باشقۇرغۇچىلارغا جىددى يىغىن بار! تىز كىرىڭلار؟

yarkanboy

ئەسسالامۇ ئەلەيكۇم
روھلاندىكى بارلىق جاپاكەش باشقۇرغۇچىلار ياخشىمۇ سىلەر:
قىشلىق تەتىل كىلىش ئالدىدا تۇرىۋاتىدۇ. مىنىڭچە روھلان ئەزالىرىنىڭ %95 تىن كۆپرەكى مائارىپ ساھاسىدە خىزمەت قىلىۋاتقانلار،  ئۇنداقتا بۇ قىشلىق تەتىلنى قانداق ئۆتكۈزىمىز.  روھلاننىڭ بىر جاپاكەش باشقۇرغۇچىسى بولغان بىزلەر قانداق قىلىمىز. روھلاندا قانداق ئەھمىيەتلىك پائالىيەتلەرنى قانات يايدۇرىمىز.
مەن مۇشۇلارنى ئويلاپ ئازراق خام پىلان ئالغاچ كەلگەن كۆپچىلىك بىلەن بىر ئورتاقلىشىپ باقسام، كۆپچىلىك ئۆز پىكىرلىرىنى ئوتتۇرغا قويۇپ باقسا مۇكەممەل بولغاندىن كىيىن تەتىل مەزگىلىدە روھلاندا قانات يايدۇرساق دىگەن ئۈمۈدتىمەن.   
مۇسابىقە تۈرى: دەرسلىك دىتالى تۈزۈش مۇسابىقىسى
1.        ئىشلىتىدىغان دىتال: مىنىڭچە ppt دا تۈزۈلسە ياخشىراق دەيمەن. چۈنكى بۇنى ئۆزگەرتىش ئاسانراق. مۇسابىقىگە قاتناشتۇرۇلغان دەرسلىكلەرنى ئەزالىرىمز كەڭ كۇشادە چۈشۈرۈپ، ئۆزگەرتىشكە تىگىشلىك يەرلىرىنى ئۆزگەرتىپلا ئىشلىتەلەيدۇ.   (يۇقارقى تەلەپنى مەن كۈچلۈكرەك تەۋسىيە قىلىمەن، چۈنكى فىلاش، ئاۋزۇۋىر ۋە  باشقا دىتاللاردا تۈزسە ppt دىنمۇ ياخشى تۈزگىلى بولىدۇ، لىكىن كەڭ ئوقۇتقۇچىلارنىڭ ئۆزگەرتىپ پايدىلىنىشى ئۈچۈن يەنىلا ppt ئاسانراق.) لىكىن باشقىلارنىڭ بۇنىڭدىنمۇ ئاقىلانە پىكىرى بولسا قوبۇل قىلىنىدۇ.
2.        دەرسلىك تۈزۈش دائىرىسى: باشلانغۇچ، تولۇقسىزنىڭ ئىككىنچى مەۋسۇمنىڭ دەرسلىكى ئاساس قىلىنسا (چۈنكى ئالدىمىزدا ئىككىنچى مەۋسۇم كىلىۋاتىدۇ ھەم سەل دائىرە بەلگىلەپ بىرىلمىسە دائىرىسى بەك كەڭ بولۇپ كىتەرمىكىن دەيمەن.)  (كۆپچىلىك قانداق قارايدىكىن، بولمىسا قايسى يىللىقنىڭ قايسى مەۋسۇمىنى تۈزسە ئىختىيار دىسەكمۇ بولىدۇ.)
3.        دەرسلىكنى چوقۇم ئۆزى لايىھەلىشى كىرەك. ( دەرسلىكنى باھالاش جەريانىدا توردىن چۈشۈرۈپ ئۆزگەرتىلگەنلىكى بايقالسا، پەقەت روھلانغا تىما قىلىپ يوللىنىدۇ، لىكىن مۇسابىقىگە قاتناشتۇرۇلمايدۇ.) (قاتتىق ئۆلچەم)
4.        تەگلىك رەسىم قاتارلىقلار ......... چوقۇم خالىغانچە ئۆزگەرتكىلى بولىدىغان ھالەتتە تۈزۈلىشى كىرەك.
5.        روھلان ۋە باشقا تور بەتلەرگە بۇرۇن يوللىنىپ بولغان دەرسلىكلەر قايتا يوللانسا بولمايدۇ. چۈنكى مۇسابىقە ئۆتكۈزۈشتىكى نىگىزلىك مەقسەت دەسلىك دىتال مەنبىيىنى كۆپەيتىش.
6.        تۈزۈلگەن دەرسلىكلەر روھلان تور بىتىدىكى ھەر قايسى ئەزالارنىڭ پايدىلىنىشى ئۈچۈن ئىچىۋىتىلىدۇ. دەرسلىك تۈزگۈچى توردا ئاشكارە تارقىتىشقا قوشۇلىشى كىرەك.
7.        مۇسابىقە ۋاقتى: 2012-يىلى1-ئاينىڭ 10-كۈنىدىن 2-ئاينىڭ5-كۈنىگىچە بولسا 2-ئاينىڭ 10-كۈنىگىچە باھالاپ نەتىجىسىنى ئېلان قىلساق. (چۈنكى سىلەرنىڭ ئۇ يەرلەردە قانداقكىن، بىزنىڭ بۇ يەرلەردە ئاڭلىشىمچە 2-ئاينىڭ 13-كۈنى تەتىل توشارمىش.)
8.        دەرىجىگە ئېرىشكەنلەرنى مۇكاپاتلاش مەسىلىسىنى ئادىلجان ئەپەندىم ئۆزى بىر نىمە دىسۇن.
ياكى قوللايدىغان شىركەتلەر بولسا ھەر بىر دەرسلىكنىڭ ئەڭ ئاخىرقى بىتىگە شۇ شىركەتكە تەشەككۇرنامە يىزىپ قويساقمۇ بولىدۇ.  
9. دەرسلىك چوقۇم ئانا تىلدا تۈزىلىشى كىرەك........  
ئەمدىكى مەسلە:
1.        دەرسلىكنى باھالاش ئۆلچىمى قانداق بولىشى كىرەك.  
2.        باھالاش گۇرۇپپىسى كىملەردىن تەشكىل تىپىشى كىرەك.
3.        مۇسابىقىنىڭ ئادىللىقىغا قانداق كاپالەتلىك قىلىش كىرەك.
4.        ...............  ۋە باشقا مەن ئويلىمىغان مەسىلىلەر.
كۆپچىلىككە شۇنى ئەسكەرتىمەنكى: بۇ بىر كاللامدا ئەكس ئەتكەن خام  پىلان خالاس ..............  
  بۇنداق پائالىيەتلەرنى ئۆتكۈزۈپ نىمە ئىش قىلىمىز دىسەڭلارمۇ مەيلى .... ياكى مەنچىنچى تۈرىگە مانداق ئۆزگەرتىش كىرگۈزەيلى دىسەڭلامۇ مەيلى ........  
ئۆتكۈزمەكچى بولۇپلا قالساق ھەر بىر باشقۇرغۇچى مۇشۇ پىلاننى چۆرىدىگەن ئاساستا تەپسىلىي (ھەر بىر تۈرىگىچە) بىر قىتىم ئويلىنىپ، پىلانىڭلارنى يىزىپ چىقساڭلار.........  ھەر بىرىمىزنىڭ پىلانىنى ئۆز ئارا سىلىشتۇرۇپ ياخشى چىققان تەرەپلەرنى قالدۇرۇپ، توغرا بولمىغان پىكىرىلىرىمىزنى ئىلىۋىتىپ، مۇكەممەل بىر مۇسابىقە لايىھىسى تۈزىۋالساق، ھەر تەتىلدە مۇشۇنداق مۇسابىقە ئۆتكۈزىمىزمۇ تېخى.............

ئەمىسە روھلاننى قوللايدىغان، قوللىمايدىغانلىقىڭلارنى، روھلانغا كۆڭۈل بۆلىدىغان، بۆلمەيدىغانلىقىڭلارنى سىنايدىغان پەيىت كىلىپ قالدى كۆپچىلىك كەڭ كۇشادە پىكىر قايتۇرۇڭلار .........

پىكىرىڭلارنىڭ ئەڭ ئاخىردا ئوقۇتۇش باسقۇچىڭلار ۋە مەكتەپتىكى ۋەزىپەڭلارنى قالدۇرۇپ قويغان بولساڭلار بۇ قېتىملىق مۇسابىقىنى تەشكىللەشكە ئازراق پايدىسى تېگىپ قالار ئىدى ............ ( مەسىلەن:  تولۇق ئوتتۇا، تولۇقسىز، باشلانغۇچ، يەسلى،        مەكتەپ مۇدىرى، مۇئاۋىن مۇدىر، ئىلمى مۇدىر، سىياسى مۇدىر، ئىتتىپاق شۈجىسى، باش تەربىيچى،  xxxxئوقۇتۇش گۇرۇپپا مەسئۇلى،   xxxx پەن ئوقۇتقۇچىسى،  دىگەندەك.  
مەسىلەن: مەن ئۆزۈمنى مىسال قىلاي:
ئوقۇتۇش باسقۇچى: تولۇقسىز
مەكتەپتىكى ۋەزىپەم: سىياسى مۇدىر

Maarip

ئاتامان خېلى بۇرۇنلا ئويلاشقان ئىدى، بۇنداقتا دائىرىسى بەك كەڭ بولۇپ، باھالاش قىيىن بولارمىكىن، بۇرۇن توردىن چۈشۈرگەن دەرسلىكلەرنى يوللاپ قويسا، باھالىغۇچىلار سېلىشتۇرۇپ چىقىشتا قىيىنچىلىق بولارمىكىن. تەتىل كۈنلىرىم شۇنداق ئالدىراشچانلىق ئىچىدە ئۆتسىمۇ، پائالىيەتكە قاتنىشالماي قالىدىغانلىقىمدىن ئىنتايىن ئۆكۈنىمەن، شۇنداقتىمۇ تەكلىپىمنى ئوتتۇرىغا قويسام:
1. بىرلا دەرسلىك بولماسىتىن، بىر بۆلەك ياكى بىر قىسىم كىتابتىكى تولۇق مەزمۇن بولسا قانداق بولار!! (ئەگەر توردىن چۈشۈرگەنلەر بولسا ھىچبولمىغاندا رەتلىگىلىمۇ ۋاقت كېتىدۇ ئەمەسمۇ)
2. يوللايدىغان دەرسلىك تېمىسى ئۇيغۇرچە ياكى قوشتىلدا دەپ ئەسكەرتىلسە.
3. لايىھە توغرىسىدا ئىلگىرى ئاتامانغا ئەۋەتىپ بەرگەن لايىھەدىن مۇۋاپىق پايدىلىنسا (ناھىيىمىز بويىچە ئۆتكۈزۈلگەن مۇسابىقىنىڭ لايىھەسىنى دىمەكچى)

xam65

مەن بۇ تەكلىپكە تولۇق قوشۇلىمەن بىراق بىزنىڭ بۇ تەرەپيە تېخى ئىمتىھان ئېلىنمىدى 15- چىسلالاردا ئاران تەتىل قىلالايمىز. يەنى كېلىپ 20 كۈن ئۆزلۈكسىز تەربىيە تەربىيلىنىشى بار. يوقۇرىنىڭ ئورۇنلاشتۇرۇشى بۇيىچە قىشلىق تەتىللىك سىياسى ئۆگىنىشنى تەتىلدە قىلىدىكەنمىز. ئوقۇتقۇچىلارغا ئارامچىلىق يوق. شۇنداق بولسىمۇ مەن تەشەببۇسكارلىق بىلەن ۋاقىت چىقىرىپ قاتنىشىمەن.
ئوقۇتۇش باسقۇچۇم: باشلانغۇچ
مەكتەپتىكى ۋەزىپەم: ئويۇشما رەئىسى، ئونۋېرسال خارەكتېرگە ئىگە دەرىس ئوقۇتقۇچىسى. تەتقىقاتچى.

ADiL

بۇ ناھايىتى ئورۇنلۇق پىكىر بولۇپتۇ، ئالدىنقى قېتىم ئىنتىل تورىدا ماركا ياساش مۇسابىقىسى ئاياغلاشقاندىن كېيىنلا بېكىتىمىزدە دەرسلىك دېتالى تۈزۈش مۇسابىقىسى ئۆتكۈزۈشنى پىلانلاپ، باشقۇرغۇچىلار توپىدا ئازراق مۇزاكىرە قىلغان بولساقمۇ، مېنىڭ تەربىيلىنىشتە بولۇش سەۋەبىم بىلەن ئەھمىيەت بېرەلمىگەنلىكىم سەۋەبلىك بۇ ئىش توختاپ قالغان ئدى.
مەنمۇ بىر قانچە تەكلىپ بېرەي، تەكلىپنى ھازىر يېزىۋەتمىسەم ئەتە ئىمتىھانىم بار كەچتە ئاران تۈگەيدۇ، يازالماي قالىدىكەنمەن .
1. دەرسلىك دېتالىنى تۈزۈشتە مېنىڭچە ppt بىلەنلا چەكلەپ قويمايلى، كۆرۈشكە يوللىغاندا دەرسلىك لايىھەسىنىلا يوللىسۇن، باھالاشقا قاتناشتۇرىدىغان ۋاقىتتا بارلىق خام ماتىرىياللىرىنى تولۇق تەمىنلەپ ئۆزگەرتىپ ئىشلىتىشكە قولايلىق شارائىت بىلەن تەمىنلىسۇن.
2. دەرسلىك تۈزۈش دائىرسىنى مېنىڭچە 3 باسقۇچ بۇيىچە ئېلىپ بارساقمىكىن دەيمەن، ئەگەر قاتناشتۇرىدىغانلار چىقسا
يەنى يەسلى-باغچا باسقۇچى، باشلانغۇچ باسقۇچى ۋە ئوتتۇرا مەكتەپ باسقۇچى
3. بۇ پكىر ناھايىتى ياخشى بولدى، بۇنى چوقۇم شۇنداق قىلىشىمىز كېرەك.
4. قوشۇلىمەن
5. قوشۇلىمەن
6. قوشۇلىمەن
7. مېنىڭچىمۇ ئېلان تەشۋىقاتىمىز ياخشى بولسا بىر مۇنەۋۋەر دەرسلىك دېتالىنىڭ پۈتۈپ چىقىشىغا 25 كۈن يېتىدۇ .
8. مۇكاپات مەسىلىسىنى ئۆزۈم ھەل قىلاي، مۇكاپاتنى چوقۇم چوڭراق قىلىمىساق بولمايدىغان يەرگىمۇ كېلىپ قالدى .
9. دەرسلىك باھالاش ئىشلىرىنى مائارىپ ئەپەندى ۋە كارۋان 728 ئەپەندىلەر بىر سۆزلەپ باقسا بولۇپتىكەن .
10. باھالاش گۇرۇپپىسىنى ئەلۋەتتە روھلان تور بېكىتىمىزدىكى مۇش ساھەدە ئىشلەۋاتقان ۋە ھەرخىل دېتاللارنى ئىشلىتىش تەجرىبىسى بارلارنى باھالاشقا تەكلىپ قىلىمىز .
11. باھالاش گۇرۇپپىسىغا قاتناشقان مۇتەخەسىسلەر كۆرگەزمە ئۈچۈن بىر ياكى بىر قانچە دەرسلىك دېتالى ئېلان قىلسا لېكىن باھالاشقا قاتناشتۇرمىسا قانداق بولار، ياكى ئۇلارنىمۇ قاتناشتۇرىمىزمۇ؟ قاتناشتۇرساق باشقا ئەزالار ئادىل بولماپتۇ دەيدىغان گەپ چىقىپ قالماس ھە؟ دەرسلىك دېتالى ياىشى تۈزۈلۈپ ياخشى باھالانسىغۇ كۆز بىلەن كۆرگىلى بولىدىغان نەرسە بولغاندىكىن ئۇلارمۇ بۇنداق دەپ يۈرمەيدۇ ئەمدى، شۇنداقتىمۇ بۇنىڭغا باشقىلارمۇ بىر نەرسە دەپ بېقىڭلار .

مېنىڭمۇ ئاخىرىدا كاللامدىن ئۆتكۈزۈزەلمەي ھەل قىلالمىغان بىر ئىش بار، ئۇ بولسىمۇ دەرسلىك دېتالى مەيلى ppt دا تۈزۈلسۇن ياكى flash تا تۈزۈلسۇن، ئۇنى دەرسلىك تۈزگۈچى روھلانغا يوللىغاندىن كېيىن چوقۇم باشقىلار چۈشۈرۈپ پايدىلىنىدۇ، بىر قىسىملار بۇ دەرسلىكتىن يامان نيەتتە پايدىلىنىپ ئۆزگەرتىپ مۇسابىقىگە قاتناشتۇرسا، كېيىنكىسىنىڭ ئالدىنقىسىدىن ياخشى چىقىپ، پەرىقلەندۈرۈشكە تەس بولسا قانداق قىلىش كېرەك؟
دەرسلىك دېتالىنى يوللىمىسا باھالىغۇچىلار ۋە ئەزالار كۆرۈپ باھا بېرەلمىسە قانداق قىلىش كېرەك؟
ياكى بۇنى مۇنداق ھەل قىلساق بولارمۇ؟
دەرسلىك دېتالى تۈزگۈچى دەرسلىك دېتالىنى پىرىسلاپ، پىرىسلاش جەريانىدا مەخپى نۇمۇر ئورنىتىپ يوللىسا، ئۇنى پەقەت باھالاش گۇرۇپپىسىدىكى ئەزالارلا كۆرەلىسە، تېمىسىغا ئەزالارنىڭ كۆرۈشى ئۈچۈن دەرسلىك تېمىسى ۋە  بىر قانچە پارچە كەسمە رەسىمنىلا يوللىسا ، ئاندىن پىرىستىن يېشىش مەخپى نۇمۇرىنى بھالاش گۇرۇپپىسىغىلا تەمىنلىسە قانداق بولار؟

تېما ئېگىسىنىڭ تەكلىپى بۇيىچە مەنمۇ ۋەزىپەمنى قالدۇراي
ھازىرقى ۋەزىپەم: ئاقسۇ ۋىلايەتلىك مائارىپ ئىنىستىتوتىنىڭ قوش تىل تەربىيلەش سىنىپىنىڭ كۇرسانتى
ئىلگىرىك ۋەزىپەم: ئىلمىي مۇدىر، باشلانغۇچ مەكتەپ ماتېماتىكا ئوقۇتقۇچىسى

yarkanboy

Maarip يوللىغان ۋاقتى  2012-1-3 01:43
ئاتامان خېلى بۇرۇنلا ئويلاشقان ئىدى، بۇنداقتا دائىرىس ...

بۇرۇن توردىن چۈشۈرگەن دەرسلىكلەرنى يوللاپ قويسا، باھالىغۇچىلار سېلىشتۇرۇپ چىقىشتا قىيىنچىلىق بولارمىكىن.

ماۋۇ مەسىلىنى پەقەت ھەل قىلالمىساق.......... مۇسابىقىگە قاتناشتۇرىدىغان ھەر بىر دەرسلىك دىتالىنى يوللىغاندا شۇ دەرسلىك يوللىغان مەزمۇننىڭ ئاخىرىغا كىچىككىنە قىلىپ
يۇقارقى دەرسلىكنى  باشتىن ئاياغ مەن ئۆزۈم ئىشلىگەن، باشقىلارنىڭ يوللاپ قويغان دەرسلىكلىرىنى ئۆزگەرتمىدىم. ناۋادا يۇقارقى دەرسلىكنى مەن يوللىغان ياكى توردا يوللىنىپ بولغان دىگۈچىلەر بولسا مەن بىلەن ياكى مۇسابىقە باھالاش گۇرۇپپىسىدىكىلەر بىلەن ئالاقىلاشسا بولىدۇ..........  ئالاقىلىشىش ئۇسۇلى: چ چ  نۇمۇرى، تېلغۇن نۇمۇرى

دەپ ئەسكەرتىپ قويۇلسىچۇ .................؟  ئۈنۈمى بولارمۇ بولماسمۇ؟

ADiL

Maarip يوللىغان ۋاقتى  2012-1-3 01:43
ئاتامان خېلى بۇرۇنلا ئويلاشقان ئىدى، بۇنداقتا دائىرىس ...

ئۇ ماتىرىيالنى يوقىتىپ قويدۇم، ئالدىڭىزدا خىجىلمەن.

yarkanboy

ADiL يوللىغان ۋاقتى  2012-1-3 01:56
بۇ ناھايىتى ئورۇنلۇق پىكىر بولۇپتۇ، ئالدىنقى قېتىم ئى ...

11. باھالاش گۇرۇپپىسىغا قاتناشقان مۇتەخەسىسلەر كۆرگەزمە ئۈچۈن بىر ياكى بىر قانچە دەرسلىك دېتالى ئېلان قىلسا لېكىن باھالاشقا قاتناشتۇرمىسا قانداق بولار، ياكى ئۇلارنىمۇ قاتناشتۇرىمىزمۇ؟
ماۋۇ ئويلىشىپ قويىدىغان مەسىلە ئىكەن جۇما باللا .............

مېنىڭمۇ ئاخىرىدا كاللامدىن ئۆتكۈزۈزەلمەي ھەل قىلالمىغان بىر ئىش بار، ئۇ بولسىمۇ دەرسلىك دېتالى مەيلى ppt دا تۈزۈلسۇن ياكى flash تا تۈزۈلسۇن، ئۇنى دەرسلىك تۈزگۈچى روھلانغا يوللىغاندىن كېيىن چوقۇم باشقىلار چۈشۈرۈپ پايدىلىنىدۇ، بىر قىسىملار بۇ دەرسلىكتىن يامان نيەتتە پايدىلىنىپ ئۆزگەرتىپ مۇسابىقىگە قاتناشتۇرسا، كېيىنكىسىنىڭ ئالدىنقىسىدىن ياخشى چىقىپ، پەرىقلەندۈرۈشكە تەس بولسا قانداق قىلىش كېرەك؟

ماۋۇنى ئارتۇقچە ئويلىنىپ كىتىپسىز ................
بۇرۇن يوللاپ بولغانلارنىڭكىنى ئۆزگەرتسە باھالاش گۇرۇپپىمىزدىكىلەر ئازراق بولسىمۇ بىلىۋالارمىز .......... ھەر قانچە بولسىمۇ،      باھالىغۇچىلار بىلەلمىگىدەك دەرىجىدە ئۆزگەرتىۋالسا مەيلى .........
باھالاشتىن بۇرۇن بىرەر ئىككى كۈن باھالاشقا قاتناشتۇرلىدىغان دەرسلىكلەرنى ئاشكارە ئىلان قىلىمىز ..... كۆپچىلىكنىڭ پىكىرى بولسا باھالاش گۇرۇپپىسىغا ئىنكاس قىلىڭلار دەپ ..........ئەزالارمۇ بىلەلمىسە، باھالىغۇچىلارمۇ بىلەلمىسە .، مەيلى ئەمەسمۇ ............
ناۋادا بۇرۇن يوللىغانلاردىن ئىلھام ئىلىپ كىيىن يوللىغانلارنىڭ ياخشى چىقىپ قالىدۇ دىيلسە ماۋۇ بىر گەپ .........
بۇنىڭدا دەرسلىك دىتالى يوللاشقا سان چەكلىمىسى قويمىغاندىكىن باشتا يوللاپ بولغانلار يەنە ئىزدىنىپ يەنە باشقىنى يوللىسىمۇ بولىدىغۇ...........

xam65

مېنىڭچە ئۈنىمى بۇلىدۇ. شۇ دېتالنى تەييارلىغۇچى خام ماتىرياللارنى ئۆزى تەييارلاپ ئىش قوشۇپ ئىشلىگەنلا بولسا، باشقىلارنىڭ كۆچۈرۈپ ئىشلەتكەنلىكى ئايان بولىدۇ. دىمەك مۇسابىقىگە قاتناشتۇرىلىدىغان دېتاللار شۇ كىشىنىڭ ئوقۇتۇش جەريانىدىكى تەجىربىسىنى يەكۈنلەپ، يېڭىچە ئوقۇتۇش ئۇسۇلىنى تەجىربە تونۇشتۇرۇشقا سۇنغانلىق بۇلۇپ ھېسابلىنىدۇ. كۆچۈرمەكەشلىك بىلەن مۇسابىقىگە قاتناشتۇرۇشقىمۇ خىجىل بۇلار دەيمەنغۇ.

Maarip

مەن ئالدىنقى قېتىم دىيىشكىنىمىزدەك لايىھەنى يوللاپ قويدۇم، كۆپچىلىك يەنۇمۇ مۇكەممەللەشتۈرسەك ۋە ئارتۇق جايلىرىنى چىقىرىپ تاشلىساق:

روھلان تورىدا كۆپ ۋاستىلىق ئوقۇتۇش يۇمشاق دېتالى لايىھەلەش مۇسابىقىسى ئۆتكۈزۈش لايىھەسى

        رايۇنىمىزدىكى ئوتتۇرا-باشلانغۇچ مەكتەپ ئوقۇتقۇچىلىرىنىڭ مائارىپ تېخنىكىسى، توردىن پايدىلىنىش ئىقتىدارى، ئۇچۇر تەربىيىلىنىشى ۋە يۇمشاق دېتال لايىھەلەش سەۋىيىسىنى يۇقىرى كۆتۈرۈپ، ئۇچۇر تېخنىكىسىنىڭ پەن ئوقۇتۇش بىلەن ئۈنۈملۈك بېرىكىشىنى ئىلگىرى سۈرۈپ، ئۇچۇر تېخنىكىسىنىڭ ئوقۇ-ئوقۇتۇشتا كەڭ قوللىنىشىنى سىلجىتىش ئۈچۈن، روھلان تورىدا كۆپ ۋاستىلىق ئوقۇتۇش يۇمشاق دېتالى مۇسابىقىسى لايىھەسى تۈزۈپ چىقىلدى .
        1. مۇسابىقىگە قاتنىشىدىغان خادىملار
روھلان تورىدىكى بارلىق ئەزالار
        2. مۇسابىقە تۈرى تەسىس قىلىش ۋە ئالاقىدار تەلەپ
        1) تۈر تەسىس قىلىش
        (1) بۇ قېتىمقى يۇمشاق دېتال مۇسابىقىسىدە ئۇيغۇر تىلى ۋە «قوش تىل» گۇرۇپپىسى بويىچە
ئايرىم ئايرىم ھالدا بالىلار باغچىلىرى، باشلانغۇچ، تۇلۇقسىز ۋە تۇلۇق ئوتتۇرا دەپ تۆت بۈلەككە ئايرىپ ئېلىپ بېرىلىدۇ.
        2) تۈرنىڭ چۈشەندۈرۈلىشى ۋە تەلىپى
        كۆپ ۋاستىلىق دەرس دېتالى بولسا كۆپ ۋاستە تېخنىكىسى ۋە تور تېخنىكىسىدىن پايدىلىنىپ، رەسىم، تېكىست، ئاۋاز، سۈرەت قاتارلىق كۆپ خىل ئەكس ئەتتۈرۈش ئۇسۇلىنى ئورگانىك بىرلەشتۈرۈپ، ئوقۇتۇش مەزمۇنىنى ئىپادىلەپ، ئوقۇتقۇچى بىلەن ئوقۇغۇچى ئوتتۇرىسىدىكى ئۆگىتىش بىلەن ئۆگىنىشكە ياردەم بېرىپ، ئالاھىدە بېكىتىلگەن ئوقۇتۇش ۋەزىپىسىنى تاماملايدىغان ئوقۇتۇش يۇمشاق دېتالىنى كۆرسىتىدۇ.  كۆپ ۋاستىلىق دەرس دېتالى مەلۇم بىلىم دائىرىسىگە، بىرەر سائەتلىك دەرسكە ياكى مەلۇم ئوقۇتۇش بۆلۈكىنىڭ مەزمۇنىغا قارىتىلسىمۇ بولىدۇ. يەككە ھالدىكى ئوقۇتۇش كۆپ ۋاستىلىق بايلىقى دەرس دېتالى دائىرىسىگە كىرگۈزۈلمەيدۇ.
        ① لايىھەلەش تەلىپى : كۆرۈنمە چاستوتا، ئاۋاز، كارتۇن قاتارلىقلارنى لايىھەلەشتە ئادەتتە دائىم قوللىنىلىدىغان ھۆججەت شەكلىنى ئىشلىتىش تەلەپ قىلىنىدۇ؛ ئىجرا بولۇش مۇھىتى Windows2000 مەشغۇلات سېستمىسىدىن تۆۋەن بولماسلىقى كېرەك.
        ② يوللاش شەكلى: (XXXXXXXXXXXXXXXX مەسىلىھەت پىشقاندا بېكىتىلسە) يوللاش كېرەك. قاچىلاش، ئىشلىتىش ۋە ئۆچۈرۈشكە قۇلايلىق بولۇش، تور بەت شەكلىدىكى ئەسەرنى ئاممىباپ  web كۆز يۈگۈرتكۈچ ئارقىلىق كۆرگىلى بولۇش، ئەگەر يۇمشاق دېتالدا ئىجرا قىلىش ۋە قويۇشقا توغرا كەلسە يۇمشاق دېتالنىمۇ تەڭ تەمىنلەپ بېرىش كېرەك.
        ③مىللى تىل-يېزىقىغا چېتىلىدىغان ئەسەرلەر بولسا مۇناسىپ كەلگەن خەت شەكلىنى بىرلىكتە تەمىن ئېتىشى كېرەك.
        3) باھالاش كۆرسەتكۈچى
        كۆپ ۋاستىلىق دەرس دېتالى
        ئوقۇتۇش لايىھەسى (30نومۇر)
        ئوقۇتۇش نىشانى، ئوبېكتى ئېنىق بولۇش، ئوقۇتۇش تەدبىرى جايىدا بولۇش؛
        كۆرۈنمە يۈزنى لايىھەلەش جايىدا، ئۇسلۇبى بىرلىككە كەلگەن بولۇش؛
        يېزىقچە چۈشەندۈرۈلىشى ۋە ياردەمچى ئارخىپلىرى ئېنىق بولۇش.
        مەزمۇنىنى بايان قىلىش (25نومۇر)
        مەزمۇنى مول، ئىلمىي، بايانى توغرا، سۈزى قېلىپلىق بولۇش؛
        تاللىغان تېما جايىدا، ئىپادىلەش ئۇسۇلى مۇۋاپىق بولۇش؛
        تىلى ئىخچام، ئوبرازلىق، يېزىق ئۆلچەملىك بولۇش؛
        خام ماتېرىيال (يېزىق ھۆججىتى، ئاۋازلىق ۋە كۆرۈنمە چاستوت، كارتۇن قاتارلىقلار) نى جايىدا تاللاپ ئىشلىتىش، قۇرۇلمىسى مۇۋاپىق بولۇش.
        تېخنىكا قوللىنىش (25نومۇر )
        سېستىمىنىڭ ئايلىنىشى  نۇرمال، مەشغۇلات ئۇسۇلى ئاددى ھەم قۇلايلىق بولۇش؛
        يېتەكلەش لېنىيىسى ئىلمىي، يوللارنى تاللىغىلى بولىدىغان بولۇش؛
        يېڭى تېخنىكىنى ئىشلىتىش ئۈنۈملۈك بولۇش؛
        يېڭىلىق يارىتىش ۋە ئەمەلىي قوللىنىش (20نومۇر )
        مەقسەت مۇددىئاسى يېڭىچە، تەپەككۈرى ۋە خاسلىققا ئىگە بولۇش؛
ئەمەلىي  ئوقۇتۇشتا قوللانغىلى بولىدىغان، كېڭەيتىش قىممىتىگە ئىگە بولۇش؛
4) ئەسەرنىڭ سالاھىيىتىنى بېكىتىش
(1) سىياسى خاتالىق ۋە پەن ئۇقۇم خاتالىقى كۆرۈلگەن ئەسەرنىڭ باھالىنىش سالاھىيىتى ئېلىپ تاشلىنىدۇ.
(2) ساختىلىق قىلمىشىنى قەتئى چەكلەش كېرەك. ئەگەر بايقالسا شۇ ئەسەرنىڭ قاتنىشىش سالاھىيىتى ۋە مۇكاپاتقا ئېرىشىش سالاھىيىتى ئېلىپ تاشلىنىدۇ.
5) ئەسەر لايىھەلەش
(1) پايدىلانغان ماتېرىيال بولسا ئەسلى كېلىش مەنبەسىنى ئىزاھلاش كېرەك. مۇسابىقىگە قاتناشتۇرغان ئەسەردىن بىلىم مۈلۈك ھوقۇقى تالاش-تارتىشى كېلىپ چىقسا، مەسئۇلىيەتنى ئەسەر ئەۋەتكۈچى ئۈستىگە ئالىدۇ.
(2) ئۆز دۆلىتىمىزدە ئىشلەنگەن يۇمشاق دېتالدىن پايدىلىنىپ مۇسابىقىگە قاتنىشىدىغان ئەسەر لايىھەلەش تەشەببۇس قىلىنىدۇ.
(3) كۆپ ۋاستىلىق دەرس دېتالى مۇسابىقىسىگە قاتناشتۇرغان ھەر بىر ئەسەرنىڭ ئاپتۇرى ئىككى ئادەمدىن ئېشىپ كەتمەسلىك كېرەك.
3. يوللاش ۋاقتى :2012-يىلى XX-ئاينىڭ XX-كۈنىدىن XX-ئاينىڭ XX-كۈنىگىچە.
4. كۆپ ۋاستىلىق دەرس دېتالى باھالاش: كۆپ ۋاستىلىق دەرس دېتالى مۇسابىقىسى خىزمىتىگە روھلان تورىنىڭ باشقۇرغۇچىلىرىدىن  باھالاش گۇرۇپپىسى تەسىس قىلىنىپ باھالاش ئېلىپ بېرىلىدۇ.
5.  يوللاشقا قۇيۇلىدىغان تەلەپ
مۇسابىقىگە قاتنىشىدىغان ئەسەرنىڭ پىرىس ھۆججختىدە ۋىروس بولماسلىقى، نۇرمال ئىجرا بولۇش تەلەپ قىلىنىدۇ. مۇسابىقىگە قاتنىشىدىغان ئەسەرنى تىزىملاش جەدۋېلى (قۇشۇمچە 1) نى ئاپتۇر ئەستايىدىل تولدۇرۇپ، ئۆز ئىمزاسىنى قۇيۇپ، (XXXXXXXXXXXXXXXX  سېكاننىرلاپ يوللامدۇ ياكى يوللىمىسىمۇ بولامدۇ؟ مەسىلىھەت پىشقاندا بېكىتىلسە) يوللاپ بېرىش كېرەك.
5. مۇسابىقىگە قاتنىشىدىغان ئەسەرنى باھالاش چارىسى ۋە مۇكاپات تەسىس قىلىش
1) باھالاش چارىسى: تېخنىكىلىق تەكشۈرۈش ۋە مۇتەخەسىسلەر باھالاش دەپ ئىككى خىلغا بۆلىنىدۇ.
(1) تېخنىكىلىق تەكشۈرۈش: سالاھىيىتىنى دەسلەپكى باھالاش، ئەسەرلەرنى قاچىلاش، ئىجرا قىلىنىشىنى سىناش قاتارلىقلارنى ئۆز ئىچىگە ئالىدۇ. تېخنىكىلىق تەكشۈرۈشتىن ئۆتكەن ئەسەر مۇتەخەسىسلەرنىڭ باھالىشىغا قاتناشتۇرۇلىدۇ.
(2) مۇتەخەسىسلەر باھالاش: مۇتەخەسىسلەر گۇرۇپپىسى روھلان تورىنىڭ باشقۇرغۇچىلىرىدىن تەكلىپ قىلىنغان تەجىربىلىك خادىملاردىن تەشكىللىنىدۇ. تېخنىكىلىق سىناشتىن ئۆتكەن ئەسەرلەر باھالاپ چىقىلىپ، مۇكاپات دەرىجىسى بېكىتىلىدۇ.
2) مۇكاپات تەسىس قىلىش:
باھالاش گۇرۇپپىسىنىڭ باھالاش نەتىجىسىگە ئاساسەن، مۇشۇ كۆرسىتىلگەن ئەسەرلەرنىڭ ئارىسىدىن 1-، 2-، 3-دەرىجىلىك مۇكاپاتنى ۋە بىر قانچە مۇنەۋۋەر مۇكاپاتنى باھالاپ چىقىدۇ. مۇكاپاتقا ئېرىشكەن شەخسىلەرنى ماددى مۇكاپاتلاش ئېلىپ بېرىلىدۇ.

قۇشۇمچە: 1. مۇسابىقىگە قاتنىشىدىغان ئەسەرنى تىزىملاش جەدۋېلى

2011-يىلى XX-ئاينىڭ XX-كۈنى

ئېلىكتىرونلۇق نۇسخىسى بۇ يەردە

Maarip

1. مۇكاپاتلاش مەسىلىسىدە ئۇيغۇر تىلى ۋە «قوش تىل» گۇرۇپپىسى بويىچە ئايرىم ئايرىم ھالدا بالىلار باغچىلىرى، باشلانغۇچ، تۇلۇقسىز ۋە تۇلۇق ئوتتۇرا دەپ تۆت بۈلەككە بۆلىمىزمۇ ياكى قانداق قىلىمىز، كۆپچىلىك بىر نېمە دىسە.
2.  بىرلا دەرسلىك بولماسىتىن، بىر بۆلەك ياكى بىر قىسىم كىتابتىكى تولۇق مەزمۇننىمۇ ئويلىشىپ باقساق قانداق بولار.
3. flash ،  authorware ، 3dmax لاردا تۈزۈلگەن دەرسلىكلەر بولسا مۇكاپاتنى ئېلىپ كېتىپ، PPT غا نۆۋەت كەلمەي قالارمىكىن......