ئەڭ يېڭى ئىتوت« چاچ ياسىتىش سالونى»

arslan

بۇ يېڭىدا ئۆتكۈزۈلگەن مەشرەپ پروگراممىسىدا داڭلىق ئايال ئاكتىيورلىرىمىز ئورۇنلاپ چىققان <<چاچ ياسىتىش سالونى>>ناملىق ئىتوت ئىكەن،بايام كۆرۈپ چىقتىم،سىلەرنىڭمۇ كۆرگەچ ئىتوتتىكى ئەھۋاللارنى ئانچە - مۇنچە مۇنازىرە قىلىپ ئولتۇرىشىڭلارنى كۆزدە تۇتۇپ مۇنبىرىمىزدىكى بارلىق دوستلارغا سۇنغۇم كەلدى.

bargiya

مەنمۇ كۆرۈپ كۆپ نەرسىلەرنى ئويلىغان. ماڭا بۇ ئېتۇت بەكلا ياقتى. يەنە بىر كۆرۈپ چىقاي!!

maraldolan

ياخشى ئىكەن ، ئەتتىگەندە كۈرۈۋەتتىم، رەھمەت سىزگە

huxrui

بۇ ئىتۇت بەك ياخشى ئىكەن ، بىز ئاياللارغا شۇكرى - قانائەت،مىھرى شەپقەت،ۋاپادارلىقدىن ئۇلگە بېردىكەن،بىز ئاياللار ھەقىقەتەن قانائەتچان ،كەڭ قوساق كېلمىز .ئائىلمىزئۈچۈن شۇنچىلىك كۆ پ بەدەل تولەيمىز يۇ، ئەمما مىننەت قىلمايمىز .لېكىن بۇ ئىتۇتتا دىيىلگىندەك ھازىرقى ئەرلەرنىڭ كۆ پىنچىسدە ئىنساپ قالمىغىلى تۇردى، ئىنسان قېلپىدن چىققان بىر قىسىم قىزلىزمىز، ئائىللىك ئەرلەرنىڭ قوينىغا ئوزنى ئېتىپ ، ئىناق ئائىلنىڭ بۇزىلشىغا،ئوماق سەبى باللارنىڭ يىتىم بۇلشىغا سەۋەپچى بۇلۋاتدۇ. ئاللاھ بارلىق ئىنسانلارنىڭ كوڭلىگە ئىنساپ بەرسۇن.

urukjan

بۇ ئېتوتتىن ھېچنىمىنى چۈشەنمىدىم.

تەبىئىيلىك بىلەن سۈنئىيلىك ،چاكىنىلىق بىلەن ئىجتىمائىي ئەخلاق ؛ ئەنئەنە بىلەن زامانىۋىي تەنتەنە زىچ گىرەلىشىپ  <تەلىم-تەربىيە ساتراچخانىسى>نى شەكىللەندۈرۈپ چىقىپتۇ.
ئارتىسلارنىڭ رول ئېلىشى ياخشى بولسىمۇ ، ئېتوتنىڭ رېئالىستىك قىممىتى بەك تۆۋەن.

ئىشقىلىپ ، ئېتوتكەن.

hokumran

تۇرمۇشىمىزدىكى بەزەن ئىللەتلەرنى قامچىلىغان ئىتوت ئىكەن . پەقەت ئۆز خاسلىقىمىزنى يوقاتمىساقلا  باشقىلارنىڭ ھۆرمىتىگە ئېرىشىلەيمىز .

مۇبارەك

شۇ گازىر چاغلىق سوۋغاتلىق ئۈچۈن، <بىكارلىق نەرسىلەر> دەپ نۇرغۇن بەدەللەرنى تۆلەپ قېلىشى مۇمكىن...

قۇربان ھېيىتلىق سەنئەت كېچىلىكىدىمۇ بۇنداق ياخشى ئېتوتنى كۆرگەندەك قىلمىغانتىم، ئوبدان مەشرەپلەر بولىۋېتىپتۇ. گۈلجامال مەتنىيازنىڭ ئالغان سىرتقى ئوبرازى كىشىنى بىرخىل تەبىئىيلا جەلب قىلىدۇ-ھە...ئاپرېل سەمەت چىققان ئىتوت زادى قىززىيدۇ مەنچە.

kanhor

مەن بۇ ئىپىزوتنى تېلېۋىزوردىنمۇ كۆرگەن.پىرسۇناژلارنىڭ رول ئېلىش ماھارىتىدىن قارىغاندا ئۆزئارا ماسلىشىشى  بىر قەدەر ياخشى بولغان.ئەگەر بۇ ئىپزوتتىن ئىدىيە ئىزدەشكە توغرا  كەلسە جەمىيتىمىزدىكى بىر قىسىم ئەرلەرنىڭ ئايالىنى ھۆرمەتلىمەسلىك.قەدىرلىمەسلىك،سىرتقا قاراشتەك ناچار ئىللەتلەر پاش قىلىنىش بىلەن بىرگە بىر قىسىم قىز-ئاياللىرىمىزدىكى ياسىنىش،گىرىم قىلىشنى چېكىدىن ئاشۇرىۋېتىشتەك ئىللەتلەر قامچىلانغان دىيىشكە توغرا كىلىدۇ.بۇ ئىپىزوتتا ئوقۇغۇچى رولىدنى (ئېسىۋالغان سومكىسىن شۇنداق چۈشەنجىگە كەلدىم)ئالغان ئامىنە ئابدۇللانىڭ چاچ پاسۇنى،كىيىنىشى،ئەڭ موھىمى سۆز-ھەركىتى رېئاللىقتىنلا ئەمەس بەلكى بەدىئىي توقۇلمىدىنمۇ خېلىلا ئېشىپ كەتكەن.ئەگەر بىز ئۇ پىرسۇناژنى ئوقۇغۇچى دېسەك مەيلى تولوق ئوتتۇردا ئوقۇسۇن،مەيلى ئالىي مەكتەپتە ئوقۇسۇن بىر ئىلمىي تەربىيە كۆرگەن ئۇيغۇر قىزى ئەمەس بەلكى كوچىغا چىكەتكەن ئاتالمىش قىزلارنىڭ ئوبرازىنى ياراتقان.چۈنكى بۇ پىرسۇناژدا چوڭلاردىن نە تارتىنىش،نە چوڭلارنى ھۆرمەتلەش،قىزلىق شەرمى-ھايادىن ئەسلا سۆز ئاچقىنى بولمايدۇ.ئاخىرقى ھېساپتا بۇ پىرسۇناژنىڭ ئۆسۈپ يىتىلىشىگە بىۋاستە تەسىر كۆرسەتكەن ئانىسى،مەكتەپ ۋە جەمىيەتنىڭمۇ ئېغىر مەسئۇلىيىتى بارلىقنى بولۇپمۇ ئانىسىنىڭ قىزنىڭ ئەشۇنداق لۇكچەك،شەرمى-ھاياسىز،ئۆسۈپ يېتىلىشىدە بىۋاستە مەسئۇلىيىتىنىڭ بارلىقىنى چۈشەندۈرىدۇ.قىزنىڭ يا ئاپىسىدىن يا ساتىراچخانىدىكى ھەدىلىرىدىن ھىچقانداق تارتىنماي تاپانچىنىڭ ئوقۇدەك سۆزلەۋاتقان قىزنىڭ  چېچىنى ئادەتتىكىچە ياسىتىش توغرىسىدا ئىدىيىسىگە ھىچقانداق بىر ئىش تەسىر قىلمىغان تۇرۇقلۇق بىردىنلا (مەن چېچىمنى ياسىتىمەن)دەپ يۈرۈپ كىتىشى رئىئاللىق بولماستىن بەلكى ئەسەر ئاپتۇرىنىڭ سوبىكتىپ چۈشەنجىسىدىنلا ئىبارەت.ئۇ قىزنىڭ بىردىنلا ۈئىددىيدە 90گىرادۇس بۇرلۇش ياساپ ئۆزگىرىشى ئۇ قىزنىڭ خاراكتىر ئالاھىدىلىكىنى ھەقىقىي يورتۇپ بېرەلمىگەن.يانا بىر پىرسۇناژ-ھەقىقىي ئۇيغۇر ئاياللىرىغا خاس كىيىنگەن،ئۇزۇن چاچلىق ئايالنىڭ ئۇزۇن چېچىنى ئالدۇرۋەتمەكچى بولۇپ كېلىپ،ساتىراچخانىدىكى ئاياللارنىڭ بىر قانچە ئېغىز ياغلىما سۆزلىرىنى ئاڭلاپلا دەرھال ئىددىيدە ئۆزگۈرۈش ياساپ،يولودىشىدىن يىگەن تاياقلقرىنى بىردىنلا ئۇنتۇپ كېتىپ چېچىنى ئالدۇرماسلىق قارارىغا كېلىشىنى بىر قىسىم گول كۆرۈرمەنلەر قوبۇل قىلغىنى بىلەن تۇرمۇشنىڭ نازۇك تەرەپلىرىنى ئەقىل كۆزى بىلەن كۆرىدىغان ئادەملەرنىڭ خارەكتىرىنى بولۇپمۇ يولدىشىدىن تاياق يەپ قاتتىق خورلانغان ئاياللارنىڭ چىقارغان قارارىدىن ئالدىراپ يانمايدىغانلىقىنى چۈشىنىدۇ.بۇ نوقتىدىن ئالغاندا ئۇ چېچىنى ئالدۇرۋېتىش قارارىغا كەلگەن ئايال ئوبرازى مۇھەپپىقىيەتلىك يارىتىلمىغان.بۇ مېنىڭ قاراشلىرىم.بۇ ھەقتە ئاپتۇرنىڭ ياكى باشقا ئوقۇرمەنلەرنىڭ باشقىچە قارشى بولسا ئوتتۇرىغا قويۇپ كەڭ كۆرۈرمەن ،ئوقۇرمەنلەرنى قايىل قىلىشىنى شۇنداقلا ماڭا تەنقىدىي پىكىر بېرىشىنى ئۈمۈت قىلىمەن.

kumush

ئىتوتقا كىنوغا، رومانغا قويغان تەلەپنى قويساق بولمايدۇ. 18 مىنۇتلۇق ئىتوتتا بىر ئادەمنىڭ كاللىسىدىكى مۇرەككەپ ئىدىيە كۈرىشىنى ئىپادىلەپ بەرگىلى بولۇشى مۇمكىن ئەمەس. ئىتوت نۇقتىسىدىن ئالغاندا ياخشى ئىتوتكەن.

heman11

ئۆزى تېخى بىر ئىش قىلالمىغان ، بىر نەرسە باھالاڭ دېسە مەن ھېچنىمىنى چۈشىنەلمىدىم دەيدىغان ئالامەت ئىنسانلىرىمىز بار جۇمۇ،ھەي ئىنسانلار،ھەي ئىنسانلار...ئىشقىلىپ ئېتوتكەن دەپ باھا بىرىشلىرىڭىزنىڭ سەۋەبىنى بىزگە ئابىستىراكىت گەپ قىلماي رىئالىستىك قىممىتىنىڭ تۆۋەنلىكىنى ئېنىق كۆرسىتىپ سۆزلەپ بەرمەمسىز ئۆرۈكجان؟

18 مىنۇتلۇق ئىتوتتا ھەرخىل تىپتىكى ئاياللار ئوبرازىنى ئىپادىلەپ بىرىپتۇ،مىڭ سۆزلىگەندىن ئەمەلىي سۆككەن ئەۋزەلدۇر،قۇلاققا خوشياقماس تور ھېكايىلىرىدىن مۇشۇ ئىتوت مىڭ ئەۋزەل ئىكەن.