ئىككى نەسىر توك چۈجىسى ، توشقان

روھلان

تۇرمۇش تەسۋىرلىرى> ئىككى نەسىر توك چۈجىسى ، توشقان

توك چۈجىسى

مەن توكتا چىقارغان چۈجىلەردىن بىرقانچە ئوننى سېتىۋالغانىدىم ، مەھەللە باشلىقى چۈجىلەرنى ياخشى بېقىشىمنى قايتا-قايتا تاپىلاپ ، تولۇق ئەي قىلىشىمنى تاپشۇردى . مەنمۇ بۇ ئەسلىي نەسلىنى بىلمىگەن بىچارە جانىۋارلارنىڭ تولۇق ئەي بولۇشىنى تىلەپ بەكمۇ تۈجۈپلەپ ، كۆيۈنۈپ ياخشى بېقىشسقا تىرىسشتىم ، بۇ بۇچارىلەر تىمنىمسىز چۇكۇلداپ ئۇيان-بۇيانغا تىپىرلىشاتتى .

مەن بۇلارنىڭ دان تالىشىپ يۈگۈرۈشلىرى ، نەرسىلەرنى قىزغىنىشىپ ئەپقېچىشلىرىغا  قاراپ قالاتتىم ،  ئۇنىڭ ئەسلى ئانىسى كىم ؟ ھېمايىچىسى كىم ؟ بۇنى بىلىمگىنى بىلەن تىرىك جانىۋار بولغاچقا ،، يېمەكلىكتالىشىشى قىزىق ئىدى . ئەتىسى قارىسام يەمتۈك ئەتراپىدا بىر چۈجە نىمجان يېتىپتۇ .قارىغاندا ، ئۇ بىچارە دەسسىلىپ كەتكەن چېغى ، بىچارىنىڭ جان تالىشىۋاقتقان ھالىغان قاراپ ئىچىم سىيرىلىپپ قاراپ تۇراتتىم . بىر چۈجە كېلىپ ھېلىقى نىمجانچ چۈجىنىڭ كۆزىنى چوقۇلاپ كەتتى . پىللىدە قان چىققان ھامان يەنە بىر توپ جۈجىلەر گۈررىدە يوپۇرۇلۇپ كېلىپ ، بىردەمدىلا تىتما-تىتما قىلىۋەتتى-دە ، ھاي-ھۇيت دېگۈچە خامتالاش قىلىپ تەرەپ-تەرەپلەرگە ئەتقېچىشتى ، ئۇلار ئولجا تالىشىش ۋەجىدىن بىر قانچە توپقا بۆلۈنۈپ قوغلاشماق ئوينىماقتا ئىدى.

مەن ئويلاپ قالدىم ، ئاشۇ بىچارىلەرنى بىرەر ئانا مىكيان ئۆزى بېسىپ تۇخۇمدىن چىقارغان بولسا ئىدى، ئۇ چاغادا بىرەرسى ھازىرقىدەك ئاقىچەتكە قالغاندا باشقىلىرى ئۇنى چوقۇلاشقا تەمشەلگەن بولسا ، ھېلىقى ئانا مېكيان ئۇ چۈجىسىنى قانات ئاستىغا ئالغان بولسا ، ئۇلرمۇ ئۆز قېرىندىشى ئىكەنلىكىنى ھېس قىلىپ بۇنداق  قانلىق پاجىئە يۈز بەرمەس ئىدى ، ئۇلار بۇ يورۇقدۇنياغا نېمە سەۋەبتىن ، كىمنىڭ نەسلىدىن كەلگەنلىكىنى بىلممىگەچكە ، مانا شۇنداق نەپسىنى دەپ ئۆز گۆشىنى ئۆزى يەيدىغان ئېچىنىشلىق ئاقىۋەتكە قالدى ، چۈنكى توك چۈجىسىدە !

توشقان

توشقان يۈرەكسىزلىكى تۈپەيلىدىن قۇلىقىغا ئۇرۇلغان شامالنىڭ شەپىسىدىن ئۈركۈپ كېتىدۇ-دە، شامالغا قارشى يۈگۈرۈشتىن قورقۇپ ، شامالنىڭ يۆلىنىشىگە ماسلىشىپ قېچىشقا ئادەتلىنىدۇ. بۇ قورقۇنچاق جانىۋار دەل مۇشۇ ھاماقەتلىكى تۈپەيلى ، پاراسەتلىك ئوۋچى ئۇنىڭ مۇشۇ ئاجىزلىقىنى تۇتۇۋېلىپ قاچار يولغا تور ياكى قاپقان قويۇپ ئۆز ئولجىسىغا ئايلاندۇرۇۋالىدۇ ، خالاس.

تەڭرىتاغ ژۇرنىلىدىن.

momin0997

ھەقىقەتەن ئىسىل يازمىكەن....