سادامنىڭ ئەڭ ئاخىرقى مۇھاپىزەتچىسى: ‹‹سادامغا ئۆڭكۈرنى مەن كولاپ ب

ttuqur

	سادامنىڭ ئەڭ ئاخىرقى مۇھاپىزەتچىسى: ‹‹سادامغا ئۆڭكۈرنى مەن كولاپ بەرگەن››     ئىراقنىڭ سابىق زۇڭتۇڭى سادام بۇنىڭدىن 9 يىل ئىلگىرى يۇرتىدىكى تىكىرىت دىگەن جاينىڭ يېنىدىكى بىر دېھقانلار تۇرالغۇسىدىكى ئۆڭكۈردە ئامېرىكا ئارمىيەسى تەرپىدىن تۇتقۇن قىلىنغان. شۇ يىلى سادامنى يوشۇرۇپ قويغان‹‹ئەڭ ئاخىرقى مۇھاپىزەتچى›› ئاررا نامىچ يېقىندا ئاخبارات ۋاستىلىرىنىڭ زىيارىتىنى قوبۇل قىلىپ، دۇنياغا ئۆزىنىڭ سادامنى يوشۇرۇش ۋە مۇھاپىزەت قىلىش جەريانىنى تۇنجى قېتىم بايان قىلغان. شۇنىڭ بىلەن بىر ۋاقىتتا، ئامېرىكا ئارمىيەسى ئالاھىدە ئورۇش قىلىش قۇماندانلىق ئىشتابىنىڭ بىر باياناتچىسى سادامنى قولغا ئالغان چاغدىكى كۆپ قىسىم تەپسىلاتلارنىڭ يەنىلا مەخپىي ئىكەنلىكىنى بىلدۈرگەن.    ئاررا نامىچ  16-ئاۋغۇست‹‹ۋاشىنگىتون پوچتا گېزىتى››گە ‹‹سادامغا ئۇ ئۆڭكۈرنى مەن كولاپ بەرگەن››،دېگەن. ئاررا نامىچ  ئېيىتقان ئۆڭكۈر سادام ئەينى يىلى يۇشۇرۇنغان ‹‹ ئۆمۈچۈك ئۆڭكۈرى››نى كۆرسىتىدۇ، ئۇ ئۆڭكۈر ئىنتايىن كىچىك يەرئاستى ئاكوپى بولۇپ، ئاررا نامىچنىڭ تۇرالغۇسىنىڭ تۆۋەن تەرىپىگە جايلاشقان. ئاررا نامىچ  2003-يىلى 3-ئايدا ئامېرىكا ئارمىيەسى ئىراققا تاجاۋۇز قىلىپ كىرگەندىن كېيىن، سادامنىڭ ئادېۋا بازىرىغا كېلىپ ئۆزىدىن ياردەم سورىغانلىقىنى، بۇنىڭغا ئۆزىنىڭ خۇشاللىق بىلەن قۇشۇلغانلىقىنى ئېيىتقان.  ئاررا نامىچ  : ئەرەب قەبىلىسىنىڭ ئەنئەنىسىگە ۋە ئىسلام قانۇنىغا ئاساسەن، بىرەر ئادەم ياردەمگە مۇھتاج بولغان چاغدا، كىشىلەر ياردەم قولىنى سۇنىشى كېرەك، دىگەن.    ئاررا نامىچ: سادام كەلگەندىن تارتىپ قولغا ئېلىنغىچە بولغان مەزگىلدە، ئۆزىنىڭ ۋە ئائىلىسىدىكىلەرنىڭ سادامنىڭ تۇرۇشلۇق ئورنىنى يۆتكەپ تۇرىشىغا ئۆزلىكسىز ياردەم قىلغانلىقىنى، سادام قېچىپ يۈرگەن مەزگىلدە زادىلا يان تېلىفۇن ئىشلەتمىگەنلىكىنى، چۈنكى ئۇ ئامېرىكىلىقلارنى نازارەت قىلىدۇ دەپ قارايدىغانلىقىنى ئېيىتقان. سادام نۇرغۇن ۋاختىنى كىتاپ ئۇقۇش ۋە يېزىقچىلىققا سەرىپ قىلغان، ئۇنىڭ نەسىر ۋە شىئېر لىرىنى ئۆزئىچىگە ئالغان بارلىق ئەسەرلىرى ئەڭ ئاخىرى ئامېرىكا ئارمىيسى تەرىپىدىن مۇسادىر قىلىنىپ كەتكەن. ئەنگىلىيە ‹‹پۇل مۇئامىلە ۋاقىت گېزىتى››نىڭ 16 –ئاۋغۇستتىكى خەۋرىدە مۇنداق دېيىلگەن: ئاررا نامىچ سادامنىڭ ئايالى ۋە قىزلىرىغا خەت يازغانلىقىنى لېكىن ئۇلارنى ئۆزىنىڭ كۆرۈپ باقمىغانلىقىنى، پەقەت ئىككى ئوغلى ئۇداي بىلەن كۇسايلار ئۇنى كۆرگىلى كەلگەنلىكىنى، شۇ قېتىمقى مەخپىي ئۇچۇرۇشىشنى ئۆزىنىڭ ئورۇنلاشتۇرغانلىقىنى ئېيىتقان .    بۇنىڭدىن سرت، سادام يەنە بىر نەچچە قېتىم لىنتىغا ئېلىنغان كەسكىن نۇتۇق سۆزلەپ، ئۆزىنىڭ قولۇغۇچىلىرىنى ئامېرىكىلىقلار بىلەن كۈرەش قىلىشقا رىغبەتلەندۈرگەن. ئاررا نامىچ ئامېرىكىلىقلارنىڭ لىنتىغا ئېلىنغان نۇتۇقنى يىپ ئۇچى قىلىپ سادامنىڭ ئىزدىرىكىنى سۈرۈشتۈرۈشى دىن قورقۇپ، ئۆزىنىڭ سادام بىلەن بىرلىكتە ئۇ نۇتۇقلارنى كىچىك ئۈنئالغۇغا ئالغانلىقىنى، يەنە ماشىنا بىلەن ئالاھىدە 10مىل يىراقلىقتىكى ساماررا شەھىرىگە بېرىپ شەھەر قاتنىشىنىڭ ئاۋازىنى لېنتىغا ئالغانلىقىنى ئېيىتقان.    2003-يىلى 13-دىكابىر ئاررا نامىچ  سادام بىلەن بىرلىكتە ئامېرىكا تەرىپىدىن قولغا ئېلىنىپ، تۈرمىدە ئازابلىق 6 ئاينى باشتىن كەچۈرگەن. ئامېرىكا ئارمىيەسى ئۇنى ھەركۈنى سوراق قىلىپ، ئۇنىڭغا زور كۆلەملىك قىرغىنچىلىق خاراكتېرىدىكى قوراللارنىڭ ۋە سادام ھاكىمىيىتىنىڭ باشقا يۇقىرى دەرىجىلىك ئەمەلدارلارنىڭ نەدىلىكىنى ئېيتىقۇزماقچى بولغان. سادامنىڭ ئادۋوكاتى بىر كىتاپتا ئەيىپلەپ، ئاررا نامىچنىڭ ئاكىسى ئامېرىكىلىقلارغا مەخپىيەتلىكنى ئاشكارىلاپ، سادامنىڭ قولغا ئېلىنىشىنى كەلتۈرۈپ چىقارغان دېگەن، لېكىن ئاررا نامىچ  بۇنى قەتئىي ئىنكار قىلغان.    ئاررا نامىچ  تۈرمىدىن چىققاندىن كېيىن بىر نەچچە يىل تاكسىي شوپىرى بولغان. بۇ بىر نەچچە يىلدىن بۇيان، ئۇ بىرئاز پۇل يىغىپ، يېقىندا بىر ئائىلە ئاشخانىسى ئاچقان. ئاررا نامىچ سادامنى يەنىمۇ ناھايىتى ھۆرمەت قىلىدىكەن، ئۇ: ‹‹سادام ئۆزىنىڭ ھامان بىر كۈنى ئەسىرگە ئېلىنىدىغانلىقىنى ۋە ئېتىلىپ كېتىدىغانلىقىنى بىلەتتى. ئۇ ئۆزىنىڭ ھەممە نەرسىدىن ئايرىلغانلىقىنى، ئەمدى زۇڭتۇڭ ئەمەسلىكىنى چۈشەنگەن، شۇنىڭ ئۈچۈن بەزى يېڭى ھەرىكەتلەرنى قاناتيايدۇردى، يەنى ئىشغالىيەتچىلەرگە قارىشى غازات ئۇرىشى قىلدى. دۆلەت ئۈچۈن ئۆزىنىڭ بارلىقىنى، جۈملىدىن ئىككى ئوغلىنى قۇربان قىلدى››، دىگەن. تەرجىمە قىلغۇچى : مۇسا ئەخمەت

سوئال

	ئېچىلمىغان نى-نى سىرلار ۋاقىتنىڭ  ئۆتۈشى بىلەن ئاستا-ئاستا ئاشكارىلىنىدۇ...........

جەۋھەرى

	دۇنيادا «ئىشەنچ» دەيدىغان نەرسە مەۋجۇت ئەمەس... ئەڭ ياخشىسى ئىنسان ئۆزىگىلا ئىشىنىش كېرەك...

KALBIM

	كونىلارنىڭ تۆمۈر  ئىشتان  ئىچىدە  ئۇسۇرۇپ قويسىمۇ  پۇرايدۇ دېگىنى راستە...........دۇنيادا ئۆزىدىن باشقا كىمگە  ئىشەنگىلى بولسۇن.....

吐鲁汗

	دۇنيادا ئىچىلمايدىغان سىرمۇ بارمىدۇ؟

SARBAX

	ن كەمبىغەكلسىرسىز دۇنيا ئەمەسمۇ بەلكىم ئاشكارلانمايدىغان سىر بار .

سوئال

	ئىشقىلا بولىدىكەن شەيئىگە تەشنا، مۇراتقا  يېتىدۇ  ھەركىمكى ئەسنا.

RaMJaNi

	ساداممۇ دەسلەپتە ئوزىگە بەك ئشەنگەن

ronaK0000000

	مەيلى بۇ راس ياكى يالغان بولسۇن بۇ ئەڭ ئاخىرقى قوغدىغۇچى .ئۇزنىڭ قىلىشقا تىگىشلىك مەجبۇريىتىنى ناھايىتى ياخشى ئورونلاپتۇ.

جەرراﻫ

	ﻫەركىمنىڭ قىلغانلىرىنىڭ ئاخىرى ﻫېساپ بېرىدىغان ۋاقتى بولىدۇ