ئويغانغاندىن كېيىن (ھېكايە)

gulqi.

	دىنى ھىسيات چىكىدىن ئىشىپ كەتتى دىققەت قىلىڭ ،بۇنداق كىتىۋەرسە قەتئى بولمايدۇ ،مانا ساپاسىز كىچىك بالىلارغا ئويۇنچۇق بولۇشقا باشلاپتۇ  بۇ رومان ...تورغا يوللىغاندىن كىيىن سىزمۇ ئەخمەق،  ئەسەرنى بۇنداق خار قىلماي مۇشۇ يەردە توختاپ   نەشىرياتقا بىرىشنى ئويلاشسىڭىز  بولماسمۇ ؟ گېپىڭىز يېقىشلىق ئەمەسكەن . مەنغۇ بىلىمسىز ،لېكىن ساپاسىز ئەمەس،ئەسەرنى قايتا ئوقۇپ ،بۇنداق روماننى يېزىش ئۈچۈن كۆپ زېھىن ۋە ۋاقىت كەتكۈدەك دەپ ئويلاپ قالدىم.ئاپتۇرنى تىللاپ تېمىنى ئۆچۈرۈڭلار دەپ غەلۋە قىلغۇچە زېرىككەنلەر ئوقۇمىساڭلارلا بولمىدىمۇ.يەنە دىنى ھېسىيست كۈچىيپ مېڭىۋاتسىمۇ،لېكىن چېكىدىن ئېشىپ كەتمىدىغۇ.زىيادە سەزگۈرلۈكمۇ ياخشى ئەمەس. دىليار ئەپەندىم،بۇ گەپلەر بىلەنلا يېزىشتىن توختاپ قالماسسىز

malika602

	بۇ  ھىكايە ھەرگىز خار بوپ قالمىدى.شۇنچە ادام  تەققەزالىق  بىلەن كۈتىۋاتسا  توۋا !!! كۈتىمىز

bughra68

	دىنى ھىسيات ئېشىپ كەتسە نىمە بولىدۇ ؟ئەجىبا ئۇيغۇر مەتبۇئاتلىرى مۇشۇنداق ئەسەرلەرنى ئېلان قىلامدۇ ؟ 1000 يىللىق ئىتىقادىمىز بولغاندىكىن ھەربىر ئىش-ھەربىر ھالقىغىچە تۇرمۇشىمىزغا سىڭىپ كىرگەن دىنى ھىسياتىمىز ئەدەبىياتىمىزغا سىڭسە بولماسمۇ ؟ تارىخى ئەسەرلەرنى ۋە بەدىئى تارىخلارنى ئوقۇپ بېقىڭ 100 يىل بۇرۇنقى ئەسەرلەرنىڭ دىنى ھىسياتى قانداقراقكىن ؟ ئەگەر پەن-تېخنىكىنىڭ كۈچى توغرۇلۇق سۆزلىشىپ قالغان بولساق كۆپۈك چىقىپ كېتەتتى ئاغزىمىزدىن . سىزنىڭ ئەقىدىڭىز قولىڭىزدىكى چوغقا ئايلىنىپ قېلىشى مۇمكىن ، ئۇنى يەنىلا تاشلىۋەتمەسلىك كېرەك .

IDIKUT995

	دىليار ئەپەندىمنىڭ تىل  قابىلىيىتى ئۈستۈن...بېز ئۇنىڭ ئەسىرىنى كۈرۈشكە تەقەززامىز...نۇرغۇن  تورداشلارمۇ بۇ ئەسىرنىڭ داۋامىنى كۈرۈشكە  تەشنا...بۇ مۇنبەردە ماڭقىسىنى ئېقىتىپ  ئەسەر يازدېغان ھەم ئاددىلا ئىنكاس يازدېغانلار يوق  بولغاچقا مەن  پەقەت  مۇشۇ  مۇنبەرگىلا ئەزا   بولغانمەن...نۇرغۇن  ئىنكاسلار  كىشىنى  ئويغا چۈمدۈردۇ...دىن ،مەدەنىيەت سۈزلەنسە نىمە  بۇپتۇ.بۇ يەردە  ھىچكىم  ھىچ نەرسىنى  كۈپتۈرۈپ  چىققىنى  يوق...قۇلۇمىزدىن  كەلسە  ياخشى ئەسەر  ئارقىلىق كىشىنىڭ دىلىنى  يۇرۇتقۇلۇق...ئاللانىڭ شاپائىتى چەكسىزدۇر،لىكىن  يەنە ئاددىلا خىيال  بېلەن گەپ  قىلماسلىق زۆرۆرچۈنكى ئېغىز يۈگرۈكى باشقا چىقىدۇ.دىليار ئەپەندىم مەن ئەسرىڭىزنىڭ داۋامىنى ساقلايمەن..ئاللاتىن ئىشلىرىڭىزنىڭ ئۇڭۇشلۇق بۇلۇشىنى  تىلەيمەن ھەم داۋامىنى  ساقلىغاچ ئىنكاس  يېزىپ  تۇرىمەن.

dellyar571

	يىڭى باپ نامەلۇم ئۇچار جىسىم پايانسىز دېڭىز يۈزىدە ئۇچۇپ كېتىۋاتقاندا دېڭىز يۈزىدە يېنىپ ئاق پارقىراق سىزىق ھاسىل قىلىپ يەنە ئاسمانغا سىڭىپ كېتىۋاتقان كۆك نۇرغا قاراپ ئولتۇرۇپ يەر شارىدىن ئىبارەت بۇ پىلانېتقا تۇنجى كەلگەندەك تەسىرات ئىچىدە قالدىم. مېنىڭ ئورنۇمدا مەيىن شاماللار بەدىنىدىن توسالغۇسىز ئۆتۈپ، كۆڭلىدە ئاجايىپ گۈزەل ئىزلار قالدۇرۇپ قويىدىغان جۇڭگونىڭ تاڭ  شائىرىدەك روھقا ئىگە شائىردىن بىرى  بولغان بولسا ئىدى، بەلكىم قايناق ئىلھام ئىچىدە تىلىدىن ئاجايىپ گۈزەل  شىېئىرلار تۆكۈلگەن، بۇنى ئوقۇغانلارنىڭ ئۆپكىلىرى كۆتىرىلىپ كەتكەن بولاتتى. ئەمما، بۇ كارامەت تەبىئەت مەنزىرىسىدىن ھۇزۇرلانغۇدەك ھالىم يوق تاشقى پىلانېتتىن كەلگەن ئادەم بولۇپ كىيىس ئىلزون ، بوبى رۇش، جان لەۋىس قاتارلىق يەر شارىلىق ئۇچقۇچىلار بىلەن  قاياقلارغىدۇر ئۇچماقتىمەن... بۇلارغا ھازىرچە  ئەركىن- ئازادە، تەشەببۇسكارلىق بىلەن گەپ قىلالمايمەن. چۈنكى ئامېرىكىنىڭ قىممەت قاراشلىرى يەنى پۇقرالارنىڭ  شەخسى ھۆرلۈكى ئۈچۈن ئۆز ھاياتىدىن ۋاز كېچىشكە رازى بولغان بۇ ئۈچ ئامېرىكىلىق ئېھتىياتسىزلىق بىلەن سۆزلەپ سالغان بىرەر ئېغىز گېپىمدىن بىر نىمىلەرنى ئويلاپ  مېنىڭ ھاياتىمنى  ئامېرىكىچە قىممەت قاراشلىرىنى قوغداپ قېلىشقا پايدىسىز دەپ خۇلاسە قىلىپ قالسا ئىككىلەنمەيلا دېڭىزغا تاشلىۋېتىپ لەھەڭلەرگە يەم قىلىۋېتىشى مۇمكىن .  يەنى بىر قىممەت قارىشى ئۈچۈن ئۆز ھاياتى بىلەن ھېسابلاشمىغانلار  مېنىڭ ھاياتىم بىلەن ھېسابلىشىپ يۈرەرمۇ ؟  ھېچ قانداق سۆزگە ئالدىرىماي مېنىڭ بۇ ئادەملەرگە نىمە قىممىتىم بارلىقىنى بىلىشىم كېرەك. ئۆتكەن كىچە سان پەدىرونى چۈشەپ قاپتىمەن    خۇددى ئۇ يەرگە بېرىپ باقمىغاندەك ........ ئۇچار جىسىم ئىچىدىكى ئېكراندا فىرانسىيە ناخشا چولپىنى ئېلىزا كۆرۈلۈپ ئۇنىڭ دۇنياغا تونۇش ناخشىسى «لا ئىسلا بونىتا» قويۇلۇشقا باشلىشى بىلەن ئۇچقۇچىلارنىڭ ئاغزى ئېچىلدى.     - بۇ ناخشىنى بۇ ۋاقىتتا ئاڭلىمىساق قاچان ئاڭلايمىز ؟      -ئەمما  بۇ گەتېرسون(ئامېرىكىلىق يازغۇچى :ئاپتوردىن )نىڭ سان پەدىرو ئارىلى ئەمەس بۇ ھەقىقى سان پەدىرو ئارىلى ئېلىزا  خانقىز، ھا ھا ھا ... - ئەينى يانار تاغ دە بۇ ئارال، قەھرىمانلىرىڭنى قارشى ئالغىن  لا پالما، بىز كەلدۇق.    - قونۇشقا تەييارلىق  قىلىڭلار! ناخشىدىكى سان پەدىرونىڭ كالىفورنىيە شىتاتىدىكى دېڭىز ياقىسىغا جايلاشقان شەھەر ئىكەنلىكىدىن خەۋىرىم بار. لېكىن بۇلارنىڭ ئاتلانتىك ئوكياننىڭ ئۇ چېتىدە قالغان ئافرىقىدىكى  لا پالما ئارىلىغا قونۇشقا تەييار بولغانلىقىدىن ھەيران قالدىم . بۇ ئۇچار جىسىم 51-رايوندا مالىمان چىقىرىپ  بىر قانچە سائەت ئۇچقاندىن كېىيىنلا بۇنچىلىك ئارىلىقنى بېسىپ بولۇشى ئەقىل ئالماس بىر ئىش. ئايروپىلان تىك ئۇچاردەك تۆۋەنگە چۈشۈپ ئادەمسىز  دېڭىز ساھىلىگە قاراپ تۆۋەنلىدى. پەقەت ئۇچار جىسىم يەر يۈزىگە تېگىش بىلەن توختاپ قالماي يەر ئىچىگە كىرىپ كېتىۋەردى. لېكىن ئالاقزادە بولمىدىم. ھەتتا ئۇ يەرنى يېرىپ ماڭغانچە يەر يادروسىدا ئېرىپ كېتىدىغان ئىش بولسىمۇ  چىرايىمغا قورقۇنچ چىقمايدىغانلىقىغا ئىشىنىمەن ، ھەقىقەتەن بىر ئۆلگەن ئادەم ئۆلۈمدىن قورقمايدىغان بولۇپ كېتىدىكەن. بىراق بۇ تۆمۈر مەخلۇقنىڭ يەر ئاستى ساياھىتى تەخمىنەن بىر كىلومىتىچە  بولدى. يەنى ئۇ يەر ئاستىغا سۇغا شۇڭغۇپ كىرگەندەك شىددەت  بىلەن كىرگەن بولسىمۇ  يەنىلا توختىدى .ئۇچار كىمە يەرگە چۆكىپ كىرىپ كىتىۋاتقاندا ئۈچقۇچىلارنىڭ ئاللىقانداق كەسپىي تىلدا بىر نەرسىلەرنى دىيىشىشلىردىن بۇ مەجلۇقىنىڭ يەرگە چۆكىش جەريانىدا بوشلىق قالدۇماي يوقىرى قىسىمدىكى توپىراقنى تىندۇرۇپ ماڭدىغانلىقىنى بىلدىم .مەخلۇق توختاپ ئۇچقىچىلار يەنە  يېرىم سائەتلەرچە مەشغۇلات قىلغاندىن  كېيىن  ئېكران يۈزىدە قويۇق ئورماننىڭ سۈرىتى كۆرۈلدى - بولدى ، تونېل ئېچىلدى، لىفىت نورمال، يەر يۈزىگە چىقساق بولىدۇ. - ئەمىسە تەييارلىقنى باشلايلى، - 51-رايوندا مالىمان چىقارغاندا باش رول ئوينىغان بوبى ئورنىدا ئولتۇرۇپ تازا بىر كېرىلىۋېلىپ  قوپۇپ كەتتى. - سىرتنىڭ تېمپىراتۇرىسى 10سېلسىيە گرادۇس، نەملىك كۆرسەتكۈچى ،12 كۈز پەسلىنىڭ باشلىرىدا كىيىدىغان كىيىملەر بولسا بولىدۇ. قالغانلىرى ئورۇنلىرىدىن تۇرىۋاتقاندا «تاشقى پىلانېت ئادىمى» بولغان  مەن ئورۇندۇققا تېڭىلغان تاسمىلارنىمۇ بوشىتالماي ئاۋارە بولغىلى تۇردۇم . - مەن ياردەملىشەي،- دەردىمگە يەنىلا بوبى يەتتى،- پۇتلىرىڭىز ئىششىغاندەك قىلامدۇ نىمە؟ -سەزگۈرگەنسىز بوبى، پۇت ئىچكى تومۇرلاردا قان نوكچىسى ھاسىل بولغان نىمە... -شۇنداق دەپ بولۇپلا تىزلىرىمنى يېنىك ئۇۋۇلاپ ئۆزۈمنى تەمكىن تۇتۇشقا تىرىشتىم.- بىر ئاز ماڭساملا ئوڭشىلىپ  قالىمەن.    - شۇڭا  سىرتقا چىقىپ ساپ ھاۋا يىگەچ بىر ئاز ھەرىكەت قىلايلى دىدۇق  ، توپتوغرا ئۈچ سائەت 41 مىنۇت مىدىرلىماي ئولتۇرۇش ئاسان ئەمەس.   - بۇلار سىزنىڭ - ئورنۇمدىن دەس تۇرۇپ ئىككى قەدەم مېڭىپ چوڭ بىر كېسەلدىن ساقايغاندەك خوش بولۇپ تۇرغىنىمدا يەنە بىر ئۇچقۇچى قولۇمغا كىيىم تۇتقۇزۇپ قويدى. ئۈچى قول كومپىيوتېر ، يەنە يان تېلىفونغا ئوخشاش كېتىدىغان ئېكرانلىق سۆزلىشىش ئاپپاراتى ۋە مەن ئەزەلدىن كۆرۈپ باقمىغان باشقا ئېلىكترونلۇق ئۈسكۈنىلەرنى ئېلىپ سىرتقا چىقىشقا تەييارلىق قىلىشتى . ماڭا بولسا ئىچىدە نىمە بارلىقى نامەلۇم يۈدۈمە سومكىدىن بىرنى بەردى. بۇ ئۇلارنىڭ ماڭا ئەترەتنىڭ بىر ئەزاسىدەك مۇئامىلە قىلىۋاتقانلىقىنىڭ ئىشارىتىدىن بولغاچقا سومكىنى  گەپ قىلماي ئېلىپ بۇلارغا ئۈنسىز ئەگىشىشكە باشلىدىم. يەرگە كىرىپ كەتكەن  ئۇچار جىسىمدىن لىفىتتەك بىر نەرسىگە  ئولتۇرۇپ يەر يۈزىگە يەنە كېلىپ  نەق يەر ئاستىدا تۇرۇپ  ئۇچار جىسىم ئېكرانىدا كۆرگەن قويۇق ئورمان ئىچىگە چىقتۇق. يەر يۈزىدە نىمە كۆردىڭىز دىسىڭىز ئادەمسىز بىر ئىپتىدائى ئورمانلىقنى كۆردۈم. يەنىمۇ ئىچكىرىلەپ  كۆك ئاسمان ،قۇشلار ،ئېگىز دەرەخلەرنى تەسۋىرلەڭ دىسىڭىز لا پالما ھەققىدىكى ساياھەت خاتىرىلىرىگە قاراڭ دەيمەن، چۈنكى قانداقلا قىزىقارلىق بولسۇن بۇ مەن خالىماي قىلغان  ساياھەت بولغاچقا زېھنىم بۇ ئۈچ ئىنقىلابچىدىن تېزراق قۇتۇلۇپ ئۆيگە قايتىشتا ئىدى. ئۇ چاغدا ئەتراپقا قاراپ مەنزىرە كۆزىتىشتىن بەكرەك ئۇلارنىڭ كەينىدىن كېلىۋېتىپ يۈگۈرۈپ قېچىپ كېتىش توختىماي خىيالىمغا كىرىۋالدى. بىراق ئۈرۈمچى بىلەن ئافرىقىدىكى بۇ يانار تاغ ئارىلى ئوتتۇرىسىدىكى دېڭىز-ئوكيان ، تاغ-دەريالاردىن قانداق ئاتلاپ ئۆتىمەن ؟ ئۇنىڭ ئۈستىگە ئۇلارنىڭ ئۇچار كېمىسىدىن ئېلىۋالغان مەن بىلمەيدىغان ئېلىكترونلۇق ئۈسكۈنىلىرى... تۇرسا  مېنى قاچۇرۇپ قويارمۇ ؟! ياق، قاچۇرمايدۇ. بۇنىڭغا ئىشەنچىم بولغاچقا ياۋاشلىق بىلەن نىيەتلىرىمدىن ۋاز كېچىپ بوينىدىن سۆرەپ ماڭغان قۇلدەك كېتىۋەردىم . مېنى 51- رايوندىن تاشقى پىلانېت ئادىمى دەپ قۇتۇلدۇرۇپ چىققان  بۇ ئىنقىلاۋى ئامېرىكىلىقلارغا «مەندەك تاشقى پىلانېت ئادىمىنىڭ گېپىنى ئاڭلاپ مېنى ئۈرۈمچىگە ئاپىرىڭلار، بولمىسا ھېلىقى يەرگە كۆمۈپ قويغان ئۇچار   كېمەڭلارنى پاچاقلاپ تاشلايمەن، پىلانېتلاردىن بۇرادەرلىرىمنى چاقىرىپ كېلىمەن  » دىيەلمىگەن ئىكەنمەن  ماڭا بىردىن بىر ئۈمىد بۇ ئادەملەرنىڭ مېنى تۇتۇپ تۇرۇشتىكى مەقسىتىنى  بىلىش ....بۇ نىشاندا تەبىئەت مەنزىرىلىرىنى تاشلاپ  بۇ ئادەملەر قىلىشقان ھەر بىر ئېغىز سۆزگە قۇلىقىمنى دىڭ تۇتۇپ تۇردۇم. - يېقىنلاپ قالدۇق ، بىز تانائۇسۇ (لا پالمانىڭ  1493- يىلى ئىسپانىيىگە ئەسىرگە چۈشۈپ  ئۆلگەن  ئەڭ ئاخىرقى پادىشاھى: ئاپتوردىن)نىڭ قەبىلىسى جايلاشقان يەردىن كېسىپ ئۆتىۋاتىمىز  - بوبى قولىدىكى خەرىتىدەك ۋاراقچىغا قاراپ سۆزىنى داۋاملاشتۇردى. -گۇۋەنچىس (ئافرىقا كانارى تاقىم ئاراللىرىنىڭ ئىپتىدائى ھالەتتە ياشىغان ئاق تەنلىك يەرلىك كىشىلىرى،  15-ئەسىرنىڭ ئاخىرلىرىدا بۇ يەرلەر ئىسپانىيە تەرىپىدىن ئىشغال قىلىنىپ گۇۋەنچىسلەر مىللەت سۈپىتىدە مەۋجۇت بولۇشتىن قالغان ) پىرامىداسى  ئالدىمىزدا كۆرۈنىۋاتقان  ئاۋۇ تاغنىڭ كەينىدە. - ئاز قاپتۇق. - شۇنداق ،ئاز قالدى . بوبى دىگەن تاغدىن ئۆتۈپ بولغاندا كۆرگىنىم يەنە قويۇق ئورمانلىق بولدى. ئۇ يەردە چوقچىيىپ چىققان پىرامىدادىن ئەسەر يوق. بۇلار ئازغان ئېكىسپىدىتسىيىچىلەر ئەمەستۇ دەپ غەم قىلىشقا باشلىغىنىمدا بوبى «مانا مۇشۇ جاي »دەپ بىر يەرنى دەسسەپ كۆرسەتتى . قالغان ئىككىسى دەرھال سومكىلىرىنى يەرگە قويۇشۇپ  ئۇنىڭدىن قۇتىغا ئوخشاپ قالىدىغان بىر نەرسىلەرنى چىقىرىپ بوبى كۆرسەتكەن يەرگە قويدى.    -ھەممىڭلار كەينىگە سەل  داجىپ يېتىۋېلىڭلار. - ھەممىمىز چېكىنىپ يەرگە پاقىدەك چاپلاشتۇق.    بىر دەمدىن كېيىن توپا ۋە يوپۇرماق، شاخ-شۇمبىلارنىڭ دومبەمگە چۈشكىنىنى سەزدىم. قىزىق يېرى بۇ ئاۋازدىن باشقا پارتلاش ئاۋازىنى ئاڭلىمىدىم . -بولدى، مۇكەممەل !- بوبى شۇنداق دەپ ۋارقىرىدى.- بۇ ياققا كېلىپ قاراڭلار. بۇ بىر غار ئېغىزىكەنغۇ ، قانداقتۇر ئەل ئېھرام ئەمەس. لېكىن ھېچكىم مەندەك ئويلىمىغان بولسا كېرەك.  بۇنداق سوئال سورىمايلا ئىچىگە چۈشتى. - كىيىس، ئۈستىنى چاندۇرماي ئېتىۋەت،- بوبى شۇنداق دەپ تاپىلاپ قويۇپ قول چىرىقىنى ياندۇرغان پېتى مەن ۋە جاننى كەينىگە سېلىپ غار ئىچىگە ئىچكىرىلەپ ماڭدى . بىز ئۇزۇن ماڭمايلا ئىپتىدائى بولسىمۇ  چوڭ زالدەك يەر ئاستى بوشلۇقىغا يېتىپ كەلدۇق. جان بىلەن بوبى ئىككىسى يۈدىۋالغان سومكىلىرىنى يەرگە قويۇپ ئاۋۋال غار ئىچىنى تەپسىلى كۆزىتىۋېتىپ چىقتى. ئارقىدىن سومكىسىدىكى ئۈسكۈنىلىرىنى ئېلىپ كەسپىي ئىنژىنېرلاردىن ئېشىپ چۈشكۈدەك چاققانلىق ھەم ئەپچىللىك بىلەن قىسقا ۋاقىت ئىچىدىلا  غار ئىچىگە چىراق ، توك يولى ۋە باشقا ئۈسكۈنىلەرنى ئورنىتىپ بولدى .   - تانائۇسۇنىڭ ئوردىسى بۇمۇ ؟ ...بىچارە ئاخىرقى ئۆمرىنى زىنداندا ئۆتكۈزۈپتۇ. - دىدى جان ئۈمۈتسىزلەنگەندەك. جان بۇ يەرنىڭ شارائىتىدىن ئەپسۇسلاندى بولغاي. دىمىسىمۇ  تاش ئۈستىگە ئويۇلغان غەيرى بەلگىلەر ۋە ساپال ئىپتىدائى قاچىلاردىن باشقا بۇ يەردە ئالاھىدە نەرسە كۆرمىدىم.         - ۋاي تانائۇسۇ،  بۇ يەردە ياتقانمىدىڭ !؟ جان يۈگۈرۈپ ئادەم كارىۋىتىدەك قىلىپ غار تۈۋىگە ئويۇلغان ئورەككە چىراق تۇتۇپ تۇرىۋاتقان بوبىنىڭ يېنىغا كەلدى  .مەنمۇ ئاستا قەدەملىرىم بىلەن ئۇلارنىڭ كەينىدىن مېڭىپ ئورەككە قارىدىم . - ئۇنىڭ  تانائۇسۇ ئىكەنلىكىنى قانداق بىلىسەن ؟ باشقا ئۆلۈك يوقمۇ غاردا؟ - بوينىدىكى تاشنى كۆرمىدىڭمۇ ؟ ئۇ تاشنى ئۇنىڭدن باشقا ھېچكىم تاقالمايدۇ ... بىچارە  تانائۇسۇنىڭ بىردىن بىر جان قېرىندىشى جۇئان خىرىستىيان بولۇپ ئۇنىڭغا ئاسىيلىق قىلغاندىن كېيىن ئۇ ھېچكىمگە ئىشەنمەس بولدى ، ھەتتا ئۇ ئۆزىنىڭ ئورنىغا ئاشلىق ئېلان قىلىپ  ئۆلگەن  سادىق ئادىمىدىنمۇ گۇمانلىنىدىغان بولغان . يالغۇز ياشاپ ئۆلۈپتۇ مانا. تانائۇسۇ دەيدۇ :سەن... سەن نىمىشقا ؟ جۇئان: بۇتەڭرىنىڭ ئارزۇسى، ئېتىقادسىزلارنى تەڭرى مۇشۇنداق جازالايدۇ .سەنمۇ تەڭرىگە كەل،  بولمىسا ... تانائۇسۇ دەيدۇ :مېنى جازالىغان تەڭرى ئەمەس، 700000ماراۋىدىس(ئىسپانىيىنىڭ شۇ دەۋردىكى پۇل بىرلىكى )  ، بۇ پۇلنى كىم بەرگەن بولسا مېنى شۇ رەزىل قىلدى ھەم سېنى رەزىل قىلدى. بۇنىڭدىن كېيىن پۈتۈن دۇنيانى رەزىل قىلىدۇ.  باناھوئارە(لا پالما نىڭ گۇۋەنچىس تىلىدىكى ئەسلى ئىسمى)نى بىزگە ئىبرو (لا پالمادىكى گۇۋەنچىسلارنىڭ ياراتقۇچىنى ئاتىشى) بەرگەن ، مېنىڭ ئىسمىمنىڭ مەنىسى مېنىڭ زېمىنىم ئىدى. جاننى بېرىمەن باناھوئارە(لا پالما نىڭ گۇئەنچىس تىلىدىكى ئەسلى ئىسمى)نى بەرمەيمەن دەپ قەسەم قىلغانمەن. مەن زېمىنىمدىن ئايرىلدىم، سەن جۇئان روھىڭدىن ئايرىلىپسەن، ئۇ ئالونسو (لا پالمانى ئىسپانىيە ئوردىسىدىن 700000ماراۋىدىس پۇل قەرز ئېلىپ   رەسمى ئىشغال قىلغان ئىسپانىيە گېنىرالى )مۇ  ئاشۇ پۇل بىلەن روھىنى ئۆلتۈردى.  مېنىڭ كۆزۈم سىلەردە ئەمەس، 700000ماراۋىدىسنى قەرز بەرگەن كىشىلەردە . بۇ ئادەملەر  بۇنىڭدىن كېيىن دۇنيادا پۇل بىلەن كىم بولىشىدىن قەتئىينەزەر زېمىنى بارلاردىن زېمىن  ،كاللىسى بارلاردىن كاللا ئالىدۇ. مانا بۇلار خىرىستىيان بولغان ھەققانىيەتچى  جۇئان بىلەن لا پالمانىڭ ئەڭ ئاخىرقى پادىشاھى  تانائۇسۇ ئوتتۇرىسىدىكى دىئالوگلار. بوبى بۇ گەپلەرنى دەۋاتقاندا غاردىكى ئۇستىخانغا قاراپ تۇرغان بولساممۇ لېكىن قورقۇپ كەتمىدىم.ئېنىقكى مەندە شۇنداق زور بىر ئۆزگىرىش بولدى. يەنى دۇنياغا قايتىدىن كەلگەندىن كېيىن  ئۆلۈمدىن قورقۇش ھېسسىياتى ئۆلگەندەكلا . - تانائۇسۇ، سەن مېنى ئويغاتتىڭ،- بوبى چوڭقۇر ئويغا پاتقان ھالدا يەنە سۆزىنى داۋاملاشتۇردى – سىنىڭ ئۇ ئىپتىدائى جەمئىيەتتە تېرىلەرگە ئورۇنۇپ غاردا تۇرۇپ 600 يىل ئاۋۋال ئېيتقان ئۇ سۆزۈڭنى دۇنيادىكى ئەڭ ئىلغار پەن-تېخنىكا تەتقىقاتلىرى بىلەن شۇغۇللىنىۋاتقان بىزلەر  ئاخىر چۈشىنىپ يەتتۇق ،  ئەمدى  مۇشۇ غاردا  ئىش باشلايمىز.   - بۇ غاردا ھاۋا ياخشى ئۆتىشىدىكەن،- باياتىن غار ئاغزىدا قالغان كىيىس شۇنداق دىگىنىچە كىرىپ كەلدى ۋە  تانائۇسۇنىڭ جەسىتى ياتقان يەرگە بېرىپ بىر دەم قاراپ تۇردى -   تانائۇسۇ ...بۇ ئادەم شۇمۇ ؟ -شۇ، نەق ئۆزى- دىدى بوبى. بۇلار  ئوتتۇرىسىدىكى گەپلەردىن مەن تېزلا بۇ ئىنقىلابچىلارنىڭ گۈزەلنۇرنىڭ بوۋىسى خىرويۇكى ئەپەندى ماڭا كۆرسەتكەن ماتىرىياللاردا تىلغا ئېلىنغان، ئوسمانىيە ئىمپىرىيىسىنىڭ ئاخىرقى سۇلتانى چۈشەندۈرۈپ ئۆتكەن ئامېرىكا، ئەنگىلىيە باشچىلىقىدىكى پۇل-مال مەركەز يېڭى سىستېمىسىنىڭ پېشىدە يۈرگەنلىكىنى بىلدىم . يەنى بۇ ئۈچ ئامېرىكىلىق  ئىككىنچى دۇنيا ئۇرۇشىدىن كېيىنلا رەسمى كۆتىرىلىپ چىققان سودا-سانائەت ، خەلقئارالىشىش  قاتارلىق ئۇقۇملار بىلەن بىنا قىلىنغان پۇل مەركەز دۇنياۋى تەرتىپىگە جەڭ ئېلان قىلماقچى بولىۋاتقان قەھرىمانلار، بەلكىم ئۇلار 51-رايوندىن ئامېرىكا پۇقرالىرىنى چۆچۈتىدىغان بىر مەلۇماتلارغا ئېرىشتى ۋە ئۇ يەردىكى ئالاھىدە ئۇچار جىسىمنى بۇلاپ قاچقاندىن كېيىن كۈرەشلىرىنى باشلىدى . ئۇلارغۇ ئۇلۇغ ئىشلارنىڭ پېشىدىكەن ، ئەمما بۇ ئالاھىدە ئادەملەر ئارىسىدا ماڭا نىمە بار ؟ ئۆز جېنىنىڭ ،سۆيگىنىنىڭ، توي، تۇرمۇشنىڭ غېمىدىن باشقا يەرگە ئۆتەلمەيدىغان ماڭا نىسبەتەن بۇ ئىشلارغا ئارىلىشىش ئاسمانغا پەشۋا ئاتقاندەك ئىش تۇرسا  بۇلار  ئارىسىدا ماڭا زادى نىمە بار  ؟ مانا بۇ ئەمدى مەن بىلىشكە تىگىشلىك نۇقتا ئىدى . بىراق مىنى 51 -رايونغا كىملەرنىڭ قانداق مەقسەتلەر بىلەن ئېلىپ كەلگەنلىكىمۇ ئېنىق ئەمەس  تۇرسا قانداق ئېنىقلارمەن بۇ ئىشنى ؟ يۇقىرى ئېھتىمالدا مەن ئېغىز ئاچمىساممۇ ئۇلار ئۆزلىرى بىر نىمە دەيدۇ ،سەۋىر قىلاي ...   ئۈچ ئامېرىكىلىق يەنىلا ئۆز ئىشلىرى بىلەن بولۇپ تاش ئۈستەللەرنى تازىلاپ مەن كۆتۈرۈپ كەلگەن سومكا ئىچىدىن تۇرمۇش لازىملىقلىرىنى چىقىرىپ بۇ يەرنى ئادەم تۇرغىدەك قىلىش ئۈچۈن مەشغۇل بولغىلى تۇردى. مەنمۇ ئۈن-تىنسىز ئۇلارغا ياردەملەشتىم . كومپيوتېرلار قوزغىلىپ غاردىكى ئىشخانا پۈتۈپ  قالغاندىن كېيىن بوبى ئىنتېرنىت تورىنى ئاچقان ئىدى. مەن ئاستا ئۇنىڭ قېشىغا كېلىپ ئېكرانغا قاراپ تۇردۇم. ياخۇ تور بېكىتىڭ باش بىتى ئېچىلىشى بىلەنلا ئۇ تور بېكىتىدە بىر خەۋەرنى كۆرۈپ قالدىم ۋە ئىختىيارسىز «خۇداغا شۇكرى، خۇداغا شۈكرى» ...دەۋەتتىم. خىرويۇكى ئەپەندى ھايات ئىكەن، ئۇ ئۆلمەپتۇ .تور بىكەتنىڭ خەۋەرلەر ستونىدا كۆرۈلىۋاتقان رەسىمدە دوختۇرخانىدىن چىقىپ قولىنى پۇلاڭلىتىپ تۇرغان خىرويۇكى ئەپەندىنىڭ مەن بىلىدىغان ئۇرۇغ-تۇققان، يېقىنلىرى بىلەن بىللە  يەنە  ئۇيغۇرئايمۇ بار بولۇپ ئۇنىڭدىن كۆزلىرىمنى ئېلىپ قاچماي تىكىلىپ قاراپ ئۇھ تارتتىم. گەرچە تىببىي نۇقتىدىن مېنىڭ مەسىلىنى تېز بايقاپ جىددىي بىر تەرەپ قىلغانلىقىم خىرويۇكى ئەپەندىنىڭ ئۆلۈم خەۋپىدىن قۇتۇلۇپ قېلىشىدا چوڭ رول ئوينىغانلىقى ئېنىق بولسىمۇ ئۇيغۇرئاينىڭ مېنى شەپقەتچىم دىيىشىدىن تامايىم يوق، پەقەت قاتىل دىمىسىلا بولدىغۇ... شۇ تاپنىڭ ئۆزىدە « يەنە ئۇيغۇرئاينىڭ كەينىدىن يۈرىدىغان بولدىڭىزما؟ مۇھەببەت قاينىمىغا يەنە شۇڭغۇيدىغاندەك تۇرامسىز » دەپ سوراشقا ئالدىرىماڭ . «ئاۋۋال جان، ئاندىن جانان» دىگەن ماقالە بىكارغا چىقمىغان. ئاۋۋال بۇ يەردىن بىر قۇتۇلۇپ چىقاي ... يەنە نىمە كۈنلەرنى كۆرىمەن تېخى...   - مانا، مۇھىد ئەپەندى،- بوبى مېنىڭ كەينىدە تۇرغانلىقىمنى بىلىپ بىردىن كەينىگە بۇرۇلۈپ ماڭا رەسمىي بىر گەپ قىلىدىغان تەلەپپۇزدا ئېغىز ئاچتى. – بىز پۈتۈن ھازىرلىقنى تەييار قىلدۇق . ھەممە نەرسە ئىشلەيدۇ. ئۆيدىكىلەرگە تېلىفون قىلىۋالاي دىگىم كەلدىيۇ تاشقى پىلانېت ئادىمى ئەمەسلىكىم بىردىن ئوتتۇرىغا چىقىپ قىممىتىمنىڭ يوقىلىشى ۋە بۇلارنىڭ مېنى ئىنقىلاۋى ئىشلىرى ئۈچۈن   پايدىسىز ئەخلەت قاتارىدىن ساناپلا توختاپ قالماي مەخىپىيەتلىكىنىڭ ئاشكارىلانماسلىقى ئۈچۈن ئۆلتۈرۈپ  كۆزدىن يوقىتىپ تاشلىشى ...دىن ئەنسىرەپ ئاغزىمغا كېلىپ قالغان ئۇ سۆزلەرنى تۈكۈرۈك يۇتقاندەك يۇتىۋەتتىم. - گېپىڭىز بارمىتى؟ دەۋېرىڭ. – بوبىنىڭ سەزگۈرلۈكىگە ئۇچار كېمىدىن چۈشكەندە پۇتۇمنىڭ بىلىنەر-بىلىنمەس ئىشىپ قالغانلىقىنى بايقىغاندىلا قايىل بولغان ئىدىم.  مانا ئەمدى گېپىمنى يۇتىۋالغانلىقىمنىمۇ بىلىپ بوپتۇ. -ياق، گېپىڭىزنى ئېيتىۋېرىڭ . - مەن دىمەكچى،  نۆۋەت سىزگە كەلدى، بىزگە  تانائۇسۇنى تىرىلدۈرۈپ بېرىسىز. ئۇنىڭ گېپىنى ئاڭلاپ ھاڭ-تاڭ قالدىم. لېكىن يەنە شۇ ھالەتتىمۇ بۇنى چىرايىمغا چىقارماسلىققا تىرىشتىم. -نىمە بولدى ؟ بۇ سىز ئۈچۈن قانچىلىك ئىشتى مۇھىد ئەپەندى . بىز سىزنى 51 - رايوندىن قۇتۇلدۇرۇپ چىقتۇق ، قايسى پىلانېتتىن كەلگەنلىكىڭىزگە قىزىقمايمىز. بىزگە پەقەت  تانائۇسۇنى تىرىلدۈرۈپ بەرسىڭىزلا بولىدۇ. 51 - رايوندا بىز نۇرغۇن تاشقى پىلانېت ئادەملىرىنى ئۇچراتتۇق. لېكىن سىز بىز بىلىدىغان يەر شارى ئىنسىنىغا ئەڭ يېقىن باشقا پىلانېت ئادىمى بولغاچقا سىزگە ئىشىنىپ بۇ يەرگە ئېلىپ كەلدۇق. ئۈمىدىمىزنى يەردە قويمىغايسىز  ئەپەندى. ئىشەنمەسلىكىڭىز مۇمكىن، بوبىنىڭ ئاۋازى شۇنچلىك سەمىمى، دەۋاتقانلىرىنىڭ راستلىقىغا شۇنچىلىك ئىشىنىۋاتقان ئىدىكى يۈزلىرىم قىزىرىپ كەتتى. ئەمما ئۇنىڭ ماڭا تەلمۈرۈپ قاراۋاتقان كۆزلىرىگە قاراپ تۇرۇپ قالدىم.«  ھەممىڭنى ئاللاھ ياراتقان، ھەممىڭلار يەر شارىغا مېھمان، ھېچقايسىڭ  يەر شارىدا مەڭگۈ قالالمايسەن. سىلەر باشقا بىر ئالەمدە ئاپىرىدە قىلىنىپ يەر-زېمىنغا ئەۋەتىلگەن، ھەر بىرىڭلار تاشقى پىلانېت ئادىمى، ھەممىڭلار. سەن، مەن، ئۇ ھەممىمىز» دەمدىم ؟ «كۆز كۆڭۈلنىڭ ئەينىكى» دىيىشىدۇ. بوبىنىڭ پارقىراپ تۇرغان كۆزلىرىگە تىكىلىپ قاراپ تۇردۇم. ئۇ كۆزىنى باشقا ياققا ئېلىپ قېچىشتا يوق قاپاقلىرىنى قېقىپمۇ سالمىدى . بۇ قارام روھنىڭ تەجەللىسى، بۇنداق كۆزلەر بىردىنلا قانغا تولۇشى، ھېچنىمىنى كۆرەلمەسلىكى مۇمكىن. ئەڭ مۇۋاپىق جاۋاپ بېرىشىم كېرەك . چۈنكى باشقا تاشقى پىلانېت ئادەملىرى بىلەن ئۇچراشقانلىقىدىن سۆز ئېچىۋاتقان بۇ كىشى مېنى ھەقىقەتەن تاشقى پىلانېت ئادىمى دىگەن تونۇشتا بولسىمۇ نۆۋىتى كەلسە بىر تەرەپ قىلىۋېتىشى مۇمكىن،نىمە دىيىشىم كېرەك ؟ ئۇنىڭ كۆزلىرىدىن كۆزۈمنى ئۈزمەي چىراي ھەرىكىتى ، كۆز نۇرىدىن بىرەر روھى كېسەلنىڭ ، ھېچ بولمىغاندا  تەلۋىلىكنىڭ ئالامەتلىرىنى ئىزدىدىم . دىمىسىمۇ بىر ئىلىم-پەن خادىمى تۇرۇقلۇق ئىپتىدائى جەمئىيەتتە قالغان بىر قۇرۇق سۆڭەكنى تىرىلدۈر دىيىشى ۋە شۇ ئىپتىدائى ئادەم بىلەن يەر شارىنى ئۆزگەرتمەكچى بولىشى  ئەقىلغا سىغىدىغان ئىشمۇ ؟ بەكمۇ ئەپسۇس، مەن ئۇنىڭ كۆزىدىن ،چىراي ئىپادىسىدىن ئازراقمۇ روھى كېسەللىك ئالامىتىنى بايقىمايلا قالماي ئەكسىنچە باياتىنقى سۆزلىرىدە  ئەستايىل ئىكەنلىكىنى سەزدىم  . بۇ ئادەملەرنى چۈشىنەي-چۈشەنمەي قانداقلا قىلىپ بولمىسۇن   يەرگە كىرىپ كېتەلەيدىغان سىرلىق ئۇچار جىسىم ، قارىغۇ چاشقاندەك ئۇچار كېمىدىن يەر يۈزىگە چىقىشلار ۋە باشقا مەن بىلمەيدىغان نامەلۇم تېخنىكىلارغا ساھىب بوبقا لايىق جاۋاپ بېرىشىم كېرەك. بولمسىا ...ئاقىۋىتىنى نامەلۇم سانلار بىلەن تولغان يۆنىلىشكە يەنە بىر قېتىم تاشلىنىشىم، ھەتتا مەڭگۈ قايتىپ كېلەلمەسلىكىم  مۇنكىن .زادى  قانداق جاۋاپ بېرىش كىرەك قانداق قانداق قانداق !!!

ArislanMemet

	قانداق جاۋاپ بېرىش كېرەك ؟ ئادەمنى قىزقتۇرۇپ قويۇپ ، ئاندىن ساقلىتىپ ، ئەتىگىچە يازمىساڭ كۈندە تىللايمەن جۇما! تىزرەك جۇمۇ ،تىزرەك جۇمۇ ، تىز ، تىز ،تىز!!!!!!

dellyar571

	تورداشلارنىڭ ۋاقىتىنى بىھۇدە ئىسراپ قىلىۋالماسلىقى ئۈچۈن   ئۈچىنچى قىتىم ئەسكەرتەي نورمالدا يىڭى باپ ئىككى ھەپتىدە بىر چىقىدۇ ئالاھىيدە ئەھۋاللاردا بەك ئۇزاق كەتسە بىر ئايغا سوزىلىپ كىتىشى مۈنكۈن .ئەسەرگە تەستە ۋاقىت چقىرىپ   بىر قۇر بىر قۇدىن يىلىزىۋاتىمەن باشقىلارنىڭ زىھنىنى ئىسراپ قىلىش نىيتىم يوق كۆپچلىك توغرا چۈشەنسەڭلەر ۋە ۋاقتىڭلارنى لايىقىدا ئاسىرساڭلار

dellyar571

	atesh يوللىغان ۋاقتى  2012-3-6 20:38 دىنى ھىسيات چىكىدىن ئىشىپ كەتتى دىققەت قىلىڭ ،بۇنداق ك ... ئاتەش ئەپەندىم ،سىزنىڭ تەنقىتلىرىڭىز ماڭا داۋاملىق دورا .تەنقىتىڭىز ئاز بولۇپ قاپتۇ .ئالدىرشلىقىڭىنى بىلسەممۇ ۋاقىت چىقىرىشىڭىزنى تەكرار ئىلتىماس قىلىمەن    دىنى ھىسيات قالايمىقان  مەقسىتىدە ئەمەس ئەسەرنڭ ئىھتىاجىدىن چىقىتى  بۇنى يىڭى باپتا ئوچۇق ھس قىلالايسىز .مىنىڭمۇ دىنى ھىسىياتنى ئەسەرگە زىننەت قىلىپ  قوشىۋاتقىنىم يوق خىزمىتىڭزگە ئۇتۇقلار تىلەيمەن

gulayi

	ئەسەر شۇنداق ئىسىل ، كارامەت داۋاملىشىۋاتىدۇ. چۈشىنىپ قەدرىنى بىلگەنلەر ساقلايمىز، ساقلايمىز قانائەتلىك نەتىجگە ئىرىشكۈچە ساقلايمىز. خاتىرجەم ئالدىرىماستىن پىشقان پىكىرلەرنى سۇنىشىڭىزنى سورايمىز. پىشمىغان مىۋە قورساق ئاغرىتار. شىرىن مىۋىلەرنى كۈتىمىز. چارچىماس  تەپەككۇرلىرىڭىزنى دات باسمىسۇن.

minur

	ياخشى ئەسەركەن ئەجرىڭىزگە رەخمەت داۋامى باردۇ