ئابدۇقادىر جالالىدىن :ۋەتەن ۋە ئىمان

yalkun085

	ئابدۇقادىر جالالىدىن :ۋەتەن ۋە ئىمان ۋەتەن دەپ توۋلىدىڭ ئىمانىڭ قېنى ؟   قەلەملەر تەۋرەتتىڭ ، ۋىجدانىڭ قېنى ؟ تاڭلارنىڭ ئىشقىدا گۈلخانمەن دېدىڭ،    كۆڭلۈڭ ئاسمىنىدا چولپانىڭ قېنى ؟   قەلەمنى مەشئەل قىپ مۈدۈرۈپ ئۆتتۈڭ،   ئۆپكەڭمۇ يوغىناپ ، يۆتىلىپ ئۆتتۈڭ .    ۋەتەنگە ئىخلاستا باقساڭ ئېڭىشىپ، قۇۋمىڭنىڭ يىلتىزى ياتار چىرمىشىپ،   چاقنايدۇ مازاردا فوسفور يالقۇنى،    كۆكتىكى يۇلتۇزلاربىلەن سىردىشىپ.    بۇ يەردە بۇغرا ھەم ئوغۇز ياتىدۇ، قوقاسقا ئايلانغان يۇلتۇز ياتىدۇ.   سەپ تۈزۈپ ھەر رەڭدە پەسىللەر ئۆتتى ، «ۋەتەن » دەپ باھادىر نەسىللەر ئۆتتى .   ئەۋلادقا پەقەتلا ۋەتەن قالىدۇ ،   باشلاردىن نى ئەقىل نەقىللەر ئۆتتى .   ۋەتەن چۆچەك ئەمەس، سەجدىگاھىڭدۇر،   ۋە يا ئەرمەك ئەمەس، باشپاناھىڭدۇر.    «ۋەتەن __ جانان » دېدىڭ ، جانان تېپىلار ،    ۋەتىنىڭ بولسىلا ھامان تېپىلار،   غۇربەتتە تېنىگەن ساياقلارغىمۇ ،   شاھانە قەسىر ھەم ئايۋان تېپىلار .   بەزىدە ۋەتەنسىز سۇلتان بولىدۇ،   ئۆزىنىڭ گۆشىگە ئوتۇن بولىدۇ .   ۋەتەن ئەسقاتىدۇ ئۆلگەنلەرگىمۇ،   نەپسىنىڭ ئوتىدا كۆيگەنلەرگىمۇ ،    ھەتتا ئوسمىسىنى سېتىپ خوتۇنىنىڭ ،    بىر ئۆمۈر تاماشا كۆرگەنلەرگىمۇ .   لېكىن ھاقارەتتە قالدى قەبرىسى،   تالاي ئاھانەتتە قالدى نەۋرىسى.   ۋەتەن ئىمان بىلەن بىر تەن ئەمەسمۇ؟    ۋەتەن ئىمانسىزغا ماتەم ئەمەسمۇ؟

mehrim

	ئىسىلنىڭ  نەسلىمۇ  ،ئەسلىمۇ ،ۋەسلىمۇ ئىسىل .

igilmes

	ۋەتەنگە ئىخلاستا باقساڭ ئېڭىشىپ، قۇۋمىڭنىڭ يىلتىزى ياتار چىرمىشىپ،   چاقنايدۇ مازاردا فوسفور يالقۇنى،    كۆكتىكى يۇلتۇزلاربىلەن سىردىشىپ.    بۇ يەردە بۇغرا ھەم ئوغۇز ياتىدۇ، قوقاسقا ئايلانغان يۇلتۇز ياتىدۇ.

igilmes

	ۋەتەنگە ئىخلاستا باقساڭ ئېڭىشىپ، قۇۋمىڭنىڭ يىلتىزى ياتار چىرمىشىپ،   چاقنايدۇ مازاردا فوسفور يالقۇنى،    كۆكتىكى يۇلتۇزلاربىلەن سىردىشىپ.    بۇ يەردە بۇغرا ھەم ئوغۇز ياتىدۇ، قوقاسقا ئايلانغان يۇلتۇز ياتىدۇ.

HasGul__哈思古

	تەپەككۇر قىلدىم مەن شېىرنى ئوقۇپ، خىيالىم قاناتلاندى ھەر ياققا ئۇرۇپ. ياشايلى دۇنيادا ئارزۇغا تۇلۇپ، باتۇر-ئەزىمزەت،ئوغلانلار بولۇپ. ئانا ئەجرىگە جاۋاپ قايتۇرۇپ، ئەل-ۋەتەن، خەلقنىڭ ئۈمۈدى بولۇپ.

gulpira

JAHANGIR.123

	ۋەتەن ئىمان بىلەن بىر تەن ئەمەسمۇ؟     ۋەتەن ئىمانسىزغا ماتەم ئەمەسمۇ؟         «ۋەتەن ۋە ئىمان»نى ئابدۇقادىر جالالىدىن ئەپەندىم ئۆزىنى تەكشۈرۈش ئاساسىدا، ئۆزىگە قارىتىپ يازغان بولسا، بىر قەدەر ئادىل بولغان بولىدۇ. ئەكسىيچە باشقىلارغا زورلاپ تاڭغان بولسا، بۇ ئادالەتسىزلىك بولىدۇ. بۇ ئىستىداتلىق مۇتەپەككۈرىمىز نۇرغۇن ئىلمىي خىزمەتلەرنى ئىشلىدى. لېكىن ئۇ نىمىنى كۆزلەپ ئىشلىدى ؟ كىملەر ئۈچۈن ئىشلىدى؟ ئابدۇقادىر جالالىدىن ئەپەندىم مىللەت مۇتەپەككۈرىمۇ ۋە ياكى ئىسلام مۇتەپەككۈرىمۇ دېگەن سوئالنى ئىختىيارسىز يادىمىزغا ئالىمىز.      ۋەتەن ئىمان بىلەن قانداق بىر تەن بولالايدۇ ؟ بۇ قانداق سەپسەتە؟ ئىسلام پىرىنسىپلىرى ۋەتەن ئايرىمايدۇ، مىللەت ئايرىمايدۇ. ۋەتەنپەرۋەرلىك ئىسلام پىرىنسىپلىرى بىلەن زىتلىشىدۇ. زىيادە ۋەتەنپەرۋەرلىك جاھان ئۇرۇشىنىڭ مەنبەسىدۇر. ۋەتەننى زىيادە سۆيۈش ئاللاھ نى سۆيۈش بىلەن تەڭلىشەلەمدۇ؟ ۋەتەننى لايىغىدا مەدىيىلەشكە بولىدۇ. زىيادىلەشتۈرۈش پىتنە-پاساتقا مەنبە بولىدۇ. شۇڭا، ۋەتەن ئىمان بىلەن ھەرگىز بىر تەن بولالمايدۇ. بىر ۋەتەن تۇپرىقىدا مۇسۇلمانلارمۇ، غەيرى مۇسۇلمانلارمۇ تەڭ مەۋجۇت بولۇپ تۇرىدۇ. تېخى شاھادەت ئېيتمىغان غەيرى مۇسۇلمانلارنى ئۆز بىلگىنىمىزچە ئىمان بىلەن سۈپەتلىسەك، بۇ قايسىبىر ئىشاننىڭ شىڭ شىسەينى پەيغەمبەر دەۋالغىنىغا ئوخشاش تارىخىي تەكرارلىنىش بولمامدۇ. ۋەتەن ئىمانسىزغا ماتەم ئەمەس. بەلكى مۇستەھكەم قورغان بولىدۇ. ئەكسىيچە، ئىمانلىقلارغا ماتەم بولىدۇ. سىز بىر ۋەتەنپەرۋەر شائىر بولسىڭىز ئىمان-ئىسلامدىن سۆز ئاچماڭ. بۇنداق قىلىش قانۇنسىز دىننىي تەشۋىقات بولۇپ قالمامدۇ. ئابدۇقادىر جالالىدىن ئەپەندىم ئىسلام ئۈچۈن، مۇسۇلمان ئۈچۈن  بىرەر ئىلمىي ئەمگەك قىلىپ باققانمۇ؟ كىم جاۋاپ بېرەلەيدۇ ؟ قارىغاندا ئابدۇقادىر جالالىدىن ئەپەندىمگە ئىسلام مۇتەپەككۈرى دېگەن شەرەپلىك نامدىن كۆرە، مىللەت مۇتەپەككۈرى دېگەن نام  باب كەلگۈدەك. شائىر ھامان يالغان سۆزلۈك كېلىدۇ.  ئۇ، قىلغاننى قىلمىدىم، قىلمىغاننى قىلدىم دەيدۇ. پەيغەمبەر ئەلەيھىسسالامدىن مۇنداق بىر ھەدىس قالغان: «بىرىڭلارنىڭ ئىچى شېئىر بىلەن تولغىنىدىن، قان-يىرىڭ بىلەن تولغىنى ياخشىراق».