شىنجاڭ «مۇئەللىم» ئېلېكتىرون پەن-تېخنىكا چەكلىك شىركىتى

yarkanboy · ۋاقتى: 2012-10-18 01:30:45

شىنجاڭ «مۇئەللىم» ئېلېكتىرون پەن-تېخنىكا چەكلىك شىركىتى 2007-يىلى 4-ئايدا ئەنگە ئېلىنغان، مىللىي تىل-يېزىقتىكى مائارىپ ئېلېكتىرون مەھسۇلاتلىرىنى تەتقىق قىلىش، ئىشلەپچىقىرىش ۋە سېتىشنى بىر گەۋدە قىلغان ئېلېكتىرون پەن-تېخنىكا كارخانىسى.
كومپيۇتېر ۋە ئېلېكتىرون مەھسۇلاتلىرىنىڭ قاتتىق ۋە يۇمشاق دېتال سىستېمىسىنىڭ ئۈزلۈكسىز يېڭىلىنىشىغا ئەگىشىپ، ئوقۇغۇچىلارنىڭ لۇغەت ئىزدەش، دەرس ئۆگىنىش ۋە پەن-مەدەنىيەت بىلىملىرىنى ئىگىلىشىگە ياردەم بېرىدىغان قۇلايلىق تىپتىكى ئېلېكتىرون لۇغەتلەر، يانداش ئۆگەتكۈ، دەرسلىك ئوقۇتقۇلار ئارقا-ئارقىدىن بارلىققا كېلىشكە باشلىدى. بۇ مەھسۇلاتلار تېز سۈرئەتتىلا دەسلەپكى رەڭسىز ئىكران ھالىتىدىكى، ئاددىي ھالدىكى سۆزلۈك ئىزدەش ئىقتىدارىدىن تەرەققىي قىلىپ، ھازىرقى ئىقتىدارى كومپيۇتېر كۆزنەكلىك مەشغۇلات سىستېمىسىغا تەقلىد قىلىنغان، سىغىمى يۇقىرى، سۈرئىتى تېز، ئاۋاز-رەسىم-يېزىق-سىن بىرلەشتۈرۈلگەن، تىل ئۆگىنىشنى ۋە دەرسلىك ئۆگىنىشىنى ئاساس، كىتاب كۆرۈش، ئاۋاز ئېلىش، ئۈن-سىن ھۆججەتلىرىنى قويۇش، شەخسى خاتىرىلەرنى ساقلاشنى قوشۇمچە قىلغان يۇقىرى پەن-تېخنىكىلىق مەھسۇلاتقا ئايلاندى.
«مۇئەللىم» شىركىتى مىللىي تىل يېزىقتىكى ئېلېكتىرون مەھسۇلاتلارنى ئىچكىرى ئۆلكە ۋە چەتئەللەردە ئىشلەپچىقارغان ئېلېكتىرون مەھسۇلاتلىرى بىلەن ماس قەدەمدە تەرەققىي قىلدۇرۇشنى نىشان قىلىپ، ئېلېكتىرون مەھسۇلاتلارنىڭ تەرەققىياتىنى، بازار قانۇنيىتىنى ۋە ئىستىمالچىلارنىڭ ئېھتىياج يۆنىلىشى ياخشى ئانالىز قىلىپ، بۇ ساھەدىكى ئىختىساسلىق خادىملارنى ئەتراپىغا زىچ ئۇيۇشتۇرۇپ، 2007-يىلىدىن باشلاپ «مۇئەللىم» ماركىسىدىكى ئېلېكتىرونلۇق لۇغەت ۋە دەرسلىك ئوقۇتقۇ مەھسۇلاتلىرىنى تەتقىق قىلىش ۋە ئىشلەپچىقىرىشقا كىرىشتى.
2007-يىلى 10-ئايدا، شىركەتنىڭ تۇنجى مەھسۇلاتى بولغان ئىنگلىزچە-خەنزۇچە-ئۇيغۇرچە ئۈچ خىل تىللىق سۆزلۈك ئىزدەش، خەلقئارا Unicode يېزىق ئۆلچىمى قوللىنىلغان EL-828 تىپلىق ئېلېكتىرون لۇغەت بازارغا سېلىندى.
2008-يىلى 10-ئايدا تېخنىكا ۋە مەبلەغ جەھەتتە زور كۈچ سەرپ قىلىش ئارقىلىق، ئۇيغۇر تىلىدىكى تۇنجى سېزىمچان، رەڭلىك ئېكرانلىق لۇغەتنى بازارغا سېلىپ مىللى تىل يېزىقتىكى ئېلېكتىرون لۇغەتلەر ساھەسىدە بۆسۈش خاراكتىرلىك نەتىجە يارىتىلدى.
2009-يىلى 6-ئايدا مەخسۇس ئوقۇغۇچىلارنىڭ ئىشلىتىشىگە باب كېلىدىغان، ئۇيغۇرچە-خەنزۇچە-ئىنگلىزچە ئۈچ خىل تىللىق لۇغەت قاچىلانغان، «ھەمراھ» ئوقۇغۇچىلار ئېلېكتىرون لۇغىتى بازارغا سېلىندى.
2009-يىلى 7-ئايدا ئەرەبچە، رۇسچە، ياپونچە، تۈركچە چەت ئەل تىلى لۇغەتلىرى قاچىلانغان مۇئەللىم «تەرجىمان» رەڭلىك ئېكرانلىق ئېلېكتىرون لۇغەت بازارغا سېلىندى.
2010-يىلى 7-ئايدا ئىلگىرىكى ئۈچ يىلدىكى مەھسۇلاتلىرىنىڭ ئىقتىدارىنى ئۆزىگە مۇجەسسەملىگەن، تەرەققىي قىلدۇرغان ئاساستا يېڭى بىر ئەۋلاد ئۇيغۇرچە، قازاقچە، خەنزۇچە، ئىنگلىزچە سىستېمىلىق، كۆپ خىل تىللىق، سېزىمچان ئېكرانلىق ئېلېكتىرونلۇق لۇغەت — مۇئەللىم «تىلچى» ئېلېكتىرون لۇغىتىنى بازارغا سالدى.
2010- يىلى 12-ئايدا ئوتتۇرا-باشلانغۇچ مەكتەپ ئوقۇغۇچىلىرى ئۈچۈن مەخسۇس لايىھىلەنگەن «مۇئەللىم» ئوقۇغۇچىلار كومپيۇتېرىنى بازارغا سالدى.
2011-يىلى 5-ئايدا ئۇيغۇر تىلىدىكى تۇنجى چەكمە ئوقۇتقۇ — مۇئەللىم «پەرۋاز» چەكمە ئوقۇتقۇسىنى ئىشلەپچىقىرىپ بازارغا سالدى. بۇ مەھسۇلات مىللى تىل يېزىقتىكى ئېلېكتىرون مەھسۇلاتلار ساھەسىدىكى بوشلۇقنى تولدۇرۇپ، ئۇيغۇرچە چەكمە ئوقۇتقۇ بولماسلىققا خاتىمە بېرىپ، جۇڭگودىكى ئاز سانلىق مىللەتلەرنىڭ تۇنجى چەكمە ئوقۇتقۇسى بولۇپ قالدى.
2011-يىلى 7-ئايدا ۋە 11-ئايدا، مۇئەللىم «ئايبىلىگ» تىپىدىكى پۈتۈن سېزىمچان ئېكرانلىق ۋە كۇنۇپكا تاختىسىلىق ئۈچىنچى ئەۋلات سىزىمچان ئېلېكتىرون لۇغەت بازارغا سېلىندى.
2012-يىلى 8-ئايدا ئىلگىرى ئىشلەپچىقىرىلغان ئوقۇغۇچىلار كومپيۇتېرىنىڭ قاتتىق ۋە يۇمشاق دىتال ئىقتىدارىنى يۇقىرى كۆتۈرگەن ئاساستا، «مۇئەللىم» ئىككىنچى ئەۋلاد ئوقۇغۇچىلار كومپيۇتېرى A8 نى ئىشلەپچىقىرىپ بازارغا سالدى.
شىركىتىمىز قۇرۇلغان بەش يىلدىن بۇيان، مائارىپ تۈرىدىكى مەھسۇلاتلاردىن 12 خىل نۇسخىدىكى ئېلېكتىرون لۇغەت، يانداش ئۆگەتكۇ، ئوقۇغۇچىلار كومپيۇتېرى، چەكمە ئوقۇتقۇ قاتارلىق مەھسۇلاتلارنى ئىشلەپچىقىرىپ، مەھسۇلات ئىقتىدارىنى ئۈزلۈكسىز يېڭىلاپ، كارخانا تەرەققىياتىغا ياخشى ئۇل سالدى. شىركىتىمىز يەنە مەھسۇلات ئىشلەپچىقىرىش ۋە سېتىش بىلەن بىرگە سېتىشتىن كېيىنكى مۇلازىمەتنىمۇ ناھايىتى چىڭ تۇتتى. ھازىر بۇ شىركەتنىڭ قەشقەر، خوتەن، ئاقسۇ، ئىلى، بايىنغۇلىن قاتارلىق ۋىلايەت-ئوبلاست مەركەزلىرىدە 10 مەخسۇس سېتىش ۋە رېمونت مۇلازىمەت مەركىزى، ھەر قايسى ناھىيە-بازارلاردا 80 گە يېقىن ۋاكالىتەن سېتىش نۇقتىسى بار، شىركىتىمىز ھەر قايسى جايلاردىكى سېتىش مۇلازىمەت مەركىزىدىكى خادىملارنى ھەر يىلى مەخسۇس مەبلەغ چىقىرىپ تەربىيىلەپ، ئىش ئورنىغا قويۇپ، ئاممىنى شىركىتىمىزنىڭ مەھسۇلاتلىرىنى سېتىۋالغاندىن كېيىنمۇ ياخشى مۇلازىمەتتىن بەھرىمەن بولۇش ئىمكانىيىتىگە ئىگە قىلدى.
شىركىتىمىز يەنە ئاپتونوم رايونلۇق شىنخۇا كىتابخانىسى بىلەن بىرلەشمە تىجارەت ھەمكارلىقى ئورنىتىپ، ئاپتونوم رايونىمىزنىڭ ھەر قايسى جايلىرىدىكى 20 دىن ئارتۇق شىنخۇا كىتابخانىلىرىدا مەھسۇلات مەخسۇس پۇكىيى تەسىس قىلىپ، ئىستىمالچىلارغا قولايلىق ياراتتى.
ھازىر شىركىتىمىزدە مۇقىم ئىشلەۋاتقان ئىشچى-خىزمەتچى 25 كە يەتكەن بولۇپ، بۇ خىزمەتچىلەر يۇمشاق دېتال ئېچىش بۆلۈمى، ماتېرىيال تۈزۈش-تەھرىرلەش بۆلۈمى، مالىيە-ستاتىستىكا بۆلۈمى، ئېلان-ئىستراتېگىيە بۆلۈمى، سېتىش بۆلۈمى، سېتىشتىن كېيىنكى مۇلازىمەت بۆلۈمى قاتارلىق بۆلۈملەردە خىزمەت قىلىۋاتىدۇ.
«مۇئەللىم» شىركىتىمىز بۇ بەش يىللىق تەرەققىيات جەريانىدا ئۆز-ئۆزىنى تەرەققىي قىلدۇرۇش ۋە مۇكەممەللەشتۈرۈش بىلەن بىرگە، جەمئىيەت ئالدىدىكى مەسئۇلىيىتى ۋە مەجبۇرىيىتىنىمۇ ئىزچىل ياخشى ئادا قىلىپ كەلدى. بەش يىلدىن بۇيان شىنجاڭنىڭ ھەر قايسى جايلىرىدىكى ياخشى ئوقۇۋاتقان ئوقۇغۇچىلارنى رىغبەتلەندۈرۈش ۋە قىيىنچىلىقى بار ئوقۇغۇچىلارغا ياردەم بېرىش ئۈچۈن خالىس ئىئانە قىلدى.
شىركىتىمىز ئىلغار كارخانا مەدەنىيىتى بەرپا قىلىشقا تىرىشچانلىق كۆرسىتىپ، مائارىپقا مۇناسىۋەتلىك بىر قاتار پائالىيەتلەرنى ئۇيۇشتۇرۇپ ياخشى ئۈنۈمگە ئېرىشتى.
2011-يىلى بالىلار بايرىمىدا بايىنغولىن تېلېۋىزىيە ئىستانسىسى بىلەن بىرلىشىپ بالىلار بايرىمى سەنئەت پائالىيىتى ئۆتكۈزۈلدى. بۇ پائالىيەتتە كورلا شەھىرىدىكى ئوقۇشتا ياخشى ئوقۇغۇچىلاردىن 10 نەپەرگە مۇئەللىم ئېلېكتىرون لۇغىتى سوۋغا قىلىپ بالىلارنى بايرىمىنى قىزغىن قۇتلۇقلاپ، ياخشى ئوقۇشقا رىغبەتلەندۈردى.
2012-يىلى قىشلىق تەتىل مەزگىلىدە بايىنغولىن ئوبلاستلىق تېلېۋىزىيە ئىستانسىسى بىلەن ھەمكارلىشىپ، ئوبلاست بويىچە تىل-ئەدەبىيات ۋە باشقا پەنلەرگە مۇناسىۋەتلىك «مۇئەللىم» لوڭقىسى غۇنچىلار زېھىن سىناش مۇسابىقىسى ئېلىپ بېرىپ، ئوقۇغۇچىلارنىڭ ئۆز ئانا-تىلى، مەدەنىيىتىنى ياخشى ئۆگىنىش كەيپىياتى جانلاندۇرۇلدى؛
بۇ يىل 5- ئاينىڭ 19-كۈنى شىنجاڭ ئۇنىۋېرسىتېتى فىلولوگىيە ئىنستىتۇتى بىلەن بىرلىشىپ، قوش تىلدا نۇتۇق سۆزلەش پائالىيىتى ئۆتكۈزۈپ، ياخشى ئىجتىمائىي ئۈنۈم ھاسىل قىلدى؛
بۇ يىل 5-ئايدا قەشقەر شەھەرلىك پاراۋانلىق مەكتىپىدە ئىللىقلىق يەتكۈزۈش پائالىيىتى ئۆتكۈزۈپ، قىيىنچىلىقى بار بالىلارغا 10 مىڭ يۈەن قىممىتىدىكى مۇئەللىم ئېلېكتىرون لۇغەتلىرى ۋە ماددىي بۇيۇملار بىلەن مېھرىبانلىق يەتكۈزۈلدى.
2012-يىلى يىل بېشىدا شىركىتىمىز شىنجاڭ ئۇنۋېرىستىتى ۋە شىنجاڭ مائارىپ ئىنىستىتۇتىدىكى بەش نەپەر دوكتۇر، مۇتەخەسىسنى تەكلىپ قىلىپ، «مۇئەللىم» ئېلېكترون لۇغىتى تەتقىقات گۇرۇپپىسى قۇرۇپ چىقىپ، ئىختىساسلىق خادىملارنىڭ مەسلىھەتچىلىكىدە «مۇئەللىم» ئېلېكتىرون مەھسۇلاتلىرىنىڭ يۇمشاق ۋە قاتتىق دىتال لايىھىلىنىشىنى يەنە بىر بالداق ئىلگىرى سۈردۇق.
شىركىتىمىز بۇندىن كېيىنكى خىزمەتلىرىدە مىللىي تىل يېزىقتىكى ئېلېكتىرون مەھسۇلاتلىرىغا قوللىنىشچان يۇمشاق دېتاللارنى لايىھىلەش ۋە ئېچىش ئۈچۈن، كۆلەملەشكەن مەخسۇس يۇمشاق دېتال ئېچىش ئورگىنى قۇرۇش ئارقىلىق، مۇستەقىل يۇمشاق دىتال لايىھەلەش، مۇستەقىل مەھسۇلات ئىشلەپچىقىرىش ئىقتىدارىنى ئاشۇرىمىز. كارخانا ئىگىلىك تۈزۈلمىسىنى بارغانسېرى پۇختىلاپ، ئىختىساسلىقلارنى ئۆز ئەتراپىمىزغا ئۇيۇشتۇرۇپ ۋە خىزمەتچىلەرنى تەربىيىلەشكە ئايانماي مەبلەغ سېلىپ، سۈپەت ۋە تېخنىكىغا تەڭ ئەھمىيەت بېرىش ئارقىلىق، شىركەتنىڭ ئەمەلىي كۈچى ۋە مەھسۇلات ئوبرازىنى يۇقىرى كۆتۈرۈپ، بازار دائىرىسىنى كېڭەيتىپ، شىنجاڭ بازىرىنى يەنىمۇ جانلاندۇرۇش بىلەن بىرگە، مەھسۇلاتلىرىمىزنى ئوتتۇرا ئاسىيا ۋە باشقا قوشنا دۆلەتلەرگىچە كېڭەيتىش ئۈچۈن تىرىشچانلىق كۆرسىتىمىز.
مۇئەللىم ئېلېكتىرون مەھسۇلاتلىرىنىڭ يۇمشاق دىتال ئىقتىدارىنى ئىلگىرىكى ئېلېكتىرونلۇق لۇغەت ئىقتىدارىدىن ئېلېكتىرونلۇق مائارىپ مەھسۇلاتىغا تەرەققى قىلدۇرۇپ، مىللىي تىل يېزىق ساھەسىدىكى مائارىپ ئېلېكتىرون مەھسۇلاتلىرىنى ئىشلەپچىقىرىش ساھەسىدە باشلامچى كارخانا بولۇشقا تېرىشىمىز.

تور بەت ئادىرىسى: http://www.muallim.cn/

شىنجاڭ «مۇئەللىم» ئېلېكتىرون پەن-تېخنىكا چەكلىك شىركىتى

مۇناسىۋەتلىك تېمىلار