MP3، يانفون...كېيىنكى بازارلىق تېخنىكا مەھسۇلاتى نېمە

Qarluq-IT · ۋاقتى: 2015-9-27 01:17:50

ئامېرىكا Re/code تورىنىڭ 26-سېنتەبردىكى خەۋىرى (ئوكيان تورى تەرجىمىسى): ئۆتكەن نەچچە ئون يىلدا، ئىستېمال تۈرىدىكى پەن-تېخنىكا مەھسۇلاتلىرى تېز سۈرئەتتە تەرەققىي قىلدى، شەخسىي كومپيۇتېر، تاختا كومپيۇتېر، ئەقلىي يانفون، چوڭ ئېكرانلىق تەكشى ئېكرانلىق تېلېۋىزور، سۈزۈك سىنغا ئېلىش مېدىيەسى ھەمدە مېدىيەنىڭ بۆلۈپ ئېلان قىلىشنىڭ كۆپ خىل شەكلى قاتارلىقلارنى ئۆز ئىچىگە ئالىدۇ. پەن-تېخنىكا كۆپ قىسىم كىشىلەرنىڭ تۇرمۇشىغا چوڭقۇر سىڭىپ كىردى.
بۇ جەرياندا، بىر ئاساسىي نۇقتىئىنەزەر بولسا پەن-تېخنىكا ئەڭ يېڭى بازارلىق مەھسۇلات تىپىنىڭ بارلىققا كېلىشىنى داۋاملىق ئىلگىرى سۈرىدۇ. بۇنداق نۇقتىئىنەزەر كەڭ قوبۇل قىلىندى، يېڭى مەھسۇلاتقا بولغان تەلپۈنىشىمىز بىزنىڭ كەلگۈسىگە بولغان قارىشىمىزغا ئېنىقلىما بېرىشكە باشلىدى. «پەن-تېخنىكا ساھەسىدىكى كېيىنكى بازارلىق ساھە قايسى؟» دېگەن مەسىلە دائىم كۆرۈلىدىغان مەسىلە بولۇپلا قالماي ھەم بىزنىڭ ئەڭ يېڭى مەھسۇلات خەۋىرى ۋە پەن-تېخنىكىنىڭ ئىلگىرىلەش شەكلىنى قوبۇل قىلىشىمىزغا تەسىر كۆرسەتتى.
لېكىن، بۇ خىل نۇقتىدىن شەيئىلەرگە قاراش مەسىلە پەيدا قىلدى. بىز يەنىلا مۇھىم يېڭى مەھسۇلات ۋە تېخنىكا يېڭىلىق يارىتىشىنى كۆرەلەيمىز، بۇ نۇقتا شەك-شۈبھىسىز. لېكىن ئۇزۇن مەزگىللىك تەنقىدىي پىكىرلەردە پەن-تېخنىكا كەسپىدىكى كېيىنكى ئەۋلاد ۋارىس پەيدا بولمىدى.
نۆۋەتتە بازاردا نۇرغۇن قىزىقارلىق يېڭى مەھسۇلاتلار بار، مەسىلەن تاقالما ھېسابلاش ئەسلىھەلىرى، ئەقلىي ئائىلە ئەسلىھەلىرى، مەۋھۈم رېئاللىق/رېئاللىق كۈچەيتىش مەھسۇلاتلىرى ھەمدە تورلاشقان ئاپتوموبىل قاتارلىقلار. لېكىن شەخسىي كومپيۇتېر، ئەقلىي يانفون، تەكشى ئېكرانلىق تېلېۋىزور، ھەتتا تاختا كومپيۇتېر بىلەن ئوخشىمايدىغىنى، بۇ مەھسۇلاتلار كەڭ ئومۇملىشىشقا ھەمدە بىزنىڭ كۈندىلىك تۇرمۇشىمىزغا تەسىر كۆرسىتىشكە ئامالسىز.
تارىخىي نۇقتىدىن قارىغاندا، بىر قىسىم يېڭى مەھسۇلاتلارنىڭ كىشىگە بېرىدىغان تۇيغۇسى MP3 قويغۇچى ياكى كۆك نۇر قويغۇچىغا ئوخشايدۇ. ئەينى چاغدىكى دەۋردە، بۇلار ھەقىقەتەن مۇھىم تېخنىكىلار ئىدى، ئەمما ۋاقىتنىڭ سىنىقىغا بەرداشلىق بېرىپ، كەڭ ھەمدە داۋاملىق ئىشلىتىلىشكە ئامالسىز.
تاقالما ئەسلىھە ۋە مەۋھۈم رېئاللىق/ رېئاللىق كۈچەيتىش ئەسلىھەسىگە نىسبەتەن ئېيتقاندا، دۇچ كەلگەن خىرىس بولسا مەھسۇلات نۆۋەتتە پەقەتلا ئاز بىر قىسىم ئابۇنتلارنى جەلىپ قىلالىدى. دەرۋەقە، بۇ مەھسۇلاتلار نۆۋەتتە يەنىلا تەرەققىياتنىڭ دەسلەپكى باسقۇچىدا تۇرماقتا، كەلگۈسىدە چوقۇم داۋاملىق تەرەققىي قىلىپ، تېخىمۇ كۆپ ئابۇنتلار قوبۇل قىلىدۇ. بىراق، 5 ~7 يىلدىن كېيىن، بۇ مەھسۇلاتلار پۈتكۈل ئاۋامنىڭ دىققەت مەركىزى بولالىشى يەنىلا ناتايىن.
ئەقلىي ئۆي ئۈسكۈنىلىرى ۋە تورلاشقان ئاپتوموبىلغا نىسبەتەن ئېيتقاندا، بىز نۆۋەتتە يەنىلا تەرەققىياتنىڭ دەسلەپكى باسقۇچىدا تۇرۇۋاتىمىز. مۆلچەرلىشىمىزچە، بۇ ئىككى تۈردىكى مەھسۇلاتنىڭ تەرەققىياتىنىڭ ئەگرى سىزىقى تېخىمۇ ئۇزۇن بولىدىكەن. بۇنىڭدىن سىرت، بۇ خىلدىكى مەھسۇلاتلارنىڭ كەڭ قوبۇل قىلىنىشى ۋە ئومۇملىشىشىدىكى ئەڭ چوڭ خىرىس تېخنىكىدا ئەمەس، بەلكى ھېسابلاش ئۆلچىمىنىڭ تەرەققىياتىدا.
بەختكە قارشى، چوڭ تىپتىكى پەن-تېخنىكا ماگناتلىرى ھەمىشە ئوخشىمىغان ئۆلچەمدە چىڭ تۇرىدۇ، مەسىلەن ئىنتېل، كۋولكوم، گۇگول ۋە ئالما شىركەتلىرىنىڭ ئۇسۇلى شۇنداق. ھېچقانداق بىر شىركەت قىسقا مەزگىل ئىچىدە ئۆزىنىڭ مەيدانىدىن ۋاز كېچىشنى خالىمايدۇ. شۇڭا كەلگۈسىدىكى كۆپ يىللار ئىچىدە، ئەقلىي ئائىلە ئەسلىھەلىرى بازىرى ئىنتايىن مۇرەككەپلىشىپ كېتىدۇ.
ئەقلىي ئىقتىدارلىق ئاپتوموبىلغا نىسبەتەن، ھەربىر ئاپتوموبىل شىركىتى ئۆزىنىڭ مەھسۇلاتىغا قارىتا بىخەتەرلىك ۋە تور نەشرىنى يۇقىرى كۆتۈرىدۇ. لېكىن، كۆپلىگەن ئاپتوموبىل ۋە پەن-تېخنىكا زاتلىرى ھەمدە سۇغۇرتا سودىگەرلىرى ۋە قانۇن تۇرغۇزغۇچىلارغا ئاپتوموبىللار ئارىسىدا ئەقلىي تېخنىكىنى ھەمدە قانۇن ئۆلچىمى ۋە تەلىپىنى ئەمەلگە ئاشۇرۇش يەنىلا ئېنىق ئەمەس.
شۇڭا، ئىستېمال تۈرىدىكى پەن-تېخنىكىغا نىسبەتەن كەلگۈسى نەچچە نەچچە يىل پەيدىنپەي ياخشىلىنىدىغان نەچچە يىلدۇر. ئالاقىدار شىركەتلەر تېخىمۇ كۆپ زېھنى كۈچىنى سەرپ قىلىپ، ئوخشىمىغان ئەسلىھەلەر ئارىسىدىكى تورلىشىشنى ئەمەلگە ئاشۇرۇپ، پەن-تېخنىكىنى كونترول قىلىشى كېرەك. بۇنىڭدا بىر قىسىملىرى ئېھتىمال كۆچمە ئەپلەر ئارقىلىق ئەمەلگە ئېشىشى مۇمكىن، ئەمما يەككە ئەپنىڭ تەسىر كۈچى تۆۋەنلەيدۇ، ئابۇنتقا كۆڭۈل بۆلىدىغان مۇلازىمەتنىڭ تېخىمۇ چوڭ تەسىر كۈچى بولىدۇ دەپ قاراۋاتىمىز. بۇنداق مۇلازىمەت بەزى ئالاھىدە بەلگىلەنگەن ئەسلىھە ۋە مەشغۇلات سىستېمىسىدىمۇ ئىشلىتىلىدۇ.
بۇنىڭ بىلەن بىرگە، بىز يۇقىرىدا تىلغان ئېلىنغان مەھسۇلات تۈرلىرىنىڭ داۋاملىق تەرەققىي قىلىدىغانلىقىنى كۆرىمىز، مەسىلەن تاقالما ئەسلىھەلەر ۋە ئەقلىي ئىقتىدارلىق ئائىلە ئەسلىھەلىرى قاتارلىقلار، لېكىن يېڭى مەھسۇلات تۈرلىرىمۇ كەشپ قىلىنىدۇ. بىراق، بىز تېخىمۇ كۆپ كەسپىيلەشكەنلىكىنى كۆرىشىمىز مۇمكىن، يەنى تېخىمۇ كۆپلىگەن يېڭى تېخنىكا مەھسۇلاتلىرى كۆلىمى نىسبەتەن كىچىك بازارنى نىشانغا ئالىدۇ.
بىزنىڭچە، بۇ بىر خىل ئوسال ھادىسە ئەمەس، ئەمما بۇنىڭ بىلەن نۆۋەتتىكىگە قەدەر بىز باشتىن كەچۈرگەن سەرگۈزەشتلىرىمىزدە ناھايىتى چوڭ ئوخشىماسلىق بار. بىزنىڭ يېڭى مەھسۇلات ۋە پەن-تېخنىكىنىڭ ئىلگىرىلىشىگە قانداق قارىشىمىز ھەم بىزگە ئوخشىمىغان تەپەككۇر نۇقتىسى ئاتا قىلىدۇ.

ئوكيان تورى تەرجىمىسى

bosat · ۋاقتى: 2015-9-27 18:28:35

نىكۇلاي ئوستىرۋېسكى مەن گەپ قىلسام گېپىم تەستىقلانمايدىكەن جۇغلانمامنى كۆتۈرۈپ قويغان بولساڭلار.....