گازخانىدىكى ئەخلاقسىز قىزلار

     ئەسسالامۇ ئەلەيكۇم قېرىنداشلىرىم؟ سىلەرنىڭ يېڭى - يىلىڭلارنى قۇتۇقلايمەن؟ يېڭى يىلغا كىرىش ئالدىدا مەن بۇ بىر يىلدا ماڭا تەسىر قىلغان بىر قىسىم ئىشلارنى يېزىپ ئۆتمەكچىمەن، بۇرۇن بۇ توغرسىدا يېزىلدىمۇ -يېزىلمىدىمۇ بۇنىسى ماڭا نامەلۇم.
     مەن ئۆزۈم بۇ شەھەردىكى مەلۇم بىر گاز قاچىلاش پونكىتىدا ئىشلەيمەن، بىزنىڭ بۇ ئىدارىنىڭ بۇ شەھەردە گاز قاچىلاش پونكىتىدىن 12 سى بار، دېمەك مەن ئىدارىنىڭ ئورۇنلاشتۇرۇشى بىلەن بۇ بىر يىلدا بۇ 12 پونكىتتىن شەھەر ئىچى - سىرتىدا بولۇپ 6 سىدا ئايلىنىپ تۇرۇپ ئىشلىدىم.
     ھەممىگە ئايان ئادەتتە گاز پونكىتى ئالاھىدە ئەھۋال بولمىسىلا 24 سائەت كېچە - كۈندۈز توختىماي ئېچىلىدۇ. شۇڭا بىز گاز قاچىلغۇچىلار كېچە - كۈندۈز ئىشلەيمىز. شۇڭا گاز قاچىلاش پونكىتىغا ھەرخىل مىللەت ۋە جىنىس بولۇپ كۈنىگە نۇرغۇن شوپۇرلار ۋە ئۇلار بىلەن كەلگەن ئاشۇ كىشىلەر دىققىتىمىزنى ئۆزىگە تارتماي تۇرالمايدۇ. شەھەر ئىچى - سىرتىدا بولۇپ جەمئىي 6 گاز قاچىلاش پونكىتتا ئايلىنىپ تۇرۇپ ئىشلىگەن بولساممۇ ئوخشاشلا بىر خىل ئەھۋال مېنىڭ دېققىتىمنى ئۆزىگە بەك تارتتى، يەنى ئۇ بولسا، ئاشۇ بىزنىڭ بىر قىسىم خانىم - قىزلىرىمىز گاز قاچىلاش پونكىتىغا كۈندۈزدە ئەمەس ياكى ئۇيغۇر شوپۇرلىرىمىزنىڭ ماشىنىسىدىن ئەمەس ۋە ياكى تاكسىدىنمۇ ئەمەس بەلكى تەڭ كېچىدە ئاشۇ ھەرخىل ئېسىل ماشىنىلىرى بار، پۇلى بار يەنى ئاللىقانداقتۇر ھوقۇق ۋە باشقا نەرسىلىرى بار خەنزۇ يولداشلارنىڭ ئاشۇ ئېسىل ماشىنىسىدا ھەرخىل قىياپەتتە مەن بىلەن ئۇچرىشىپ قېلىشى مېنىڭ دىققىتىمنى ئۆزىگە بەك تارتتى. بىزنىڭ باش -قۇلاقلىرىمىزغىچە چىڭ ئوراپ كەيگەن خىزمەت كىيمىمىزگە قاراپمۇ ياكى بۇ ئورۇندا ئۇيغۇرلارنىڭ ئاز ئىشلەيدىغانلىقىمۇ ۋە ياكى بىز ئۇيغۇرلار بىلەن خەنزۇلار بىلەن ئالمىشىپ ئىشلىگەچكىمۇ ئۇلار دەسلەپتە ئۇيغۇرلانى پەرىقلەندۈرەلمەيدۇ، ياكى مەست بولغانلىقىمۇ ياكى بىلسىمۇ بىلمەسكە سېلىۋالامدۇ ئۇنى ئۇقمىدىم، ئەمما كېسىپ ئېيتىمەنكى خىجىللىق تۈپەيلى بۇنداق قىلىدۇ دېمەيمەن، ئۇلار مەن بىلەن ئۇچۇرشۇپ قالغاندا ماڭا  خۇددىي ئۆزىنى بىر مىللەتتەك مېنى بىر باشقا مىللەتتەك قىياپەت ھالىتىنى كۆرسىتىدۇ. بەلكىم ئوقۇرمەنلەر ئويلادىغاندۇ، باشقا مىللەتتىكىلەر ئۇنىڭ خىزمەتدىشى ياكى دوستىدۇ دەپ؟ مانا بۇ  باشقا مىللەتتىكىلەرنىڭ ئاشۇ ئېسىل ماشىنىسىدىن ھەرخىل قىياپەتتە، ھەر خىل كىيىنگەن، ھەر خىل ياشتىكى، مەست ھالەتلىرى تېخى بەزى قىزلىرىمىزنىڭ يېشىنى 20 ياشقىمۇ توشماي تۇرۇپ تەڭ كېچىدە ئۇلارنىڭ ماشىنىسىدا نېمە ئىش بار؟ مەن ئۇلارنى كۆرگەندە ئاۋۋال يۈرۈكۈم ئۇلارنىڭ ئۇيغۇر خانىم - قىزلىرىمىز ئىكەنلىكىنى تونۇۋالىدۇ، بەزى خانىم - قىزلىرىمىز ماشىنىدىن چۈشمەي تۇرۇۋالىدۇ، مەن بۇنداق ۋاقىتتا باش كىيمىمنى ئېلىۋىتىپ ئۇيغۇرچە < ماشىندىن چۈشۈڭ دەيمەن > بۇ خانىم -قىزلىرىمىز ئۇيغۇرچە-خەنزۇچە ئارىلاش چالا - بۇلا  بىر نېمىلەرنى غودۇڭشىپ، غىلجىڭشىپ، نايناقشىپ گاز قاچىلاش ئورنىدىن مىڭبىر تەستە ئايرىلىپ يېنىدىكىلەر بىلەن قۇچاقلىشىپ، سۆيۈشۈپ دېگەندەك كۈيلىگەن ھايۋانلاردەك سەت قىلىقلارنى قىلىدۇ، بۇلار گاز قاچىلاش مەيدانى سىرتىدا بولغاچقا يەنى كېلىپ بۇ مېنىڭ خىزمەت ئورنۇم ۋە خىزمەت ۋاقتىم بولغاچقا ئارتۇق گەپ قىلالمايمەن، مەن بۇ ھايۋانلارغا نەپرەت ياغدۇرىمەن ھەتتا ئۇلارنىڭ چىرايىغىمۇ قارىغۇم كەلمەيدۇ، بۇنداق ۋاقىتتا گاز قاچىلاۋاتقان باشقا ھەر مىللەت شوپۇرلىرى ئۇلارغا نەپرەت كۆزى بىلەن ماڭا سوئال نەزىرىدە قارايدۇ، ئاخىرىدا ھېلىقى قىزلار غىلجىڭشىڭپ، نايناقشىپ ماشىنىغا چىقىپ كېتىپ قالىدۇ. تېخى بەزى نومۇسسىزلارمۇ بار  ئەتىراپىدىكى ئادەمنى كۆزگە ئىلماي ماشىنىدىن چۇشۇپلا گاز قاچىلاش مەيدانىدا شۇ ماشىنىنىڭ يېنىدىلا بەدقىلىق قىلىقلارنى قىلىدۇ، بۇنداق ۋاقىتتا مەن قاتتىق ئاچچىقىم بىلەن خەنزۇچە <چىقىپ كەت > دەپ ۋاقىراپ ھېلىقى نايناقلارنى گاز قاچىلاش مەيدانىدىن چىقىرىۋىتىمەن. چۈنكى مەن خىزمەت ۋاقتىمدا ماشىنىدىن ئادەمنى چۈشۈرىۋېتىش، شوپۇردىن باشقا ھەرقانداق كىشىنى گاز قاچىلاش مەيدانىدىن چىقىرىۋېتىش ھوقۇقۇم بار دېسەممۇ بولىدۇ، بولۇپمۇ مۇشۇلارغا ئوخشاش بەدقىلىقلارنى چىقىرۋېتەتتىم، بۇنداق ۋاقىتتا ئۇلار ماڭا ھومۇيۇپ ماڭا ئاچچىق بىلەن قاراپ قويۇشتىن باشقىنى قىلالمايدۇ، ئەگەر ئېغىز ئاچسىلا ماشىنىسىغا گاز قاچىلىماي چىقىرۋېتەلەيتتىم، شۇڭا ئۇلار بۇنى بىلگەچكە ئارتۇق گەپ قىلالمايتتى، بۇنداق ۋاقىتتا گاز قاچىلاۋاتقان باشقا ھەرمىللەت شوپۇرلىرى ئۇلارغا نەپرەت كۆزى بىلەن ماڭا مەنىلىك، رازىمەنلىك كۆزى بىلەن قاراپ قوياتتى.
    ئوقۇرمەنلەر دەپ بېقىڭلار، مانا بۇلارنى قانداقمۇ دوستى ۋە كەسىپدىشى دېگۈلۈك؟ قانداقمۇ ئۇيغۇر خانىم - قىزلىرى دەيمىز؟ بۇنىڭ ئاقىۋىتىچۇ؟ ئۇنىڭ ئاخىرىچۇ؟ مانا بۇ پۈتۈن بىر جەمئىيەتنىڭ ئازراق بىر بۆلىكىدە بولغان ئىشلار.
     ئەنە ئاشۇ بىر قىسىم خانىم - قىزلىرىمىز باشقا خانىم -قىزلىرىمىزنىڭ ئوبرازىغا تەسىر كۆرسىتىدۇ ئەلۋەتتە، مۇشۇلارنىڭ كاساپىتىدىن باشقىلار بىزنىڭ ئىپپەتلىك ئۇيغۇر خانىم -قىزلىرىمىزنىمۇ كۆرگەنلا يېرىدە كۆزگە ئىلمايدۇ، ئۇلارنىڭ نەزىرىدە پۇل بولسىلا ھەممىسى ئاشۇنداق دەپ قارايدۇ، بىز بۇنىڭغا ھەگىز يول قويماسلىقىمىز كېرەك، ئەگەر قول قوۋۇشتۇرۇپ تۇرساق بىزنىڭ قىز پەرزەنتلىرىمىز، ئاچا -سىڭىللىرىمىز بار ئەمەسمۇ مۇشۇلار ئۇچۇن بولسىمۇ بۇنداق ئىشلارغا يول قويماسلىقىمىز كېرەك. گەرچە ئاشۇ نائەھلىلەر تورلارغا چىقىپ بۇنى ئۆزى ئوقۇمىسىمۇ، كۆرمىسىمۇ ئەمما باشقا بارلىق ئوقۇرمەنلىرىمگە ئاشۇنداق كىچىككىنە ئاممىۋى سورۇندىمۇ كۆز ئالدىمدىن ئۆتكەن ھەم ئۆتۇۋاتقان مۇنداق ئىشلارنىڭ ئوچۇق - ئاشكارە بولۇپ كەتكىننى ئاچچىق يەتكۈزگۈم كەلدى. يەنە تەكىلەيدىغىنىم ئۆزىمىزنى قوغداي!

چەرچەن

ئاللاھ خۇتۇن قىزلىرىمىزنىڭ دىلىغا ئىنساپ بەرگەي بۇنداق ئىشلارنى بىزمۇ كېچىدە مەدەنىيەت بازارلىرىنى تەكشۈرگەندە ئۇچرۇتۇپ تۇرىمىز قانداق قىلاتتۇق لەنەت ئۇچۇپلا ئىشىمىزغا ماڭىمىز .

ئۇيغارى

    مىللىتىمىزنىڭ نامىنى بولغايدىغان مۇشۇنداق نۇمۇسسىز قىزلارنى باشقۇرىدىغان ئاتا-ئانىسى يوقمىدۇ ؟!
ئېست ، سېنىڭ ئۇيغۇر پۇشتى بولۇپ قالغىنىڭ !!!

ۋاي توۋۋا نىمە ئىش بۇ؟

بۇغداي

ئەركەكلەر ئەركەكتەك ياشىساق، قىز-ئاياللار ئەرلەرنى كۆرسە ،ئەرلەردىن ھىيىقسا، ئاتا- ئانىسى  پەرزەنتىگە مەسئۇلىيەتچان بولسا ،ئائىلىمىزدىكى قىز- ئاياللىرىمىزنى، ھەم ئەرلەر بولغان ئۆزىمىزنى، بىرەر قۇر‹‹ ئىسلاھ›› قىلالىساق جەميەتتىكى بۇنداق،  ئەخلاقتىن يات قىلىقلار  سەل ئازلىغان بولاتتى دەپ ئويلايمەن.

تۇردى ئەبەيدۇللا

   قىز بالا  دىگەن  نۇمۇسچان، يۇزى تۆۋەن،  ھايالىق، تارتىنچاق، ئەدەپ -ئەخلاقلىق بولىدىغان.  ھازىر دىمىسىمۇ بەزى قىزلار دا ئىنساپ، ھايا سۇسلاپ كەتتى. ئاتا-ئانىسىنىڭ گىپىنى قىرىغا ئالمايدۇ. بەزى بىشەم قىزلار ئەرلىرىنى  قورقۇتۇدىغان بولىۋالدى.  

yalkun085

   قىز بالا  دىگەن  نۇمۇسچان، يۇزى تۆۋەن،  ھايالىق، تارتىنچاق، ئەدەپ -ئەخلاقلىق بولىدىغان.
    مىللىتىمىزنىڭ نامىنى بولغايدىغان مۇشۇنداق نۇمۇسسىز قىزلارنى باشقۇرىدىغان ئاتا-ئانىسى يوقمىدۇ ؟!

كاپىتان

تەرەققىيات بىزگە كوپ نەرسىلەرنى ئاتا قىلماقتا-
                                                                   پاكارلىشىپ بارغان بوي-بەست.
                                                                   ئاجىزلىشىۋاتقان ئىممۇنت كۈچى.
                                                                   سۇسلاۋاتقان ئىتىقاد.
                                                                   يىراقلىشىۋاتقان كىشىلىك ئەخلاق.
                                                           

ئەمدى بۇنداق دېسەم باشقىچە ئويلاپ قالماڭلار. بىز بىر ئەركىشى جەمىيىتىمىزدىكى ئاشۇنداق ئىشلانى سۆزلەيمىز نىمە ئۈچۈن شۇ قىزلا شۇ يوللاردا مېڭىپ قالغانلىقىنى شۇلادىن سوراپ باقمايمىز .ئاشۇ ئىشلارنىڭ كىلىپ چىقىشىغا مانا بىز ئەركىشىلە سەۋەپچى .ئوبدان ئولىنىپ باقايلى .

نىفىت

قىزلىرىمىزنى كىچىكىدىن ياخشى تەربىيلەيلى ، ئالدى بىللەن ئۆزىمىزنى تەربىلەيلى !!