ھايات ھېكمەتلىرى

qarkol · ۋاقتى: 2011-7-4 10:18:32

باشقىلاردىن ئۆگەنگىنىنى ئۆزىنىڭ مۇۋەپپەقىيىتى قىلىۋالغان ئادەم ئەڭ چوڭ ئوغرىدۇر.
ئادەم ھاياتنىڭ قىممىتىنى ھەقىقىي تونۇپ يەتكەندە، مال-دۇنياغا ئۆزىنى ئۇرمايدىغان بولىدۇ.
ئىشەنچ ئادەمدە تۇغما بولمايدۇ، بەلكى تەربىيە ۋە تىرىشىش ئارقىلىق يېتىلىدۇ.
تۇرمۇش بۇلاققا، ئەسەر بۇلاق سۈيى ئېقىۋاتقان ئېرىققا ئوخشايدۇ. بۇلاق سۈيى قۇرۇپ قالمىسىلا، ئېرىقنىڭ سۈيى ئۇلغىيىپ ئاقالايدۇ.
كىشىلىك ھاياتتا پەقەت تاللىغىلى بولمايدىغان بىرلا يول بار، ئۇ بولسىمۇ ۋاز كېچىش يولى.
دۇنيانى ئۆزگەرتىش ئۈچۈن، ئالدى بىلەن ئادەم ئۆزىنى ئۆزگەرتىش كېرەك، بىراق دۇنيادا ئۆزىنى ئۆزگەرتىشنى ئويلايدىغانلار ئىنتايىن ئاز.
مەغلۇپ بولغانلىقىغا باھانە تاپقاندىن، مەغلۇپ بولۇشنىڭ سەۋەبىنى ئىزدىگەن ياخشى، شۇندىلا غەلىبە ئادەمگە قۇچاق ئاچىدۇ.
ئەقىللىق ئادەم بىر ئاڭلاپ، ئون قېتىم تەپەككۇر قىلىدۇ، بىر كۆرۈپ، ئون قېتىم قول سېلىپ ئىشلەيدۇ.
ھورۇننىڭ ئېغىزىدا ئەتىدىن تولا نەرسە يوق.
زىيادە ئامراقلىق بالىنى ئىقتىدارسىز قىلىپ قويىدۇ.
سىز ھېچكىمنى سۆيمىسىڭىز، ھېچكىم سىزنى سۆيمەيدۇ.
ئادەمنىڭ بىردىنبىر مەقسىتى - ھەقىقىي ئىنسان بولۇشتىن ئىبارەت.
ئەڭ چوڭقۇر ۋە نازۇك جايلارنى تېپىپ قەلەم تەۋرىتەلمىگەن يازغۇچى تۇرمۇشتىن ئايرىلغان يازغۇچىدۇر.
ئادەم بولۇشنىڭ ئۆزى بىر سەنئەت.
تەڭرى قۇشنى ياخشى كۆرگەچكە دەرەخنى ياراتقان، بىراق ئادەم قۇشنى ياخشى كۆرگەچكە قەپەزنى ياسىغان.

abdikayyum · ۋاقتى: 2011-7-4 12:31:16

ھەربىرئادەم يادلىۋالسا بولغىدەك ياخشى ھىكمەتلەرئىكەن،رەخمەت.

مەرىپەت · ۋاقتى: 2011-7-6 11:58:42

بىلىۋېلىشقا تېگىشلىك ياخشى ھېكمەتلەركەن. رەھمەت سىزگە.