رۇبائىيلار
توزغاقتۇر ھارام يەپ قىلغان ئىبادەت،
ئېپ كېلەر زالالەت،زۇلمەت،جاھالەت.
ئەقىلنى ئىلغايدۇ ئاچال ھەم دوقال،
بالانى كۆرسىتەر خاتا ئىشارەت.
خۇدا بىر ،قۇرئان بىر ھەقتۇر بۇنىسى،
بىر ئۇلۇغ ھەقىقەت نوھنىڭ كىمىسى.
قىسمەتنىڭ چاقچىقى كەلدى ئۈزۈلمەي،
ئىبراھىم ، مۇھەممەد ،يۈسۈپ قىسسىسى.
ھەرىنىڭ ، چاياننىڭ چېقىشى ئېنىق،
ئىتلارنىڭ قاۋىشى، تالىشى ئېنىق.
ئەجداتنىڭ كۆزدە باقساڭ ھەممىگە،
كىم ئاداش، كىم رەقىپ كۆرسىتەر ئېنىق.
ھاياتقا خۇمارىم بېسىقماس ئەبەد،
تاپقاننى تەڭ يىگەن دوستلار بىلىپ يەت.
ھېكمەتلەر بابىدا ساۋاقلار تالاي،
قىسسە ھەم رىۋايەت قەدىم بىشارەت.
مۇقەددەس مۈلكۈمدۇر ئالماس ئەقىدەم،
مەلئۇنمەن مەككارغا ئەگىشىپ يۈرسەم.
توۋامنى يوللايمەن كۈندە مىڭ قېتىم،
گۇناھكار بەندەڭنى كەچۈرگىن ئىگەم.
باھانە كۆرسەتمەن سېتىپ سەپسەتە،
بەندىگە نەھاجەت ھەشەم-دەبدەبە.
ئۈمىد ھەم ئارماندا چامدايمەن ئالغا،
پىشىمدىن تارتىدۇ پاسىقلار كۈندە.
قېرىنداش مېھرى ۋاھ، ئۇلۇغ نەقەدەر،
ئالايسا تۇنۇش كۆز ھەممىدى خەتەر.
سىرىڭنى يايغىنى تۇنۇش دۈشمەندۇر،
پەخس بول « زەمزەم » دەپ بىرىدۇ زەھەر.
يوللىغان ۋاقتى 
