غۇلجا شەھىرىدە 2000 كىشىلىك ۋىلسىپىت مىنىش پائالىيىتى ئۆتكۈزۈلدى
2012- يىلى 9 ئاينىڭ 23- كۈنى يەكشەنبە ئەتىگەن سائەت 7 لەر بىلەنلا غۇلجا شەھىرىنىڭ كونا كۆۋرۈك بىلەن يېڭى كۆۋرۈكنى تۇتاشتۇرىدىغان شەھەر ئايلانما يولى ،كىشىلەر بىلەن لىق تولۇپ قىزىپ كەتتى. بۇ يەرگە 3000 چە كىشى يىغىلىپ << ئانا دەريانى قوغداپ، مۇھىتنى ئاسراپ،گۈزەل ، پاكىز غۇلجا قۇرۇپ چىقايلى >> تېمىسىدىكى 2000 كىشىلىك مۇھىت ئاسراش ۋىلسىپىت مىنىش پائالىيىتى ئېلىپ بېرىش ئۈچۈن قىزغىن تەييارلىق قىلىنىۋاتاتتى . بۇ قېتىمقى ۋىلسىپىت مىنىش پائالىيتىگە غۇلجا شەھىرىنىڭ ھەر قايسى يېزا - كەنت، ئىش باشقارما، ۋە ئىدارە- ئورگان خىزمەتچىلىرى قاتناشقان بولۇپ، ۋىلسىپىت مىنىش پائالىيتىگە قاتناشقان ماھىرلار 2000 دىن ئاشىدۇ. بۇ قېتمقى پائالىيەتكە شەھەرلىك پارتكوم شۇجىسى لىنىڭپىڭ قاتارلىق شەھەرلىك پارتكوم شۇجىلىرى ۋە شەھەر باشلىقلىرىمۇ قاتناشتى. ۋىلسىپىت ئەترىتى ئەتىگەن سائەت 8 دە غۇلجا شەھەرلىك پارتكوم قوروسى ئارقىسىدىكى شەھەر ئايلانما يولىدىن يولغا چىقىپ، يېڭى ئىلى دەريا چوڭ كۆۋرۈكى ئارقىلىق مېڭىپ، كونا ئىلى دەرياسى كۆۋرۈگى يۆنىلىشىدىن قايتىپ كەلدى. بۇ پائالىيەت ئارقىلىق كەڭ ئامما ۋە دۆلەت كادىرلىرىغا مۇھىت ئاسراش ، ئىلى دەرياسى ۋە ئىلى دەريا ساھىلىنى قوغداش تەربىيەسى ئېلىپ بېرىلدى. شەھەرلىك پارتكومدىكى مۇناسىۋەتلىك رەھبەرلەرنىڭ ئېيتىشىچە غۇلجا شەھىرى يېقىنقى بىر قانچە يىلدا مۇھىت ئاسراش ۋە شەھەر قۇرۇلۇش سالمىقىنى كۈچەيتىپ، مۇھىت ئاسراشنى شەھەر قۇرۇلۇش خىزمىتىنىڭ ئالدىنقى شەرتى قىلىپ، ئىلى دەرياسى ئىككى قىرغىغىنى مەركەز قىلغان گۈزەل، مۇھىتى ساپ غۇلجا بەرپا قىلىپ چىقىدىكەن .
تۆۋەندىكىسى پائالىيەتتە تارتىلغان خاتىرە سۈرەتلەر .
غۇلجا ئۇچۇر تورى خەۋىرى : www.ghulja.biz
يوللىغان ۋاقتى 2012-9-23 15:16:28
