ئۇچۇر بورانلىرىدا(ھېكايە)

jiuxing

ياخشى يېزىپسىز بۇلۇپمۇ ئەمىلى تۇرمۇشتىن ئېلىنغاچقا ئادەمنى تولىمۇ جەلىپ قىلىدىكەن تاس قالدىم تىنماي ئوقۇغىلى...

maoluda

ئاياللار ھەقىقەتەن چىداملىق كىلىدىكەنمىز،ئەگەر موشۇ ئىشلار ئەرلەرنىڭ بېشىغا كەپ قالسا ئۇلارمۇ سۈكۈت قىلىپ تۇرالارمۇ......

مۇبارەك

ناۋادا ئەر كىشى سىزنىڭ ئورنىڭىزدا بولۇپ قالسا چېچىڭىزدىن قاماللاپ ئالار شۇ چاغدىلا...
بىراق ئايالىدىن تەلىيى كەلمەي، پەقەت بالىسى ئۈچۈن ياشاۋاتقان ئەرلەرمۇ ھەم بار. لېكىن بۇنداق ئەھۋال ئاياللاردا كۆپرەكمىكىن، دەيمەن. ئاياللاردىكى چىدام-ھە...

يازمىڭىزدا بىرخىل چىنلىق بار، كىشى ئوقۇسا ئۆزىنى شۇخىل مۇھىتتا تۇرىۋاتقاندەك ھېس قىلىدىكەن. كەينىنى ساقلايمىز، سىزگە ھەم بەختلەر تىلەيمەن.

kun^kiz

يولدىشىڭىز يەنەىلام سىزگە كۆيىنىدىكەن سىزگە كۆڭۈل بولىدىكەن ، بەلكىم ئاۋۇ جىنتەك قىزنى ئويۇنچۇق دەپ بىلىدۇ . يولدىشىڭىزنىڭ نەزىردىكى پاك ، نوخسانسىز ، كۆيۈملۈك ھىە سۆيۈشكە ئەرزىيدىغان ئايال پەقەلتلا سىز ، بۇ  تەرپىنى ئۇنتۇپ قالماڭ گۈلۈم .ئەسىرىڭىزنىڭ داۋامنى  كۈتىمەن .

sarsan3707

ناھايتى ياخشى باشلىۋاپسىز داۋامىنى ياخشى يىزىشىڭىزغا ئىشىنىمەن .ھەم شۇنداق بۇلىشىنى تىلەيمەن.ئەمىلى تۇرمۇش كارتىنىسى بۇپتۇ.داۋامىنى ساقلايمەن.   

vmid219 ھەقىي سالاھىيەتلىك ئەزا

  كەچتە ئىشتىن چۈشۈپ ئۆيگە كەلسەم،ئۇ مەندىن بۇرۇن كېلىپ، بالىلار بىلەن بىللە تېلېۋىزور كۆرۈپ ئولتۇرۇپتۇ.ئۇنى كۆرۈپ، شۇنچىلىك خۇشال بولدۇمكى، خۇددى ئۇزۇن يىل كۆرۈشمىگەن قېرىندىشىمنى كۆرگەندەك، بۈگۈن بىر كۈنلۈك ھاردۇقۇم چىقىپلا كەتتى.ئۆيگە كىرىپلا چۇڭۇلداپ سۆزلەپ كەتتىم.
_ قايتىپ كەلگەنمىتىڭىز؟ قورسىقىڭلار ئاچتىمۇ؟ نىمە تاماق يىگۈڭىز بار؟ سىلەرنىڭچۇ؟ بالىلىرىم، نىمە تاماق يىگۈڭلار بار؟ سىلەرگە ئوخشىتىپ بىر سۇيۇقئاش ئېتىپ بەرسەم قانداق؟
  ئەزىمەت سۇيۇقئاشقا ئامراق بولغاچقا، مەن ئادەتتە ئۆيدە تولىراق كەچلىك تاماققا سۇيۇقئاش ئېتەتتىم.
_ ئەتىگەن قارىسام، كەيپىياتىڭىز ياخشى ئەمەس. قارىغاندا كېچىدىن يامان چۈش كۆرۈپ، شۇ چۈشنىڭ تەسىرىدىن يىغلاپ چىققان ئوخشايسىز. شۇڭا بۈگۈن بىر ئائىلە سىرتقا چىقىپ تاماق يەيلى دەپ ئىشتىن بالدۇرلا چۈشۈپ يېنىپ كەلگەنتىم.
  بۇ گەپنى ئاڭلاپ، بالىلىرىم خۇشاللىقتىن سەكرىشىپ كەتتى.
  _ ئەجەپ ياخشى، دادا. ماڭا ئالبېنى ئېپ بېرىسەنغۇ ھە؟
_ دادا، ماڭىمۇ جىق يەيدىغان نەرسە ئېپ بېرىسەن ھە.  ئوي،ئوي.... مېنىڭ دادام بەك ياخشى.
  بالىلىرىم خۇشاللىقتا دادىسىنىڭ بوينىغا ئېسىلىپ ئەركىلەپ كېتىۋاتاتتى. بۇ مەنزىرىدىن  بىردە خۇش بولسام، بىردە تۆنۈگۈن كەچتىكى كۆڭۈلسىزلىك كاللامغا كىرىۋېلىپ، بەك بىئارام بوپ كېتىۋاتاتتىم.
_ نېمىگە ھاڭۋېقىپ تۇرىسىز؟ تېز، كىيمىڭىزنى ئالماشتۇرۇڭ. چىرايلىق ياسىنىڭ، بۈگۈن سىلەرنى بىر مېھمان قىلاي. بالىلىرىم، سىلەرمۇ چىرايلىق كىيمىڭلارنى كىيىپ تەييار بولۇڭلار.
  "توۋا، بۇ گەپلەرنى قىلىۋاتقان تۆنۈگۈن كەچ باشقا بىرىنى "سېغىندىم، قوزام"دەپ ئۇچۇر يازغان ئېرىم شۇمۇ؟ مەن چۈش كۆردۈممۇ يا؟ راست شۇنداق بولسا، ئۇنىڭ ماڭا ۋە بالىلىرىمغا بولغان مۇئامىلىسىدە ئازراق بولسىمۇ ئۆزگىرىش بولاتتى، لېكىن ئۇ يەنىلا بۇرۇنقىدەك . ماڭا شۇنچە قىزغىن، بالىلارغا شۇنچە مېھرىبان. قارىغاندا مېنى راستلا قارا بېسىپ قالغان ئوخشايدۇ. ھەي، مېنىڭ مۇشۇ كاللامنىزە. يوق بىر ئىشنى دەپ، شۇنچە ياخشى ئېرىمدىن گۇمانلىنىپ يۈرگىنىمنى قارىمامدىغان."
  شۇنىڭ بىلەن ،ئۇ ماڭا سوۋغا قىلغان،ئادەتتە كىيىشكە كۆزۈم قىيمايدىغان ،پەقەت ئاندا-ساندا مۇھىم سورۇنلارغا بارغاندىلا كىيىدىغان كىيمىمنى كىيىپ چىقتىم. بۇنىڭغىچە ئۇلارمۇ تەق بولۇپ مېنى ساقلاپ تۇرغانىكەن.
_ قاراڭلار،بالىلىرىم. ئاپاڭلار چىرايلىق بوپ كېتىپتۇمۇ؟
_ چىرايلىق بوپ كېتىپتۇ،_ دىيىشتى بالىلىرىم تەڭلا.
   شۇ كۈنكى تاماق  شۇنچىلىك خۇشال كەيپىياتتا يىيىلدى.ئۇزۇن بوپتىكەن،خىزمەت ھەلەكچىلىكى بىلەن بىر ئائىلە بۇنداق ئېچىلىپ-يېيىلىپ ئولتۇرۇپ باقمىغىلى. ئۆيگە يانىدىغان ۋاقىتتا ئۇ تاللا بازىرىدىن  ئىككى بالىنىڭ دېگەن نەرسىلىرىنى ئېپ بېرىشنى ئۇنتۇمىدى.
  ئۆيگە قايتىپ كەلدۇق. بالىلار خۇشاللىقتا بىردەم ئويناپ  ئۇخلاپ قالدى.ئەتە شەنبە بولغاچقا، مەنمۇ ئۇلارنى تاپشۇرۇق ئىشلەشكە بويرۇمىدىم. يۈز-كۆزلىرىمنى يۇيۇپ، ياتاق ئۆيگە كىرسەم ئۇ ئۇخلاپ بولغان ئىكەن. ئەمدى يېتىشىمغا ھېلىقى نەس باسقان ئۇچۇرنىڭ ئاۋازى يەنە ئاڭلاندى. "تىت-تىت" بۇ قېتىم ئۇ تىترەيدىغان قىلىشنى ئۇنتۇپ قاپتىكەن. شۇنچىلىك قاتتىق ئۇخلاپ قالغان ئادەم ئۇچۇرنىڭ ئاۋازىدىن شۇنچىلىك تېز ئويغىنىپ، تېلېفۇننى ئالدىكى،  بۇ چاققانلىقىغا مەنمۇ ھەيران قالدىم.ئۇ ئۇچۇرغا قاراپلا ئۆڭسىلى قالمىغان ھالدا ماڭا قارىدى. مەن چىرايىمنى قىلچە ئۆزگەرتمەي تۇرۇپ:
_  كىمدىن كەلگەن ئۇچۇركەن؟ نىمە ئىش بوپتۇ؟،_ دەپ سورىدىم.
_ دىلشاتنىڭ تېلېفۇنىدىن كەپتۇ.ئۇ ھاراق ئىچىپ، بىر قاۋاقخانىدا يېتىپ قاپتۇ. قاۋاقخانا خىزمەتچىلىرى ئۇنىڭ يانفۇنىدىن مېنىڭ نۇمۇرۇمنى تېپىپ ، ماڭا ئۇچۇر يوللاپتۇ. مەن بېرىپ باقاي.ئۇنى ئۆيىگە ئاپىرىپ قويۇپلا يېنىپ كېلىمەن، سىز ئۇخلاۋېرىڭ.
  ئۇ قېپقىزىل يالغان سۆزلەۋاتاتتى.
_ ھە ،بوپتۇ. بېرىپ كېلىڭ. يولدا دىققەت قىلىڭ-ھە. ماشىنىنى بەك تېز ھەيدىمەڭ. بالدۇرراق قايتىپ كېلىڭ.
  ئاھ،خۇدا. مەن ساراڭمۇ ياكى بەك ئاقكۆڭۈلمۇ؟ئېرىمنىڭ باشقا بىر ئايالنىڭ يېنىغا بارىدىغانلىقىنى بىلىپ تۇرۇپمۇ يەنە كۈلۈپ تۇرۇپ يولغا سېلىپ قويىۋاتىمەن...
  ئۇ كەتتى."ھېلىقى"نىڭ يېنىغا كەتتى. ئۇ زادى  بايا بىز بىلەن شۇنچىلىك كۆڭۈللۈك مىنۇتلارنى ئۆتكۈزگەن ئەزىمەت شۇمۇ؟ ئۇ مېنى ياخشى كۆرمەس بوپ قېلىپ، بۇ ئائىلىدىن كۆڭلى سۇ ئىچمەي شۇنداق قىلىپ يۈرەمدىغاندۇ؟ياق، بۇنداق بولۇشى مۇمكىن ئەمەس.ئۇنىڭ كۆزلىرىدىن ھازىرمۇ ماڭا بولغان مۇھەببەت بىلىنىپ تۇرىدۇ.ئۇنداقتا نىمىشقا؟ زادى نىمىشقا  بۇنداق قىلىدىغاندۇ؟
  تەخمىنەن ئىككى سائەتلەردە ئۇ قايتىپ كەلدى. مېنىڭ تېخىچە ئۇخلىماي ئۇنى ساقلاپ ئولتۇرغىنىمنى كۆرۈپ، سەل ئوڭايسىزلاندى بولغاي:
_ ئۇ قاۋاقخانىنى تاپالماي بەك ئاۋارە بوپ كەتتىم .ئاران تاپقاندا دىلشات ماشىنىغا چىقمايمەن دەپ بەك ئاۋارە قىلىۋەتتى. ئۇخلاۋەرسىڭىز بولمامدۇ؟ بۇندىن كېيىن مەن كەچتە سىرتقا چىقىپ كەتسەم، مېنى ساقلىماي ئۇخلاۋېرىڭ، چارچاپ قالىسىز.
  بۇ نىمە دېگىنى؟ بۇنداق كېچىسى سىرتقا مېڭىشىم يەنە بوپ تۇرىدۇ دېمەكچىما؟ ئاھ،خۇدا. مەن بىر تىلسىز، تەپەككۈرسىز مەخلۇق ئەمەسقۇ ئاخىر. نىمىشقا ئۇنىڭغا"بولدى، بەس. ئۇيۇنىڭىزنى توختىتىڭ" دىيەلمەيمەن. ئۆز-ئۆزۈمدىن تۇنجى قېتىم شۇنچىلىك نەپرەتلەندىم....
  داۋامى يېزىلىۋاتىدۇ.

bacchus

مېنىڭچىمۇ ياخشى چىقىپتىكەن،لېكىن قېرىندىشىم ، سەۋىر قاچىسى تولمايدىغان نەرسە ئەمەسقۇ؟قايسى بىر ئايال شۇنداق قىلالار؟ھېكايە دىگەن تۇرمۇشتىن ئېلىنغىنى بىلەنمۇ ، مىڭ قىلمىسا ھېكايىكەن...ئەگەر راست شۇنداق ئايال بار دىيىلسە ، ئۇنداق ئايالنىڭ خاراكتىرىنى مەن پەقەت ياقتۇرمىدىم.
ياپۇنىيەنىڭ<تەقدىر>دىگەن  فىلىمىدىكى نائوكۇ،نوبۇتۇ دىگەندەك ساختا ئالىيجانابلارغا مەن بەك ئۆچ،ئىچىم سىقىلىپ كېتىدۇ...مەن زۇلەيخادەك،كورىيەنىڭ<سۇبات سەھنىسى>دىكى لىجېڭدەك پېرسۇناژلارنىڭ خاراكتىرىغا ئامراق؛<يەنە بىر كۆرسەم>دىكى پېرسۇناجلارچۇ تېخى!شۇنداق چىن!
ئەمەس خاراكتىرلارنى بوشراق تەسۋىرلىسەك دەيمەن،ئەلۋەتتە ئۇ ئايالدەك ئېغىر بولسا <زامان ئاخىرى>نىڭ ۋاقتى سەل ئۇزارغان بولىتى،لېكىن ھەر بىرىمىز مۇمكىنمۇ؟ دېگەن سوئالغا بىر سەمىمىرەك پوزىتسىيىدە بولساقكەن...
ئاخىرىدا قەلىمىڭىزگە بەرىكەت تىلەيمەن، تىل ئىشلىتىشتىكى ماھارىتىڭىز خېلى - خېلىلارنىڭكىدىن يوقىرىكەن،ئەدەپسىزلىك قىلغان بولسام ئەپۇ...

vmid219 ھەقىي سالاھىيەتلىك ئەزا

  مەن ئەزەلدىن ئۇنىڭغا ۋارقىراش تۈگۈل تىك بېقىپ قاراپ باقمىغاچقا، بۇ قېتىممۇ ئاجىز كېلىۋاتاتتىم. مېنىڭ نەزىرىمدە ئايال كىشى مەڭگۈ ئەر كىشىنى ھۆرمەتلىشى، كۆيۈنۈشى كېرەككى ھەرقانداق ۋاقىتتا ئەر كىشىگە ئەدەپسىزلىك بىلەن مۇئامىلە قىلماسلىقى كېرەك. شۇڭىمۇ ھازىرغىچە ئانچە-مۇنچە كىچىك كۆڭۈلسىزلىكلەرنى ھېساپقا ئالمىغاندا ،توي قىلغاندىن بۇيان ئۇنىڭ بىلەن ۋارقىرىشىپمۇ باقمىغان ئىدۇق.بەلكىم بۇمۇ ماڭا كىچىكىمدىن سىڭگەن ئائىلە تەربىيىسىنىڭ تەسىرىدىن بولسا كېرەك.مەن ئېسىمنى بىلسەم دادام بىلەن ئاپام مېھماندەك ئۆتىدىكەن. ئۇلارنىڭ بىرەر قېتىم ۋارقىرىشىپ ئۇرۇشۇپ قالغىنىنى ئەسلىيەلمەيمەن. شۇڭا مەنمۇ چوڭ بولسام ئاپامدەك ئايال بولۇشنى كۆڭلۈمگە پۈككەن ۋە شۇ بۇيىچە ئىش كۆرىۋاتقان ئىدىم. بىراق ئۇ...
  شۇنىڭدىن كېيىن ئۇ خېلى ئۇزۇنغىچە مەيلى كەچلىكى بولسۇن، مەيلى باشقا ۋاقىتتا بولسۇن، ھەرقانداق بانا سەۋەپ بىلەن سىرتقا مېڭىپ باقمىدى. لېكىن ھېلىقى ئۇچۇرنىڭ ئاۋازى پات-پات چىقىپ تۇراتتى. بەلكىم باشقا دوستلىرىدىن كەلگەن ئۇچۇردۇ. ئۇ ھېلىمۇ بىزگە شۇنچىلىك قىزغىن ھەم مېھرىبان. مەنمۇ ئاستا-ئاستا ھېلىقى ئىشنى ئۇنتۇپ كەتتىم. بەلكىم پۈتۈنلەي ئۇنتۇپ كەتكەنمۇ بۇلاتتىم. كېيىنكى كۈنلەردە يۈز بەرگەن بىر ئىش مېنى يەنە تۈگىمەس ئازاپقا قويدى.
  ئۇ بىر يەكشەنبە كۈنى ئىدى. بالىلىرىمنىڭ تەلىپى بىلەن بۈگۈن ئۆيدە ساماۋار شورپىسى قىلىپ يىمەكچى بولدۇق. شۇنىڭ بىلەن ئەزىمەت ئىككىيلەن لازىملىق نەرسە كېرەكلەرنى سېتىۋېلىش ئۈچۈن سىرتقا چىقتۇق. سەي بازىرىدىن ھەرخىل سەيلەردىن تاللاپ ئالغاندىن كېيىن ،تاللا بازىرىغا ئۆيگە كېرەكلىك نەرسە كېرەكلەرنى ئالغىلى ماڭدۇق. تاللا بازىرىنىڭ ئىشىكى ئالدىغا كەلگەندە ،ئالدى تەرەپتىن 28 ياشلار چامىسىدىكى سېرىق چاچ،گىرىمنى بولدى دېگۈچە قىلغان، ئۈستىگە ئالدى بىلەن كەينىنىڭ ئېچىلىشى ئوخشاش ،ئالا-بۇلىماچ رەسىملىرى بار سېرىق مايكا،تار پادىچىلار ئىشتىنى كىيگەن بىر قىز كېلىپ قالدى. كۆڭلۈم تۇيغانمۇ يا، باشقا ئىشمۇ يۈرىكىم قارتلا قىلىپ قالدى. ئەزىمەتمۇ تۇتىۋالغان قۇلۇمنى ئۇ قىزنى كۆرۈش بىلەنلا قويىۋەتتى. ئۇنىڭ چىرايىغا قارىدىم. چىرايىدا قان قالمىغان ئىدى. ئۇ قىز بولسا  شۇنچىلىك تەمكىنلىك بىلەن ئالدىمىزغا كېلىپ:
  _ياخشىمۇسىز،ئەزىمەت. نەرسە-كېرەك سېتىۋالغىلى چىققانمىتىڭلار؟بۇ ئايالىڭىزما؟ شۇنچە چىرايلىق ئايالىڭىز بار تۇرۇپ، ئەجەپ ھازىرغىچە بىزگە تۇنۇشتۇرۇپ قويايمۇ دېمەپسىز ھە. سىزمۇ-زە، تازا بىر.،_ دېدى.
  ئەزىمەت ھاڭۋېقىپ تۇرۇپلا قالغان ئىدى. ئۇ بەلكىم قىزنىڭ بۇنداق قىلىشىنى، بۇنداق گەپلەرنى قىلىشىنى كۈتمىگەن بولسا كېرەك.مېنىڭ قارىشىمدىن تېخىمۇ ئەندىكىپ كەتتى.
_ ھە، تۇنۇشتۇرۇپ قوياي، بۇ مېنىڭ ئايالىم گۈزەل. بۇ،بۇ،بۇ...،_ نىمىشقىدۇر ئۇ قىزنى تۇنۇشتۇرالمايۋاتاتتى.
_ ھە، مەن ئەزىمەتنىڭ بىر ئاغىنىسىنىڭ قىز دوستى.،_ ئۇ قىز ئەزىمەت ئۈچۈن جاۋاپ بېرىۋەتتى.ئەزىمەتمۇ بۇ گەپتىن كېيىن باشقىچە ئېچىلىپ:
_ ھە، بۇ يېڭىدىن تۇنۇشقان ئاغىنەم ئالىمنىڭ قىز دوستى بولىدۇ. ئىسمى ساھىپجامال...
  ئۇنىڭ ئەمدى نىمىلەرنى دەۋاتقانلىقى قۇلىقىمغا كىرمىدى. ھېچنىمە دىيەلمەي گاچىدەكلا تۇراتتىم.ئۇ قىز يېنىدىكى ھەمرىيىنى قولتۇقلىغان پېتى كېتىپقالدى. ئەزىمەت ھە دېسە كەينىگە قارايتتى.شۇ كۈنىدىكى تاماقنى بەك كۆڭۈلسىز يىدىم، مەن قارىسام ئەزىمەت مەندىن ئۆتە قىينىلىپ تۇرۇپ يۇتىۋاتاتتى...
  تاماق يەپ بوپ قاچا-قۇچىلارنى يىغىشتۇرۇپ بولۇپ، تېلېۋىزور كۆرۈپ ئولتۇراتتۇق. گەرچە تېلېۋىزور كۆرىۋاتقان بولساقمۇ، كاللامدا چۈشتە كۆرگەن ھېلىقى ساھىپجامالنىڭ سىماسى،گەپلىرى...ئەزىمەت مىتىلداپ ئولتۇرالماي قېلىۋاتاتتى. بىر چاغدا سەۋىر قاچىسى توشتى بولغاي،
_ بەك ئىچىم سىقىلىپ كەتتى، مەن سىرتقا چىقىپ بىر دەم ھاۋا يەپ كىرەي ھە،_  دەپلا جاۋابىمنىمۇ كۈتمەستىن  سىرتقا ماڭدى.
  مەن يەنە قالدىم. ساراڭلارچە،ئەخمەقلەرچە قالدىم. "بۇنداق كېتىۋەرسەبولمىغۇدەك، مەن بۇنداق سۈكۈت قىلىپ يۈرىۋەرسەم ئەزىمەتتىن، بۇ بەختلىك ئائىلەمدىن مەھرۇم قالىدىغان ئوخشايمەن. بۈگۈن كەچتىلا،ئۇ قايتىپ كىرگەن ھامان ئۇنىڭ بىلەن ياخشىراق پاراڭلىشىپ باقمىسام بولمىدى."
  ئاخىرى قەتئىي نىيەتكە كەلدىم. ماڭىمۇ ئائىلەم، بالىلىرىم مۇھىم-دە. قاراپ تۇرۇپ ئۇنى باشقىلارغا تارتقۇزۇپ قويىمەنمۇ؟ئەزىمەتنىڭ ئىپادىسىدىن قارىغاندا ئۇ تېخى مەندىن كۆڭلى سوۋۇش دەرىجىسىگە بارماپتۇ. شۇڭا پۇرسەتنى چىڭ تۇتۇشۇم كېرەك. بىراق قانداق قىلارمەن؟ ئەگەر بولغان ئىشنىڭ ھەممىنى يۈزىگە سېلىپ ئۇرۇشسام، مۇناسىۋىتىمىزگە دەز كېتىشى مۇمكىن. بالىلارنىڭ قەلبىدىمۇ دادىسىنىڭ ئوبرازى خۇنۇكلىشىپ كېتىشى مۇمكىن.ئەلۋەتتە، ئۇنداق گەپ چىققاندا چىرايلىق، سىلىق پاراڭلاشقىلى بولمايدۇ-دە. ياخشىراق بىر ئامال تاپاي...

ظاەذ

ئامال تاپالمايۋاتاتتىم. ئچىمنى تۈمەنمىڭ قۇرىت غاجىلاۋتقان بولسىمۇ، ئۇنىڭ ماڭا بولغان مىھرىبانلىقى، بالىلارغا بولغان كۆيۈمچانلىقى مىنى تۇتۇپ تۇرۋاتاتتى..... لەنىتى ئۇچۇرلار يەنە توختىماي كىلىۋاتاتتى. ........

sayram68

bak balan yezili[tu jamyatta ya undak ya mundak adamlar yok amas  ang ayhxisiz ailimizni akdirlayli ballar ata anisi sak turup yerim yolda yetim bulap kalmisun