ئانىجان سەھرا

sardar1399965

ئانىجان سەھرا
(مۇھەممەتسۇلايمان ئابدىقايىم )

بار شۇنداق بىر زېمىن مۇشۇ دۇنيادا ،
قۇچىقى پايانسىز چىمەنلىك  ۋادا .
بۇلاقلار توختىماس، كۈۋەجەر ئېقىن،
ئۇ كى پاك، غۇبارسىز ئانىجان سەھرا.

شۇقەدەر نۇرلۇقتۇر كېچە ئاسمىنى،
ھاۋاسى قوزغايدۇ ، دىل ئارامىنى.
بۈيۈكلۈك قاپلىغان جىمىي باغرىنى،
ئۇكى ساپ، نوقسانسىز ئانىجان سەھرا.

باغلاردا نەغمىدە سايرىغان قۇشلار،
تاغلاردا ئوتلايدۇ، تۈمەن چارۋىلار.
گوياكى بىر بازار قايناق ئېتىزلار،
ئۇ كى ئاق ھېچ داغسىز ئانىجان سەھرا.

قەدىمدىن ساقلانغان ھىكمەتلىرى كۆپ،
يۇرتقا خاس ئۆزگىچە خىسلەتلىرى كۆپ.
دۇنياغا تۈگىمەس ھىممەتلىرى كۆپ،
خەلقى شوخ قايغۇسىز ئانىجان سەھرا.

نەۋرۇز

مەنبەنى ئەسكەرىتمەپسىز. ئۆزىڭىز نىڭمۇيا؟ لىكىن ياخشى شىئېركەن

sardar1399965

شىئېرنى ئۆزەم يازغان . ئەسكەرتىشنى ئۇنتۇپ قاپتىمەن . رەھمەت