تىللىۋەتتىم باشلىقنى

alxir

تىللىۋەتتىم باشلىقنى

كۆپكۆك تۇرسا بۇغدايلار يىغىڭ دېسە ئاشلىقنى،
كۆڭلۈم ئەمدى كۆتۈرمەس ئىزا، خورلۇق، غەشلىكنى،
يۈرىۋەرسەم مۆرىمەي قىلامدىكەن شاشلىقنى،
قايرىپ قويۇپ ھۆرمەتنى، قىلدىم مەنمۇ پەسلىكنى،
نېمە بولسام مەيلى دەپ تىللىۋەتتىم باشلىقنى.

مەقسىتىمىش باي قىلىش لېكىن قەرزىم ئۈزەلمەي،
كىملەر بېيىپ كەتتىن قالدىممۇيە بىلەلمەي.
ئون يىل كەتمەن چېپىپمۇ ياخشىراق كۈن كۆرەلمەي،
پەرۋىش قىلىپ كۆچەتنى مېۋىسىنى يېيەلمەي،
نېمە بولسام مەيلى دەپ تىللىۋەتتىم باشلىقنى.

مەجبۇرلىدى ھەر يىلى يەرگە سال دەپ كۆچەتنى،
ئۆرۈك، ياڭاق ئالماشتى، توختاتمىدى ئۆچىرەتنى.
«بىر ئىشتا قوش ئۈنۈم»مىش سەۋەبىنى بىلمەكنى،
«نادان دېھقان» بىلمەسمىش بۇنداق ياخشى «ھېكمەتنى»،
نېمە بولسام مەيلى دەپ تىللىۋەتتىم باشلىقنى.

بۇلتۇر سالغان ئېغىلنى بۇ يىل قايتا سال دېگەن،
پۇل يوق دېسەم ناۋادا خەقتىن قەرز ئال دېگەن.
چېقىپ – سېلىپ يۈرۈشكە توشامدىكەن جان دېگەن،
تېتىمامدۇ ئەمەندەك كۈندە يېسە بال دېگەن،
نېمە بولسام مەيلى دەپ تىللىۋەتتىم باشلىقنى.

ھەممە يەردە ماختايدۇ، دېھقان راسلا بايمىكىن،
چىققان ياخشى سىياسەت ئاسماندىكى ئايمىكىن؟
سۆزلەي دېسەم توسقاننىڭ ئاغزى – بۇرنى مايمىكىن؟!
باشلىق ئاققان ئېقىننىڭ يا بېشىدىن لايمىكىن؟!
نېمە بولسام مەيلى دەپ تىللىۋەتتىم باشلىقنى.

ئۆز قەلىمىم

نەپرەت

شىئىر بولا مۇشتاق بولا...جىڭ دىھقاننىڭ زارى بوپتۇ بۇ....مۇشۇ نەپسانىيەتچى پەس كادىرلارنى مىنىڭمۇ تازا تىللاپ داستان يازغۇم بار.

غىلاپ

ياخشى  يېزىپسىز ، رەھىمەت  !

Ayshemgul

ماشائاللاھ!ئاللاھ قەلىمىڭىزنى تېخىمۇ ئۆتكۈر،بەرىكەتلىك قىلىۋەتسۇن.ئامىن!بەك ياخشى يېزىپسىز،بىراق ئىككى يېرىگە ئانچە قوشۇلۇپ بولالمىدىم.بىرى ئۇنداق ناچار باشلىقلارنى تىللاش پەسلىك بولمايدۇ.يەنى بىر يېرى سىز دىگەن كۈندە يىيىلگەن بال نىمىكىن؟ماڭا ئەڭ تېتىغان يېرى ئەڭ ئاخىرقى كوپلىتتىكى باشلىق ئاققان ئېقىننىڭ بېشىدىن يا لايمىكىن دىگەن مىسراسى بولدى.ئۇكام بۇ شېئىرنى يەنىمۇ سەل كېڭەيتىپ،چوڭقۇرلىتىپ يازسىڭىزچۇ......تۇزىدىن يەنە ئازراق سېلىۋەتسىڭىزچۇ دەيمەن ھې ھې....ئۆزىڭىزنى سەل بېسىۋالدىڭىزمۇ ياكى ئالدىراپ يوللىۋىتىپ قالدىڭىزمۇ ئىشقىلىپ بىر يېرى كام.

Android  يانفۇندا يوللانغان

alxir

Ayshemgul يوللىغان ۋاقتى  2014-6-25 07:46
ماشائاللاھ!ئاللاھ قەلىمىڭىزنى تېخىمۇ ئۆتكۈر،بەرىكەتل ...

بىزدە "كۈندە ھەسەل يېسە ئەمەن تېتىيدۇ" دېگەن گەپ بار. بىر ئىشنى تەكرار قىلىۋەرسە مەزىسى بولمايدۇ. ئۆينى چېقىپ - سېلىۋىرىشمۇ شۇنىڭغا ئوخشاش. چۈشەندىڭىزمۇ ئاچا
ئەسلىدىغۇ شۇنداق قىلاي دېگەن، لېكىن زورلاپ يازغۇم كەلمىدى.

لوپجان

قولىڭىزغا دەت كەلمىسۇن.بەك ياخشى يېزىپسىز.بەك سۇيۇندۇم.رەھمەت جۇمۇ.

پىنھار

قەلىمىڭىز ئۆتكۈر ئىكەن ..............

سىمانۇر

شېئىر يزىىشقا ماھىركەنسىز ،ۋاي ئىسىت مەنمۇ يازالىغان بو لسام ئاچچىقىمنى چىقىرۋالاكەنمەن.قەلىمىڭىزگە بەرىكەت بەرسۇن.رەھمەت.

توغراق510

بەك ياخشى يېزىپسىز