ئاۋات بازاردا (شىئېر)

سەركە007

ئاۋات بازاردا كۆردۈم نەچچە مەست،
تۈپتۈش يولاىمۇ ماڭار ئىگىز-پەس.
يۈزلىرى قىزىل،كۆزلىرى ئەلەس،
ئۇنىڭ سىياقى ھېچ ئەسلى ئەمەس.

غالداڭشىپ ماڭار سەككىزنى يېزىپ،
كۆز ئېچىلماس،بەك ئېغىر كەيىپ.
كىشىلەر ياندا لەنەتلەر ئوقۇپ،
يىلەن كۆرگەندەك مېڭىشار ئەگىپ.

ھەي ئىسىت!ياشلا بالىلار ئىكەن،
غەرق مەستلىكتە تاپتىن چىقىپتۇ.
يانغا قارىسام يولنىڭ چېتىدە،
توپا چاڭگاللاپ بىرى يېتىپتۇ.

ئايلىنىپ بارسام مەيدان بېشىغا،
نۇرغۇن ئۈستەلدە ئىچىشمەكتىكەن.
بايا كۆرگەنلەر ئىشنىڭ بېشىكەن،
ھەرخىل كارامەت مۇشۇ يەردىكەن.

ئۈستەل ئۈستىدە پەقەتلا ھاراق،
ئىچىشلا باركەن،لىكىن يىمەك يوق.
چىراينى تۇرۇپ مەجبۇرىي يۇتار،
ئاچچىق ھاراقنى قۇرۇقتىن-قۇرۇق.

بىر چاغدا ئۇلار ۋاقىراپ كەتتى،
ئۈستەلگە مۇشتلاپ تىللىشىپ كەتتى.
قارىسام شۇنداق جاۋابى شۇكى،
ھاراقنىڭ كۈچى«ئەۋجىگە يەتتى».

باشقىلار مېڭىپتۇ بېيىش يولىغا ،
يانچۇقى توشۇپتۇ ھالال پۇلغا.
پۇلى يوق مۈشۈك كۆشكە ئامراق،
قاراق ناداننىڭ ئۈشبۇ ھالىغا.

ئۈمىدسىزلىنىپ ئۇھ،دېدىم بۈگۈن،
قاچانمۇ تۈگەر بۇ يامان ئىللەت.
بىلىم بولمىسا،ساپا بولمىسا،
زەرلىك كىيىممۇ ئەمەسكەن زىننەت.

مەنبە: دوستۇمنىڭ قول يازمىسى

Tursunniyaz

مەن سىزگە ئۇيغۇر ئېدىت يېڭىسىنى تەۋسىيە قىلاي.
http://kenjisoft.homelinux.com/soft/LightNEasy.php?page=uchushur

ئۇيغۇرئېدىتنىڭ ئەڭ يېڭى نۇسخىسىدىن پايدىلىپ ئىملانى بىر ئوڭشىۋەتكەن بولسىڭىز.

نۇرلان

يەنىمۇ پىششىقلاپ، ئاندىن يوللىغان بولسىڭىز بولاتتىكەن. ئەمگىكىڭىزگە رەھمەت.