لاياقەتلىك ئوقۇتقۇچى بولۇشنىڭ شەرتلىرى

كىتاب12 · ۋاقتى: 2015-4-29 23:00:26

لاياقەتلىك ئوقۇتقۇچى بولۇشنىڭ شەرتلىرى

جۇ خاۋكۈن

ئۆمەرجان ئامۇت تەرجىمىسى

1.مۈگدەپ قالغان ئوقۇغۇچىنى دەرس ئاڭلاشقا زورلىماڭ،چۈنكى سىز يالغاندىن ئۇخلىۋالغانلارنى ئويغىتىشقا قادىر ئەمەس.دەرسنى ئامال بار قىزىقارلىق سۆزلەڭ.
2. 80پىرسەنت سوئالغا 10 سېكۇنت ئىچىدە جاۋاب بېرەلەيدىغان، 15 پىرسەنت سوئالنىڭ تەپەككۇر يولىنى 5 مىنۇت ئىچىدە دەپ بېرەلەيدىغان بولۇڭ. 5 پىرسەنت سوئالنى بىلمىسىڭىز راستچىللىق بىلەن تەن ئېلىپ،قايقاندىن كېيىن بارلىق ئاماللارنى قىلىپ 24 سائەت ئىچىدە جاۋاب بېرىشكە تىرىشىڭ.بىلىشىڭىز كېرەككى،ئوقۇغۇچىلار بىر جېنىغا توققۇز خىل دەرس ئوقۇيدۇ،سىز ئاران بىر پەننى تەتقىقى قىلىسىز.تۇغما قابىلىيىتىڭىز كەم بولسا،بۇنىڭ كارايىتى چاغلىق.سىز چوقۇم ئوقۇغۇچىلار سوراپ قېلىشى مۈمكىن بولغان سوئاللارغا مۇناسىۋەتلىك يېتەكچى كىتابلاردىكى مەشىقلەرنى تەكرار ئىشلەپ چىقىشىڭىز كېرەك.
3. بەزى ئۇرۇق-تۇغقانلىرىڭىز بىلەن يىلدا بىرەر-ئىككى قېتىم كۆرۈشىسىز يا كۆرۈشەلمەيسىز،ئەمما ئوقۇغۇچىلار بىلەن كۈندە ئۇچرىشىپ تۇرىسىز.شۇنداق بولغانىكەن،ئوقۇغۇچىلارنىڭ ئىسمىنى،ئاساسى ئالاھىدىلىكىنى ۋە مىجەز- خۇلقىنى بىلمەسلىككە ھېچقانداق باھانىڭىز يوق.
5.ئوقۇغۇچىلىرىڭىزنىڭ يېقىنقى بىر قېتىملىق نەتىجىسىنى يانفۇنىڭىزغا كىرگۈزۈۋېلىڭ،بۇ ئارقىلىق شۇ بالىلارنىڭ سىزنىڭ قولىڭىزدا ئىلگىرلىگەن - ئىلگىرلىمىگەنلىكىدىن ۋاقىپلىنالايسىز.
5.مەسلىلەرنىڭ يېشىمىنى دەپ بەرمەكچى بولسىڭىز،تېلېفوننى ئوقۇغۇچىڭىزنىڭ ئاتا-ئانىسىغا ئۇرۇپ،بىر نەچچە ئېغىز پاراڭلاشقاندىن كېيىن ئاندىن ئوقۇغۇچىڭىز بىلەن سۆزلىشىڭ.بۇنداق قىلغاندا،بىرىنچىدىن،ئاتا-ئانا بولغۇچى«مۇئەللىم بالىمىزغا ئېتىبار بېرىدىكەن»دەپ خاتىرجەم بولىدۇ؛ئىككىنچىدىن، ئوقۇغۇچىلار «مۇئەللىم ئەسلى تېلېفوندا مېنى چېقىشتۇرمايدىكەن-دە»دېگەن چۈشەنچىگە كېلىدۇ.
6.بىرلا ۋاقىتتا بىرنەچچە قىز ئوقۇغۇچىغا ئۇچراپ قالسىڭىز،ئارىسىدا مەكتەپ گۈزىلىمۇ،چىرايى ئادەتتىكىچىلىرىمۇ بولسا،سالامنى ئالدى بىلەن ئاشۇ چىرايى ئادەتتىكىچە قىزغا قىلىڭ.بىرنەچچە ئوغۇل ئوقۇغۇچىغا ئۇچراپ قالسىڭىز، سالامنىڭ بېشى جىمىغۇرراقىغا بولسۇن.
7.دەرسخانىدا مەسلىلەرنى يېشىپ بەرگەندە،چىرايى ئادەتتىكىدەك،ئىچ مىجەز ئوقۇغۇچىلارغا بەكرەك ئېتىبار بېرىڭ.چىراي-تۇرقى قانچە ئادەتتىكىچە، ئالاھىدىلىكى يوق ئوقۇغۇچىلار مۇئەللىمنىڭ دىققەت-ئېتىبارىغا شۇنچە مۇھتاج.
8.دېمەكچى بولغانلىرىڭىز بالىلارغا پايدىلىق بولغان تەقدىردىمۇ،«چوقۇم مۇنداق قىلىشىڭ كېرەك»دېگەننىڭ ئورنىغا«مېنىڭ تەكلىپىم...»دەڭ.پەردازلانغان زورلاشمۇ ئوخشاشلا زورلاش،ھەر قانچە سىپايە چەكلەشمۇ يەنىلا چەكلەشتۇر.
9.ئالدىراپ«بۇ بەك ئاسانغۇ»دەپ سالماڭ.ئەگەر مەسىلىنى بەك ئاددىيلاشتۇرۋېتە- لىسىڭىز بۇ باشقا گەپ.
10.ئوقۇغۇچىلارنىڭ يېنىغا بېرىپ چۈشەنگەن-چۈشەنمىگەنلىكىنى سورىغىنىڭىزدا ، باشقا بالىلار ئاڭلاپ قالمىسۇن.چۈنكى،باشقىلار قاراپ تۇرغاندا «چۈشەنمىدىم» دېيىشكە ھەرقانداق بىر ئوقۇغۇچىنىڭ تىلى بارمايدۇ.
11.دەرس ۋاقتىدا ھە دېسىلا تېلېفون ئالىدىغان ئوقۇتقۇچىنىڭ ئوقۇغۇچىلاردىن يانفونىنى ئېتىۋېتىشىنى تەلەپ قىلىش سالاھىيىتى يوق.
12.قەستەن داڭلىق ماركىلىق كىيىملەرنى كىيىۋالماڭ.چۈنكى ياخشى ئوقۇتقۇچىنىڭ ئۆزىلا بىر ماركا.كىيىملەرنى كۆز-كۆز قىلىدىغان ناچار خۇيدىن تېخىمۇ ھەزەر ئەيلەڭ.بولمىسا جەمئىيەتتە باش كۆتۈرۈۋاتقان مەئىشەتچىلىككە ھەمدەم بولغان بولىسىز.

مەنبە: «تەرمىلەر» ژورنىلى 2015-يىللىق 4-سان.

نۇرلان · ۋاقتى: 2015-4-30 11:52:14

ياخشى تەرجىمە ئەسەركەن، يوللۇغۇچىغا رەھمەت.

تەقۋا999 · ۋاقتى: 2015-5-2 00:46:37

رەھمەت سىزگە .

!!!!!

يىگانە · ۋاقتى: 2015-5-2 08:13:50

مەنمۇ ئوقۇتقۇچى بولۇشنى ئويلاشقان لىكىن ماۋۇ تىمىنى كۆرگەندىن كىيىن مەن ئۆزەمدە نۇرغۇنلىغان تەرەپلەرنىڭ كەمچىللىكىنى ھېس قىلدىم ، تولۇقلاشقا تىرشىسام بولغۇدەك .

زۇليار00 · ۋاقتى: 2015-5-6 13:36:34

بۇ ئەسەرنى كۆرگەندىن كىيىن ئۈزەمدە مەن تېخى ھېس قىلمىغان كەمچىلىكلىرىمنى تۇنۇدۇم .رەخمەت ،بۇنداق مائارىپقا مۇناسىۋەتلىك ئەسەرلەرنىڭ ئۈزۈلمەي چىقىشىنى، مائارىپىمىزىڭ يۈكسىلىشىنى ئۈمۈت قىلىمەن .