يۈرىكىم سۆزلەيدۇ

kalam

	يۈرىكىم سۆزلەيدۇ (نەسىرلەر ) ئوبۇل ئوغلى قەلەمىي قول ئۇزاتماقچى بولدۇم ،ئەڭ نازۇك جايلىرىڭغا ،چۈنكى بىرى سېنى پاك ئەمەس دىگەن ئىدى . سىناپ باقماقچى بولدۇم ،ئەمما ئۇنداق قىلمىدىم .سېنىڭ كۈلكەڭ مېنى ھەممىدىن ۋاز كەچتۈردى . كىمگە كۈلۋاتقانلىقىڭنى بىلمىدىم .ئېھتىمال ، ياكى ئۇ ياكى مەن ئىشقىلىپ بىرىمىز قاپقانغا دەسسىدۇق . ھېچكىم ياش تۆكۈشكە ئەرزىمەيتى، ئەرزىگەنلەر بىر تامچىمۇ ياش تۆكمەيتى . بۇ سەن ۋە مەن دائىم  تەكرارلايدىغان گەپلەر ئىدى . لېكىن ھەر ئىككىمىز ياش تۆكتۇق ... ئاي چىقمىغان كېچە ،بىز دالىدا قاياققا مېڭىشنى بىلمىدۇق .ئارلىقىمىز بەش سانتا ئىدى . ئاخىرى سەن ماڭا مەن ساڭا قاراپ يۈرۈپ كەتتۇق . شۇنىڭدىن بۇيان سەن مېنى، مەن سېنى رىئاللىقتىن ئىزدەپ تاپالمىدۇق . چۈنكى ھەر ئىككىمىز بىر -بىرىمىزنىڭ يۈرىكىگە يوشۇرنىۋالغان ئىدۇق ... دۇنيادا ئەڭ تاتلىق ،ئەڭ گۈزەل نەرسە بار دىيىلسە ئۇ دەل -سېنىڭ لېۋىڭ . كۈللى ئالەمدىكى ئەڭ ئېسىل كەمپۈتلەرمۇ سېنىڭ لېۋىڭدەك تاتلىق ئەمەس .ئەڭ گۈزەل شەيئىلەرمۇ سېنىڭ لېۋىڭگە جور بولىۋاتقان دەقىقىلەردەك گۈزەل ئەمەس .تۇرمۇشمۇ ھەم شۇنداق ،لېۋېڭدىن ئايرىلغان تۇرمۇش مەڭگۈ ئاچچىق ،مەڭگۈ قاڭسىق .پەقەت لەۋلىرىڭدىن تامغان مۇھەببەتلىك ئېقىنلار ئارقىلىق تۇرمۇش ھەم گۈزەل ھەم تاتلىق . شۇ سەۋەب ئەڭ تاتلىق ،ئەڭ گۈزەل نەرسىنى باشقا جايدىن ئەمەس پەقەت ۋە پەقەت سېنىڭ لېۋېڭدىنلا ئىزدەيمەن ... بالىلىقىم چىغىر يولغا ئاشىنا ئىدى . چىغىر يول ھېكايىنىڭ ئۇۋېسى ئىدى . نۇرغۇن ھېكايىلەرنى ئاڭلىدىم .نۇرغۇن يىل شۇنداق ئۆتۈپ كەتتى . ئادەملەر توپىغا كىرىپ كەتتىم .ئېھتىمال ،ئويغۇنۇشقا باشلىدىم ... مەن مۆكۈ - مۆكۈلەڭ ئويناشنى ياقتۇرمايتىم .باشقىلارنىڭ مۆكۈ- مۆكۈلەڭ ئويناۋاتقانلىقىنى كۆرۈپ مەنمۇ مۆكۈ-مۆكۈلەڭ ئويناشقا كىرىشىپ كەتتىم . مەن تېپىشماق ئېيتىشنى ياقتۇرمايتتىم ،باشقىلارنىڭ توختىماي تېپىشماق ئېيتىۋاتقانلىقىنى كۆرۈپ مەنمۇ تېپىشماق ئېيتىشقا كىرىشىپ كەتتىم .مەن باشقىلار چۈشەنمەيدىغان دەبدەبلىك گەپلەرنى قىلىشقا قىزىقمايتىم ، شۇنداق گەپ سۆزلەرنى ئاڭلاۋېرىپ ئۇنىڭغىمۇ كىرىشىپ كەتتىم . ھەي ،مەن نۇرغۇن نەرسىلەرگە قىزىقىشنى ياخشى كۆرمەيتىم ،ئەمدى ھەممىگە قارا قويۇق قىزىقىدىغان بولۇپ قالدىم ... بۇ يەردە دۆت ئادەملەر يوق ، پەقەت كاللا ئىشلەتمەيدىغان ئادەملەر بار . ھېچكىم ئۆزىنى دۆت دىمەيدۇ ، دۆت بولسىمۇ دىگۈسى كەلمەيدۇ . ئەمما مەن ئۆزۈمنى دۆت دىدىم . چۈنكى مەن تېخى نۇرغۇن ئىشلارنى قىلالمايدىغانلىقىمنى ھېس قىلدىم ... مەن نۇرغۇن نەرسىلەرنى قۇبۇل قىلىۋېرىپ، نۇرغۇن نەرسىلىرىمنىڭ بويۇن قىسىپ قالغانلىقىنى كۆردۈم ... بۇ يەردە دۈشمەن يوق .ئىگىز- پەسلىكمۇ يوق . ئېسىل -خارلىقمۇ يوق . پەقەت مىھرىبانلىق بار ، كۆيۈنۈش بار ،غەمخۇرلۇق بار ،ئاددىيلىق بار ...قارغاندا بىز دوسىت ئوخشايمىز ...

nifit

	پارچە نەسىرلەر ئىكەندە ؟ ياخشى يىزىپسىز !! بالىلىق بىلەن دۆت ئادەم ماڭا يارىدى .

ronaK0000000

sarwi

	ياخشى يېزىپسىز  ،ئەڭ ئاخىرىدىكىسىنى بەك ياقتۇردۇم . تېخىمۇ ياخشى ئەسەرلەرنى مەيدانغا كەلتۈرگەيسىز .