بالىلىقنى ئەسلەپ..

ئالمىچى · ۋاقتى: 2014-4-12 09:04:35

ئەسسالامۇ ئەلەيكۇم، روھلانداشلار بالىلىق ۋاقتىمىزدىكى گۈزەل ئەسلىمىلىرىمىزنى ئەسلەپ باقايلى

بالىلىقنى ئەسلەپ....

بالىلىقنى ئەسلىسەم شۇ دەم،
كىرپىكلىرىم ياشقا نەملەندى.
قۇلاق سىلىڭ دوس-بۇرادەرلەر،
بالىلىقتىكى ھىكايىلەر باشلاندى.

بالىلىقتا ئۆتەر ئىكەن كۈنلىرىڭ غەمسىز،
ھەممە نەرسە ئويۇنچۇق بىلىنەر ساڭا.
ئاخشاملىرى دوسلار بىلەن مۆكۈ-مۆكۈلەڭ ئويناپ،
تاڭ ئاتسىلا ئويۇنۇڭ باشلىنار يانا.

كىچىلىرى ئايدىڭدا قوغلاشماق ئويناپ،
مەھەللىنى ئايلىنىپ ۋاڭ-چۇڭ قىلىشىپ.
بارخانلاردا گۈلخان يىقىپ چۆچەك ئىيتىشىپ،
بەلنى راسا چىڭ باغلاپ چىلىش-چىلىشىپ.

قىش كۈنلىرى دوسلار بىلەن قار بوۋاي ياساپ،
ئوينىشاتتۇق توپ-توپ بولۇپ قارلار ئىتىشىپ.
كەچ بولغۇچە راسا ئويناپ قانماي ئويۇنغا،
قايتىشاتتۇق قورساق ئاچسا ئۆيگە يىنىشىپ.

تومۇز پەسلى بولغاندا سۇغا چۆمۈلۈپ،
كۈلۈشەتتۇق ۋىلىقلاپ سۇلار چىچىشىپ.
سۇ ئاستىغا چۈمكۈلۈپ بىلىقتەك ئۈزۈپ،
ئويناۋىتىپ قانغۇچە سۇلار ئىچىشىپ...

مەنبە: ئۆز قەلىمىم