مەيخورلارغا :(قىزىل راۋاقتىكى چۈش شېئىرىغا تەقلىد )

anwarabla · ۋاقتى: 2012-4-18 00:55:21

            مەيخورلارغا :
(قىزىل راۋاقتىكى چۈش شېئىرىغا تەقلىد )

تۈنۈگۈنلا شوخ-كۈلكىگە چۆمگەن قوشماق  ،
تاكاللىشىپ مەي سەۋەپتىن  پاراڭ بولدى .
ئۆز رىسقىغا شۈكۈر قىلماي قاۋاقتا ئەر .
ئىچىپ قىرلىق ئىستاكاندا ساراڭ بولدى .

يىگىت مانا قۇيۇق چىكىپ تاماكىنى ،
خۇمار بۇلۇپ مەيخانىگە راۋان بولدى .
سۈيىنمىگەچ كىلىن ئۆيدىن تولا يىغلاپ ،
ھوجىرىسىدا يوتقان ئارا پىنھان بولدى .

تولا ئىچىپ تۈزەلمىگەچ ئەرنىڭ خۇيى ،
مەينەت بېسىپ ياتار جايى دالان بولدى .
تۇسۇپ  نەسھەت تەنبىھ قىلىش نە ھاجىتى ؟
ياشلار چۇڭۇپ قېرىلىقمۇ ئايان بولدى .

بىر چاغلاردا پۇلنى سۇرۇپ خەجلىگەنلەر،
بىر تىيىنغا بۇلۇپ زار-زار ۋەيران بولدى .
ھەۋەس قىلغان خۇلۇم-خوشنا ،دوست يارەنلەر،
بەك ئېچىنىپ بۇ قىسمەتكە  ھەيران بولدى .

تۈزەلمىگەچ ئۆگەنگەن خۇي جان چىققۇچە ،
كىلىشەلمەي ئۆز يۇلىغا راۋان بولدى .
بوۋاي بۇلۇپ موماي بۇلۇپ ئۇلار ئاخىر ،
ئارىسىدا ئۆتكىل بولماس داۋان بولدى .

ياشلىقىدا قالدۇرمىغاچ بىرەر ئەۋلات ،
قېرىغاندا ھالى بەكمۇ يامان بولدى .
بىر كۈن تاپسا يەيدىغاننى بىر كۈن ئاچ-زار
كۈن ئالماق تەس چىرايلىرى سامان بولدى .
ئىبرەت ئېلىڭ ئەي ئويغۇرۇم سىز بۇنىڭدىن ،
سىزگە ئېيتار نەسىھەتىم تامام بولدى..... .

arkinjuma · ۋاقتى: 2012-4-18 01:24:18

ۋاھ! ئالامەت كەلتۈرىۋېتىپسىزغۇ بۇرادەر.خورازدىكى خو

نەۋرۇز · ۋاقتى: 2012-4-18 10:03:09

ھەقىقەتەن ياخشى يېزىپسىز. مومكىن بولسا قىزىل راۋاقتىكى چۈش فىلىمىدىكى ئەسلى شېئىرنىمۇ قالدۇرۇپ قويامسىز.ماڭا لازىم ئىدى. سىزنى ئاۋارە قىلدىغان بولدۇم.

Tursunniyaz · ۋاقتى: 2012-4-18 10:45:18

nawruz0997 يوللىغان ۋاقتى 2012-4-18 10:03
ھەقىقەتەن ياخشى يېزىپسىز. مومكىن بولسا قىزىل راۋاقتىك ...

سىز بۇ شېئىرنى دېمەكىچىمۇ؟
قىزىل راۋاقتىكى چۈش فىلىمدىكى بىر پارچە شىئىر

ئۆز ۋاقتىدا بەگ- غوجاملار تولغان ساراي،
غۇربەت بېسىپ قۇرۇق سۆلەت دالان بولدى.
بىر چاغلاردا بەزمە-مەشرەپ قاينىغان جاي.
گۈللەر تۇزۇپ دەل-دەرەخلەر خازان بولدى.
زەر تۇرۇسقا ئۆمۈچۈكلەر باغىلىدى تور،
گۈل پەنجرىلەر ئوت گىياغا ئاشيان بولدى.
ئۇپا-ئەڭلىك، خۇش پۇراقنىڭ نەھاجىتى؟
قېراۋ قوندى چاچقا ،قېرىلىق ئايان بولدى
كېچە تۇپراق ئارا كېرسە مۇردا بۇگۇن-
ئاشىق مەشۇق ھوجىرا ئارا پىنھان بولدى.
ساندۇق-ساندۇق ئالتۇن-كۆمۈش ساقلىغانلار
كۆز ئاچقۇچە گادايلىشىپ ۋەيران بولدى.
ئۆمرى قىسقا دەپ ئۆزگىدىن ئاھ ئۇرغانلار،
كېلىپ ئۆزى ئۇ ئالەمگە راۋان بولدى.
ئاتاسىدىن قاتتىق تەنبىھ ئالغان زاتلار،
ئېھتىمالىم قىلمىشلىرى ئەسيان بولدى.
بايۋەتچىدىن ئۆزىگە جۈر ئىزدىگەنلەر،
تاپقان جايى چالا خۇنۇك مەيدان بولدى.
تاجىسىنى كىچىك كۆرۈپ كەيمىگەنلەر،

كىيىپ قۇۋۇق، ياتقان جايى زىندان بولدى.
ئاخشام تېخى جۇل-جۇل توندىن غىڭشىغانغا،
بۆگۈن بەگلىك چاپىنىمۇ يامان بولدى.
بىرى تەخىتتىن چۈشسە يەنە بىرى چىقتى،
ئاقىۋەتتە ماڭا يات يۇرت ماكان بولدى.
قويغىنە بۇ ئەپسانىنى ھەننىۋاسى-

باشقىلارغا ئاخىر تويلۇق چاپان بولدى.

مەنبە؛ شىنجاڭ يازغۇچىلار تورى