ئۇچۇر بورانلىرىدا(ھېكايە)

ظاەذ

قارىغاندە تەقدىرداشلار خىلى كۆپكەن، داۋامىغا تەقەززامەن. ھەر ھالدا ئەر باش پۇرسىناژدا نۇمۇس تۇيغۇسى تېخى يوقىمىغان چېغى بار. ساقلايمەن....

iffat

ئەلكۈيىدىكى ئاخىرى چىقمىغان ئەسەرلەرنى ساقلاۋىراپ قېرىپ كىتىدىغان بولدۇق-تە!

halil

شۇنى دەيمەن !    

vmid219 ھەقىي سالاھىيەتلىك ئەزا

شۇنداق ئولتۇرسام، ئىشىك يېنىك چېكىلدى.
ـ كىرىڭ،- دېدىم مەن.
ئىشىك ئاستا ئېچىلىپ ئوغلۇم كىرىپ كەلدى.(بىز بالىلارغا كىچىكىدىنلا مەيلى كىمنىڭ ئۆيىگە ياكى ھۇجرىسىغا كىرمەكچى بولسۇن ئىشىك چېكىشنى ئادەت قىلدۇرغان ئىدۇق.)
ـ ئۇخلاپ بولغانتىڭغۇ، بالام؟،-ئەجەپلىنىپ سورىدىم مەن.
ـ ئۇيقۇم كەلمىدى،ئاپا. كاللامغا بىر ئىش كىرىۋالدى. سىزدىن بىر گەپنى سورىسام بولامدۇ؟
ـ مېنىڭ قوزامنىڭ كاللىسىغا كىرىۋالغان قانداق ئىشتۇ ئۇ؟ قېنى دېگىنە،بالام. نىمە ئىش بولدى؟
ـ ئاپا، ئاشنا دېگەن نېمە؟ ئاشنا دېگەن ئەسكىمۇ؟
توۋا، ئەمدى تېخى 11 ياشنىڭ قارىسىنى ئالغان بالامنىڭ ئاغزىدىن ئاڭلاۋاتقان بۇ گەپكە نىمە دەرمەن ئەمدى؟
ـ بۇنى سوراپ قالدىڭغۇ ،بالام؟
ـ ئاپا، مەن بىلەن بىر پارتىدا ئولتۇرىدىغان ئاغىنەم ئېرشات يېقىندىن بۇيان دەرىسلەردە بەك چېكىنىپ كەتتى. سىزمۇ بىلىسىزغۇ ئۇنى. ھەر يىلى ئۈچتە ياخشى باھالىناتتى. ئۆزىمۇ بەك تىرىشچان ئىدى.
ـ ھە،مەن تۇنۇيمەن، بىرىنچى يىللىقتا پىئونىر بولغان چېغىڭلاردا مەن گالىستۇك تاقاپ قويغانتىم ئۇ بالىغا.
ـ ھە،شۇ.مۇئەللىممۇ ئۇنى تەنقىد قىلدى. ئۇ بەك چۈشكۈنلىشىپ كەتتى.  مەن نىمە ئىش بولغانلىقىنى سورىسام،ئۇ ماڭا ھەممىنى سۆزلەپ بەردى. ئۇنىڭ دادىسىنىڭ ئاشنىسى باركەن، شۇڭا ئاپىسى ئۇنىڭ بىلەن ئاجرىشىمەن دەپ ھەر كۈنى ئۇرۇشىدىكەن. ئەگەر ئۇلار راستىنلا ئاجرىشىپ كەتسە،ئېرشات مەكتەپتىمۇ ئوقۇماي،جان تىكىپ ئىشلەپ،پۇل تېپىپ ئاپامنى باقىمەن دەيدۇ. ئۇنىڭ بىلەن بەك يېقىن ئۆتەتتىم، شۇڭا ئۇنىڭغا بەكمۇ ياردەم قىلغۇم بار، لېكىن قانداق قىلىشىمنى بىلەلمىدىم. ئاشنا دېگەن قانداق بولىدۇ،ئاپا.
بالامغا نىمە دەپ چۈشەنچە بېرىشنى بىلەلمىدىم.
ـ جېنىم ھېكمەت بالام، بەزى ئىشلارنى چوڭ بولغاندا ئاندىن چۈشىنىپ قالىسەن. ـ ئاپا، دادامنىڭمۇ ئاشنىسى بارمۇ؟
ئاھ،خۇدا. ئەمدى بۇ گەپكە نىمە دەپ جاۋاپ بەرگۈلۈك؟ئۇ ھازىر ئۆزىنىڭ مەن بىلەن قانداق تېما ئۈستىدە پاراڭلىشىۋاتقانلىقىنىمۇ بىلمەيتتى.ئۇنىڭ بىردىنبىر مەقسىتى ساۋاقدىشىغا ياردەم قىلىش. ئۇنداقتا ئۇ ئۆزىچۇ؟ ئاغىنىسىنىڭ دادىسى ئاشنا تېپىۋېلىپ،ئائىلىسىنى ۋەيران قىلىش گىردابىغا ئاپىرىپ قويۇپتۇ، مۇشۇنداق كېتىۋەرسە، ئېرشاتنىڭ بۈگۈنى ھېكمەتنىڭ ئەتىسى بوپ قالمامدۇ؟
ـ  جېنىم بالام، بۇ ئىشلارنى ئويلىماي، چىقىپ بالدۇرراق ئۇخلىغىن. مېنىڭمۇ ئۇيقۇم كەپ كەتتى. ياخشى چۈش كۆرگىن،ئۇماق بالام.
ـ ئاپا، مەن سىلەرنى بەك ياخشى كۆرىمەن. ياخشى چۈش كۆرۈڭ.
اللە ئۇنىڭ دىلىغا سېلىۋاتامدۇ قانداق بىلمىدىم. بالامنىڭ بۇ گەپلىرى يۈرىكىمنى بەك ئېزىۋەتتى. ئاھ،مېنىڭ يۈرەك پارىلىرىم، ئاھ،مېنىڭ ئائىلەم...ئىچ-ئىچىمدىن بىر شىددەتلىك يىغا ئېتىلىپ چىقتى. بالىلىرم ئاڭلاپ قالمىسۇن دەپ، بېشىمنى يوتقانغا پۈركەپ يىغلىدىم. شۇ ھالەتتە قانچىلىك يىغلىغىنىمنى بىلمەيمەن،ئىشقىلىپ، مەن يىغىدىن توختىغاندا ياستۇقۇم ھۆل بولۇپ كەتكەن،كۆزلىرىم قىزىرىپ،ئىششىپ كەتكەن ئىدى.
  ئەزىمەتنىڭ سائەت قانچىلەردە كەلگەنلىكىنى بىلمەيمەن. ئۇ كەلگەندە دەيمەن دەپ تەييارلاپ قويغان نۇرغۇن گەپلىرىم پىچىتى بۇزۇلماي شۇ پېتى قالدى. چۈنكى مەندە ھازىر ئۇنىڭغا گەپ قىلغۇدەك مادار قالمىغان ئىدى.

vmid219 ھەقىي سالاھىيەتلىك ئەزا

ئۇ كېلىپ، ماڭا گەپمۇ قىلماي ئاستا كېلىپ ياتتى. مېنى ئۇخلاپ قالدى دېدى بولغاي. بۇرۇن،ئۇ بىرەر يەرگە كېتىپ مەيلى قانچىلىك كەچ كەلسۇن، مېنى ئويغىتىپ، كۆزلىرىمنى ئاچالمىسام، قىچىقلاپ بولسىمۇ ئويغىتىپ، مەن بىلەن ئىككى ئېغىز بولسىمۇ پاراڭلاشمىسا ئۇخلىمايدىغان، مەن دەرس تەييارلاپ، كەچرەك قالسام، كىچىك بالىدەك يېنىمغا كېلىپ، قەلىمىمنى تارتىۋېلىپ، ھېلى ئۇنى-بۇنى قىلىپ ئارام بەرمەيدىغان ئۇ ئەمدىلىكتە بولسا ھېلىدىن-ھېلىغا ئىچىگە ئېغىر تىنىپ ياتاتتى. پەمىمچە ئۇنىڭ ئۇيقۇسى قاچقان ئىدى....
  ئەتىسى ئورنۇمدىن تۇرالمىدىم. تېلېفۇننىڭ سىگنالى چېلىنغىلى خېلى بولدى، بېشىم قېيىپ ئورنۇمدىن زادىلا تۇرالمىدىم. پۇت-قۇلۇمدا ماغدۇر دېگەن نەرسە بولسا نىمە دەي، بىر چاغدا ئەزىمەت كۆزىنى ئاچتى. مېنىڭ لاغىلداپ تىترەپ ياتقان ھالىتىمنى كۆرۈپ جىددىلەشكەن ھالدا پىشانەمگە قۇلىنى ئۇزاتتى.
ـ  ۋاي،خۇدايىم. قىززىپ قاپسىزغۇ. سىزنى دوختۇرغا ئاپىراي. ئاستا ئورنىڭىزدىن تۇرۇڭ.
ـ ئاۋۋال بالىلارنى چاقىرىپ، ناشتىلىقىنى بېرىپ،مەكتەپكە يولغا سېلىپ قويۇڭ.
ئاۋازىم شۇنچىلىك جانسىز. «ئادەمنى دەرت يەيدۇ، دەرەخنى قۇرۇت«دېگەن شۇ ئوخشايدۇ. دەرت-ئەلەم مېنى بىر كېچىدىلا شۇ قەدەر ماغدۇرسىز قىلىۋەتكەن ئىدى.
  ھەممىنى ئاڭلاپ ياتىمەن.
ـ  تۇرۇڭلار،بالىلىرىم، ھېكمەت، يۇلتۇز.... تېز تۇرۇڭلار...
ـ يەنە بىر دەم ياتايچۇ،دادا.
بۇ ئوغلۇمنىڭ ئاۋازى ئىدى.
ـ ياق،بولمايدۇ، مەكتەپكە كېچىكىپ قالىسەن،ئۇماق بالام. تېز، بول.  يۇلتۇز، تۇردىڭىزمۇ قىزىم؟
ـ ھە ئە. تۇردۇم،دادا. بۈگۈن ئەجەپ بىزنى سىز ئويغاتتىڭىزغۇ؟ئاپام قېنى؟
ـ ئاپىڭىز ئەتىگەندىلا مائارىپ ئىدارىسىغا بىر ئىش بىلەن كەتتى. بۈگۈن سىلەرگە ناشتىلىقنى مەن تەييارلاپ بېرىمەن. تېز، يۈزۈڭلارنى يۇيۇپ، داستىخانغا كېلىڭلار.
ـ نىمە يەيمىز،دادا؟،- ئوغلۇمنىڭ ئاۋازى.
ـ بولدى، بالام.پۇل بەرسەم دۇقمۇشتىكى موماينىڭ قۇيمىقى بىلەن ئەتكەن چېيى بىلەن ناشتا قىلىپ مڭىڭلار. سىڭلىڭنىڭ قۇلىنى چىڭ تۇتىۋال ،بالام ھە.
ئۇنىڭ ھەر بىر ئېغىز گېپىدە«بالا، ئۇماق بالام» نى چۈشۈرمەسلىكى ئۇنىڭ بالىلارغا نەقەدەر ئامراقلىقىنى بىلدۈرۈپ تۇراتتى. بەلكىم ئۇ بالىلارغا مېنىڭ ئاغرىپ قالغانلىقىمنى بىلدۈرۈشنى خالىمىغان بولسا كېرەك. ئۇلارنى ئەنسىرەپ، دەرىسىنى ياخشى ئوقۇيالماي قالمىسۇن دەپ ئويلىغان-دە. ھەي... ئەمدى قانداق قىلىمەن؟ بۇنداق سۈكۈتتە تۇرىۋەرسەم بولامدۇ؟ بىر نىمە دەي دېسەم، ئۇ ھەممەيلەنگە شۇنداق قىزغىن. ئېلىشىپ قالايلا دېدىم...
بىر چاغدا ئۇ كىردى.
ـئەزىمەت...-، زەئىپ بىر خىل ئاۋازدا ئۇنى چاقىردىم.
ـ ھە...
ـ تۆنۈگۈنكى قىز...
ئۇ نىمە دېمەكچى بولغىنىمنى بىلدىمۇ تاڭ، دەرھاللا گەپنى بۇرىدى.
ـ بەك قىززىپ كېتىپسىز. مەن مەكتىپىڭىزگە تېلفۇن قىلىپ  روخسەت سوراپ قويدۇم. سىزنى ھازىرلا دوختۇرخانىغا ئاپىراي.
  گېپىمنى يەنە دىيەلمىدىم.
دوختۇر مېنى تەكشۈرۈپ ھېچقانداق كېسەل تاپالمىدى. شۇ ئەمەسمۇ، يۈرىكىمدىكى كېسەلنى دوختۇر تەكشۈرۈپ تاپالامتى؟ شۇنداقتىمۇ ئەزىمەتنىڭ چىڭ تۇرۋېلىشى بىلەن بالىنىستقا ئالدۇرۇلدىم. «ھاجىتى يوق»دەپ شۇنچە تىركەشسەممۇ ئۇنامدىغان. مەن ئائىلىمىزنىڭ تۈۋرۈكىمىشمەن، مەن يىقىلىپ قالسام بولماسمىش، شۇڭا  تەلتۈكۈس ساقىيىپ كەتمىسەم بولماسمىش.«بالىلار...»دەپ بولغۇچە«بالىلارنى ئاچام ئۆيىگە ئەكىتىدىغان بولدى» دەپ  بولدى.ئەمدى ماڭا بانا-سەۋەب قالمىدى. بوپتۇ،ياتساممۇ ياتاي.
ئوكۇل سۇيۇقلۇقى تەسىر قىلدىمۇ، يا ئەزىمەت زورلاپ ئىچكۈزگە شوۋىگۈرۈچ پايدا قىلدىمۇ  تەخمىنەن  بىرەر سائەتلەردە ئەسلىمگە كېلىشكە باشلىدىم. ئەزىمەت ئەتراپىمدا پەرۋانە ئىدى. خۇددى مۇشۇ ئارقىلىق گۇناھىنى يۇماقچى بولغاندەك.شۇ ئەسنادا ئۇنىڭغا يەنە ئۇچۇر كەلدى.ئاھ، بۇ ئۇچۇرنىڭ ئاۋازىغا شۇنچىلىك ئۆچ بولدۇمكى....
ـ گۈزەل، مەن سىرتقا چىقىپلا كىرىمەن. ئىش بولسا، ماڭا تېلفۇن قىلىڭ ھە.
ئۇ جاۋابىمنىمۇ كۈتمەستىن چىقىپ كەتتى. ئۇنى زادى قانداق ئادەم دېسەم بۇلار؟ ماڭا ۋاي دەپ قىلمىغىنى قالمايدۇ يۇ،ئۇچۇر كەلسىلا تۇرالماي قالىدۇ.
ئارىدىن يېرىم سائەت ئۆتتى.ئۇ كىرىدىغاندەك ئەمەس. ئوكۇل تۈگەپ سېستىرا  چۈشتىن كېيىن يەنە ئۇرىدىغان ئوكۇل بارلىقىنى ئېيتىپ قويۇپ چىقىپ كەتتى. تەرىتىم قىستاپ،ئاستا ئورنۇمدىن تۇردۇم. قىززىتمام يېنىپ، بېشىممۇ قېيىشتىن توختىغان ئىدى. كارىۋاتتىن چۈشىۋېتىپ، كۆزۈم بىنانىڭ پەس تەرىپىدە تۇرغان بىر تۇنۇش سىماغا چۈشۈپ قالدى. گەرچە ئۇنىڭ كەينىدىن كۆرىۋاتقان بولساممۇ، مىڭ ئادەمنىڭ ئىچىدىن بىر قاراپلا  تاپالايدىغان شۇ گەۋدىنى مەن ھەرقانداق ۋاقىتتا، ھەتتا سايىسىدىنمۇ تۇنۇۋالالايمەن. ئۇ ئەزىمەت ئىدى.ئۇنداقتا يېنىدىكىچۇ؟ئاھ، دىيىشكە تىلىم كۆيىدۇ. ئۇ تۆنۈگۈن تاللا بازىرىنىڭ ئالدىدامەن كۆرگەن ھېلىقى ساھىپجامال ئىدى. ئۇ ئىككىسى بىر-بىرىگە قارىشىپ تۇرۇپ، شۇنچىلىك قىزغان پاراڭلىشىۋاتاتتى.ئاھ،خۇدا. بېشىم پىررىدە قېيىپ جايىمدىلا ئولتۇرۇپ قالدىم. ئەمدى قانداق قىلاي؟ ئەزىمەتكە تېلېفۇن قىلدىم. قاراپ تۇرىمەن.ئۇ تېلفۇنغا قاراپلا، ھېلىقى قىزغا «جىم»دېگەندەك ئىشارە قىلدى.-دە تېلفۇننى ئالدى.
ـ ۋەي، سىز نەدە؟ نىمانداق كىرمەيسىز؟
ـ ھە، مەن ئىدارىدا، باشلىق ئازراق ئىش بىلەن تېلفۇن قىپتىكەن، شۇڭا كەلگەن، بىر دەمدىلا قايتىمەن. ياخشىراق ئارام ئېلىپ تۇرۇڭ-ھە.
داۋامى بار

bozqir

مەن تېخى ئاۋۇ ئاداشنى ئەمدى بولدى قىلىدىغان چېغى دېسەم،يەنە ئۆزى بىلگەن سەنەمگە دەسسىگىلى تۇردىغۇ؟
ئاپتورغا:بۇ ھېكايىڭىز ياخشى داۋاملىشىۋاتىدۇ،ھېكايىلىرىڭىزنىڭ داۋاملىق مۇشۇنداق ياخشى داۋاملىشىشىنى ئاللاھتىن تىلەيمەن!

kun^kiz

توۋا ئاۋۇ سەت قىز   تەپ تارىتماي دوختۇرخانىغا ئىرىڭىزنى ئىزدەپ بىرىپتۇ ھە .......... ئەتتىگەندىلا ئىچىمنى ئاچچىق قىلۋالدىم دېسە .

rahimsiz

ئوقۇغانسىرى يۈرۈگۈم ئېچىشىپ كېتىۋاتىدۇ............. شۇكۈر اللە ..............

iffat

خۇدايىم ئاياللارغا سەۋر-تاقەت،چىدام-غەيرەتنى ئايىماي بەرگەن-ھە!ئەگەر ئاشۇ ئايالنىڭ ئورنىدا ئەر كىشى بۇلىدىغان بولسا....................تەسەۋۋۇر قىلماق تەس.

layli

ۋاي خۇدا بۇ مەزمۇنلارنى ئوقۇپ "پەرىشتىنىڭ يۈركىدىكى داغ" دىگەن ئەسەرنىڭ ۋەقەلىكى ئىسىمگە كەلدى .
  داۋامىنى ساقلايمىز ئەمسە ،