ئانا مېھرى

ئەزھەر36

ئانا مېھرى

گۆدەكلىك ، بەڭۋاشلىق سەبىي چاغلاردا ،
كۆرسىتىپ توغرا يول يېتەكلىگەنسەن .
ئازغاندا پەرزەنتىڭ ئەقىل يولىدىن ،
زېرىكمەي ، تېرىكمەي ئەقىل بەرگەنسەن .

پەرۋانە بولۇپ سەن پەرزەنتىڭ ئۈچۈن ،
ئۆتكۈزدۈڭ نى ئۇزۇن سانسىز كۈن – تۈننى .
پەپىلەپ چوڭ قىلدىڭ ئىشتىياق باغلاپ ،
ئاچتىڭسەن ئاتەشتەك ئىللىق باغرىڭنى .

زەبەردەس يىگىت بوپ يېتىلدىم سەندە ،
ئەي ! ئانا ئەجرىڭ كۆپ پەرزەنتلىرىڭدە .
ئاققۇزغان قان – تەرىڭ مېھرىڭ بىباھا ،
نەقىش بوپ ساقلىنار پەرزەنت قەلبىدە .

ئانىلار كۈيلىنەر ھەر بىر تېنىقتا ،
ئانىنىڭ ئەجىرى ، مېھرى چەكسىز دەپ .
يادلىنار ئانىلار ھەر بىر دىللاردا ،
ھۆرمەتتە بېشىنى ئىگەر بولۇپ سەپ .


مەنبە : ئەخمەتجان مەمتىمىن ( ئەزھەر 36 )
2014-يىل 1-ئاينىڭ 29-كۈنى

ئەركان

رەھمەت قېرىندىشىم،ياخشى يېزىپسىز. ئىككىنچى كۇپلىت ئىككىنچى مىسرانىڭ بېشىدا ئىملا خاتالىقى بار ئىكەن.

ئەزھەر36

ئەركان يوللىغان ۋاقتى  2015-1-29 21:57
رەھمەت قېرىندىشىم،ياخشى يېزىپسىز. ئىككىنچى كۇپلىت ئىك ...

تۈزۈتۈپ قويدۇم .

نەۋرۇز

ئانا - مەڭگۈلۈك تېما. قانچە يازسا تۈگىمەيدىغان ، قانچە مەدېھلىسىمۇ ئارتۇقلۇق قىلمايدىغان ئۇلۇغ زات.

WOLKANI

ئانا ھەققىدىكى شئېرىڭىز نى ياقتۇردۇم ،ئانىغا قانچىلەىك قىلساق ،قانچىلىك مەدىلىسەك ئەرزىيدۇ ،ئەسەرلىرىڭىزنى ئايىمىغايسىز ئەپەندى !

ئەزھەر36

WOLKANI يوللىغان ۋاقتى  2015-1-30 18:03
ئانا ھەققىدىكى شئېرىڭىز نى ياقتۇردۇم ،ئانىغا قانچىلەى ...

رەھمەت ، بۇ مېنىڭ 4- پارچە شىئىرىم ، بۇندىن كېيىنمۇ داۋاملىق يېزىپ يوللاپ تۇرىمەن ، تەكلىپ - پىكىرلىرىڭىزنى ئايىمىغايسىز !