ئىلتىجا(ئەلتەشنا)

altaxna

ئىلتىجا
قەلبىمدە بار ئىدى جىمجىت بىر خىيال.
شۇ خىيال ئىچىدە سېغىندىم سېنى.
ۋە لېكىن زادىلا بىلمەيسەن بۇنى.
نە ئۈچۈن بۇنچە قىينايسەن مېنى.

مۇڭلىنىپ ئولتۇرۇپ تىمتاس كېچىدە.
ئاشىقنىڭ يۈرىكى كۆيەتتى چوغ بولۇپ.
ئۆتەرمۇ كۈنلىرى يەنە مۇشۇنداق.
ئازاپلار ئىچىدە شۇنچە ئاھ ئۇرۇپ.

يۈرۈگۈم ئازاپتا لەختە قان ئىدى.
ئېيتالماي يۈرگەچكە سىرىمنى ساڭا.
ئەي جانان قىينىماي مېنى بۇنچىلىك.
ئەشۇ پاك كۆڭلۈڭنى بەرسەڭچۇ ماڭا.

سېغىنىش ئىچىدە ئۆرتىنەر يۈرەك.
جۆر بولۇپ تەقدىرنىڭ قىسمەتلىرىگە.
ئېيتقىنا گۈزەلىم ئېيتقىنا قېنى.
ئەمدى مەن ئاشىققا باردۇر نە چارە.

مەنبە：ئۆز قەلىمىم（مەتتوختى مەمتىز ئەلتەشنا）

2015.يىلى 23.فېۋرال خوتەندە يېزىلدى.
قەلەمنى تاشلاپ 7يىلدىن كىيىنكى تۇنجى شىئىرىم بۇ 7يىل جەرياندا نۇرغۇن چىكىنىش يىتەرسىزلىكلەر بولىشى تەبىئىي دوستلارنىڭ قىممەتلىك پىكىر تەكلىپلىرىنى ئايىماسلىقىنى ئۈمىد قىلىمەن.

نەۋرۇز

شىئېرىڭىزنى ئۈندىدارىمغا ئەۋەتكەن چاغدىلا مونبەرگە يوللاڭ. كۆپچىلىك بىلەن ئورتاقلىشىڭ دەپ تەكلىپ بېرىۋدىم يولللاپسىز. ياخشى بوپتۇ. ياخشى باشلىنىش.شىئېرىڭىز تەبىئى ھېسيات بىلەن ياخشى يېزىلىپتۇ. ھېساپتا تۇنجى يازمىنىڭ بۇنداق تەبىئى چىقىشىمۇ تەس. ئەمما  بىھۇدە ئارتۇق ماختاپ يۈرگەندىن كۆرە كەتكۈزۈپ قويغان تەرەپلەردىن سۆز باشلاي.

بىرىنچى كۈبىلىتنىڭ ئىككىنچى ئۈچۈنچى ۋە تۆتىنچى مىسراسى مەجبۇرى قاپىيلىنىپ شىئېرىڭىزنىڭ بەدىلىكىنى بۇزۇپ قۇيۇپتۇ.
ئىككىنچى كۇبلىتنىڭ ئىككىنچى مىسراسىنىڭ بۇغۇم سانى ئېشىپ كىتىش سەۋەبى بىلەن يەنە بىر نوقسان چۈشۈرۈپتۇ.

ۋاختىڭىز بولسا باشقىلارنىڭ ياخشى شىئېرلىرىنى كۆپ ئوقۇڭ. ئۆرنەك ئېلىڭ. بۇندىن كىينكى ئىجادىيەت ھاياتىڭىزغا ئۇتۇق تىلەيمەن ئىنىم . سالامەت بولۇڭ

ئ‍ويغاق

مەنمۇ نەۋرۇز ئۇستازغا ئوخشاش  پىكىردە، لىكىن يەنىلا سىزنىڭ قەلىمىڭىزگە ئۇتۇق بەرىكەت تىلەيمەن.

yanfun

ئەمدى قەلەمنى تاشلېۋەتمەسسز ھە ؟

ئەزھەر36

ياخشى چىقىپتۇ ، مۇنەۋەر شىئىرلارنى كۆپرەك ئوقۇپ ، شىئىر يېزىش جەھەتتىكى قابىلىيىتىڭىزنى يۇقىرى كۆتۈرۈڭ .

ياسن88

ھەقىقەتەن قالتىس كەنسىز سىز 7 يىل قەلەمنى تاش لىمىغان بوسىڭز كىتاب چىقىراكەن سىز!

مەرىپەت

مەن  تېخى تېمىسىنى كۆرۈپ دوستلاردىن بىرەر ئىشنى ئىلتىجا قىلغان ئوخشايدۇ دەپ ئويلاپتىمەن، شئېرنى ئوقۇسام باشقىچە مەزمۇن
دەسلەپتىلا ياخشى باشلىنىش بوپتۇ، ئۇستازلارنىڭ تەكلىۋى بۇيىچە قىلسىڭىز تېخىمۇ ياخشى بولۇپ كەتكۈدەك، ئىجادىيەتلىرىڭىزنىڭ ئۇتۇقلۇق بولىشىنى تىلەيمەن.