گۇناھ كىمدە؟(ساراڭ شېئىر)-بوران114

boran114

	گۇناھ كىمدە؟ باشتا گۇناھ يوق، گۇناھ ياغلقتا، شەھەر گۇناھسىز، گۇناھ تاغلقتا. ئەردە گۇناھ يوق، گۇناھ خوتۇندا، ئوچاق گۇناھسىز، گۇناھ ئوتۇندا. قىزدا گۇناھ يوق، گۇناھ قاۋاقتا، گۇناھسىز تەخسىكەش، گۇناھ تاۋاقتا. مەستە گۇناھ يوق، گۇناھ ھاراقتا، ئىشەك گۇناھسىز، گۇناھ تاياقتا. مۇنبەر گۇناھسىز، گۇناھ ئەزادا، پۇلدا گۇناھ يق، گۇناھ بازاردا. قۇمدا گۇناھ يوق، گۇناھ تاشلىقتا، ئەلدە گۇناھ يوق، گۇناھ باشلىقتا. ئاقچى گۇناھسىز، گۇناھ ئوغرىدا، خاتا گۇناھسىز، گۇناھ توغرىدا. مۇئەللىم گۇناھسىز، گۇناھ بالىدا ئوغۇل گۇناھسىز، گۇناھ ئانىدا. ساتىراچ گۇناھسىز، گۇناھى تىغىدا، دىلدا گۇناھ يوق، گۇناھ ئىغىزدا. مەستە گۇناھ يوق، گۇناھ ھاراقتا، قىزدا گۇناھ يوق، گۇناھ قاۋاقتا. ئانام گۇناھسىز، گۇناھ دادامدا، يەرلەر گۇناھسىز، گۇناھ بادامدا. سىكىرتار ياخشى، گۇناھ دادۈيدە، كاسسىر  گۇناھسىز، گۇناھ دېھقاندا. ئۆلۈك گۇناھسىز، گۇناھ قەبرىدە، بوۋاي گۇناھسىز، گۇناھ نەۋرىدە. ئاشىق گۇناھسىز، گۇناھ ياشلىقتا، ئوسما گۇناھسىز، گۇناھ قاشلىقتا. باغۋەن گۇناھسىز، گۇناھ نوتىدا، چەكمەن گۇناھسىز، گۇناھ پوتىدا. تاسما گۇناھسىز، گۇناھ توقىدا، مېھمان گۇاناھسىز، پۇلنىڭ يوقىدا. ئىمام گۇناھسىز گۇناھ سەللىدە، جالاپ گۇناھسىز گۇناھ دەللىدە. بوران گۇناھسىز، گۇناھ شامالدا، پۇرسەت كەلدى جىق، يۈرەر ئارماندا. سەيفۇڭ گۇناھسىز، گۇناھ ماتادا، سازچى گۇناھسىز، گۇناھ ساتاردا. مەنبە،مەن-بوران114

ronaK0000000

	گۇناھ تەندە يوق باشقۇردۇ بەندە.سۇدا گۇناھ يوق بۇزۋاتقان بەندە..ناھايتى ياخشى.تىزىپسىز ھارمىغايسىز .ئۇگنۇشكە ئەرزىيدۇ.

yalkun085

	قىزىقارلىق چىقىپتۇ.