(شىئېر)مەن كۆيگەن قىز

كۇسەنى

مەن كۆيگەن قىز
قاپقارا چاچلىرى گۇيا مەجنۇنتال،
ھېدلاشقا بەرداشلىق بىرەلمەس شامال.
خىجىللىق ئىلكىدە مارايدۇ كوكتىن،
ئۆزىنى دالدىغا ئالغانچە ھېلال؟

كىرپىگى گۇياكى قولدىكى ئوقيا،
گۈل چىراي رۇخسارى ئاسماندىكى ئاي.
كۆز نۇرى بەئەينى تاغدىكى ۋولقان،
كۆكسىدۇر دەريادەك مۇھاببەتكە باي.

لەۋلىرى لىق تولغان ئالتۇن شەربەتكە،
ئىچمەيلا مەس بۇلۇپ ئايلىنار دۇنيا.
ئورغۇتۇپ قەلبىمدە ئالەمچە سويگۈ،
بۇلاقتەك كۆزلىرى،نازلىرى ئارا.

قىپقىزىل چوغلۇقتەك تۇرار قىرغاقتا،
شەپەقمۇ باش قويغان تاشتىكى ئىزغا.
ئالتۇن رەڭ نۇر چاچقان دەريا ساھىلى،
تەلمۇرۇپ قارايدۇ مەن كويگەن قىزغا.

2016-1-6(سىرلىق-ئەر)

Hiyalparas

بەك ياخشى يېزىپسىز. شۇ تاپتا مېنىڭمۇ خىيال ئېكرانىمدا بىر قىزنىڭ سىماسى زاھىر بولىۋاتىدۇ.

hawas

شېئىرىڭىزنىڭ مۇۋەپپەقىيىتىگە مۇبارەك بولسۇن!

peryadi

بەك ياخشى چىقىپتۇ ………

akax119

ياخشى يېزىلىپتۇ

رەھىمى

ياخشى يېزىپسىز ،رەھمەت سىزگە

مەرىپەت

ياخشى يېزىپسىز، قەلىمىڭىز يەنىمۇ ئۇتۇقلۇق بولسۇن!