ئەر كىم ، خوتۇن كىم؟
ئەر شەرىئەت بويىچە خوتۇننى ئۆزىگە يولداش بولۇشقا قوبۇل قىلغۇچىدۇر. ئەر خوتۇننى جاچا مۇشەققەتلەردىن ، زىيان زەخمەتلەردىن قوغدىغۇچىدۇر. خوتۇننىڭ بىلمەي قىلغان ئىشلىرىنى كەچۈرۈپ ياخشى نەسىھەت قىلغۇچى ۋە ھەر ۋاقىت خوتۇنىنى شەپقەت قاناتلىرى ئاستىدا تەربىيە قىلىپ تۇرغۇچىدۇر. ئەر خوتۇنىغا نىسبەتەن ھەر ۋاقىت ياخشىلىق قىلغۇچىدۇر. ئەر خۇتۇنىنى كۈچى يەتمەيدىغان ئىشلارنى قىلىشقا زورلىماسلىق كېرەك. خوتۇنىغا نىسبەتەن قاتتىق كۆڭۈللۈكتىن ۋە ئۆيدىن چىقىپ كەتكەندە قەيەرگە كەتكەنلىكىنى بىلدۈرمەي يۈرۈشتىن ساقلىنىش كېرەك.
خوتۇن كىم؟
خوتۇن شەرىئەت بويىچە بىر ئەرنىڭ تىرىكلىك يولدىشىدۇر ، ئېرىنىڭ ئۆيىگە ۋە ھويلىغا خۇجا بولغۇچىدۇر. ئېرىنىڭ ھەسىرەتلىك ۋە كۆڭۈلسىز چاغلىرىدا ئېرىنىڭ كۆڭلىنى كۆتۈرگۈچىدۇر، قانداقلا بولسۇن ئېرىنى خۇشال قىلىشقا تىرىشقۇچىدۇر .
خوتۇن ئېرىنىڭ مال مۈلكىنى ساقلىغۇچى، پۇلىنى ئىسىراپ قىلماي خىراجەت قىلىشقا تىرىشقىچىدۇر. ئېرىنىڭ بالىلىرىنىڭ تەن ۋە كۆڭۈللىرىنى ئاسىرىغۇچى ، ئېرىدە بولغان ناچار ئادەت ناچار مىجەزلىرىنى تۈگۈتۈشكە سەۋەپ بولغۇچىدۇر ۋە ئېرىنىڭ قاتتىق كۆڭلىنى يۇمشاتقۇچىدۇر.
خوتۇن پات پات ئويناپ تۇرىدىغان ئويۇنچۇق ئەمەس.
خوتۇن بۈگۈنى كىيىپ ئەتىسى تاشلايدىغان كىيىم ئەمەس.
خوتۇن ھايۋان ئەمەسكى ، ياقسا بېقىپ ياقمىسا بازارغا ئاپىرىپ سېتىۋېتىدىغان .
خوتۇن خىزمەتكار ئەمەسكى ياخشى ئىشلىسە ساقلاپ ياخشى ئىشلىمىسە قوغلىۋېتىدىغان.
خوتۇن ئۇ بىر ئەرنىڭ قولىغا قول، پۇتىغا پۇت بولىدىغان ئۆمۈرلۈك ياخشى ھەمراھدۇر.
مەنبە دانالىق ھېكىمەتلىرى ناملىق كىتاپتىن ئېلىندى.
يوللىغان ۋاقتى 2012-9-21 15:30:45
