ئويغانغاندىن كېيىن (ھېكايە)

xahla0998

	تۈگىدىما؟

qogluk05

	ئەسەر بەك ياخشى داۋاملىشىۋاتىدۇ

kal337

	مەن ئەڭ ئاخىرىغىچە ساقلايمەن. قەلىمىڭىز قۇۋۋەتلىك، بەرىكەتلىك بولسۇن. رەھمەت سىزگە...تېخىمۇ تىرىشىڭ

abdukayum

	داۋامى باردۇ؟؟؟؟؟؟ۋاي ۋاي بەك تەقەززا بوپ كەتتىم

aypare

	چەتئەللىكلەر قانداقمۇ بىر ئۇيغۇرنىڭ مۇھەببەتتىنىڭ قانداق بولىدىغانلىقىنى بىلسۇن؟ ئۇلار مۇھەببەتنى جىسمانى جەھەتتىن قوشۇلۇش دەپ چۈشەنسە كىرەك. مىنىڭچە ئۇيغۇرنىڭ ئاشىقىغا بولغان مۇھەببىتىنى ئاشىقىغا بولغان ھۆرمەت،مەڭگۈلۈك ساداقەت دەپ چۈشىنىش بىر قەدەر توغرا بولسا كىرەك.ئەسەردىكى باش قەھرىمان مۇھىدتا يۇقارقىلارنىڭ ھەممىسى بار.  ئۇ ھەقىقەتەن ئىلاھىي ئىشىق ئىگىسى بولۇشقا مۇناسىپ.بۇ ھەممە ئادەمگە نىسىپ بولىۋەرمەيدۇ.ئاللا خالىغان بەندىسىگە بىرىدۇ. دىليار ئاكا،قەلىمىڭىز توختاپ قالمىسۇن.ئاللا مەدەت بەرگەي.

emam788

	ياخشى داۋاملىشىۋاتىدۇ.

dellyar571

	يېڭى باپ       ئىنگلىزچە پاراڭلار ،دى دىت ...قىلىۋاتقان، نىمىلىكى ماڭا نامەلۇم  ئېلىكترونلۇق ئۈسكۈنىلەرنىڭ ئاۋازلىرى يەنە قەغەزلەر ۋاراقلانغاندا چىقىرىدىغان ئاۋازلار، ئاياغ تىۋىشلىرى...ئىچىدە ھوشۇمغا كەلدىم. ھوشۇمغا كەلدىميۇ كۆزلىرىمنى ئاچالمىدىم .  بۇ كۆزلەر مېنىڭ ئەمەستەك بۇيرۇقۇمغا بوي سۇنمىدى .كۆزۈملا ئەمەس تىلىمنىمۇ مىدىرلىتالمىدىم. پۇت-قولۇمنى مىدىرلىتىشقا  شۇنچە تىرىشىپ باققان بولساممۇ، ھېچقانداق ئۈنۈمى بولمىدى . ئويغاق ئېڭىم ۋە ئاڭلىنىۋاتقان ئاۋازلاردىن ئاڭغا  ۋە ئاڭلاش سېزىمىگە ئالاقىدار نېرىپلاردىن باشقا پۈتۈن ئەزالىرىم پالەچ ھالەتتە ئىدى .ئۆسۈملۈك ئادەم بولۇپ قالغاندىمەنمۇ ؟ ماڭا قارىتىپ ئاتقان ئۇ سىرلىق قورالنىڭ چوڭ مېڭىنىڭ  قىسمەن  فۇنكىسىيىسىنى بۇزىدىغان ۋىرۇس ئىكەنلىكىدىن گۇمانلاندىم. ئەجىبا بۇ خۇمپەرلەر مېنى ناركولەپسى يەنى سىرتنى ئاڭلىيالىسىمۇ  لېكىن كۆزىنى ئاچالماي ئۇيقۇدىن ئويغۇنالماي قىينىلىدىغان   ئۇيقۇ پالىچى ئىسىملىك  كېسەلگە گىرىپتار قىلدىمۇ ؟ ئۇيقۇ پالىچى كېسىلىنى كىتاب يۈزىدىلا ئاز-تولا بىلىمەن. ئەمەلى ئۇچرىشىپ باقمىدىم.  بىراق بۇ خىل كېسەلنى مەزكۇر ساھەدە مۇتەخەسسىس دوختۇرلاردەك بىلىپ كەتكەن  تەقدىردىمۇ يەنە  قانداق قىلالايتتىم !؟ مېنى چىرمىۋالغان بۇ كېسەل ياكى ھال  نىمە بولسا بولسۇن، ئاللاھ ھېچكىمگە بۇ كۈننى كۆرسەتمىسۇن . ھەقىقەتەن قورقۇنچلۇق ... يەنى ئادەم ھاياتىغا  ھاۋادەك زۆرۈر  ۋە بارلىق تۇيغۇ-لەززەتنىڭ مەنبەسى بولغان گۆش بەدىنىڭىز  روھقا بوي سۇنماي سىزگە  گۆرنىڭ ئۆزى  بولىدىكەن ، سىز بولسىڭىز ئۇ قاپ-قاراڭغۇ گۆرگە  تىرىك پېتى  كۆمۈلگەن ئادەمدەك چارىسىز ھالدا ياتىدىكەنسىز . بۇ ۋاقىتلىق ھادىسە، ئۆتۈپ كېتىدۇ، ئۆتۈپ كېتىدۇ دەپ ئۆز-ئ‍ۆزەمگە تەسەللى بېرىشكە ئۇرۇندۇم . بىر چاغدا ئاۋازلار دەسلەپتىكىدىن تېخىمۇ روشەن ئاڭلىنىشقا باشلىدى .  بۇ تۈرمىدە سىرتقا ئېچىلغان بىر تۆشۈك تېخىمۇ بەك ئېچىلىپ قېچىپ چىقىشتىن ئۈمىد باردەك  ئىش بولدى. ئەمما ئۇ روشەن ئاڭلىنىشقا  باشلىغان  ئاۋازلاردىن خەيرلىك ئۇچۇرلار كەلمىدى .       - ئەئۇزۇ بىللاھى مىنەش شەيتانىر رەجىم.- بۇ مېنىڭ ئاۋازىم ،كەينىدىن ئۈستەل-ئورۇندۇقلارنىڭ ئۆرۈلگەن ئاۋازلىرى ئاڭلاندى. -  ئۇ ئادەم ئەمەسكەن ، ئۇ... ئۇ ... ئۇنىڭ بەدىنىدە ئۈسكۈنە بار. ...ئۇنىڭ بەدىنىدە... ئاۋاز ئاڭلىدىم، ئۇ ...ئۇ ...ئادەم ئەمەس ... ۋاي تەڭرىم... - ئۇنىڭ قول ھەرىكىتىگە دىققەت قىلىڭ. كويزا سېلىنمىغاندەكلا ،ھېچقانداق كۈچەش يوق. -قايتا ،قايتا كېلەيلى ،توختاڭ. -«ئەئۇزۇ بىللاھى مىنەش شەيتانىر رەجىم دىگىن »- بۇ ئاۋاز لېنتىغا ئېلىنغان بولۇپ دەل مەن يۈرىكىمدىن ئاڭلىغان سىرلىق ئاۋازنىڭ ئۆزى. ئۇلار ئۈن ئالغۇدەك بىر ئەسۋاپتا  بۇنى قويىۋاتسا كېرەك . ئەجىبا بۇلار مېنىڭ يېنىمدىلا بۇ ئىشلارنى تەتقىق قىلىۋاتقانمىدۇ؟! باشقا بىرەر يەر چىقمىغاندەك نىمە قىلغىنىدۇ ئۇلارنىڭ. يا مېنى ئاڭلىسۇن دەپ قەستەن مۇشۇنداق ئورۇنلاشتۇرغاندىمۇ! ياكى ئاللاھ قۇلىقىمغا تاملارنىڭ ئۇ تەرىپىدىكى ئاۋازلارنىمۇ ئاڭلىتىۋاتقانمىدۇ؟ نىمىلا سەۋەپ بولسۇن كەينىدىكى گەپلەرنىمۇ ئاڭلاشقا مەجبۇرمەن. -«ئەئۇزۇ بىللاھى مىنەش شەيتانىر رەجىم »ئەرەپچە ، مەنىسى ئاللاھقا سېغىنىپ قوغلاندى شەيتاندىن پاناھ تىلەيمەن، مەنبەسى قۇرئان كەرىم  نەھل سۈرىسىنىڭ توقسەن يەتتىنچى ئايىتى بولۇپ مۇسۇلمانلار بۇنى  تەڭرى مۇھەممەدكە ئوقۇشنى بۇيرىغان دەپ قارايدۇ. ئاللاھقا يېقىنلىشىش ۋە گۇناھلاردىن قېچىش  مەقسىتىدە  مۇسۇلمانلار قۇرئان ئوقۇشتىن ،تاھارەت ئېلىشتىن ياكى ھەر قانداق مۇھىم بىر ئىش قىلىشتىن بۇرۇن دەيدىكەن . كەينىدىكى «دىگىن» سۆزى تۈركى تىلدا،  ئېيتقىن مەنىسىدە . - تەكرار، يەنە تەكرار . -يەنە بىر قېتىم. -«ئەئۇزۇ بىللاھى مىنەش شەيتانىر رەجىم دىگىن »-ئوخشاش ئۈنئالغۇدىن كەلگەن ئاۋاز . - بۇ ئادەمنى بىرلىرى ئىلاھى كۈچكە ئىگە قىلماقچى بولغان ياكى بىزگە بىر ئۇچۇر بەردى بۇ ئارقىلىق . -يەنە بۇ ئاۋازمۇ بار « ئەئۇزۇ بىللاھى مىنەش شەيتانىر رەجىم دىگىن ، مەندىن قورقۇپ ئەمەس پۈتۈن جىسمىڭ بىلەن دىگىن »-يەنە ئۈنئالغۇدىن كەلگەن ئاۋاز - بەك تۆۋەن، كۈچەيتىپ تەستە ئاڭلىيالىدۇق . ئالدىنقى جۈملە ئەرەپچە . مانا بۇ كېيىنكى ئۇيغۇرچە جۈملىنىڭ تەرجىمىسى . -بۇ ئاۋازلارنى تەقلىد قىلغىلى بولدىمۇ ؟ -ياق ئەپەندىم.تەقلىد قىلالمىدۇق ،بۇ ئىنسان ئاۋازىغا زادى ئوخشىمايدۇ. -نېمىدىگەن ۋەھىمىلىك سۆزلەر  ھە بۇ . بۇ ئادام دىندار بولمىغان بولسا بۇنداق بېسىمغا ھەرگىز بەرداشلىق بېرەلمەيتتى . ئادەتتىكى ئادەم ئەڭ بولمىغاندا ساراڭ بولۇپ قالىدۇ بۇ ئاۋازغا .ئۇلار بۇ نۇقتىنى چۈشەنگەچكە بۇ ئادەمنى يېتىشتۈرگەن ، ئۇنىڭ ئىچكى ئېنىرگىيىسى غىدىقلانغان.دىندارلارنىڭ يوشۇرۇن كۈچىنى پارتلىتىشنىڭ تىپىك مىسالى ،يەنە كېلىپ ئىنتايىن مۇۋەپپەقىيەتلىك بولغان بىر مىسالى .        - بارمىقىدا ھېچ قانداق سۇنۇق يوق. كويزىدىمۇ بىر ئىز قالدۇرماپتۇ . ھەقىقەتەن ئالاھىدە ئىقتىدار. - بۇنداق ئاددى ئىشلارغا زېھىن چاچماڭ ئەپەندىم. مەسىلىنىڭ تۈگۈنى كۆكرەك توقۇلمىسىغا مىكرو ئەسۋاب ئورنىتىپ قويغانلىقى ۋە ئاڭلىغۇچىغا يۈرەكتىن كېلىۋاتقان سادادەك ھېس قىلدۇرالىغانلىقى بۇ زور مۇۋەپپەقىيەت. بۇنداق ئەسۋابلار ئارقىلىق ئاتالمىش «غايىپ دۇنيا»دىن كېلىدىغان  ئۇچۇرلارنى پىروگراممىلاپ بىر ئەمەس مىڭلىغان ئەسەبلەرنى بىۋاستە كونترول قىلغىلى  بولىدۇ .ئۇلار بۇ تېخنىكىغا قانداق ئېرىشتى ؟ - مۇشۇ تاپتا ئۇنىڭ بەدىنىدىكى ئاپپارات سۆزلىرىمىزنى خاتىرىلەۋاتقان بولىشى مۇمكىنمۇ؟ - بىز باشقىلارنى كۆزىتىپ كەلدۇق. باشقىلار بىزنى كۆزەتكەن بولسا  ئۇلار ئىنسان ئەمەس، تاشقى دۇنيادىن كەلگەن بولىدۇ . بىراق 51-بازىغا تاشقى پىلانېت ئادەملىرى  يېقىنلىشىمەن دىسىمۇ بەدەل تۆلەيدۇ.    -ئەمما بىز بۇنداق بىر ئاپپاراتنى تېخى ئۇنىڭ تېنىدىن بايقىمىدۇق . - ئەمىسە بۇ ئاۋازنى قانداق چۈشەندۈرىسىز ؟! «ئەئۇزۇ بىللاھى مىنەش شەيتانىر رەجىم دىگىن » «ئەئۇزۇ بىللاھى مىنەش شەيتانىر رەجىم دىگىن » «ئەئۇزۇ بىللاھى مىنەش شەيتانىر رەجىم دىگىن » - ساماۋى گەپ، رىۋايەتلەرگە ئىشىنىپ ئۇنىڭ يۈرىكىگە تىل كىرىپتۇ دىمەيدىغانسىلەر جاناپلار ؟! ئېسىڭلاردا بولسۇن، ئىنسانلار دىندارلار-روھانىيلارنىڭ رىۋايەتلىرىگە ئەسىر بولۇپ، زېھىنلىرىنى شۇلارغا قۇربان قىلىپ ياشايدىغان ئۇ زۇلمەت دەۋردىن قۇتۇلغىلى ئەسىرلەر ئۆتۈپ كەتتى. بىز كۆرگىلى، تۇتقىلى ۋە مەۋجۇتلىقىنى دەلىللىگىلى بولىدىغان پاكىتلارنى تونۇيمىز. بىزگە ئاسماندىن ئېغىز ئىچىپ مەنتىقىدىن ئايرىلغان روھانىيلارغا سۆز قىلغاندەك سۆز تېپىپ بەرسەڭلار قوبۇل قىلالمايمىز ،ھەتتا چۈشەندۈرگىلى بولمايدىغان ھادىسە دەپ قۇتۇلىمەنمۇ دىمەڭلار . دەرۋەقە جاناپلار، بىز نۇرغۇن چۈشەندۈرۈش مۇمكىن بولمايدىغان ئىشلارنى خاتىرىلىدۇق. بۇلارنى چۈشەندۈرەلمىسەك كەلگۈسىدىكى تېخنىكىلارغا ئۈمىد باغلاپ بىر ياققا قايرىپ قويالىدۇق. نېمىشقا چۈنكى بۇ ھادىسىلەرنىڭ يېشىمى بىز ئۈچۈن ھازىرچە بەك مۇھىم ئەمەس. لېكىن بۇ قېتىم بۇ ئىشنى ئۇنداق بىر تەرەپ قىلالمايمىز .چۈنكى بۇ ئاددى ھادىسە ئەمەس، ئەڭ تېز سۈرئەتتە ئۇنىڭ بەدىنىدىكى مىكرو ئەسۋابنى ئىزدەپ تېپىشىمىز كېرەك . ئۇ بىھۇش ھالەتتە يەنە قانچىلىك ۋاقىت يېتىشى مۇمكىن؟ - بۇ بىزگە باغلىق ،ھازىر ھوشىغا كەلتۈرەيلى دىسەك بەش مىنۇت ئىچىدىلا ھوشىغا كېلىپ نورمال ئادەمدەك تۇرۇپ كېتىدۇ . -دورا ئىشلىتىپ سوراق قىلىپ باقتىڭلارمۇ ؟ -ئىشلەتتۇق. - ئامېرىكا ۋەتەنپەرۋەرلەر ھەرىكىتىگە ئائىت ھېچ نەرسە دىمىدىمۇ؟ نيۇيورك  مەيدان كېلىشىمى(1985-يىلى ئىمزالانغان  دۇنيا پۇل بىرلىكىگە ھۆكۈمەتلەرنىڭ قول تىقىش كېلىشمى ،بۇ كېلىشىمدىن كېىيىن ياپونىيە ئىقتىسادى 10يىل ھەتتا بەزى مۇتەخەسسىسلەرنىڭ قارىشىچە 20 يىلغىچە ئالغا باسالمىغان:ئاپتوردىن)نى تىلغا ئالدىمۇ ؟ ئۈزۈكنىچۇ؟ -ھېچ قانداق گەپ ئالالمىدۇق، بىلمەيدىكەن. -ئۇنىڭ بەدىنىدىكى مىكرو ئەسۋابنىڭ باشقا ئىقتىدارلىرىمۇ بار ئوخشىمامدۇ ئىشلەتكەن دورىلارنىڭ كۈچىنى يوقىتىۋەتكىنىگە قارىغاندا؟! تاكى مىكرو ئەسۋاپنى تاپقانغا قەدەر ئۇ ھوشىغا كەلمىسۇن ، ھەممىدىن بۇرۇن مۇشۇ نەرسىنى تېپىپ چىقساق بولغۇدەك .پۇت قولىنى بوشىتىۋەتمەڭلار ،ئۇنىڭدا ئالاھىدە ئىقتىدار بولىشى ناتايىن. لېكىن بەدىنىدىكى نەرسە ئۇنى يەنە غىدىقلىشى مۇمكىن . ھەممە چارىنى سىنايلى ،زادى تېپىلمىسا توقۇلمىلىرىنى يېرىپ كۆرۈپ باقىمىز، يەنە تېپىلمىسا ئۇنى يۇقىرى تېمپىراتۇرىدا كۈلگە ئايلاندۇرىۋېتىش كېرەك. شۇندىلا جەسەت كۈل-توزىنى سىپېكتىر ئانالىز قىلىش ئارقىلىق ئۇ ئەسۋابنىڭ ئىزىنى بايقىيالايمىز  .   باياتىن ئاڭلىنىۋاتقان دىئالوگلارنى چۈشىنەلمەي گاڭگىرىغان بولسام «يېرىپ كۆرۈپ باقىمىز... كۈلگە ئايلاندۇرىۋېتىش كېرەك... جەسەت كۈلىنى ئانالىز قىلىش » دىگەن سۆزىدىن چۆچۈپ ئىختىيارسىز تىپىرلىماقچى ،ئىچ-ئىچىمدىن ۋارقىراپ بىر نىمىلەرنى دىمەكچى بولدىم .  بار كۈچۈم بىلەن مىدىرلاشقا تىرىشىپ يەنە نەتىجە ئالالمىغاندىن كېيىن يولۇمغا قاراپ كۆزى تېشىلىپ كېتەي دەپ قالغان جېنىم ئاپامنى ئەسلەشكە باشلىدىم .كۆز ئالدىمغا بىر دۆۋە كۈلگە قاراپ تۇرغان ئاپامنىڭ  تاراملاپ ئاققان كۆز ياشلىرى كېلىشكە باشلىدى. ئۇ  ماڭا «جېنىم بالام، خۇدايىم بەرگەن بالام، سەن  كېچە-كۈندۈز قىلغان دۇئالىرىمنىڭ جاۋابى، ئائىلىمىزنىڭ ئۈمىدى، سىڭىللىرىڭنى ئالى مەكتەپتە  سەن ئوقۇتىسەن، ئىنشائاللاھ » دىگەنىدى .مانا سڭىللىرىمنى ئوقۇتۇش  ئۇ ياقتا تۇرسۇن، گېپىنى چۈشەنگىلى بولمايدىغان، قىلغان ئىش-خىياللىرىنىڭ چوڭلىقىدىن كىچىك كاللام تېگىگە يېتىپ بولالمايدىغان گىگانتلار ئارىسىدا دەسسىلىپ كېتىۋاتقان ئەرزىمەس چۈمۈلىدەك  ئۆزەمنىڭ ئىسسىق جېنىمنىمۇ ساقلىيالماي بىر كىملەرگە قۇربانلىق قوي بولۇش ھەتتا تىرىك پېتى ئوتقا تاشلىنىش ئالدىدا ياتىمەن. بەلكىم بۇلارنىڭ قىلغانلىرى تارىخ كىتابلىرىغا «كاتتا ئىشلار» دەپ يېزىلار. ھەتتا مۇشۇلارنىڭ قولىدا  مەندەك ئۆلۈپ كەتكەنلەرنىڭ بارلىقىنى  بىلگەنلەرمۇ مىڭ ھەتتا تۈمەن كىشى  «كاتتا ئىشلار»غا قۇربان بولسا نىمىشقا بولمايدىكەن دەپلا تۈگىتەر. ئەمما مېنى  ئىنسان سۈپىتىدە ياراتقان  ئاللاھ بۇ ئەبلەخلەردىن ھامان ھېساپ سورايدۇ !!! بىردىن بىراۋلار مېنى ئورىۋېلىپ تىللاۋاتقاندەك «بىر قىز ئۈچۈن ھاياتىڭنى يوق قىلدىڭ» دەۋاتقاندەك بىلىندى. لېكىن بۇ ئەيىبلەش-ئېچىنىشلارغا قۇلاق سالغۇدەك ھالىم يوق. ئىچىمدە  «لائىلاھە ئىللەللاھۇ ۋەھدەھۇ لا شەرىكە لەھۇ لەھۇل مۇلكۇ ۋەلەھۇل ھەمدۇ ۋەھۇۋە ئەلا كۇللى شەيئىن قەدىر»  ( يالغۇز بىر ئاللاھتىن باشقا ھېچ ئىلاھ يوق. ئاللاھنىڭ شېرىكى يوقتۇر، پۈتۈن سەلتەنەت ئاللاھقا خاستۇر، جىمى ھەمدۇسانا ئاللاھقا مەنسۇپتۇر. ئۇ ھەرنەرسىگە قادىردۇر. - ئاپتوردىن) دەپ دۇئا قىلىشقا باشلىدىم. ئوقۇپ بولۇپ يەنە تەكرارلىدىم:  لائىلاھە ئىللەللاھۇ ۋەھدەھۇ لا شەرىكە لەھۇ لەھۇل مۇلكۇ ۋەلەھۇل ھەمدۇ ۋەھۇۋە ئەلا كۇللى شەيئىن قەدىر ، يەنە تەكرارلىدىم ... - ئۇنىڭ كۆزىدە ياش توپلىشىۋاتامدۇ نىمە؟ - ئوكۇل. - ھازىر باشلامسىلەر ؟ -شۇنداق. -سىلەرگە ئامەت تىلەيمەن.      ئاياغ تىۋىشى يېقىنلاپ بېرىپ باياتىن باشلىقتەك تەلەپپۇزدا سۆزلەۋاتقان ئادەمنىڭ يېنىمغا كېلىپ بىلىنەر-بىلىنمەس «ئۇلار ئىبادەتگاھلاردىن ئىش باشلامدۇ نىمە؟ ئىبراھىم دىنىدىكىلەرنى(ئىبراھىم ئەلەيھىسسالامنى مەنبە قىلغان قىلغان ئىسلام ،خىرىستىيان، يەھۇدى دىنلىرىنىڭ ئورتاق نامى :ئاپتوردىن ) قوزغىتىش، دۇنيا پۇل-مۇئامىلە سىستېمىسىنى قانۇنسىزلاشتۇرۇش ،ئاندىن بانكىلارغا قارشى خەلقئارالىق ئاممىۋى ھەرىكەت قوزغاش، دۇنياۋى ئويغىنىش...  نېمىدىگەن قەبىھ پىلان بۇ ؟!»دىگىنىنى ئاڭلاپ قالدىم . گۈزەلنۇردىن ئايرىلىپ ئەلى بىلەن تونۇشقان  كۈندىن باشلاپ چۈشىنىكسىز سۆزلەر ئارىسىدا يۈردۈم. گەرچە شاياردىكى ۋاقتىمدا پىكرى-زېھنى  يەرگە  پۈتۈنلەي باغلىنىپ كەتكەن ئاشۇ ئاددى دېھقانلارنىڭ ئېچىنىشلىق ھاللىرىدىن ئەلى ۋە مۇتەللىپ بوۋايلارنىڭ مۇرەككەپ سۆزلەرنى قىلىشلىرىنىڭ سەۋەبىنى چۈشەنگەندەك قىلغان بولساممۇ، مۇرەككەپ پاراڭلارنىڭ چېكى بولمايدىكەن. بىرىنى چۈشەنسىڭىز يەنە بىرى چىقىدىكەن ۋە بۇ يېڭى چوڭ-چىگىش پاراڭلارنىڭ ئارقىسىدىكى ئاساسلارنى بىلىپ بولغىچە ئاخىر ھېرىپ كېتىكەنسىز  . بۇ غەيرى گەپلەرنى ئاڭلىغان ئەينى ۋاقىتتا ئەلۋەتتە بۇنداق خىيال قىلىپ ياتمىدىم. ھەتتا جەڭ مەيدانىغا ئېزىپ كىرىپ قېلىپ قاياقتىندۇر ئۇچۇپ كەلگەن بىر پاي ئوقتا جېنىنى بەرگەن ئۆسمۈر بالا بولىدىغان بولدۇم دەپ قايغۇرغىدەك ھالىممۇ بولمىدى.  پەقەت ئۆلۈم... ئۆلۈم ۋەھىمىسى ئىچىدە ئاپام ئۆگىتىپ قويغان دۇئانى تەكرارلىدىم. لائىلاھە ئىللەللاھۇ ۋەھدەھۇ لا شەرىكە لەھۇ لەھۇل مۇلكۇ ۋەلەھۇل ھەمدۇ ۋەھۇۋە ئەلا كۇللى شەيئىن قەدىر. لائىلاھە ئىللەللاھۇ ۋەھدەھۇ لا شەرىكە لەھۇ لەھۇل مۇلكۇ ۋەلەھۇل ھەمدۇ ۋەھۇۋە ئەلا كۇللى شەيئىن قەدىر. ....    ئۇ دۇئانى تەكرارلاۋېتىپ ئاستا-ئاستا غەلىتە سېزىم ئىچىدە قالدىم  ۋە ھوشۇمنى يەنە  بىر قېتىم يوقاتتىم .

oxkantag

	ئەسلى ئەسرىڭىز تۈگەشتىن بۇرۇن ئىنكاس يېزىش ئويۇم يوق ئىدى. لىكىن يىقىندا يوللللىغان ئىككى باپ ماڭا بەك تەسىر قىلدى. سىز ناھايىتى ياخشى ئۇسۇلنى تاللاپ(ھەم ئوقۇرمەنلەرنى قىززىقتۇردىغان، ھەم پەننىي ئېلىم ،ھەم دىننىي ئىلىم ئەكىس ئەتكەن )،دادىللىق بىلەن كەڭ ئوقۇرمەنلەرنى كۆپ بىلىملەرگە ئىرىشتۈردىڭىز. ئىلگىرى ھىچكىم بىزنىڭ ئىتقادىمىزنى بۇنداق دادىل ،ئىلمى ئۇسۇلدا شەرھىلەپ باقمىغان ئىدى. نۇرغۇن زىيالىلار بۇ ھەقتە قەلەم تەۋرىتىشكە جۈرئەت قىلالمىدىمۇ، ياكى ئەدەبىيات بىلەن دىننى بىرلەشتۈرۈشنىڭ خۇراپىلىق دەپ بىلدىمۇ،ۋەياكى ۋەزيەتنى ئۆتكۈر بىلىپ بىزنىڭ مەڭڭۈ ۋازكەچكىلى بولمايدىغان شۇ ھەقىقەتنى بايان ئەيلەشتىن تەپ تارتىپ  بىسىشقا جان  مەتپۇئاتلىرىمىز جۈرئەت قىلالمىدىمۇ ۋەياكى.......      ئاخىردا دەيدىغىنىم سىز بۇ ھەقتە يەنىمۇ ئىزدىنىڭ ،ھەم ئالدىراق سانلىقتىن ساقلىنىڭ،بولسا ھەنىفە مەزھەپىنىڭ بىرقىسىم ياشلىرىمىز بىلمەي تەرىك ئەتكەن ، ئىختىلاپلارنى كەلتۈرۈپ چىقارغان ئورۇنلىرى ھەققىدە ئىزدىنىپ ئەسەرگە شۇ بايانلارنى سىڭدۈرگەن بولسىىز، بىلمەي باشقا مەزھەپلەرنى قۇبۇل قىلۋاتقان ياشلارغا ئىككى مەزھەپتە ماڭسا بولمايدىغانلىقىدەك بايانلار شۇ بىلىملەرگە ئەسرىڭىزدىن ئورۇن بەرگەن بولسىڭىز!!! ئاخىردا ئۇلۇغ ئاللاھتىن  ئەجرىڭىزگە ساۋاپ تىلەيمەن!!!

lazinaa

	داۋامىغا تەشنا بىز

oztekin

	بۇ بابنىڭ يوللىنىشى نېمىدىن دېرەك بېرىدۇ؟ تەپسىلات تولىمۇ قىسقا. ئەمما كىچىككىنە بىر دەستە نۇرنى كۆرگەندەك تۇيغۇغا كەلدىم. يەنە بىر تەرەپتىن ئەسەر بىھۇدە بايانلارغا ئېغىپ كېتىۋاتامدۇ قانداق؟ دېگەن ئۈمىد سىز خىيالنىمۇ قىلىپ ئۈلگۈردۈم. قېنى، ئاپتورىمىز دائىم ئويلىمىغان يەردىن چىقىپ بىزنى ھەيران قالدۇرىۋاتىدۇ، كېيىنكى بابلىرىغا قاراپ بىر نېمە دەرمىز. قەلەملەر ھارمىغاي.