«ئەمەل مۇتتەھەملىكى»مۇ چىرىكلىكنىڭ بىر قىسىمى

ئىستىل

«ئەمەل مۇتتەھەملىكى»مۇ چىرىكلىكنىڭ بىر قىسىمى

- h: Q6 Y1 C5 J' Z, d) S& n«ئەمەل مۇتتەھەملىكى»نى ئېنىق قىلىپ ئېيتقاندا، ھۆكۈمەت مۇتتەھەملىكى، ئەمەلدارلار مۇتتەھەملىكى، دېيىشكىمۇ بولىدۇ. ئۇنىڭدىن باشقا، رەھبەرلەرنىڭ ماختىشىغا ئېرىشكەن چىرىكلىك، دېيىشكىمۇ بولىدۇ. بۇنى ئاڭلىغانلار چوقۇم مەندىن گۇمانلىنىشى مۇمكىن، چۈنكى ئالغان قەرزىدىن تېنىۋالغۇچىنى ماختاش كەتمەيدۇ. سۆزۈمنىڭ قىلچىمۇ بىمەنە ئەمەسلىكىنى ئىسپاتلاش ئۈچۈن مۇنداق ئىككى ئىشنى مىسال كەلتۈرۈپ ئۆتمەكچىمەن:
ئاساسىي قاتلامدىكى «ئەمەل مۇتتەھەملىكى]. مەلۇم يېزىلىق ھۆكۈمەتنىڭ ئەمەلدارلىرى يېقىن ئەتراپتىكى بىر ئاشپۇزۇلنى نۇقتىلىق يەپ-ئىچىش ئورنى قىلىۋالغان بولۇپ، خۇجايىن بۇ ئەمەلدارلارنىڭ ئۆزىگە يۈز بېرىپ ئاشپۇزۇلىدىن تاماق يېگەنلىكىدىن ناھايىتى خۇشال بولۇپ، ئۇلارغا ياخشى مۇلازىمەت قىلغان. ۋاقتنىڭ ئۆتۈشىگە ئەگشىشىپ ئاشخانا خوجايىنىنىڭ يانچۇقى بۇ ئەمەلدارلار پۇلنىڭ ئورنىغا بەرگەن قەرز ھۆججىتى بىلەن توشۇپ كەتكەن، ھەتتا بەزى ئەمەلدارلار يەيدىغاننى يەپ بولۇپ قەرز ھۆججىتىمۇ يېزىپ بەرمەيلا چىقىپ كەتكەن. يىل ئاخىرىدا يېزا باشلىقى چىرايىنى سارغايتىپ ئاشپۇزۇل خوجايىنغا: بۇ يىل مالىيەدە قىزىل رەقەم كۆرۈلدى، شۇڭا ھېساب-كىتابنى كېلەر يىلى قىلىشايلى، دېگەن. يېزىلىق پارتكومنىڭ شۇجىسى يېزا باشلىقىنىڭ بۇ خىل ئىش بېجىرىش ئىقتىدارىنى ماختىغان، لېكىن ئىككىنچى يىلى يېزا باشلىقى ئالمىشىپ، يېڭىسى كونىسىنىڭ قەرزىنى ئېتىراپ قىلمىغان. ئاشپۇزۇل خوجايىنى ئاخىر تونۇشلارنى ئىزدەپ ئانچە-مۇنچە پۇل خەجلەپ يۈرۈپ، قەرزنىڭ بىر قىسمىنى قايتۇرۇپ كەلگەن. ئۇ سوتقا ئەرز قىلىدىغانلىقىنى ئېيتقاندا، بىرسى: ئەرز قىلىۋەرسۇن، مۇشۇ يېزىدىنلا چىقمىسا، ئەز قىلغاننىڭ تەمىنى ئوبدان تېتىيدۇ، دېگەن. خوجايىن بۇ گەپتىن قورقۇپ قالدىمۇ، ئەيتاۋۇر ئاشپۇزۇلىنى تاقاپ ئىشلەمچىلىككە كەتكەن. بۇنداق قىلمىشنى نېمە دەيمىز؟ بۇ قاقتى-سوقتى قىلىش، پۇقرالارنى ئوچۇقتىن-ئوچۇق بوزەك قىلىش ئەمەسمۇ؟ خەلق چاكىرى بېگىمگە ئايلانسا بۇنى چىرىكلىك دېمەي نېمە دېگۈلۈك؟ ئەلۋەتتە بىر يىلدىن كېيىن« تۆت ناچار ئىستىلغا قارشى تۇرۇش ھەرىكىتى» قانات يايدۇرۇلۇپ، يېزىلىق ھۆكۈمەت قەرزنى تەشەببۇسكارلىق بىلەن قايتۇرۇپ كەچۈرۈم سورىغان، بىراق «ئۆسۈمىنى بولدى قىلىۋېتەيلى» دېيىش ئارقىلىق چىرىكلىك قۇيرۇقىنى كۆرسىتىپ قويغان.
بىر قەدەر يۇقىرى دەرىجىلىك «ئەمەل مۇتتەھەملىكى». مەلۇم شەھەر باشلىقى ۋەزىپىگە ئولتۇرغاندىن كېيىنلا «ئۈچ ئوت»نى ياندۇرغان. ئۇنىڭ بىرى، ئومۇمىي ئىشلەپچىقىرىش قىممىتىنى يۇقىرى كۆتۈرۈپ ھالقىما تەرەققىياتنى ئەمەلگە ئاشۇرماقچى بولۇپ، ئۆي چېقىش، يەر سېتىۋېلىش ئارقىلىق تەرەققىيات رايونى ئېچىشقا تۇتۇش قىلغان، نەتىجىدە بىر يىلغا بارمايلا بۇ شەھەرنىڭ قەرزى 5 مىليارد يۈەندىن ئېشىپ كەتكەن. ئەڭ قورقۇنچلۇقى شەھەر باشلىقى بۇنى بىلىپ تۇرسىمۇ يەنە قەدىمنى توختاتماي، قىزىل رەقەمنى بارغانچە زورايتقان. بۇ قانداق خاراكتېر؟ بۇ سېپى ئۆزىدىن ئالدامچىلىق، بۇنى چىرىكلىك دېمەي، نېمە دېيىش كېرەك؟ كىشنى ھەيران قالدۇردىغىنى، مانا شۇ شەھەر باشلىقىغا ئوخشاش مالىيەدە قىزىل رەقەمنى كۆپەيتىۋەتكەن باشلىقلار ناھايىتى تېزلا ئۆستۈرۈلىدۇ.
بۇ خىل ئەھۋال ھازىرقى جەمئىيەتتە كۆپ ئۇچرايدۇ، بۇنىڭ سەلبىي تەسىرى نۆۋەتتىكى ئىسلاھات-ئېچىۋېتىش ۋە زامانىۋىلىشىش قۇرۇلۇشىغا ئېغىر بۇزۇغۇنچىلىق قىلىدۇ، شۇڭا بۇ خىل قىلمىشنى« ئەمەل مۇتتەھەملىكى» ۋە چىرىكلىك، دەپ ئاتاش كېرەك.
مەنبەسى: شىنجاڭ قانۇنچىلىق گېزىتى.

qindos83

بۇنداق ئىشلار ساماندەك كوپ.......نىمە دىگۇلۇك؟؟؟؟كىمگە؟؟؟؟؟ئىيتاۋۇر پاك ئەمەلدارلار قالمىغانمىدۇ.....مىنىڭچە  سەۋىر قىلسا  بۇ كۇنلەرمۇ ئۇتۇپ كىتەر،،مۇشۇ   خەۋەرلىرەرنى  مەركىزى كومىتىت  كورسىمۇ  نىمە بولماقچى......ئۇنداق  ئەمەلدارلارنىڭ ھەممىسىنى تۇگەتكىلى بولامتى   مىنىڭچە بولغاندا   شەھەر-نايىلەردە   مەركەزنىڭ ئىنتىزام تەكشۇرۇش  ئەتىرتى   ياكى   مەركەزنىڭ   پۇقرالارغا  مۇشۇنداق ئەمەلدارلارنى  پاش قىلىش  مەخسۇس تور بىتى بولسا.. ياخشى بوللاتتى ..

salkin11

لەنىتى ، دەيۈزلەر ... ئارىمىزدا شۇنداقى تويماس ھايۋانلىرىمىز باركى ، ھامان بىر كۈنى تويىدۇ ... ھەرقانداق بىر ئىشنىڭ ھېسابى بار ، چوقۇم ھېساب كىتابلار ھېساپسىز قالمايدۇ ... تېما ئىگىسىگە تەشەككۈر ... ھەق ھامان مەۋجۈت ، ئۇ بىر كۈنى ھېساپ ئالىدۇ ...

ئۇيغارى

   بۇ تىمىدا كىشىنىڭ غەزىپىنى قوزغايدىغان ئىشلار يېزىلىپتۇ. بۇنىڭغا ئوخشاش قانۇننى كۆزىگە ئىلمايدىغان ئەمەلدارلار دەل رەئىس شى جىنپىڭ ئېيقان چىۋىننىڭ دەل ئۆزى، بۇنداق چىۋىنلەر ھامان بىر كۈنى قانۇن پالىقى ئاستىدا مىجىلىپ كېتىدۇ.