بىلقىز سۇلايمان : پىشقەدەم شائىرغا

____kizilgul

	پىشقەدەم شائىرغا بىلقىز سۇلايمان شائىرسەن لىرىكاڭ مەن ئۈچۈن ئىلھام، سۆزلەرنىڭ كانىدىن گۆھەر قازىسەن. ھەر مىسراقەلبىڭنىڭ كۆركەم ئۈنچىسى، ئىلھامىڭ تەپتىدىن نۇرلار چاچىسەن. قەلپلەر ئەينىكى سېنىڭ قەسىدەڭ، ئىلھامىڭ بۇلىقى خەلقىم ئىستىكى. سەن گويا دەۋرىمنىڭ كۈيچى بۇلبۇلى، نەزمەڭگە مەزمۇندۇر زامان تىلىكى. شېئىرىيەت گۈلبېغى ئىچرە رەڭمۇ رەڭ، ئېچىلغان گۈللەردە سېنىڭ مېھرىڭ بار. سەن گويا شۇ باغنىڭ بىر پەرۋىشكارى، ھەر نوتا گۈللەرگە تۆككەن تەرىڭ بار. ئىزىڭدىن كېلىمىز بىر ئەۋلات شۇ تاپ، ئىقبالغا كۆز سېلىپ زور ئۈمۈد بىلەن. ئۈزۈلمەس بۇ تارىخ قۇچار شان -شەرەپ، ئىجادىڭ سۇلماس بىر كۆركەم  گۈلچىمەن. 1982-يىل 24-ئاپرىل.

nifit

	30 يىل بۇرۇن يىزىلغان بۇ شېئىرغا قارىغاندا ئاپتۇر بىلىقىز سۇلايمان نى بۇگۇنكى دەۋىردىكى پىشقەدەم شائىرغا يەنى بۇ شېئىردىكى دەل ئۆزى شۇ دەپ ئىيتساق تامامەن دۇرۇس بولغۇدەك !! شۇنداقمۇ خانىم !!!

____kizilgul

	nifit يوللىغان ۋاقتى  2012-6-14 17:21 30 يىل بۇرۇن يىزىلغان بۇ شېئىرغا قارىغاندا ئاپتۇر بىلىق ... 82-يىلى مەنمۇ بىر ھەۋەسكار ئىدىم،شۇ چاغلاردا بىزگە ئۇستاز بولغان پىشقەدەم شائىرلار  بار ئىدى،ئۇ چاغدىكى شائىرلار ياشلارغا بەك كۆيىنەتتى. مەن بىر  پىشقەدەم شائىرنىڭ  غەزىلىگە «مۇخەممەس»يېزىپ «يېڭى قاشتېشى » ژورنىلىغا ئەۋەتسەم،ئۇ شائىر شېئىرىمنى ئۈرۈمچىگە قىلغان سەپىرىدە  ئالغاچ كېلىپ،ئاتايەن مېنى ئىزدەپ،ماڭا يول كۆرسەتكەن،بۇ پىشقەدەم شائىرنىڭ ماڭا بەرگەن تەلىمى مېنىڭ كېيىنكى ئىجادىيەتلىرىمگە زور تەسىر كۆرسەتكەن ، بۇ شائىر مەرھۇم جاپپار ئەمەت ئاكا ئىدى.بۇنداق شائىرلار يالغۇز بىرلا ئەمەس.ئۇلاردىن بەزىلىرى ھازىرمۇ ھايات. ھەر قانداق  كەسپتە ئۇستاز بولغىنىغا ئوخشاش،شېئىرىيەتتىمۇ ئالدىنقىلار كېيىنكىلەرگە ئۇستاز بولۇپ كېلىۋاتىدۇ. ياشلارنىڭ پىشقەدەملەرنى ھۆرمەتلەپ،ئۇلارنىڭ بىلىملىرىنى،پەزىلىتىنى ،ئادىمىيلىكىنى ئۆگىنىشىنى تەۋسىيە قىلىمەن. بۇ يازمىنى  ئوقۇپ،باھالىغان تورداشلارغا كۆپتىن-كۆپ رەھمەت.ئامان بولغايسىلەر.

sarwi

	بېلىقىز خانىم ،ئىجادىيەت يولىڭىزدا تېخىمۇ زور ئۇتۇقلارنى قازىنىشىڭىزغا تىلەكداشمەن.

____kizilgul

	sarwi يوللىغان ۋاقتى  2012-6-14 20:55 بېلىقىز خانىم ،ئىجادىيەت يولىڭىزدا تېخىمۇ زور ئۇتۇقلا ... رەھمەت،بىرلىكتە ئىگىرلەيلى.

تۇرغۇن133

	بېلىقىز خانىم ،ئىجادىيەت يولىڭىزدا تېخىمۇ زور ئۇتۇقلارنى قازىنىشىڭىزغا تىلەكداشمەن.

kalam

	ئىجادىيەتلىرىڭىزنىڭ تېخىمۇ گۈللىشگە تىلەكداشمەن بېلقىز ھەدە

____kizilgul

	تۇرغۇن133 يوللىغان ۋاقتى  2012-6-15 01:19 بېلىقىز خانىم ،ئىجادىيەت يولىڭىزدا تېخىمۇ زور ئۇتۇقلا ... رەھمەت قېرىندىشىم.

____kizilgul

	تۇرغۇن133 يوللىغان ۋاقتى  2012-6-15 01:19 بېلىقىز خانىم ،ئىجادىيەت يولىڭىزدا تېخىمۇ زور ئۇتۇقلا ... رەھمەت، كۈچۈمنىڭ يېتىشە تىرىشىمەن.

HasGul__哈思古

	شېئىرىيەت گۈلبېغى ئىچرە رەڭمۇ رەڭ، ئېچىلغان گۈللەردە سېنىڭ مېھرىڭ بار. سەن گويا شۇ باغنىڭ بىر پەرۋىشكارى، ھەر نوتا گۈللەرگە تۆككەن تەرىڭ بار..