قاشتېشىنىڭ شىپالىق رولى ۋە ئىشلىتىلىشى

esmet

تونۇش : بۇ سۈزۈك تاش بولۇپ ، ھەرخىل رەڭدە بولىدۇ . يەنى كۆك ، ئاق ، يېشىل ، سېرىق رەڭلەردە بولىدۇ . سۈزۈك سېرىق ياكى كۆك بولغىنى ياخشى ھېساپلىنىدۇ . دورىلىققا ئىشلىتىلىدۇ .

چىقىش ئورنى : جۇڭگو - شىنجاڭ ، بۇلۇپمۇ خوتەن قاشتېشى ياخشى ھېساپلىنىدۇ .

تەبىئىتى : 2- دەرىجىدە قۇرۇق سوغۇق .

خۇسۇسىيتى : يۈرەك ، مېڭە ، ئاشقازاننى قۇۋەتلەش ، كۆرۈش قۇۋىتىنى ئاشۇرۇش خۇسۇسىيتىگە ئىگە .

ئىشلىتىلىشى : يۈرەك ، مېڭە ، ئاشقازان ئاجىزلىقى ، كۆرۈش قۇۋىتى ئاجىزلىقى ، يۈرەك تىتىرەش ، سەرئى ، مالىخۇلىيا كېسەللىكلىرىگە ئىشلىتىلىدۇ .

ئىشلىتىش ئۇسۇلى : (1) قاشتېشىنى قىزدۇرۇپ سوقۇپ ، كۈمۈش داغمال سۈيى ياكى ئالتۇن داغمال سۈيىنى ئارلاشتۇرۇپ ، لاچىندانە ھىندى ، گاۋزىبان ھىندى ، زەفەرلەرنى قوشۇپ ئارلاشتۇرۇپ بېرىلسە يۈرەك ، مېڭىنى قۇۋەتلەيدۇ .

(2) ئاق سەندەل ھىندى ، مەرۋايىت ، قاشتېشى ، ناۋات قاتارلىق دورىلاردىن مۇۋاپىق ئېلىپ سوقۇپ ، سىفوپ قىلىپ بېرىلسە يۈرەك تىتىرەش ئۈچۈن شىپا قىلىدۇ .

زىيانىقى : دوۋساققا زىيان قىلىدۇ .

تۈزەتكۈچىسى : ھەسەل

ئورۇن باسارى: ياقۇت

مىقدارى : 1 ~ 2 گىرام

مۇرەككەپ ياسالمىسى : مۇپەررىھ ياقۇت ، خېمىر مەرۋايىت ، داۋائى مىشكى

خاككىر01

قىممەت باھالىق قاشتېشىنى بۇزامدۇق

قاپلان115

بۇ ياخشى رېتسىپ بوپتۇ ئەمما سىز دورىلارنى ئىزىشنىڭ ئالدىدىكى تېخنىكىلىق لايىقلاشتۇرۇش ئۇسۇللىرىنى قوشۇپ بەرگەن بولسىڭىز بىر پۈتۈن پايدىلىنىش قىممىتى بولغان بولاتتى دوستۇم!