مۇنبەردىكى شائىر ۋە شائىرەلەرنىڭ مۇشائىرە ئېيتىشىش پائالىيىتى ئۆتكۈزۈلىدۇ
ئەسسالامۇ ئەلەيكۇم ھۆرمەتلىك مۇنبەرداشلار، تەڭرىتاغ مۇنبىرىنىڭ سادىق تورداشلىرى ياخشىمۇسىلەر، سىلەرنىڭ تىرىشچانلىقڭلار نەتىجىسىدە مۇنبىرىمىز يوقلۇقتىن بارلىققا كېلىپ، كىچىكلىكتىن زورىيىپ، ھازىرقى ئۇيغۇر مۇنبەرلىرى ئىچىدە ئۆزىنىڭ خاسلىقى ۋە مول مەزمۇنى بىلەن تېخىمۇ كۆپ تورداشلارنى ئۆزىگە جەلىپ قىلىپ، ئۆزىنىڭ رولىنى جارى قىلدۇرۇپ كېلىۋاتىدۇ ھەم جارى قىلدۇرۇپ كەلمەكتە. مۇشۇ مۇناسىۋەت بىلەن مەن ھەممىڭلارغا چىن كۆڭلۈمدىن ئۆزۈمنىڭ رەھمىتىنى بىلدۈرىمەن.
ھەممىمىزگە مەلۇم، مۇنبىرىمىزدە بىر تۈركۈم شائىرلىرىمىز بار، بۇ شائىرلىرىمىز خالىس ھالدا ئۆزىنىڭ جاپالىق ئەقلىي ئەمگىكى بەدىلىگە كەلگەن نادىر ئەسەرلىرىنى تورداشلىرىمىز ئۈچۈن ھەدىيە قىلىپ كەلمەكتە، مۇشۇ مۇناسىۋەت بىلەنمۇ، مۇنبەردىكى بارلىق شائىر ۋە شائىرەلەرگە بارلىق تورداشلارغا ۋاكالىتەن چىن كۆڭلۈمدىن رەھمەت ئېيتىدىغانلىقىمنى بىلدۈرىمەن.
مەقسەتكە كەلسەك، بىز ئىلگىرى نۇرغۇن ئىلمىي بەس-مۇنازىرىلەرنى تەشكىللەپ، مۇنبەردىكى ئەزالارنىڭ مۇستەقىل پىكىر قىلىش ئىقتىدارىنى ئۆستۈرگەنىدۇق. بۇ قېتىممۇ مۇنبىرىمىزدىكى بارلىق شائىر ۋە شائىرەلەرنىڭ يېزىقچىلىق ئىشلىرىغا تېخىمۇ ئىلھام بېرىش، تورداشلارنىڭ شېئىرغا بولغان چۈشىنىشىنى تېخىمۇ چوڭقۇرلاشتۇرۇش، مۇنبىرىمىزنىڭ تەسىر دائىرىسىنى تېخىمۇ كېڭەيتىش مەقسىتىدە مۇنبەردىكى شائىر ۋە شائىرەلەرنىڭ مۇشائىرە ئېيتىشىش پائالىيىتىنى ئۆتكۈزمەكچى.
پائالىيەتنىڭ ئاساسلىق مەزمۇنى بولسا، مۇنبىرىمىزدىكى شائىر ۋە شائىرەلەر مۇشۇ تېمىنىڭ ئاستىغا ئۆزلىرىنىڭ سىناپ بېقىشى توغرۇلۇق ئىنكاس يوللايدۇ، مۇنبەر باشقۇرغۇچىلار كوللىكتىپىمىز چەك تاشلاش ئارقىلىق مۇنبەردىكى شائىر ۋە شائىرەلەرنى ئىككى گۇرۇپپىغا ئايرىيدۇ( ئارىلاش گۇرۇپپا، قىزلار ياكى ئوغۇللار گۇرۇپپىسى ئەمەس) ، گۇرۇپپىغا ئايرىلىپ بولغاندىن كېيىن، باشقۇرغۇچىلار كوللېكتىپىمىز جەمئىيەتتە غۇلغۇلا بولۇۋاتقان، بەس-مۇنازىرە قىلىش ئەھمىيىتى بولغان تېمىدىن بىرنى ئوتتۇرىغا قويىدۇ، تېما ئوتتۇرىغا قويۇلغاندىن كېيىن، ئىككى تەرەپ ماھىرلىرى بىر تەرەپ مۇئەييەنلەشتۈرۈپ، يەنە بىر تەرەپ ئىنكار قىلىپ دېگەندەك، مۇنازىرىنى شېئىرىي شەكىلدە داۋام قىلىدۇ، قايسى تەرەپنىڭ نۇقتىئىنەزىرى كۈچلۈك، دەلىل ئىسپاتى ئورۇنلۇق ھەم كىشىگە بىر خىل ئىستېتىك ھوزۇر بېرەلىسە، شۇ گۇرۇپپا ئۇتۇپ چىققان بولىدۇ، مۇنبەردىكى تېمىلارنىڭ ۋاقىتچانلىقى بەك كۈچلۈك بولمىغانلىقى سەۋەبىدىن ھەر بىر شائىر ياكى شائىرە قاچان ۋاقتى بولسا شۇ ۋاقىتتا شۇ تېما توغرۇلۇق ئىنكاس شەكلىدە مۇنازىرە ئېلىپ بارسا بولىدۇ، ھازىر ھەممىڭلار مۇسابىقە مەزمۇنىنى بىرەر قۇر چۈشەندىڭلار، قالغان تەپسىلاتىنى مۇسابىقە رەسمىي باشلانغاندا ئېلان قىلىمەن. ئېنىقكى مۇسابىقىدە ئۇتۇپ چىققانلارغا مۇكاپاتمۇ بار.
قېنى ئەمىسە مۇنبىرىمىزدىكى بارلىق شائىر ۋە شائىرەلەرنىڭ بۇ پائالىيەتكە ئاكتىپ ئاۋاز قوشۇپ، ئۆزۈڭلارنىڭ ئەڭ يۇقىرى سەۋىيەسىنى نامايان قىلىپ، مۇنبىرىمىزدىكى بارلىق تورداشلىرىمىزغا خۇشاللىق ئاتا قىلىشىڭلارنى چىن كۆڭلۈمدىن ئۈمىد قىلىمەن.
مېنىڭ مۇنبەردىكى بارلىق شائىر ۋە شائىرەلەرگە دەيدىغىنىم، ئۆزۈڭلارنى نامايان قىلىدىغان سەھنە ھازىر بولدى، قېنى ئەمىسە قاراپ تۇرماي دەرھال تىزىملىتىڭلار ، قاتنىشىشنى خالايدىغانلار مۇشۇ تېمىنىڭ ئاستىغا ئۆزۈڭلارنىڭ قاتنىشىشنى خالايدىغانلىقى توغرىسىدا ئىنكاس يېزىپ قالدۇرساڭلار بولىدۇ. قېنى نېمىگە قاراپ تۇرىسىز، دەرھال تىزىملىتىڭ!!!
| 
يوللىغان ۋاقتى 2012-7-30 22:49:01
يوللىغان ۋاقتى 2012-7-30 23:22:13
