شىنجاڭ يولۋىسى ھەققىدە نېمىلەرنى بىلىسىز؟

تەڭرىتاغ

	شىنجاڭ يولۋىسى ھەققىدە نېمىلەرنى بىلىسىز؟ شەرقىي شىمال يولۋىسى     ئالدىنقى ئەسىرنىڭ دەسلەپكى يىللىرىدا ، تارىم دەرياسى ۋە كۆنچى دەرياسىنىڭ تۆۋەنكى ئېقىنلىرىدا، ئاز بولمىغان شىنجاڭ يولۋىسى بار ئىدى. بىراق ئالدىنقى ئەسىرنىڭ ئوتتۇرىلىرىغا كەلگەندە شىنجاڭ يولۋىسى يەر شارى بىلەن مەڭگۈلۈك خوشلاشتى.     دۇنياغا داڭلىق ئېكىسپېدىتسىيەچى سىۋىن ھېدىن ئىلگىرى شىنجاڭ تەۋەسىدە شىنجاڭ يولۋىسىنى ئۆز كۆزى بىلەن كۆرگەن بولۇپ، ئۇ بۇ ئىشنى ئۆزىنىڭ خاتىرىسىگە خاتىرىلەپ قويغان.     شىنجاڭ يولۋىسىنىڭ تۈكى ۋە بەدەن تۈزۈلۈشى بېنگال يولۋىسى بىلەن ئوخشىشىپ كېتىدىغان بولۇپ، بەدەن قۇرۇلۇشى كىچىكرەك، ئېغىرلىقى 100 كىلوگىرام ئەتراپىدا ئىكەن ھەمدە شەرقىي شىمال يولۋىسىنىڭ يېرىمىغا توغرا كېلىدىكەن.     شىنجاڭ يولۋىسى ئۆزى يالغۇز ياشاشقا ياخشى كۆرىدىغان بولۇپ، كۈندۈزى قويۇق ئورمانلىق ئىچىدە ئارام ئالسا، ئەتىگەن ۋە كەچتە ئوۋ ئوۋلايدىكەن. شىنجاڭ يولۋىسى دەرەخكە يامىشالمايدىغان بولۇپ، لېكىن سۇ ئۈزۈشكە ماھىر ئىكەن. شۇڭا ئۇ تارىم دەرياسى ۋە كۆنچى دەرياسىنىڭ تۆۋەنكى ئېقىمىنى ئۆزىنىڭ ھەرىكەت دائىرىسى قىلىپ بېكىتكەن.     شىنجاڭ يولۋىسى يىلدا بىر قېتىم تۇغىدىغان بولۇپ، ھەر بىر قېتىمدا 2 دىن 4 كىچە ئاسلانلايدىكەن. ئەركەك يولۋاس بىلەن چىشى يولۋاس بىرلىكتە ئۆز بالىلىرىنى چوڭ قىلىدىكەن. شىنجاڭ يولۋىسىنىڭ ئوتتۇرىچە ئۆمرى 20-30 يىل ئەتراپىدا بولىدىكەن.     مۇشۇ ئەتراپلاردا ياشايدىغان لوپنۇرلۇقلار ئىلگىرى شىنجاڭ يولۋىسىنى ئوۋلاپ باققان بولۇپ، 1980 -يىلى 92 ياشقا كىرگەن تاھىر بوۋاي ئۆزىنىڭ ئىلگىرى بىر چىشى يولۋاس بىلەن بىر كىچىك يولۋاسنى ئوۋلىغانلىقىنى سۆزلەپ بەرگەن.     لوپنۇرلۇقلارنىڭ يولۋاس ئوۋلاش ئۇسۇلى ناھايىتى ئاددىي بولۇپ، ئۇلار قاپقان ئارقىلىق يولۋاس تۇتۇش ئۇسۇلىنى قوللانغان. يەنى يولۋاسنىڭ پۇتى قاپقانغا كىرىپ قالغاندىن كېيىن، ئوزۇقلۇق تېپىشىمۇ قىيىنغا چۈشىدىغان بولۇپ، كۈنلەرنىڭ ئۆتۈشىگە ئەگىشىپ، ھېچقانداق ئوزۇقلۇق تاپالمىغان ( تۇتالمىغان ) يولۋاس ئاچلىقتىن ماغدۇرىدىن كېتىدىكەن، بۇ چاغدا ئوۋچىلار كېلىپ، ماغدۇرىدىن كەتكەن يولۋاسنى ئۆلتۈرۈپ يولۋاس ئوۋلىغان.     كىشىنى ئەپسۇسلاندۇرىدىغىنى شۇكى، شىنجاڭ يولۋىسىنىڭ نەسلى ناھايىتى تېز قۇرۇپ كەتكەن بولۇپ، ئالدىنقى ئەسىرنىڭ 30-يىللىرىدىن كېيىن، شىنجاڭ يولۋىسىنى ئۇچرىتىشمۇ ناھايىتى تەسكە چۈشكەن.     ئالدىنقى ئەسىرنىڭ 70-يىللىرىدا تەتقىقاتچى خادىملار بايىنبۇلاق يايلىقىدىن بىر دانە مۇكەممەل ساقلانغان يولۋاس تېرىسىنى بايقىغان. ئۇزۇن يىللاردىن بۇيان، تەتقىقاتچى خادىملار شىنجاڭ يولۋىسى توغرىسىدا داۋاملىق تەتقىقات ئېلىپ بېرىۋاتقان بولۇپ، مۇناسىۋەتلىك خادىملارنىڭ ئېيتىشىچە، شىنجاڭ يولۋىسىنىڭ نەسلىنىڭ قۇرۇپ كېتىشى جۇڭگو ۋە دۇنيا ھايۋانات بايلىقى ھەمدە پەن تەتقىقات تۈرى بويىچە غايەت زور يوقىتىش ھېسابلىنىدىكەن.     شىنجاڭ يولۋىسىغا ئائىت يېقىنقى ئۇچۇرلار:     1950-يىلى كىشىلەر ئالاردىكى قاقاسلىقتا شىنجاڭ يولۋىسىنى كۆرگەن.     1960-يىلى، بىر ئارخولوگ ئالتۇنتاغدىكى بىر جىلغىدا بىر يولۋاسنىڭ بىر ياۋا چوشقىنى يەۋاتقانلىقىنى كۆرگەن. بىراق بۇ يولۋاس ئەتراپىدا ئادەم بارلىقىنى سېزىپ، تېزلىكتە كۆزدىن غايىپ بولغان.     ئەگەردە بۇ ھەقىقىي بولسا ئۇنداقتا بۇ ئارخولوگ دۇنيادىكى ئەڭ ئاخىرقى قېتىم شىنجاڭ يولۋىسىنى كۆرگەن ئادەم بولۇپ قالغۇسى ...

uyghun

	بۇ شىنجاڭ يولۋىسىنىڭ ئەسلىگە كەتۇرگەن سىزما رەسىمىكەن. http://tech.sina.com.cn/d/2006-03-22/2300874732.shtml

uyghun

sertlan

	شىنجاڭ يولۋىسى بولسا  ئالتۇنتاغ ئەتىراپىدا، تارىم ۋادىسىدا يوقمىكىن،

nifit

	شۇنداق بۇرۇن  بار ئىكەن .

udun41

	شىنجاڭ يولۋىسى يوقمىكىن دەيمە

kurban.qaydu

	ماۋۇ  يۇلۋاس تىرىسىدە   پەلتۇ  قىلىپ  كەيسە  بەكلا قالمىشىدۇ.

kurban.qaydu

	ھىلىققى ئۇشكە ساقال  ئۇغرى  يۇلۋاسنى  ئۇلتۇرمىگەن  بولسا، يۇلۋاس ئەمەس باشقا ياۋا يى ھايۋانلار يۇقاپ كەتمەيتى.

qiryaogli

	شۇ   مېنڭچىمۇ  يوق  ھازىر...ھايۋاناتلار  باغچىسىدىكى بولسا  ئىمپورت  قىلىنغان  يولۋاسلار

HAKANIYA

	شىنجاڭ يولۋىسى ئەمەس تارىم يولۋىسى دەپ تاراتقۇلاردا كۆرگەن ئىدىم . نەچچە يىللار ئىلگىرى بىر ساياھەت شىركىتىنىڭ ‹كىم تارىم يولۋىسىنى كۆرسە مانچىلىك مۇكاپات بىرىمىز› دىگەن زور سوممۇلۇق ئىلانىنىمۇ كۆرگەن ئىدىم