ئىتتىپاقلىق- كۈچ (سېنارىيە)

شاشتېكىن

          ھۆرمەتلىك ئوقۇتقۇچى ئۇستازلار، دوستلار، ھارمىغايسىلەر!
         مەقسەتكە كەلسەم، پات ئارىدا بىزنىڭ مەكتەپتە «قارلەيلىسى ئۆسمۈرلەر مەشىرىپى» پروگراممىسى سىنغا ئېلىنىدىغان بولغاچقا، مەكتەپ ماڭا «ئۇيغۇر خەلق چۆچەكلىرى» گە ئاساسەن بىر سېنارىيە يېزىش ۋەزىپىسىنى بەرگەن ئېدى. شۇ مۇناسىۋەت بىلەن سىلەرگە ئۆزەم يازغان بۇ سېنارىيەنى سۇندۇم. تەھرىرلەيدىغان جايلىرى بولسا تەھرىرلەپ، ئىنكاس شەكلىدە يېزىپ قويۇشۇڭلارنى، پىكىر-تەكلىپ بىرىشىڭلارنى سەمىمىي ئۈمىد قىلىمەن. ياراپ قالسا پايدىلانساڭلارمۇ بولىدۇ.
: W2 {6 e+ D# a7 U
  L# E" c- s( X$ Z$ S% z                                                    ئىتتىپاقلىق- كۈچ
                                           (شۇ نامىلىق ئۇيغۇر خەلق چۆچىكىگە ئاساسەن سېنارىيەلەشتۈرۈلدى)
$ {1 L6 ~: W: _* Q' v                                                                  ئابلىكىم ئابدۇللا
. f$ G, O+ N3 E+ w) S2 X
   ياندىن بايان قىلغۇچى سەھنە يېنىدا تۇرۇپ، ھېسسىياتلىق ئاھاڭدا:
3 X6 _9 o! ~6 j! J   -بۇرۇننىڭ بۇرۇنىسىدا، مۇشۇ دىياردا، بىر بوۋاي ئۆتكەن ئىكەن. ئۇنىڭ ئۈچ نەۋرىسى بار بولۇپ، ئۇلار دائىم بىر-بىرى بىلەن ئۇرۇشۇپ ئىناق ئۆتمەيدىكەن. بىر كۈنى بوۋاي ئۇلارنى ئېتىز ئىشىغا بۇيرۇپتۇ. ئۇلار يەنە بىر-بىرى بىلەن ئۇرۇشۇپ ئىشى ئىش بولماپتۇ،- دەيدۇ.
. P" c( j* C' F2 @" `ياندىن بايان قىلغۇچىنىڭ سۆزى تۈگىشىگە، بوۋاينىڭ ئۈچ نەۋرىسى بىردىن ئورغاق كۆتەرگەن ھالدا سەھنىگە چىقىپ، بىردەم  ئىشلىگەندىن كېيىن، ئوتتۇرانچى ئوغۇل ئورغاقنى تاشلاپ ئولتۇرۋالىدۇ. كەنجى ئوغۇل ئۇنىڭغا ئىككى نۆۋەت ھومۇيۇپ قارىغاندىن كېيىن، ئۇمۇ ئورغاقنى تاشلاپ ئولتۇرۋالىدۇ. چوڭ ئوغۇل بىردەم ئىشلىگەندىن كېيىن، ئىككى ئىنىسىنىڭ ئولتۇرۋالغانلىقىغا ئاچچىقى كېلىپ:
   -تۇرە ئورنىڭدىن ئىشلەيمىز!-دېگىنىچە چوڭ ئىنىسىنى بىرنى تېپىدۇ. ئۇمۇ بوش كەلمەي يىقلغان يېرىدىن چاچىراپ تۇرۇپ، ئاكىسىنى بىرنى ئۇرغاندىن كېيىن:
: Q7 E1 j$ N6 _3 ~5 n' s, }, T! E5 o   -ماڭىلا دەمسەن؟ ئۇمۇ ئولتۇرىۋاپتىغۇ ئەنە،- دەيدۇ. بۇنى ئاڭلىغان كەنجى ئوغۇل چاچىراپ ئورىدىن تۇرۇپ:
   -مەن ئولتۇرسام سېنىڭ نېمە كارىڭ؟- دەپلا كىچىك ئاكىسىنى بىرنى ئۇرىدۇ. ئوتتۇرانچى ئوغۇلمۇ بوش كەلمەي:
   - تۇرە نېرى، - دەپ ئىنىسىنى قاتتىق ئىتتىرۋىتىپ يەنە ئولتۇرۋالىدۇ. كەنجى ئوغۇل يىقلىپ چۈشىدۇ. چوڭ ئوغۇل دەرغەزەپكە كېلىپ:
   - يەنە ئولتىرىسەنغۇ؟ تۇرە ئىشلەيمىز، – دەپلا ئوتتۇرانچى ئىنىسىنى تېپىدۇ. ئوتتۇرانچى ئوغۇل ئورنىدىن تۇرۇپ يىغلىغىنىچە ئۆيگە قاراپ ماڭىدۇ. چوڭ ئوغۇل يەنە كەنجى ئىنىسىنىڭ يېنىغا دېۋەيلەپ بېرىپ ئۇنىمۇ بىرنى تېپىدۇ. كەنجى ئوغۇلمۇ يىغلاپ ئۆيگە قاراپ ماڭىدۇ. چوڭ ئوغۇل بىردەم يالغۇز ئىشلەپ بېقىپ:
   - ئىككىڭ ئىشلەشمىسەڭ مەن يالغۇز قىلامتىم بۇ ئىشنى، - دېگىنىچە ئورغاقنى تاشلاپ ئۇمۇ ئۆيگە قاراپ ماڭىدۇ. بوۋاينىڭ كۆڭلى بىر ئىشنى سەزگەندەك ھاسىسىنى دوكۇلدىتىپ، ئاپپاق ساقىلىنى سىلىغىنىچە  نەۋرلىرىنىڭ ئالدىدا پەيدا بولۇپ، مۇنداق دەيدۇ:
+ i6 A9 |2 ?7 J+ X9 C  A4 u, v   - يەنە ئۇرۇشۇپسىلەردە، قانداق قىلسام بولار بۇ بالىلارنى؟ ھەي، قانداق قىلسام ئۇرۇشمايدىغان بولارسىلەر؟ - دېگىنىچە ھاسىسىنى دوكۇلدىتىپ، ساقىلىنى سىلاپ، بىر نەچچىنى يۆتىلەپ، بىر چۆرگىلىگەندىن كىيىن، بىر ئامال تاپقاندەك بېشىنى لىڭشىتىپ:
   - باللىرىم، سىلەر بېرىپ بىر باغلامدىن چىۋىق تېرىپ كېلىڭلار، - دەيدۇ. ئۈچ ئوغۇل سىرتقا چىقىپ، بىردەمدىن كىيىن بىرباغلامدىن چىۋىق ئېلىپ كىرىدۇ. بوۋاي ئۇلارغا:
, f* \+ m% X: f/ g9 ^9 h   - باللىرىم، سىلەر مۇشۇ بىر باغلام چىۋىقنى سۇندۇرۇپ بېقىڭلار، - دەيدۇ. ئۇلار بىر باغلام چىۋىقنى ھەرقانچە قىلىپمۇ سۇندۇرالمايدۇ. بۇنىڭغا قاراپ تۇرغان بوۋاي:
   - قانداق باللىرىم، بۇ بىر باغلام چىۋىقنى سۇندۇرالدىڭلارمۇ؟ - دەپ سورايدۇ. ئۈچ ئوغۇل تەڭلا:
5 K/ o+ G& t2 D1 R+ M- X# q2 O   - پەقەت سۇندۇرالمىدۇق بوۋا، - دەيدۇ. بوۋاي يەنە:
   - بۇ بىر باغلام چىۋىق ئارىسىدىن بىر تال چىۋىقنى ئېلىپ سۇندۇرۇپ بېقىڭلار، - دەيدۇ. ئۈچ ئوغۇل بىر تال چىۋىقنى ھېچقانچە كۈچىمەيلا سۇندۇرۇپ تاشلايدۇ. بوۋاي نەۋىرلىرىدىن:
   - قانداق باللىرىم، بىر تال چىۋىقنى سۇندۇرالدىڭلارمۇ؟ - دەپ سورايدۇ. ئۈچ ئوغۇل تەڭلا:
" ]' [- \2 }2 ~3 {   - بىر تال چىۋىق ئاسانلا سۇنۇپ كەتتى بوۋا، - دەيدۇ. بوۋاي بۇنىڭغا ئۇلاپلا قولىغا بىر باغلام چىۋىقنى ئېلىپ تۇرۇپ:
   - كۆردىڭلارمۇ باللىرىم، سىلەر مۇشۇ بىر باغلام چىۋىقتەك ئۇيۇشۇپ، ئىناق-ئىتتىپاق ئۆتسەڭلار ھەرقانداق قىينچىلىق سىلەرنى باش ئەگدۇرەلمەيدۇ. دۇشمىنىڭلارغا يېڭىلىپ قالمايسىلەر. ئەگەر مۇشۇ بىر تال چىۋىقتەك يالغۇز قالساڭلار، سىلەر ھىچقانداق ئىشنى بىر باشقا ئېلىپ چىقالمايسىلەر، ھىچ ئىشىڭلار ئىش بولمايدۇ، دۇشمىنىڭلارغا بوزەك بولىسىلەر. چۈشەندىڭلارمۇ باللىرىم؟ - دەيدۇ. ئۈچ ئوغۇل تەڭلا:
   - چۈشەندۇق بوۋا، بىز بۇنىڭدىن كىيىن بىر باغلام چىۋىقتەك ئۇيۇشۇپ ئىناق-ئىتتىپاق ئۆتىمىز، ھەرگىز ئۇرۇشمايمىز، - دەيدۇ. بۇنى ئاڭلىغان بوۋاي نەۋىرلىرىدىن مەمنۇن بولۇپ، بېشىنى لىڭشىتىپ:
* A8 C: _( ]+ W$ q5 ]$ g. n   - ئەقلىڭلارغا بارىكاللا باللىرىم، «ئىتتىپاقلىق-كۈچ» دېگەن بۇ سۆز سىلەرگە يار بولسۇن، - دەپ ئۆيىگە كىرىپ كېتىدۇ. ئۈچ ئوغۇل خۇشال-خۇرام ھالدا قوللىرىنى تۇتۇشۇپ ئېتىزغا بارىدۇ ۋە ئىشنى بىرلىكتە تۈگىتىپ ئۆيگە قايتىدۇ. بۇنىڭغا ئۇلاپلا ياندىن بايان قىلغۇچى:
* H0 b: Q( R$ z9 s$ E) L; ]0 Q   - شۇنداق قىلىپ، بوۋاينىڭ تاپقان ئامالى بىلەن بۇ ئۈچ ئاكا-ئۇكا ئەپلىشىپ قاپتۇ. ئۇلار ئۆمۈرىنىڭ ئاخىرىغىچە «ئىتتىپاقلىق-كۈچ» دېگەن بۇ سۆزنى ئۆزىگە يار قىلىپ، بىزگىچە يەتكۈزىپتۇ، - دەيدۇ-دە، سەھنە يېپىلىدۇ.
1 a" g9 @) t8 }6 H* s+ ]                                                    2014-يىلى 8-ئاينىڭ 22-كۈنى (گۇما)
( k& c' ?8 H  w  @: {
" N8 l3 W2 M+ A+ @3 Y6 ?* S

نۇرلان

ئاساسەن بولغاندەك قىلىدۇ، ئەمما ، بوۋاينىڭ باشتىكى ۋە ئاخىرىدىكى سۆزلىرى بەك قىسقىمۇ قانداق؟
ھىس قىلغىنىمنى سۆزلەپ باقتىم، ئەيىپكە بۇيرىماسلىقىڭىزنى ئۈمىد قىلىمەن.

sultanbiz

رەھمەت ھارمىغايسىز ئۈستاز

ئەزھەر36

ئۆزىڭىزنىڭ ئىجادىيىتىمۇ ؟ ياخشى چىقىپتۇ ، تېخىمۇ ياخشى ئەسەرلەرنى يوللاپ تۇرارسىز .