ئەگەر بىر قىز سۆيىمەن دېسە

Hiyalparas

     ئەگەر بىر قىز سۆيىمەن دېسە

ئەگەر بىر قىز سۆيىمەن دېسە،
يۈرىكىمنى بېرەتتىم شۇ تاپ.
مېھىر بىلەن ئىللىسا بىر پەس،
مۇز قەلبكە چۈشكەندە ئاپتاپ.

ئەگەر بىر قىز سۆيىمەن دېسە،
شېئىر يازسام ئۇنىڭغا ئاتاپ.
غەرق ئەتسەم مىسرالىرىمدا،
مۇھاببەتتىن دولقۇنلار ياساپ.

ئەگەر بىر قىز سۆيىمەن دېسە،
قۇچاق ئاچسام شادلىنىپ قاراپ.
مەستخۇشلۇققا چۆمسەم لەھزە، ئاھ!…
لەۋلىرىدىن ئىچكەندە شاراپ.

ئەگەر بىر قىز سۆيىمەن دېسە،
قولىقىمغا ئاستا پىچىرلاپ.
ئويغانسام بۇ مۇدھىش ئۇيقىدىن،
يۈرمىسەمكەن قايتا تىپىرلاپ.

ئەگەر بىر قىز سۆيىمەن دېسە،
(چەكمىسەمچۇ بۇنچە ئىزتىراپ).
ئۇنتۇپ دۇنيا غەلۋە-زارىنى،
تەنھالىقنى قىلسام مەن خاراپ.

       2015-يىل   22-دېكابىر.     -خىيالپەرەس.

150015

ياخشى يىزىپسىز . قولڭىزغا دەت كەلمىسۇن ،        مۇشۇنداق ياخشى مەزمۇنلۇق شىئىرلىرىڭىزغا تەشنامىز.

akax119

ياخشى يېزىپسىز

xukrikil

يارنى خىيال قىلىپ ياخشى يېزىپسىز ،،،،خىيالپەرەس  دوستۇم....تېخىمۇ تىرىشىڭلا،،،،،،،،،،،،،،،،

سەلكىن01

ئەگەر بىر قىز سۆيىمەن دېسە،
تېرىلەتتى ئۆلگەن روھىممۇ.
قان يۈگۈرۈپ مۇڭلۇق چېھرىمگە،
ئوڭشىلاتتى رەڭگى-تۇرقۇممۇ.

ئەگەر بىر قىز سۆيىمەن دېسە،
ھاياتىمنى قىلاتتىم تەقدىم.
باھاردىكى لالە رەڭ گۈلدەڭ،
ئېچىلاتتى ئۆمۈرلۈك بەختىم.

ئەگەر بىر قىز سۆيىمەن دېسە،
سۆيۈش ئۈچۈن يارالغان دەيتىم.
گۈلخان كەبى ئاتەش سۆيگۈلەر،
ۋۇجۇدۇمغا تارالغان دەيتىم.

ئەگەر بىر قىز سۆيىمەن دېسە،
تاپشۇراتتىم  ئاڭا بارىمنى.
يۈرىكىمگە باساتتىم مەھكەم،
پەرىزاتتەك ئوماق يايرىمنى...

ibrahim

幽灵

مەرىپەت

بىر قىز  شۇنداق دەپمۇ قالار، ئۈمۈتۋار بولۇڭ