kurt يوللىغان ۋاقتى 2012-3-13 13:08 
پەيغەمبەر ئەۋلادى بولسىلا پەيغەمبەرگە ئىشەنگەندەك ئە ...
ئەسسالامۇ ئەلەيكۇم دوستۇم،
مېنىڭچە سىز چوقۇم ناماز ئوقۇيدىغانسىز. نامازدا ئەتەھىيياتۇدا ئولتۇرغاندا ئوقۇيدىغان «ئاللاھۇممە سەللى ئالا»، «ئاللاھۇممە بارىك ئالا» دۇئالىرىنى بىلىدىغانلىقىڭىزغا ئىشىنىمەن.
ئاللاھۇممە سەللى ئالا مۇھەممەدىن ۋە ئالا، ئالى مۇھەممەد.....
«ئالى مۇھەممەد...» دېگەن سۆز بىرىكمىسىنىڭ مەنىسى «مۇھەممەدنىڭ ئائىلە-تاۋاباتلىرى» دېگەنلىك بولىدۇ.
پەيغەمبىرىمىز بىز مۇسۇلمانلارنى نامىزىمىزدا ئۆزىگە ۋە ئائىلە-تاۋاباتلىرىغا دۇئا قىلىشقا بۇيرىغان. پەيغەمبىرىمىزگە دۇرۇت ئوقۇشنى بولسا ئاللاھتائالا قۇرئان-كەرىم ئەھزاب سۈرىسى 56-ئايەتتە بۇيرىغان.
مۇشۇ سەۋەبتىن بىز پەيغەمبىرىمىزنىڭ نەسلىدىن كەلگەن سەييىدلەرگە ھۆرمەت بىلدۈرىمىز، روھىغا ئاتاپ دۇئا قىلىمىز.
بۇ نەسەپ شەجەرىسىگە قارىغاندا، گەرچە رەت تەرتىپتە قالايمىقانچىلىق بولسىمۇ، ئەمما ئاساسەن ھەممىسىدە ئاپاق خوجىنىڭ پەيغەمبەر ئەۋلادى ئىكەنلىكى يېزىلغانىكەن.
ئەگەر ئۇ ھەقىقەتەن پەيغەمبەر ئەۋلادى بولسا، بىز ئۇنى تىللىساق زىيان تارتىشىمىز مۇمكىن.
ئەگەر ئۇ پەيغەمبەر ئەۋلادى بولمىسا، ئىلگىرىكى تارىخچىلار شۇنداق يېزىپ قويغان بولسا، (بۇنى ئىسپاتلاش ھازىرچە قولىمىزدىن كەلمەيدۇ)، بۇنىڭ ھېسابىنى شۇنى يېزىپ خاتىرىلىگۈچىلەر بېرىدۇ. بۇنىڭغا بىز مەسئۇل ئەمەس.
..........................................
مەنمۇ ئىلگىرى ئاپاق خوجىنى تىللايدىغانلارنىڭ بىرى ئىدىم. كېيىن خۇيزۇلارنىڭ دىنىي تارىخىنى، مەشھۇر تارىخىي شەخس 马来迟نىڭ تەرجىمىھالىنى ئوقىغاندىن كېيىن، ئاپاق خوجىنى ئىلگىرى تىللاپ يۈرگەنلىكىمگە پۇشايمان قىلدىم.
مەن ئۇنى تىللىمايمەن. چۈنكى، ئۇنى تىللىتىشقا سەۋەبچى بولغان ياسىنجان چوغلۇق، ئەخمەتجان ھەسەن، مۇختار قادىر ھۇنزادە... قاتارلىقلار يازغان نەرسىلەردە تۇتامغا چىققۇدەك پاكىت يوق. سىياسىي ئېھتىياج ئۈچۈن سايرىغان شاتۇتىدەك ئادەملەرنىڭ ئاغزىدىن ئوبيىكتىپ، لىللا بايان چىقمايدۇ. بولۇپمۇ رومانچى ياسىنجان سادىق چوغلان قانچىلىك بايانلارنى ئىچىدىن تۇقۇپ چىققانلىقىنى ئۆزى ئوبدان بىلىدۇ.
ئاپاق خوجىنىڭ قانداقلىقىغا باھا بېرىشنى قىيامەتكە ئاللاھقا قويدۇم.
يوللىغان ۋاقتى 2012-3-3 15:02:26
