يامان قىززىق يۇمۇر

xerzat827

بۇ يۇمۇرنى ئۈندىدار دوستلار چەمبىرىكىگە باشقىلار يوللاپ قويۇپتىكەن .  ئۇقۇپ بولۇپ كۈلۈپ ئۈچەيلىرىم ئۈزىلىپ كەتكىلى تاسلا قالدى .
سىلەرنىمۇ بىر كۈلىۋالسۇن دەپ بۇ يەرگە يوللىدىم .
بىركۈنى بىرقانچە قىز ساۋاقداشلار يىغىلىشىپ ، يىراق يېزىدا ئۇقۇتقۇچىلىق قىلىدىغان ساۋاقداشلىرىمدىن ھال - ئەھۋال سوراش ئۈچۈن يېزىغا يوقلاپ باردۇق . شەھەر بىلەن يېزىنىڭ ئارىلىقى يىراق بولغاچقا قونۇپ قېلىشىمىز ئېنىق ئىدى.
شۇڭا ئۆيدىكىلەرگە ئەھۋالنى دەپ قويۇپ چىققان ئىدۇق .
ھەممىمىزنىڭ ياش چاغلىرى بولغاچقا بۇ يېزىدىكى قىزلار بىلەن ئولتۇرۇشىمىز قىززىپ كەتتى ،
بۇ چاغلاردا يېزىدا نە رېستوران ، نە تانسىخانا بولسۇن ؟ بىز ئاشۇ ئوقۇتقۇچى قىزلار ياتىقىدا ھەممىمىز قول - قول تۇتۇپ تاماقلارنى ئېتىپ شىرەگە تىزىۋەتتۇق .
قوشنا ياتاقتىكى بىر قىز ساۋاقدىشىمىز ئۆزى ئۇيۇتقان لەڭپۇڭنى ئوخشىغان ئاچچىقسۇ ، مۇش قىيامى بىلەن تەڭشەپ ئەكىرىپتىكەن ھەممىمىز لەڭپۇڭغا ھۇجۇم قىلىپ كېتىشتۇق .
ئۇ چاغلاردا گۈلدەك چاغلىرىمىز بولغاچقا بىر - بىرىمىزدىن زىلۋا چىرايلىق ئىدۇق . ئوينىغان ئۇسۇل -تانسىلىرىمىزنى دىمەيلا قوياي شۇنداق قىزغىن كەيپىيات ئىچىدە سورۇنىمىزنى ئاخىرلاشتى .
بۇچاغ كېچە سائەت 10 دىن ئېشىپ كەتكەن ئىدى ، بىز جىق بولغاچقا بىر ياتاققا پاتماي بىرقانچە ياتاققا بۆلۈنۈپ قىستىلىشىپ بىر كېچىنى تاڭ ئاتقۇزدۇق .
تاڭ سۈزۈلۈشكە باشلىغاندا ئۇيقۇم ئېچىلىپ كەتتى ، بۇ چاغدا مۇشۇ ياتاقتىكى تەمبەل ، مىجەزى چۇس تەنتەربىيىچى ساۋاقدىشىمىز ئاستا ئورنىدىن تۇرۇپ مەشكە ئوت قالاپ قازاننى ئېسىپ سۇ ئىسىتىپ ئىۋرىققا سۇنى ئېلىپ ساپما كەشىنى سۆرىگىنىچە شالاپشىتىپ تالاغا چىقىپ كەتتى .
بىر چاغدا بىلمەيلا قالدۇق ئۇ قولىدا ئىۋرىق  تالادىن ئىشىكنى تەپكىنىچە ئىشىكنى ھاڭ ئېچىپ ئاغزىنى بۇزۇپ قىزلارنى تىللىغىنىچە كىرىپ كەلدى ، ھەممىمىز ئۆرە تۆپە بولۇپ كېتىشتۇق .
ئەسلىدە ھېلىقى لەڭپۇڭ ئۇيۇتقان ساۋاقدىشىمىز ئالدىراپ كېتىپ مۇش قېقىنى قازاندىكى ئىسسىق سۇغا چىلاپ بىر قاينىتىۋېتىپ ئاندىن مۇشنى چاناپ قىيام ئەتكەن ئىكەن ، ئۇ سورۇنغا ئالدىراپ كېتىپ قازاننى يۇيماي شۇ پېتى قويۇپ قويغان ئىكەن .  بۇنى بىلمىگەن ھېلىقى تەنتەربىيىچى ساۋاقدىشىمىز قازاندىكى شۇ سۇنى ئىسسىتىپلا شۇ سۇدا بامداتقا تاھارەت ئېلىپتۇ  .  
تالادىكى سوغۇقنىڭ ئۈششۈكى ، مۇش قىيامىنىڭ ئاچچىقى تەڭ قوشۇلۇپ بىرلا تۇتۇپتىكەن ، ئاچچىقىدا ئېچىشقىنىغا چىداپ بولالماي ئۇ بىچارە شۇ تالادىن چىچاڭشىغىنىچە بىزنى تىللىغانىكەن .  كاساپەت مۇش قىيامى تازا سورتلۇق مۇش قىيامىكەنتۇق . ساۋاقدىشىمنىڭ كۆزلىرىدىن تاراملاپ ياش ئېقىۋاتىدۇ ، تىللاۋاتىدۇ ، يىغلاۋاتىدۇ ، تەرەپ - تەرەپكە ساراڭ پاقلاندەك تىپىرلايتتى .
ئاخىرى چىداپ بولالماي ئىشتان - كۆڭلەكنى سېلىپ تاشلاپلا :نىمىگە قاراپ ھىجىيىشىپ تۇرىشىسەن يەلپۈشە دەپ بىزگە قول شىلتىپ تىللاپ ھەممىمىزنى ھەربىيدەك سەپكە تۇرغۇزۇۋەتتى .  بۇ قىشتا نەدىمۇ يەلپۈگۈچ بولسۇن  . ھەممىمىزنىڭ قولىدا شىنجاڭ مائارىپى ژۇرنىلى . يەلپۈۋاتىمىز ...... تىللاۋاتىدۇ  .....يىغلاۋاتىدۇ .... يەلپۈۋاتىمىز ....  ئاخشام يېگەن لەڭپۇڭنى بۇرنىمىزدىن بۇلاق چىقىرىۋەتتى  .
ھېلىقى لەڭپۇڭچى ساۋاقدىشىمىزنىغۇ تىللاپ سېسىتىپ ، مەينەتلىكىدىن بىر ئۆمۈر ئەرمۇ ئالماس دەپ قاغاپ بىر قىلىۋەتتى .
مىنىڭ شەيتىنىم كۈچلۈك بولغاچقا ، قىزىرىپ قالغىنىغا قاراپ چىداپ بولالماي كۈلۈپ تېلىقىپ ئاۋازىم تېشىغا چىقىپ كەتتى .
قورقۇپ تۇرغان قىزلارمۇ ماڭا ئەگىشىپ خىرىلداپ كۈلۈشكە باشلىدى . ئۇيەنە قول شىلتىپ - يەلپۈشمەمسەن .....- دەپ تىللىغىلى تۇردى .  ئالاھەزەل بىرەر سائەتتەك كەسكىن كۈرەشتىن كىيىن بېسىقىپ جېدەلمۇ تىنجىدى . بىزمۇ ئىشتىن توختاپ ئۇفففففففففففف  دەۋالدۇق .
ناماز ئوقۇپ ساۋاب تاپىمەن دېگەن بۇ ساۋاقدىشىمىز ساۋاب ئۇياقتا تۇرسۇن ئاغزىنى بۇزۇپ ھەممىمىزنى تىللاپ بىرمۇنچە گۇناھىمىزنى ئارتىۋالدى .
ھەر قېتىم لەڭپۇڭ ئىچكەندە شۇ ئىش يادىمغا كېلىدۇ . ئەستىن چىقماس شۇ ئىشلار .

ＴＡＮＨＡＹＵ

راس  قىزقارلىق  ئىكەن

anwarabla

ھەقىقەتەن قىزىقارلىق ئىش بۇلۇپتۇ......

گېنرال

ساۋاقدىشىڭىز سىزنى  نەرىنى  يەلپۇگۈزگەندۇ..........................

گېنرال

كىيىن ياتلىق بۇلۇپ قالسا ئىرىگە ئاچچىق تېتىپ قالماس ھە..........................ما ئىشنى......

ئىلھام97

ھەي  بەك  قىززىق ھىكايە ئىكەن

ئاسان

بەك  قىززىق

ئاسۇق

قىزىقمىكەن ، قىزىق بولسىلا بولىدىكەندە ....؟!