىزلارغا قاراپ بەرگەندىن كىيىن ئۇلارنىڭ قان بىسىمى تۆۋەنلەپ، تومۇر سوقىشى نىسبەتەن ئاستا بولغان، بۇنداق بولغاندا ئۆمرىنى 4-5 يىلغىچە ئۇزارتقىلى بولىدىكەن. ئەرلەر ئەدەپ بىلەن چىرايلىق قىزلارغا قاراپ بەرسە، يەنى كۈندە 10 مىنۇت داۋاملاشتۇرسا، ئۇ خۇددى گۈزەل تەبىئەت مەنزىرىسىدىن ھوزۇرلانغاندەك ھىس قىلىپ،30مىنۇت تەنھەرىكەت بىلەن شۇغۇللانغاندەك ئۈنۈمگە ئىرىشىدىكەن.     گەرچە ئەرلەر تۇيۇقىسىز گۈزەل بىر قىزنى ئۇچىرىتىپ قالسا جىددىلىشىپ، يۈزلىرى قىزىرىپ پۇت قوللىرى كالاڭلىشىپ كەتسىمۇ، لىكىن بۇ خىل ھالەت داۋاملاشسا تەبىئى ھالدا كەيپىيات ئۆزىنىڭ مۇقىملىقىنى ساقلاپ تۇراقلىشىدىكەن.  ھەم ھەرخىل يۈەك قان تومۇر كىسەللىكلىرىنىڭ پەيدا بولۇشى تۆۋەنلەيدىكەن.

جانان

	ئەمدى ئۆمرىمىزنى ئۇزارتىمىز دەپ گۈزەل قىزلارغا ھاڭۋېقىپ، يىقىلىپ چۈشكىنىڭلارنىمۇ بىلمەي قالماڭلار يەنە. ئاخىرىغا بېرىپ ئۆز ئايالىڭلاردىن تىل ئىشىتىپ، چىرايلىق قىزلارغا قارىغاندىكى ھوزۇرمۇ ھوزۇر بولماي قالارمىكىن.

mungdax

	بۇلىدىغان تېمىكەن.

سىنچى

	بۇ تېمىنىڭ ئۆزىلا بىر يۇمۇرىستىك تۇيۇلىدىكەن ، گۈزەللىككە ئىنتىلمەيدىغان ئادەم بولمىسا كېرەك ، بىراق قىزلاردىن ھوزۇرلۇنۇش رىيال تۇرمۇشقا ماس كەلمەيدىغان تەتقىقات تېمىسىكەن . مېنىڭچە ھەقىقىي تەبىئەت مەنزىرىلىرىدىن ھوزۇرلۇنۇشمۇ ئادەمگە ئوخشاشلا روھىي جەھەتتىن مەلھەم بولالايدۇ .

ئەلكۈن

	بۇمۇ بىر چىرايلىق قىزلارغا ھەييارلىق بىلەن قاراشنىڭ بىر باھانىسى بولسا كېرەك تەتقىقاتچى خېلى ئەستايىدىل تەتقىق قىلىپتۇ

Erkman

	مۇنۇ چىرايلىق قىزلارغا تازا قاراپ ئۇزۇن ئۆمۈر كۆرۈۋالغايسىزلەر

Erkman

	بۇلارمۇ بار جۇمۇ يەنە

بىلگئەر

	مەن بىرگەپنى ئاڭلىغان. بارلىق گۈزەللىكلەر يارتقۇچىغا خاستۇر.  «ياراتقۇچى ئىگىمىز، پۈتكۈل كائىناتتىكى گۈزەللىكلەرنى 1000 غا بۆلۈپ، ئۇنىڭ 999 نى جەننەتكە خاس قىپتۇدەك. قالغان 1 نى يەنە 1000 غا بۆلۈپ، ئۇنىڭ 999 نى مەريەم ئانىمىزغا بىرىپتۇدەك. قالغان 1 نى يەنە 1000 غا بۆلۈپ، ئۇنىڭ 999 نى يۈسۈپ ئەلەيھىسسالامغا بىرىپتۇدەك. قالغان 1 نى ئىنسانلارغا ۋە ئىنسانلار ياشاۋاتقان دۇنياغا بىرىپتۇدەك.»        بەلكىم ئەرلەرنى  چىرايلىق ئاياللارغا كۆپرەك قاراشنىمۇ يارتقۇچى بەلگىلەپ قويغان بولۇشى مۇمكىن. بۇنىڭدا نە چارە.

Erkman

	ئېمىل زولانىڭ «بىدىك» ناملىق ھېكايىسى ئېسىمگە كېلىۋاتىدۇ! ئەڭ گۈزەل بىر خېنىم  ئەرلەرنىڭ بەرى ماڭا قارىماي قالارمىكىن، دەپ ئەڭ كۆرۈمسىز بىر خانىمنى كوچىلاردا  ئۆزىگە ھەمراھ بولۇپ مېڭىشقا ياللىۋالىدۇ!

tumar

	كەلگۈسىدە مەن توي قىلغان يىگىت مەندىن ئۇزۇن ئۆمۈر كۆرگۈدەك