ئۈرۈمچى سىمفونىيە مەدەنىيەت تارقىتىش چەكلىك شىركىتى قورۇلدى
ئۈرۈمچى سىمفونىيە مەدەنىيەت تارقىتىش چەكلىك شىركىتى كىچىكلىكتىن تەرەققىي قىلىپ، ئاپتونوم رايونلۇق سودا-سانائەتنى مەمۇرىي باشقۇرۇش ئىدارىسىنىڭ تەستىقلىشى بىلەن بەلگىلىك مۇقىم مەبلەغقە، مۇنتىزىم خىزمەتچىلەر قوشۇنى ۋە ئىلغار مەدەنىيەت تارقىتىش ئەسلىھەلىرىگە ئىگە كارخانا بولۇپ قالدى.
سىمفونىيە مەدەنىيەت تارقىتىش چەكلىك شىركىتىنىڭ خادىملار قوشۇنى ئۇزۇن يىل ئېلانشۇناسلىق ۋە مەدەنىيەت تەتقىقاتى بىلەن شۇغۇللىنىپ، ھەرقايسى جايلاردا ئېلان تەشۋىقات خىزمەتلىرىنى ئىشلەپ كۆزگە كۆرۈنگەن، مول ئەمەلىي تەجرىبىلەرگە ئىگە خادىملاردىن تەشكىللەنگەن بولۇپ، مەدەنىيەت بايلىقلىرىنى قېزىش ۋە خەلققە يەتكۈزۈش، ئۇيغۇر ئېلانچىلىقىنىڭ تەرەققىياتىغا تۆھپە قوشۇش، مىللىي مەدەنىيىتىمىزنى ئورتاق گۈللەندۈرۈشنى مەقسەت قىلغان.
شىركەتنىڭ مۇلازىمەت دائىرىسى مەدەنىيەت ساھەسىگە مەبلەغ سېلىش، كارخانا-گۇرۇھلارنىڭ تۈرلۈك تەشۋىقات لىنيەلىرىنى پىلانلاش، رادىيو-تېلېۋىزىيە ئېلانلىرىنى ئىشلەش، سېنارىيە يېزىش، ھەرخىل سەنئەت كېچىلىكلىرىنى تەشكىللەش، يۇقىرى ئېنىقلىقتا سۈرەتكە ئېلىش، مۇزىكا ئىشلەش، مەخسۇس فىلىم ئىشلەش، رەڭلىك قوڭغۇراق مۇلازىمىتى، سېتىشنى ئىلگىرى سۈرۈش قاتارلىقلارنى پىلانلاش، ئورام قاپ لايىھەلەش، رەڭلىك، رەڭسىز باسمىچىلىق، كىتاب-ژۇرناللارنى لايىھەلەپ بېسىش، تور بەت ياساش قاتارلىقلارنى ئۆز ئىچىگە ئالىدۇ.
بۇ شىركەت ئۆزىگە خاس مىللىي مەزمۇن ۋە شەكىلگە ئىگە بولغان ۋە مىللىي مەدەنىيەتنى گەۋدىلەندۈرۈلگەن ئېلان ۋە مۇلازىمەت ئارقىلىق خەلقىمىزنىڭ كۈنسايىن ئۆسۈپ بېرىۋاتقان مەدەنىيەت تەشنالىقىنى قاندۇرۇش ئۈچۈن تىنىمسىز ئىلگىرىلەشنى نىشان قىلغان.
| 
يوللىغان ۋاقتى 2012-6-29 13:25:03
يوللىغان ۋاقتى 2012-6-29 17:09:43
