چەتئەل ئوقۇتقۇچىلىرى قانداق دەم ئالىدۇ؟

ئەزھەر36

فرانسىيە: فرانسىيە قانۇنىدا، ئوقۇتقۇچىلارنىڭ ھەر ھەپتىدىكى دەرس ئۆتۈش ۋاقتى 14-18 سائەت، 20 سائەتتىن ئېشىپ كەتمەسلىكى كېرەك: ئوقۇتقۇچىلار ئوقۇغۇچىلارغا ئائىلە تاپشۇرۇقى بېرىش ئارقىلىق ئوقۇتۇش ۋەزىپىسىنى تاماملىسا بولمايدۇ، دەپ بەلگىلەنگەن. فرانسىيە ئوقۇتقۇچىلىرى بىر يىلدا بەش قېتىم دەم ئالىدۇ، ئۆكتەبىرنىڭ ئاخىرى بىر ھەپتە، ۋىتسون بايرىمىدا 10 كۈن، مىلاد بايرىمىدا ئىككى ھەپتە، فېۋرالدىكى قىشلىق تەتىلدە ئىككى ھەپتە، باھاردا ئىككى ھەپتە، يازلىق تەتىلدە ئىككى ئاي دەم ئالىدۇ.
گېرمانىيە: گېرمانىيە فېدېراتسىيە تۈزۈمىنى يولغا قويغان، مائارىپنى ئاساسلىقى يەرلىك باشقۇرىدۇ، شۇڭا ھەر قايسى ئىشتاتلاردىكى مەكتەپلەرنىڭ دەم ئېلىش ۋاقتى ئوخشاشمايدۇ. مۇنداقچە ئېيتقاندا، گېرمانىيە ئوقۇتقۇچىلىرى بىر يىل ئىچىدە 12 ھەپتە ئارام ئالىدۇ. مىلاد بايرىمىدا 10 كۈندىن ئارتۇق، قىشلىق تەتىلدە ئىككى ھەپتە، پاسخا بايرىمىدا ئۈچ ھەپتە دەم ئالغانلار قىشلىق تەتىلدە بىر ھەپتە دەم ئالىدۇ، يازلىق تەتىلدە ئالتە ھەپتە، يازلىق تەتىل بىلەن مىلاد بايرىمى ئارىلىقىدا بىر ھەپتە دەم ئالىدۇ.
ئامېرىكا: ئامېرىكىمۇ فېدېراتسىيە تۈزۈمىنى يولغا قويغان بولغاچقا، ھەر قايسى ئىشتاتلاردىكى ئوتتۇرا-باشلانغۇچ مەكتەپلەرنىڭ دەم ئېلىش ۋاقىتلىرىنى ئىشتاتلارنىڭ مائارىپ نازارىتى ئۆز ئالدىغا بەلگىلەيدۇ. ئامېرىكا ئوقۇتقۇچىلىرى باشقا دۆلەتكە قارىغاندا كۆپرەك دەم ئالىدۇ، يازلىق، قىشلىق تەتىلدىن باشقا، زۇڭتۇڭ بايرىمى، مىننەتدارلىق بايرىمىدا ئۈچ كۈندىن بىر ھەپتىگىچە دەم ئالىدىغان بولۇپ، بىر يىل ئىچىدە تەخمىنەن 193 كۈن دەم ئالىدۇ.
ياپونىيە: ياپونىيەدىكى ھەر قايسى مەكتەپلەرنىڭ دەم ئېلىش ۋاقىتلىرى ئوخشاشمايدۇ، بىراق ئادەتتە بىر يىل ئىچىدە ئاساسلىق ئۈچ قېتىم دەم ئالىدۇ، يازلىق تەتىل ۋاقتى ئىيۇلنىڭ ئاخىرىدىن ئاۋغۇستنىڭ ئاخىرغىچە، قىشلىق تەتىل دېكابىرنىڭ ئاخىرىدىن يانۋارنىڭ باشلىرىغىچە، ئەتىيازلىق تەتىل مارتنىڭ ئاخىرىدىن ئاپرېلنىڭ بېشىغىچە.
مەنبەسى: شىنجاڭ قانۇنچىلىق گېزىتى.