ئۇچۇر بورانلىرىدا(ھېكايە)

vmid219 ھەقىي سالاھىيەتلىك ئەزا

 

ئۇچۇر بورانلىرىدا

  "تىت-تىت"ئۇنىڭ  يانفۇنىغا يەنە قىسقا ئۇچۇر كەلدى.شۇنىڭ بىلەن تەڭلا ئۇنىڭ تەرىتى قىستاپ،يانفۇنىنى ئېلىپ، قورسىقىنى تۇتقان پېتى ھاجەتخانىغا ماڭدى.ئالاھەزەل  15 مىنۇتلاردا قايتىپ چىققان ئۇ مەندىن كۆزلىرىنى ئېلىپ قېچىپ"تاماق سىڭمەي، قورسىقىم ئاغرىپ..."دەپ غۇدۇڭشۇپ قويدى.مەنمۇ جاۋابەن جىلمىيىپ قويدۇم. ئۇ چىرايىمدىكى تەبەسسۇمنى كۆرۈپ، باشقىچە بىر خىل ئېچىلىپ، تېلېۋىزورنى ئېچىپ، قايسىدۇر بىر قانالنى كۆرۈشكە باشلىدى.گەرچە ئۇنىڭ ئىشىغا مەنىسىز ھىجىيىپ قويغان بولساممۇ، ئىچىمدىن قان كېتىۋاتاتتى. چۈنكى بۇ ئۇنىڭ بىرىنچى قېتىم  مۇشۇنداق قىلىشى ئەمەس. ئۇنىڭ يانفۇنى قىسقا ئۇچۇر كەلگەن ۋاقتى يا بىر نىمىسىنى ئىشخانىسىدا ئۇنتۇپ قالىدۇ، يا تاماكىسى تۈگەپ قالىدۇ. بۈگۈنمۇ كەچ بوپ كەتمىگەن بولسا،قىسقا ئۇچۇر ئۇنىڭ سەمىگە يەنە نىمە ئىشنى سالار بولغىيتتىكىن؟؟
  باشتا مەنمۇ ئۇ نىمە دېسە ئىشەندىم. دېمىسىمۇ ئىشەنمەسلىككە نىمە ئاساسىم بار؟
تۇلۇق ئوتتۇرىدىن تارتىپ، تاكى ئالىي مەكتەپنى پۈتتۈرگىچە بىر سىنىپتا ، بىر پارتىدا ئولتۇرۇپ، بىللە بىلىم ئالغان، كېيىن مۇھەببەتلىشىپ، ئالىي مەكتەپنى پۈتتۈرۈپلا توي قىلىپ، تۇرمۇشنىڭ ئىسسىق-سوغۇقىنى بىللە باشتىن ئۆتكۈزۈپ كەلگەن، ئەمدىكى كۈندە بىر ئوغۇل، بىر قىزنىڭ ئاتا-ئانىسى بولۇپ قالغاندا،ئۇنىڭ ئانچىكى بىر ئىشلىرىدىن گۇمانلىنىپ يۈرسەممۇ تازا قاملاشماس. بەلكىم ماڭا دىيىشكە تىلى قىسىلىۋاتقان بىرەر ئىشى باردۇ؟ بەلكىم مېنى ئەنسىرەپ قالمىسۇن، دەپ ئىشنى ھەل قىلىپ بولۇپ دېمەكچى بولغاندۇ  دەپ توغرا چۈشىنىپ يۈردۈم. لېكىن بۇ ئىشلار شۇ تەرىقىدە داۋاملىشىۋەردى. پات-پاتلا ئۇنىڭ تېلېفۇن پۇلى تۈگەپ قېلىپ، پۇل قاچىلاش ئۇچۇرى كېلىدىغان، قايسىدۇر بىر خىزمەتدىشىدىن خىزمەتكە مۇناسىۋەتلىك ئۇچۇر كېلىدىغان بولۇپ قالدى.ئەزەلدىن ئۇنىڭ تېلېفۇنىنى تەكشۈرۈپ ئادەتلەنمىگەچكە، نىمە دېسە"ھە"دەپ ئولتۇرىۋەردىم. ئۇمۇ بارا-بارا ماڭا سەۋەبىنى دېمەيلا ئۇچۇر كەلگەن ھامانلا سىرتقا چاپىدىغان بولىۋالدى.
  بىر كۈنى مۇنبەر ئارىلاۋېتىپ، بىر ماقال-تەمسىلگە كۆزۈم چۈشۈپ قالدى.«ئېرىڭغا ئىشەنگۈچە، ئىشىكىڭنىڭ ئىلغۇچىغا ئىشەن". شۇ ئەمەسمۇ، "خام سۈت ئەمگەن بەندە"دەپتىكەن،ئازمايدۇ دەپ كىم ھۆددە قىلالايدۇ؟ شۇنىڭدىن باشلاپ ئۇنىڭ يۈرۈش-تۇرۇش،ئىش ھەرىكەتلىرىگە دىققەت قىلىشقا باشلىدىم. ئۇمۇ بارغانچە ھەددىدىن ئېشىشقا باشلىدى.  قانداق قىلىمەن، كېچىلىرى ئۇيقۇم قاچاتتى. لېكىن ئۇنىڭغا بىر ئېغىز تىنالمايتتىم. گەرچە ئۇنىڭدىن گۇمان قىلغان بولساممۇ، يەنىلا ئۇنىڭغا بولغان ئىشەنچىم،گۇمانىم ئۈستىدىن غالىپ كېلىپ، مېنى ئېغىز ئاچقۇزمايۋاتاتتى.
  شۇنداق كۈنلەردىن بىر كۈنى كېچىسى، يەنە ئۇيقۇم قاچتى.ئۇ يېنىمدا تاتلىق ئۇخلاۋاتتى. ئادەتتە ئۇيقۇم كەلمىسىلا تولا ئۇيان-بۇيان ئۆرۈلىدىغان ئادەم،ئۇنىڭ ئۇيقۇسىنى بۇزماسلىق ئۈچۈن جىمجىت ياتاتتىم. بىر چاغدا  يەر تەۋرىگەندەكلا بىر سېزىم بولدى. مەن نىمە بولغانلىقىنى ئاڭقىرىپ بولغۇچە ،ئۇ شۇنچىلىك چاققانلىق بىلەن قولىنى ياستۇقنىڭ ئاستىغا تىقىپلا يانفۇنىنى ئالدى."ھە ئەسلى يانفۇنىنى تىترەيدىغان قىلىپ قويۇپتىكەن-دە"دەپ ئويلىدىم. يەنىلا چاندۇرماي ئۇخلىغان بولۇپ يېتىۋالدىم.ئۇ شۇنچىلىك چاققانلىق بىلەن  ئۆرۈلۈپلا، يانفۇندىكى قىسقا ئۇچۇرنى كۆرۈشكە باشلىدى. ئاھ،شەيتان مېنى دەيدەيگە سېلىپ، ئاستا ئۆرە بولۇپ، ئۇنىڭ يانفۇنىدىكى ئۇچۇرلارنى كۆرۈش ئۈچۈن بويۇندىدىم. ئاھ،خۇدا.كۆزلىرىم مېنى ئالدىغان بولسىچۇ... ئۇچۇر مۇنداق يېزىلغان ئىكەن" سۆيۈملۈكۈم، ئۇخلاپ بولدىڭىزمۇ؟ مېنىڭچە مېنى ئويلاپ،چوقۇم ئۇيقۇڭىز كەلمەي ياتتىڭىز. ئاۋۇ كالىدەك خوتۇنىڭىز  پۇشۇلداپ ئۇخلاۋاتقاندۇ  تايىنلىق. بۈگۈن كەتمەڭ دېسەم ئۇنىمايسىز، ئەمدى ئۇخلىيالماي يېتىڭ تازا. ھا ھا ھا"
يەر-جاھان پېقىراۋاتامدۇ بىلمەيمەن....
ئۇ ئۇچۇر قايتۇرىۋاتاتتى" شۇنداق،ئۇخلىيالماي سىزنى سېغىنىپ ياتتىم. قوزام. ئەتە-ئەتىگەندىلا سىزنى كۆرۈپ ماڭمىسام، خىزمىتىمنىمۇ قىلالمايدىغان ئوخشايمەن جۇمۇ. سىزنى سۆيىمەن"
قەدىرلىك تورداشلار، ئەلكۈيىگە ئەزا بولغىنىمغا خېلى بوپ قالغان بولسىمۇ، ئەسەر يېزىپ يوللاپ باقماپتىكەنمەن. قىسقىسى تورداشلارنىڭ نادىر ئەسەرلىرىنى كۆرۈپ،قەلەم تەۋرىتىشكە جۈرئەت قىلالماي كېلىۋاتاتتىم. بۈگۈن چوڭ غەيرەت بىلەن خەت بېسىپ ئولتۇرۇپتىمەن. سىلەرنىڭ  مۇۋاپىق پىكىر-تەكلىپلەرنى بېرىشىڭلارنى ئۈمىد قىلىمەن. سوغۇق سۇ سېپىپ، مېنى يېرىم يولدا توختىتىپ قويمايدىغانلىقىڭلارغا ئىشىنىمەن.  داۋامىنى  تېمام تەستىقلانسا،ئىنكاس شەكلىدە يوللايمەن.

ئۆزىڭىزگە ئىشەنچ بولسۇن،بىر ئەسەر يازغۇچىدا چوقۇم يېزىش ئېقتىدارى بىلەن بىللە چىدام-غەيرەت،سەبىر-تاقەت بولۇشى كېرەك. ئەسەر يېزىپ مۇنبەرگە يوللىغان ئىكەنسىز ئەسىرىڭىزگە قارىتا ئۆزلىرىنىڭ ھېس قىلغانلىرىنى يوللاش ئەزالارنىڭ ئەركىنلىكى،چوقۇم تەنقىد پىكرى چۈشمەيدۇ دىيىشكە بولمايدۇ.ئەمىلىيەتتە تەنقىدىي پىكىر قانچىكى كۆپ بولسا  ئويلىنىش شۇنچە چوڭقۇر بولۇدۇ. بۇنىڭغا توغرا قارىشىڭىزنى ھەمدە بۇنداق پىكىرلەرگە يولۇقۇپ قالسىڭىز يېنىكلىك قىلىپ ئاچچىقلاپ توختاپ قالماسلىقىڭىزنى سەمىمىي ئۈمىد قىلىمەن ھەمدە سىزگە ئىشىنىمەن. ئەسىرىڭىزنىڭ باشلىنىشى ياىشى باشلىنىپتۇ.ئاخىرىنى ئىمكان بار كۆپرەك مەزمۇن ئاساس قىلغان ھالدا يوللىشىڭىزنى ئۈمىد قىلىمەن .بەرگىيە

kun^kiz

تېمىنىڭىز ياخشى باشلىنىپتۇ . بۇ بەلكىم  تۇرمىشىمىزنىڭ ئەينەن كارتىنسى بولىشى مۇمكىن   تېمىڭىزنىڭ داۋامنى كۈتەي .

vmid219 ھەقىي سالاھىيەتلىك ئەزا

تېمامنى تەستىقلىغىنىڭىزغا رەھمەت. ئەلۋەتتە پىكىر-تەكلىپلەرگە جايىدا مۇئامىلە قىلىشقا تىرىشىمەن. قانداق بۇلار دەپ، دەككە-دۈككە ئىچىدە ئازراقلا يېزىپ يوللىغانتىم. تەستىقىڭىز ماڭا ئىلھام بولدى. تېخىمۇ ياخشى يېزىشقا تىرىشىمەن.

80halta

خاتۇنۇمغا ئوقۇغۇدەك بىر تېما يوللىنىپتۇ دەپ كىرسەم داۋامى يوق ئىكەن. بۇنداق چالا تېمىنى ئوقۇپ ئەمدى كۈندە تېلفۇنغا ئۇچۇر كىلىپ قالسا ئوقۇپ بېرىڭ دەپ تۇرۇۋالىدىغان بولدى دە!   يولدىشىنىڭ يانچۇق-پورتمالىنى، تېلفۇنىنى، قەيەرگە بىرىپ، قەيەردە كىملەر بىلەن كۆرۈشكەنلىكىنى تەكشۈرىدىغان ئايال ياخشى ئايال ئەمەس. لىكىن تېما ئىگىسىگە ئوخشاش چاندۇرماي كۆرىۋالسا باشقا گەپ.

gvzal3.8

داۋامىنى يېزىڭە ئۈمىد، مۇۋەپپىقىيەتلىك ئاخىرلاشتۇرىشىڭىزغا تىلەكداشمىز.

pariay

ئىشتىن چۈشكەندىن كىيىن كىلىدىغان ئۇچۇرنىڭ ئاۋازىغا بەكمۇ ئۆچ بوپكەتتىم دىسە ،، ئامال يوق بۇنداق ئەھۋاللار ھازىر مودا بولغان تۇرسا ،، ھىكايىڭىزنىڭ داۋامىغا قىزىقىۋاتىمەن ،،

layli

ھىكايىنى ھەقىقەتەن ياخشى يىزىپسىز ، داۋامىنى ساقلايمىز.
يانفۇنىغا كەلگەن قىسقا  ئۇچۇرنى تەپسىلى ئوقۇپسىز  مىنىڭچە يىرىم كىچىدە شۇنداق جىمجىت بولدۇ ، سىز قىسقا ئۇچۇرنى كۆرگەندە يولدىشىڭىز تۇيۇپ قالمىدىمۇ ؟

vmid219 ھەقىي سالاھىيەتلىك ئەزا

ئۇ پۈتۈن ۋۇجۇدى بىلەن ئۇچۇر قايتۇرۇش بىلەن بولۇپ كەتكەچكە، مېنىڭ كەينىدە  ئوغرىلىقچە كۆرۈۋاتقىنىمنى سەزمىدى، ھەم ئۇ ئۇنداق بولىدىغانلىقىنى ئويلاپمۇ باقمىغان ئىدى. "ھى ھى، كاساپەتنى"دەپ پىچىرلاپ قويۇپ، بېشىنى ياستۇققا قويدى. مەن تەرەپكە ئالاقىزادە بولۇپ قارىسا بوپتىكەن دەپ شۇ ھالەتتە تۇرسام،ئۇ قاراپمۇ قويمىدى. "توۋا..."خىيالىمغا بۇنىڭدىن باشقا گەپ كەلمەيتتى. كاللام شۇنچىلىك گادىرماش خىياللار بىلەن تولغان....
  ئەتىسى ئەتىگەن قاپاقلىرىم ئىششىغان ھالەتتە ئورنۇمدىن تۇردۇم.ئېنىقراقى بىر كېچە كىرپىك قاقماي، يىغلاپ چىقىپتىمەن. ئۇ تېخىچە تاتلىق ئۇخلاۋاتاتتى. تىۋىش چىقارماي ئاستا تازىلىق ئۆيىگە چىقىپ  يۈز-كۆزۈمنى يۇيۇپ،ئەينەككە قارىدىم. اللە ماڭا چىراي دېگەننى ئايىماي بېرىپتىكەن. ئۇ بۇرۇن دائىم"كۆزۈڭ بەك چىرايلىق ،گۈزەل"دەيتتى. راست،كۆزۈملا ئەمەس،ئىشقىلىپ، ھەممە يېرىم ئىۋەنسىز ئىدى. چوڭى ئون بىر ياش، كىچىكى سەككىز ياشلىق ئىككى بالىنىڭ ئاپىسى بوپ قالغىنىمغا قارىماي، ياش قىزلاردەك تۇراتتىم. قارىغاندا ئۇنىڭ "ھېلىقىسى"بىر ھۆر پەرىكەن-دە...
  تازىلىق ئۆيىدىن چىقىپ، ئوغلۇمنىڭ ياتاق ئۆيىگە كىردىم. قاش،كۆز، بۇرنىدىن تارتىپ، ماڭا قۇيۇپ قويغاندەك ئوخشايدىغان ئوغلۇم يوتقاننى قۇچاقلىغان پېتى ئۇخلاۋاتاتتى. ئۇنىڭ يوتقىنىنى تارتىپ يېپىپ قويدۇم. قىزىمنىڭ ھۇجرىسىغا كىردىم. قىزىم بەئەينى دادىسىنىڭ ئۆزى ئىدى. قىزىمنىڭ ئۇيقۇسى بەك سەگەك،"تىرىق"قىلىپ ئاۋاز چىقىپ بولغۇچە بېشىنى كۆتۈرۈپ قارايدۇ. ئىشىكنى ئېچىپ قارىسام،ئۇ  قۇچاقلاپ ياتقان قونچىقىنى  يېنىغا ياتقۇزۇپ قويۇپ،
_ئاپا،مەكتەپكە بارىدىغان ۋاقىت بولدىما؟،دەپ سورىدى.
_ياقەي، قىزىم.تېخى بالدۇر،يەنە بىردەم ئۇخلىۋېلىڭ. سىزنى ئېچىلىپ قالغان بولسا يېپىپ قوياي دەپ كىرگەن.
_كۆزىڭىزگە نىمە بولدى،ئاپا،يىغلىدىڭىزما؟
جىنتەك،كىچىككىنە بولغىنى بىلەن، ئۇنىڭ نەزىرىدىن ھېچنىمە قېچىپ قۇتۇلالمايتتى.
_ ياقەي.مەن كىچىك بالا بولمىسام. نىمىگە يىغلايتتىم. كېچىدىن تاپشۇرۇق تەكشۈرۈپ، بەك ۋاقچى ياتقانتىم شۇڭا قىزىرىپ قاپتۇ. بولدى،قىزىم. يەنە بىردەم ئۇخلىۋېلىڭ. سەل تۇرۇپ سىزنى چاقىرىپ قويىمەن ھە.
  ئۇ يەنە قونچىقىنى قۇچاقلاپ يېتىپ ئۇيقۇغا كەتتى.
"ئۇلۇغ ئاللا. مۇشۇ نارەسىدەلىرىمنىڭ ھەققى-ھۆرمىتى ئۈچۈن بولسىمۇ،ئەزىمەتنىڭ كۆڭلىگە ئىنساپ بەرگەيسەن. بالىلىرىمنى يىتىملىك كوچىسىغا تاشلىمىغايسەن..."
  ياتاق ئۆيگە كىردىم. ئۇ تېخىچە شۇ تاتلىق ئۇيقۇسىدا.
"قانداق قىلاي، ئۇنى ھازىرلا  ئورنىدىن تارتىپ تۇرغۇزۇپ چاچلىرىنى يۇلۇپ  ئۇرۇشايمۇ؟ ياق، مەن بۇنداق قىلسام بولمايدۇ. بۇنداق قىلسام،ئىش يامىنىغا ئۆرۈلۈپلا قالماي، بالىلىرىمنىڭ قەلبىدە دادىسى بىر ۋىجدانسىز دادا بوپ قالىدۇ. بىلمىگەنگە سالايمۇ؟ ئۇنىڭ يازغان ئۇچۇرىنى ئۆز كۆزۈم بىلەن كۆرۈپ تۇرۇپ، قانداقمۇ بىلمەس بولۇپ تۇرغىلى بولار؟ ئاھ،خۇدا. باشقا ھەرقانداق بەندەڭگە بۇنداق كۈننى كۆرسەتمىگەيسەن."
  ئۇنى ئاستا نوقۇدۇم.
_ ئەزىمەت.ئورنىڭىزدىن تۇرۇڭ. ئىشقا كېچىكىپ قالماڭ يەنە.
  ئۇ ئېرىنچەكلىك بىلەن كۆزلىرىنى ئاستا ئېچىپ، ماڭا بىر قارىۋېتىپ، ئورنىدىن سەكرەپ تۇرۇپ كەتتى.
_ نىمە بولدىڭىز؟ كۆزلىرىڭىز ئىششىپ كېتىپتۇغۇ؟مىجەزىڭىز يوقما؟ يۈرۈڭ،دوختۇرغا بارايلى...
  ماۋۇ كۆزلىرىم يەنە كونتروللىقىنى يوقاتتى، كۆزلىرىمدىن ياشلار يىپى ئۈزۈلگەن مارجاندەك دومىلاپ چۈشۈشكە باشلىدى. ئۇ بايىقىدىنمۇ بەك جىددىلىشىپ كەتتى.
_  نىمە بولدىڭىز؟نىمىگە يىغلايسىز؟ بىرەر ئىستىن خاپا بوپ قالدىڭىزمۇ؟ يا بىرەر يېرىڭىز ئاغرىمدۇ؟
_ ھېچ...ھېچنىمە. كېچىدىن قارا بېسىپ قاپتىكەن، شۇ...
_ ۋاي-ۋۇي، چۈشكىمۇ شۇنچىۋالا قىلىش كېتەمدۇ؟ چۈش دېگەن ئۇيقۇنىڭ پوقى. بولدى،ئۇ ئىشلارنى ئويلىماڭ. ئۇ دېگەن پەقەتلا بىر چۈش خالاس.
مەنمۇ بۇ ئىشلارنىڭ چۈش بوپ قېلىشىنى نەقەدەر ئارزۇ قىلاتتىم ھە.
_ ماڭا ناشتىلىقمۇ تەييارلىماڭ بولدى. ئىدارىغا ئەتىگەنرەك بېرىپ قىلىدىغان مۇھىم ئىشلار بار ئىدى. كىيىدىغان كىيمىمنى ئېپ بەرسىڭىز مەن  ماڭاي...
ئۇ كەتتى. ئۇنى يەنە شۇ كۆز ياشلىرىم بىلەن ئىشقا ئۇزىتىپ قويۇپ، بالىلىرىمنى ئويغىتىپ  ناشتىلىقىنى بېرىپ، ئۇلارنى ئېلىپ مەكتەپكە ماڭدىم. يولدا كېتىۋېتىپمۇ، مەكتەپتە دەرىس ئۆتىۋېتىپمۇ ئاخشامقى قىسقا ئۇچۇر خىيالىمدىن نېرى بولمايتتى.

omukum

مەن يزشنېې ئويلىغان بولساممۇ جۇرئەت  قىلالمىغان ئىدم .ياخشى يىزپسىز.مەنمۇ 13يىلدىن بۇيان مۇشۇ دەتنى تارتىپ كىلۋاتىمەن .مىنىڭ توت بالام بار شۇڭا ئىچىمگە تىنىپ ئوتوپ كىتىۋاتىمەن .ئامال قانچە ؛ئۇلۇغ ئاللادىن ئەرلىرمىزگە ئىنساپ تىلەيلى.بەلكىم ئوڭشىلىپ  قالار.

0998bahar

بۇ بىر تۇرمۇش كارتىنىسى،  ئۇمىدنىڭلا ئەمەس نۇرغۇن ئاياللارنىڭ تۇرمۇشىنىڭ.
ئەسىرىڭىز ياخشى باشلىنىپتۇ،  سىزگە مۇۋەپپەقىيەت تىلەيمەن، " يېنىمدا نۇرغۇن قوللىرىغۇچىلىرىم  ماڭا مەدەت بىرىۋاتىدۇ ' دەپ يېزىڭ، مەنمۇ ئىككىلا قولۇمنى ئەڭ ئىگىز كۆتۈرۈپ سىزنى قوللايدىغان ۋە ئىجادىيىتىڭىزگە مۇۋەپپەقىيەت تىلەيدىغانلاردىن.