« ئەدىبلەر ئاۋازى » پائاليىتى
ئەسسالامۇ ئەلەيكۇم تەڭرىتاغ مۇنبىردىكى ھۆرمەتلىك ئۇستازلار ، ئىلىمسۆيەرلەر ، قەلبى ئاتەش قەدىردانلار ھەممىڭلارغا ئوتلۇق سالام .
2012-يىلى 6-ئاينىڭ 16-كۈنى قاراقاش ناھىيەسىدە مۇناسىۋەتلىك رەھبەرلەرنىڭ قوللاپ-قۇۋەتلىشى بىلەن « ئەدىبلەر ئاۋازى » پائاليىتى كۆڭۈلدىكىدەك روياپقا چىقتى . بۇ قېتىمقى پائالىيەت پەقەت ئىلىمگە ھېرىسمەنلىكتىن ، ئىلىملىكلەرنى ، ئىلىمخۇمارلارنى ئالاھىدە ھۆرمەتلەيدىغانلىقتىن تەشكىللەنگەن ھەم بارلىق يازغۇچى ، شائىرلار ئالاھىدە باش قوشۇپ مۇلاھىزە قىلدىغان ، پىكىر ئالماشتۇرۇدىغان ياخشى سورۇن ، ياخشى پائالىيەت بولۇپ قالدى . بۇنىڭدىن ھەممە خۇرسەن .
ئىنسان دۇنياغا باقىۋەندە ئەمەس، لېكىن ھاياتنىڭ كۆزنى يۇمۇپ ئاچقۇچە ئۆتۈپ كېتىدىغانلىقى ھەقىقەت ، ھەممىمىز بۇ ھاياتنىڭ تولىمۇ قىسقا ئىكەنلىكىنى بىلىمىز . ياخشى ئىش ، ياخشى ئەمەللەر ئارقىلىق ھاياتىمىزنى مەنىگە، قەلبىمىزنى ھېكمەتكە تولدۇرالايدىغانلىقىمىزغا ئىشىنىمىز .
ئىنسان ھامىنى ئۆز ھاياتىغا ئۆزى جاۋابكار . ئارىمىزدا مانا مۇشۇ ھەقىقەتنى چۈشىنىپ يەتكەن ئىلىم ئىگىلىرى كۆپ ئىدى . ئۇلار ئۆز ھاياتى ئارقىلىق ئۆزگىلەرگە توختاۋسىز نۇر يەتكۇزۋاتقان پەزىلەتلىك كىشىلەر ئىدى . ئەپسۇس، ھاياتنىڭ بېخىللىقى ئۇلارنى ئارىمىزدىن بىر-بىرلەپ ئېلىپ كەتمەكتە . (ئەدىبلەر سىپىدىكى پارلاق يۇلتۇز مەرھۇم ياش يازغۇچىمىز ھاياتنوپۇس بۇنىڭ مىسالى ، ھەممىمىز ئۇنى ھەر دائىم ياد ئېتىپ ئەسلەپ تۇرماقتىمىز ، ياتقان يىرى جەننەتتە بولغاي )
بىز ھەممىمىز ئىلىملىكلەرنى ھۆرمەتلەيمىز، ئىلىملىكلەرنى ئۇلاغلايمىز. ئىلىم ئىگىلىرى ئۈچۈن خىزمەت قىلىش بىز ئۈچۈن شەرەپ ، بۇ پائالىيەت قاراقاش ناھىيەسىدىكى ئەدىبلەرنىڭ پەقەت ئىلىم ئەھلىلىرىگە، قەلەم ئىگىلىرىگە، پەزىلەت ئىگىلىرىگە بولغان ئىخلاسلىقىنىڭ كۈچلۇكلۇكىدىن ئۇيۇشتۇرغان مەرىكە، خالاس .
كەتكەنلەرنىڭ جامالىنى كۆرگىلى بولمايدىغانلىقى ، كەتكەنلەرنىڭ ئاۋازىنى ئاڭلىغىلى بولمايدىغانلىقى ئۈچۈن ئەقىل ئىگىلىرى بىر داستىخانغا جەم بولدى . چۈنكى ئەقىل ئىگىلىرىنىڭ رۇخسارىدىن نۇر ، ئاغزىدىن ئۈنچە تۆكىلىدۇ .
قاراقاش ناھىيەلىك مەدەنىيەت يۇرتىدىن نۇرمەمەت تۇردىئەخمەت مۇشۇ نۇر ۋە ئۈنچىنى ۋاقتىدا خاتىرە قىلىش ئۈچۈن كىچە كۇندۇز تىرىشچانلىق كۆرسىتىپ بارلىق چىقىمنى ئۆز ئۈستىگە ئالغان ھالدا بۇ قىتىمقى پائاليەتنى ئۇيۇشتۇردى ( بىز ھەممىمىز ئۇنىڭغا چوڭقۇر رەھمىتىمىزنى ئىيتىمىز )
بۇ قىتىمقى « ئەدىبلەر ئاۋازى » پائاليىتىگە قاتناشقان ھەر قايسى يازغۇچى ، شائىرلىرىمىز ئۆزلىرىنىڭ يىڭىدىن يازغان ئەسەرلىرىنى نەق مەيداندا جاراڭلىق ئاۋازى بىلەن كۆككە ياڭراتتى .
يوللىغان ۋاقتى 
