كەل،دوپپام! ساڭا كۈندە بايرام(نەسر)

uytekin

ئەي، دوپپام! تەرەققىيات دەۋرىدە ئۆزۈڭنى يېتىم ھېس قىلدىڭمۇ؟ ئۆزۈڭنىڭ نام-نېشانسىز قالىدىغانلىقىڭدىن ئەنسىرىدىڭمۇ؟
ئەي،دوپپام! سەن ھەقىقەتەن ئۇيغۇرنىڭ بىر پارچىسى، سەن ئۇيغۇرنىڭ سىموۋلى. سېنى ئۇيغۇر ئۆزىنىڭ ئەڭ ئۈستىگە-بېشىغا قويۇپ ئەتىۋارلىمىدىمۇ؟ نورۇز كۈنى قىز-ئوغۇللار نىڭ بېشىدا مەغرۇر ئولتۇرمىدىڭمۇ؟  
باشقا چاغلاردىچۇ، دەمسەن؟
راست، سەن باشقا چاغلاردا ئاندا- ساندا ئۇچىراپمۇ قالىسەن.  لېكىن يەنىلا كەم. ئۆلۈم خەۋىرى ئاڭلانسا كىشىلەرنىڭ بېشىدا پەيدا بولىسەنۇ،يەنە كۆرۈنمەي قالىسەن. توختا، سەندىن سوراي، جۋابىڭغا تەشنامەن. نەلەردە يۈردۈڭ نىمە كۈن كۆردۈڭ؟ ئالدىرماي سۆزلە.
*****************************************************
‹مەن دوپپا، تۈرلېرىم بەك كۆپ، بادام دوپپا، چىمەن دوپپا،گىلەم دوپپا...
بەزىدە كىشىلەرنىڭ بېشىدا مەغرۇر ئولتۇرىمەن. بەزىدە يانچۇقتا، بەزىدە ساندۇقتا، بەزىدە تۆشۈكتە. يېقىندا بىر ھەمراھىمنى كۆردۈم ئەخلەت ساندۇقىدا نالە زار قىلماقتا...
بەزىدە ئىنسانغا شۇنچىلىك سەت كۆرىنىمەنكى، جاھالەت دەۋرىنىڭ يۇقۇندىلىرى خۇددى ماڭىلا مۇجەسسەملەنگەندەك.ئىنسان مېنى ئارتۇقچە يۈك دەپ بىلىدۇ، ھاقارەتلەپ،تىللاپ...
شۇندىن بېرى ناھايتى جىمغۇر بولۇپ كەتتىم،كىشىلەرمېنى ئېسىدىن چىقىرىشتى، مېنى توپا باستى، مەن چىرىدىم.نەسلىم ئازلىدى.
دوپپا ئۇستىلىرىغا يۈزمىڭ رەھمەت! مېنىڭ سانىمنى كۆپەيتتى. مەن ئاز-ئازدىن ئاۋۇشقا باشلىدىم. يەنە بەزى دوپپا ئۇستىلىرىغا يۈزمىڭ لەنەتكى، تازىلىق قەغىزىنى رەخت پارچىسى ئارسىغا ئېلىپلا، دوپپا  دەپ ساتتى. ئۇنداق ئاتالمىش دوپپىلار سۇغا چۈشۈشى بىلەنلا، سۇ غا چۈشكەن مۆشۈكتەك ماكچىيىپلا قالىدۇ.ھەي، پۇل!  بىز دوپپىلار ئۇيغۇرنىڭ سىموۋلى ئەمەسمىدۇق، ئۇيغۇر ئۇ دوپپىلاردەك كىچىككىنە قىيىنچىلىقتا ‹ماكچىيىپ› قالمايتتى.
مەن كۈندە نورۇز بولسىكەن،كۈندە دوپپا بايرىمى بولسىكەن دەيمەن. بىز دوپپىلار شۇ چاغدىلا كۆڭلىمىز ئېچىلىپ يايراپ كېتىمىز. چۈنكى بىز ئۇيغۇر بىلەن شۇ چاغدىلا بىرىكىمىز ئەمەسمۇ، بىز ئۇيغۇرغا بەك ئېجىل بىزنى تاشلىۋەتمىسىكەن دىگەن ئۈمۈتتىمىز›
*********************************************************************
بەس! ئەي دوپپام. كەچۈرمىشىڭنى ئاڭلىدىم، كۆڭلىڭنى چۈشەندىم. سېنى سەت كۆرۈپ تاشلىغان، ساڭا يامان نەزەردە قالغان كىشىلەر ئۈچۈن سەندىن كەچۈرۈم سورايمەن.
ئەي،دوپپام! سەن شۇنى بىلگىنكى، بۈگۈندىن باشلاپ ساڭا كۈندە بايرام، ساڭا مېنىڭ بېشىمدا بايرام. مەن ساڭا كۈندە نورۇز قىلىپ بېرەي. كۈندە بايرام قىلىپ بېرەي. ساڭا شۇنداق ۋەدىلەر بېرەيكى، روھلانداشلار گۇۋاھ بولسۇن ئەي دوپپام. جان قۇشۇم تەن قەپىزىدىن ئۇچۇپ چىققۇچە ساڭا مېنىڭ بېشىمدا كۈندە بايرام! كۈندە نورۇز!
*****************************************************************
روھلان تورى Android يانفون تېرمىنالىدا يېزىلغان ئىنكاس

سادا0998

ياخشى يېزىپسىز رەھمەت.
روھلان تورى Android يانفون تېرمىنالىدا يېزىلغان ئىنكاس

bayawat

رەھمەت،،،،
روھلان تورى Android يانفون تېرمىنالىدا يېزىلغان ئىنكاس

azat007

مەن بەك سۆيۈندۈم