ئۆيلەنگىن (مەرھۇم رۇزى سايىت)

maxal2010

ئۆيلەنگىن
روزى سايىت
راۋاققا چىقىۋىلىپ ماراې قويماي،
نازىدا قاش ئىتىىپ، چاچ تاراپ قويماي،
"سۆي" دىسە، مەشۇق ئەمەس، ئالۋاستى ئۇ،
كەتكۈلۈك ېەشنى قىقىېپ قاراپ قويماي.

يىنىغا تارتمىسا يا كەتكۈزمىسە،
"سۆي!" دىسە، گۈلىدىن شاخ ئەگكۈزمىسە،
ئىغىزى ېۇرامدىكىن كاساپەتنىڭ،
سۆيگەندە لىۋىگە لەۋ تەگكۈزسە.

"تاپانغا سۆي!" دىگىنى ساراڭلىق ئۇ،
زاتىغا ئىبلىس چاپقان ** ئۇ.
ھىدلاشما ئازاب، نۇمۇس، سۆيۈش تۈگۈل،
نىجاسەت دەسسەپ يۈرگەن داۋاملىق ئۇ.

سۆيمىسەڭ چەيلەمدىكەن پەسكە چۈشۈپ،
تىرەڭنى ئەيلەمدىكەن قەستكە چۈشۈپ؟
قورقمىغىن، تىترەيدۇ ئۇ راۋىقىدا،
ئورنىشىپ ئولتۇرۇشمۇ تەسكە چۈشۈپ.

گىپىڭچە "تاز" بولسىمۇ، "غاز" بولسىمۇ،
سۆيدۈرسە سۆيگۈدەكسەن "ماز" بولسىمۇ..
بىلىپ قوي، بەت ئەھلىنىڭ كۆڭلى سۇيۇق،
سەن- بىزدىن گۈل قىزغىنار ياز بولسىمۇ.

گىپىڭچە كىنىزەكلەر باسقاندا باش،
تاپانغا سۆيدۈرمەككە چاغلاپ ياۋاش.
"ياق" دەېسەن، كۆنەلمەېسەن، سۆيەلمەېسەن،
سۆيگۈڭ بار، ئىشق يۈكى ئىتىپ باغاش.

شۇڭا ئۇ كەچمەيدۇ، سەن كىچەلمەيسەن،
ئۇ "پەس"كە، سەن "ئىگىز"گە كۆچەلمەيسەن.
سەن دەيسەن: ئىككى قولدىن چىقسۇن چاۋاك،
ئۇ دەيدۇ: مۇزلاپ، كۆيدۈڭ، ئۆچەلمەيسەن!…

ئاڭلىسام، "ئۆيلەنمەيمەن!" دەپ يۈرۈپسەن،
"تاق"لىقتىن مۇراد ئىستەپ چۈش كۆرۈپسەن.
نۇرغۇنغۇ بويتاق "سايىم" يۇرتىمىزدا،
خوتۇن ئال، ئالما ئۈزگىن يەڭ تۈرۈپ سەن!


ماس قەدەمدە ئەۋەتىلدى maxal2010نىڭ مىكرو بلوگى

مۇرات

تازا ئىسىل شېئىرلار ئىدى جۇمۇ بۇلار.

nuri

ئەل سۆيگەن شائىرىمىز روزى سايىت تاھىر تالىپقا ‹‹نەسىھەت››قىپتۇدە،  خۇددى بىلال ئەزىزىنىڭ ‹‹يىللارغا سوئال›› شېئىرىغا جاۋابەن ئوي يۈرەك شائىر لۇتپۇللا مۇتەللىپ ‹‹يىللارغا جاۋاپ››نى يازغاندەك.

yulwas

ماڭا روزى سايىتنىڭ ئەركەك چىشى ئوغرى دىگەن شېرى لازىم ئىدى ،بارلار بۇلسا يۇللاپ قۇيغان بۇلساڭلار ئورتاق ھوزورلانغان بۇلساق.

سەلكىن01

مەرھۇم رۇزى سايىت ئاكىمىزنىڭ شىنجاڭدىكى ئەل سۆيگەن، كىشىلەر ئەڭ ياقتۇرغان‹‹ئۈچ داڭلىق شائىر››( كىشىلەر ئاۋاز بېرىپ سايلىغان رۇزى سايىت، مۇھەممەتجان راشىدىن، ئەخمەتجان ئوسمانلارنى كۆرسىتىدۇ)نىڭ بىرى بولۇپلا قالماي، يەنە ھازىر جاۋاپ چاقچاقچى ئىكەنلىكىنى گېزىت-ژۇرناللاردىن ئوقۇغان ئىدىم. بۇ شېئىرىمۇ تازا پار كەپتۇ. مەرھۇم ھازىرغىچە ھايات بولغان بولسا، دېھقاننىڭ يىغىسىنى يىغلاپ، ئوتىدا كۆيگەن، شېئىرىيەت بوستانىدا بۇلبۇل بولۇپ سايرىغان بولاتتى. مەرھۇم شائىرىمىزنىڭ ياتقان يېرى جەننەتتە بولغاي!!!

123456

مەزمۇنى بەك چوڭقۇركەن                       

adil0088

مەرھۈمنىڭ تاھىر ئاكىمىزنىڭ «ئۆيلەنمەيمەن» دېگەن شېئىرىغا يازغان بۇ جاۋابى ھەقىقەتەن ياخشى يېزىلغان شېئىر ئىكەن، مەرھۇمنىڭ ياتقان يېرى جەننەتتە بولسۇن!

nawruz0997

ئۆزى كەتسىمۇ ئىزى ئۆچمەس شائرىمىز ئىدى. مەرھۇم شائىرىمىزنىڭ نادىر شىئېرى بىلەن ئۇچراشتۇرغىنىڭىزغا رەھمەت. ئاللاھ ياتقان يېرىنى جەننەت قىلسۇن

nawruz0997

ئۆزى كەتسىمۇ ئىزى ئۆچمەس شائرىمىز نىڭ نادىر شىئېرى بىلەن ئۇچراشتۇرغىنىڭىزغا رەھمەت. ئاللاھ ياتقان يېرىنى جەننەت قىلسۇن