مەن مەڭگۈ ئۇيغۇر ‹ئەلشىر›

ئەلشىر5 · ۋاقتى: 2014-4-3 21:47:49

مەن مەڭگۈ ئۇيغۇر

مەنبە: ئۆز قەلىمىم

ئوغۇزخان ئوغلىمەن، ئۇيغۇر مىللىتىم،

تىللاردا داستاندۇر ئېسىل خىسلىتىم.

باھانە تاپماڭ سىز بۇلۇپ ئاۋارە،

چۈنكى، مەن ئۇيغۇر يوقتۇر ئىللىتىم.

دۇنيادا ئەڭ گۈزەل - بار ئۇيغۇر تىلىم،

سۆزلىسەم ھەرزامان سۆيۈنەر دىلىم.

بوغۇزۇمغا سىڭگىنى ئانامنىڭ سۈتى،

چۈنكى، مەن ئۇيغۇر ئاپئاقتۇر نەسلىم.

دىنىم ھەم ئېتقادىم بۈيۈكتۇر ئىسلام،

تەۋرەنمەس ئىرادەم ھەر قەدەم ماڭسام.

ئەجدادىم ئىزلىرى ماڭا ئۆرنەكتۇر،

ھەر جايدا تەمتىرەپ يىقىلسام-قوپسام.

ۋىجدانلىق،غۇرۇرلۇق ئۇيغۇر ياشلىرىم،

شەرمىي-ھايا،ئەخلاقلىق ئۇيغۇر قىزلىرىم.

ئەۋلادتىن - ئەۋلادقا قالدۇرۇپ مىراس،

كېتمەن دۇنيادىن ياخشى ئىزلىرىم.

ئىزاھات: مەزكۇر تېمام ئالدىنقى قېتىم ئوغۇرلىنىپ تارقىتىلغانلىقى ئۈچۈن، ‹ روھلان مۇنبىرى › باشقۇرغۇچىلارنىڭ ياردىمىدە قايتا نامىمدا يوللاندى، بۇ سەۋەبتىن مۇنبەر مەسئۇل ، باشقۇرغۇچىلارغا رەھمەت ئېيتىمەن.

Tursunniyaz · ۋاقتى: 2014-4-4 00:11:00

ئەلشىر5 ئۇستازنىڭ روھلان مۇنبىرىگە قەدەم باسقانلىقىنى قىزغىن قارشى ئالىمىز.

ئەلشىر5 · ۋاقتى: 2014-4-4 08:11:50

Tursun007 يوللىغان ۋاقتى 2014-4-4 00:11
ئەلشىر5 ئۇستازنىڭ روھلان مۇنبىرىگە قەدەم باسقانلىقىنى ...

ئادەمنى خىجىل قىلمىڭە، ئۇستاز دېگىلى بولماس، بىرەر پارچە شېئىر ئۈچۈنلا، ئۇنىڭ ئۈستىگە يېشىممۇ سىزدىن كىچىك. دوسىت ياكى قېرىنداش دېيىشسەك بولىدۇ، دېيىش توغرا كەسە سىزنى ئۇستاز تۇتسام بولىدۇ تېخى