ئابلەت ئابلىكىم بىلەن ئەلكۈيى تورىدا سۆھبەت

umidwar

توغراق كۈيچىسى،تەكلىماكان ئوغلى ئابلەت ئابلىكىم بىلەن ئەلكۈيى تورىدا سۆھبەت

ئەسسالامۇئەلەيكوم ئەلكۈيى تورىنىڭ مۆھتىرەم كۆرۈرمەنلىرى ۋە بارلىق تورداشلار ئالدى بىلەن ھەممىڭلارغا تورىمىز ۋە شىركىتىمىز نامىدىن چوڭقۇر سالام يوللايمىز،ئەجىر ۋە مىھنەت يولىدا باسقان ھەر بىر قەدىمىڭلاردىن تۈمەنلىگەن گۈللەر ئۈنگەي،ئاللاھ ئىشلىرىڭلارنى تېخىمۇ ئاسان قىلىشىنى تىلەيمىز.
ئەجىر ۋە مىھنەت ، جاپالىق تىرىشچانلىق،قەتئىي تەۋرەنمەي يۈكسەك ئىرادە بىلەن تىرىشىش،ئۆز ئەمگىكىنى خەلقىنىڭ بۈگۈنىگە،ئەتىسىگە ، كىلەچىگە ئاتاپ،قەلبىگە يۈكسەك ئارمانلارنى پۈككەن ئوغلانلارغا خەلقىمىز ئەزەلدىن ھۆرمەت تۆرىدىن ئورۇن بەرگەن.مەنىۋىي تۇرمۇشىمىزغا ئۆزىنىڭ كەسىپكە بولغان ئوتتەك ئىشتىياقى بىلەن پەردە ئارقىسىدا تۇرۇپ بىزگە شىرىن بال -ھەسەللەرنى ئاتا قىلىپ كىلىۋاتقان،خەلقىمىزنىڭ خۇشاللىقىنى،قايغۇسىنى،ئۈمىد-ئارزۇلىرىنى مۇزىكا ئارقىلىق ئىپادىلەپ قەلبىمىزنى لەززىگە كەلتۈرىۋاتقان شىنجاڭ سىرك ئۆمىكىنىڭ كومپىزوتورى،توغراق كۈيچىسى،تەكلىماكان ئوغلى ئابلەت ئابلىكىم تىلغا ئېلىنغاندا بىز ئىختىيارسىز ھالدا بۇ ئوغلانىمىزنىڭ خەلقىمىزگە ئاتا قىلغان تۆھپىسىدىن سۆيۈنمەي ئۇنىڭغا ھۆرمەت ئىھتىرامىمىزنى بىلدۈرمەي تۇرالمايمىز.بىز بۈگۈنكى ئەلكۈيى ئېكرانىنىڭ يېڭى سانىغا داڭلىق كومپىزوتور،تونۇلغان ناخشىچى ئابلەت ئابلىكىمنى ئالاھىدە تەكلىپ قىلىش ئارقىلىق <<ئابلەت ئابلىكىم بىلەن ئەلكۈيىدە سۆھبەت>>نامىدىكى يېڭى سان زىيارىتىمىزنى تورداشلارغا تەييارلىدۇق.

بۇ قېتىملىق زىيارەت ھەققىدە ئالاھىدە تىلغا ئېلىشقا ئەرزىيدىغان يەنە بىر نوقتا شۇكى : خەلقىمىزگە ئابدۇللا ئابدۇرېھىم،ئابلەت ئابلىكىم،مۆمىنجان ئابلىكىمگە ئوخشاش مۇشۇنداق ياراملىق ئوغلانلارنى تەربىيلەپ يىتىشتۈرگەن ئابدۇرېھىم ئابدۇللا جەمەتى شۇنداقلا ئابلەت ئابلىكىمنىڭ ئاتا-ئانىسى ئابلىكىم ئابدۇرېھىم ..قاتارلىقلار بىلەن بۇ ھەقتە تېخىمۇ چوڭقۇر چۈشەنچىلەرگە ئېگە بولۇش شۇنداقلا تورداشلار بىلەن بۇ پەرىشتە سۈپەت كىشىلەرنى ئۇچراشتۇرۇش مەقسىتىدە بىز بۇ يىللىق قۇربان ھېيت مەزگىلىدە مارالبېشى دىيارىنىڭ تۇمشۇق شەھىرىگە بېرىپ ئابلەت ئابلىكىمنىڭ ئاتا-ئانىسى ۋە چوڭ ئۆيىدىكى تاغىلىرى بىلەن سۆھبەتتە بولۇپ،بۇ ئائىلىنىڭ سەنئەت بىلەن بولغان ئالاقىسى ، ئۇلارنىڭ ئۆزلىرىنىڭ بالىلىرىغا بولغان باھاىسى ۋە ئۈمىدىنى سۆھبەت شەكلىدە سىنغا ئېلىپ مەزكۇر زىيارەت بىلەن بىرگە ئېلان قىلدۇق.

زىيارەت جەريانىدىكى رەسىملەردىن ئارىيەلەر

زىيارەت جەريانىدا توغراق كۈيچىسى،تەكلىماكان ئوغلى ئابلەت ئابلىكىم ئۆزىنىڭ كىچىكلىكىدىكى ئىش-ئىزلىرى،مۇزىكا ۋە سەنئەتكە كىرىشىش جەريانىدىكى قەدەملىرى،بىر ناخشىچىنىڭ قانداق قىلغاندا خەلق ئېتىراپ قىلغۇدەك،باشقىلارغا يارىغۇدەك ناخشىچى بۇلالايدىغانلىقى ھەمدە ئۆزىنىڭ نۆۋەتتىكى ئىش-ئىزلىرى،يېقىندا بېيجىڭ مۇزىكا ئىنىستىتوتىدا ئوقۇش جەريانىدا ھىس قىلغانلىرى،ئۇيغۇر تور بېكەتلىرى ۋە تورداشلارغا بولغان قاراشلىرىنى مول مەزمۇنلۇق پىكىرلىرى بىلەن ئوتتۇرىغا قويدى.

ئابلەت ئابلىكىمنىڭ دادىسى ئابلىكىم ئابدۇرېھىم(ئابدۇللا ئابدۇرېھىمنىڭ ئەڭ چوڭ ئاكىسى) ۋە ئابلەت ئابلىكىمنىڭ ئانىسى بۇ ئايشەم ئابلا  تۇمشۇقتىكى ئۆيىدە ئەلكۈيى تورىنىڭ زىيارىتىنى قوبۇل قىلماقتا

ئابلەت ئابلىكىمنىڭ دادىسى ئابلىكىم ئابدۇرېھىم ئەلكۈيى تورى زىيارىتى جەريانىدا تەلەپ بويىچە ئازراق ساز چېلىپ بەردى

ئابلەت ئابلىكىمنىڭ چوڭ تاغىسى ئەنۋەر ئابدۇرېھىم قۇربان ھېيت مەزگىلىدە مارالبېشى تۇمشۇقتىكى ئۆيىدە ئەلكۈيى تورىنىڭ زىيارىتىنى قوبۇل قىلماقتا

ئابلەت ئابلىكىمنىڭ ئىككىنچى تاغىسى شىرئەلى ئابدۇرېھىم تۇمشۇقتىكى ئۆيىدە ئەلكۈيى تورىنىڭ زىيارىتىدە

ئەلكۈيى تورىنىڭ قۇرغۇچىسى،ئەلكۈيى تور تېخنىكا چەكلىك شىركىتىنىڭ باش دېرىكتورى مەمەتجان ئۈمىدۋار ئابلەت ئابلىكىم بىلەن بىرگە ئەلكۈيى شىركىتىدىكى زىيارەتتىن كىيىن خاتىرە سۈرەت قالدۇدى

ئەلكۈيى شىركىتىدىكى مەمەتجان ئۈمىدۋار،مەۋلان قاتارلىق بىرقىسىم خىزمەتچىلەر ئابلەت ئابلىكىم بىلەن بىرگە

ئابلەت ئابلىكىم بىلەن ئەلكۈيى تورىدا سۆھبەت

ئابلەت ئابلىكىم بىلەن ئەلكۈيى تورىدا سۆھبەت

بۇقېتىملىق سۆھبەت قانداقتۇر بىر سەنئەتكار،مۇزىكانت بىلەن سەنئەت ھەققىدە ئۆتكۈزۈلگەن زىيارەت بولماستىن، بىلىم ئىگىلىكى،ئۇچۇر ئىگىلىكى دەۋرىدە سەنئەت كەسپىدىكى كىشىلەر نىمىلەرگە دىققەت قىلىشى لازىملىقى ، مىللىتىمىز زىيالىيلاردىن نىمىلەرنى تەلەپ قىلىدۇ؟ھەرقايسى كەسىپتىكى ئۇستازلىرىمىز دەۋرىمىزدە باشقىلارغا قانداق ئۈلگە بولىشى كېرەك دىگەنگە ئوخشاش مەسىلىلەر كەسىپ،ئائىلە،مىھىر-مۇھاببەت ۋە ئىنسانىي بۇرچ تۇيغۇسىنى چۆرىدىگەن ھالدا ئوتتۇرىغا قويۇلدى دەپ قارايمىز،گەرچە ئابلەت ئابلىكىم بىلەن ئۆتكۈزۈلگەن زىيارەت بىر قانچە سۇئاللارنى چۆرىدىگەن ،ئۇنىڭ ھاياتى ،ئىش-ئىزلىرىنى ئاساس قىلغان بولسىمۇ، سۆھبەت توردا ئېلان قىلىنغاندىن كىيىن ھەر بىر تورداشنىڭ كاللىسىدا ئەكىس ئەتكەن پىكىرلەر ئوخشاش بولماسلىقى مۇمكىن،تورداشلىرىمىز زىيارەت فىلىمنى كۆرۈپ چىققاندىن كىيىن ھىس قىلغانلىرىنى ،ئابلەت ئابلىكىمگە بولغان كۆڭۈل سۆزلىرىنى قالدۇرسا ئىنكاسلاردىن تامغان بال ھەسەللەردىنمۇ نۇرغۇن تورداشلار ھۇزۇر ئېلىپ قېلىشى ئېنىق گەپ.
ئاخىرىدا بىز ئەلكۈيى تورى ۋە تورداشلار نامىدىن بېيجىڭدا مۇزىكا كەسپى بويىچە داۋاملىق ئالىي مەكتەپتە ئوقۇۋاتقان ئوغلانىمىز ئابلەت ئابلىكىمنىڭ ئوقۇشىغا زور نەتىجە ، تېنىگە ساق-سالامەتلىك ۋە كەسىپ يولىدا باسقان ھەر بىر قەدىمىگە ئالەمچە مۇۋەپپەقىيەت تىلەش بىلەن بىرگە ئۇيغۇر مۇزىكا سەنئىتىگە بۇنىڭدىن كىيىن يەنىمۇ گۈل - دەستىلەرنى سونىشىغا چىن دىلىمىزدىن تىلەكداشلىق بىلدۈرىمىز.

كامالىي ئېھتىرام بىلەن :

ئەلكۈيى تور تېخنىكا چەكلىك شىركىتى

ئەلكۈيى تورى ئەلكۈيى ئېكرانى كوللىگىيەسى

ئەلكۈيى تور بېكىتى

2012-يىلى كۆنەك ئېيىنىڭ 5-كۈنى

yarkn

ئەلكۈيىنىڭ كىيىنكى قەدەملىرىگە ۋە ئابلەت ئابلىكىم  ئاكىمىزنىڭ كىيىنكى ئىشلىرىنىڭ تېخىمۇ ئۇتۇقلۇق بولىشىغا تىلەكداشمەن .
ئابلەت ئابلىكىم ئۇيغۇر خەلقىنىڭ ھۆرمەتكە سازاۋەر ئىجادچىسى ، ناخشىچىسى .  ئابلەت ئابلىكىم ئاكىمىزنىڭ ئائىلىسىگە بەخىت، ئىشلىرىغا ئۇتۇق، خىزمەتلىرىگە روناق، تېنىگە سالامەتلىك تىلەيمەن . شۇنداقلا مىلىىتىمىزنىڭ ئەنئەنىلىك ئېسىل مەدەنىيەتلىرى مۇجەسسەم ئەسەرلەرنى سەھنىگە ئېلىپ چىقىشقا تېخىمۇ كۈچىشىنى تولىمۇ ئۈمۈت قىلىمەن .  خەلقىمىز  ‹‹مەشرەپ›› كەبى ئىسىل ئىجادىيەتلەردىن روھى ئوزۇق ۋە غورور تاپقۇسىدۇر .

hey

ئابلەت ئابلىكىم ئاكىمىز ئىشتىراك قىلغان 2010-يىللىق بېيجىڭدىكى ئۇيغۇر ئوقوغۇچىلار ئۆتكۈزگەن نورۇز پائالىيىتىگە ئاتايىن شاڭخەيدىن بېرىپ قاتناشقان ئىدىم ، ئابلەت ئاكام شۇ ۋاقىتتا مەيداندىن چاڭ چىقىرىۋەتكەن ، ئۇنىڭ ناخشا ئورۇنلىغاندىكى ھالىتىنى مەن ئۇيغۇر ناخشىچىلاردىن تاغىسى ئابدۇللا ئابدۇرىھىم ئاكىمىزدىن باشقا ناخشىچىلاردا كۆرۈپ باقمىدىم ، بىرخىل پۈتۈن ۋۇجۇدىدىن چىقىدۇ ئاۋاز.
شۇ نورۇزدىن يىنىپ كىلىپ شاڭخەيدە بىر چەتئەلدىن ئوقۇشتىن دەم ئىلىشقا كىرگەن بىر ئۇيغۇر ئوقوغۇچى بىلەن سۆھبەتلىشىپ قالغان ئىدى ، ئۇنىڭغا بېيجىڭدىكى مەنزىرىلەرنى تەسۋىرلەپ بېرىشىمگىلا شۇنچىلىك ھاياجاندا ئۆزىنىڭ ئابلەت ئابلىكىم ئاكىمىزغا بولغان ھۆرمىتىنى سۆزلەپ كەتكەن ئىدى ، ئۇنىڭ دىيىشىچە ئۇ ئۈرۈمچىدە تولۇق ئوتتۇرىدا ئوقۇۋاتقان ۋاقىتلىرىدا ھەركۈنى ئابلەت ئابلىكىم ئاكىمىزنىڭ بالىلىرىنى مەكتەپكە ئىلىپ كىتىدىغانلىقىنى ، شۇنچىلىك ئاتىلىق بۇرچنى ئەستايىدىللىق بىلەن ئورۇندايدىغانلىقىنى ، يولدىكى كىشلەرگە تەبەسسۇم بىلەن سالام بېرىشلىرىنى ئۆزىنىڭ بۇ سەنئەتكارىمىزغا شۇنچىلىك ھۆرمىتى بارلىقىنى سۆزلەپ بەرگەن ئىدى.
بۈگۈن ئەلكۈيى تورى باش بېتىنى ئېچىپلا بۇ سۆھبەتنى كۆرۈپ شۇ دوستىمىز ۋە بېيجىڭدىكى مەنزىرىلەر كۆز ئالدىمغا كەلدى. ئابلەت ئابلىكىم بىلەن يۈزتۇرانە سۆھبەتلىشىپ باقمىغان بولساممۇ مانا بۈگۈن ئەلكۈيى تورى ئارقىلىق سۆھبەتلىشىش پۇرسىتىگە ئىگە بولغىنىمدىن ئىنتايىن ھاياجانلانماقتىمەن.
قالغان كۆز-قاراشلىرىمنى كۆرۈپ بولغاندىن كىيىن ئوتتۇرىغا قوياي.

yusupjan5

ئابلەت ئەپەندىم قەلىمى ئاستىدىكى ‹ئۇۋالىم› ‹سېغىنىمەن› ‹پىراق› قاتارلىق  نادىر ئېسىل كۈيلەرنى ئاڭلاپ-ئاڭلاپ قانمايمەن.
بۇندىن كېيىنكى ئىشلىرىڭىزغا ئۇتۇق-نەتىجە،ئائىلىڭىزگە شات -خۇراملىق تېنىڭىزگە سالامەتلىك تىلەيمەن.
ئېسىل كۈيلىرىڭىز ئۈزۈلۈپ قالمىغاي.

bedar

ئابلەت ئابلىكىم ئاكىمىزنىڭ تالانتىغا قول قويىمەن،ئىجادىيەتلىرىنىمۇ  بەك ياقتۇرىمەن.بۇ تالانتلىق كومپىزوتىرىمىزنىڭ بۇندىن كېيىنكى ئىشلىرىغا ئۇتۇق تىلەيمەن!

2xahdiyar

ئەسسالامۇ ئەلەيكۇم ئەلكۈيداشلار:كەمىنە شاھىدىيار ئوغلىدىن ھەممىڭلارغا ئوتلۇق سالام !
ئەتىگەندە ئشىقا كىلىپلا قارىسام تالانتىلىق كومپوزىتور ئابلەت ئابلىكىمنىڭ زىيارىتى شۇنىڭ بىلەن دەرھاللار كۆرۈپ چىقىش ئىستىكىدە بولۇپ دەرھاللا كۆرۈپ چىقتىم .شۇنىڭ بىلەن تالانتىلىق كومپوزىتور ئابلەت ئابلىكىم توغۇرلۇق بىلگەنلىرىمنى ئەسلەپ قالدىم .نۇرغۇن كىشلىرىمىزدىن ئاڭلىشىمچە  ئاڭلاشلارغا قارىغاندا خەلقىمىز ئىچىدىن مۇشۇ كەمگىچە ئەلگە تونۇلغان ئەلنى سۆيگەن ،ئەلمۇ سۆيگەن  ياش مۇزىكانت جەھەتتە ھازىرغا قەدەر ئەل ئېتراپ قىلغىدەك كومپوزىتوردىن پەقەت ئابلەت ئابلېكىم بار دەپ ئاڭلىدىم ھەم بىلدىم دېمىسمۇ ھازىرغا قەدەرمۇ ئەل ئېتراپ قىلغىدەك ئەلنىڭ كۈيلىرىنى ئىجاد قىلۋاتقان يەنىلا شۇ ياش كومپوزىتور ئابلەت ئابلكىم  ئىكەن .
ئەلكۈيى تورىنىڭ تالانتىلىق مۇزىكانت ئابلەت ئابلېكىمنى زىيارەت قىلىش جەريانىدا ئابلەت ئابلىكىمنىڭ سۆزلەش ۋە  پىكىر قىلىش يوللىرى ھەقىقەتەن بىر مۇزىكانىتتا بولۇشقا تېگىشلىك ساپاۋە بىلىمنى ھازىرلىغان ياش مۇزىكانت ئىكەنلىكنى بىلگەندەك بولدۇم .ئاخىردا ئابلەت ئابلىكىم ئائىلىسىگە ھەم ئۇنى بېقىپ تەربىيلەپ ياراملىق پەرزەنت  قىلىپ قاتارغا قوشقان مېھنەتكەش ئاتا-ئانىسغا سالامەتلىك تىلەيمەن. بۇنىڭدىن كېيىنمۇ ئۇيغۇر مۇزىكا ساھەسىدە تېخىمۇ زور نەتىجىلەرنى قولغا كەلتۈرشىڭىزنى ئۈمىد-قىلمەن.

ئودغۇرمىش

نسەئەتكارلىرىمىز ئارىسىدا ئابلەت ئابلىكىم ئەپەندىنى بەكلا ھۆرمەتلەيمەن. ئۇنىڭ سەنئەت جەھەتتىكى تالانتىلا ئەمەس، ئۆزگىچە سالاپەت، سەنئەتكارلارغا خاس ئەخلاق،  تارىخ ۋە مەدەنىيىەت جەھەتتىكى بىلىملىرىگىمۇ قايىل بولىمەن.
1. سەنئەتكار چوقۇم ئۇنۋېرسال بىلىم ساپاسى ھازىرلىغان بولىشى كىرەك.
2. ئاۋاز ئىلمى ۋە باشقا سەنئەت ئىلمىنى پۇختا ئىگەللىگەن بولىشى كىرەك.
3.تەبئىي سەنئەت تالانتى بولىشى كىرەك...
يۇقارقىلاردىن كۆرېۋىلىشقا بولىدۇكى: ناخشا ئىيىتقاننىڭ ھەممىسى ناخشىچى ئەمەس، ئۇسۇل ئوينىغاننى ھەممىسى ئۇسۇلچى ئەمەس.

ئابلەت ئابلىكىم ئاكىنىڭ بۇندىن كىيىنكى ئىشلىرىغا ئۇتۇق، تۇرمۇشىغا خاتىرجەملىك، پەرزەنتلىرىگە مىللىي ئۆزلۈك تىلەيمەن.
شۇنداقلا ئەلكۈيى تورىنىڭ بۇ قېتىمقى زىيارەت ئارقىلىق بىزلەرنى داڭلىق كىشىلىرىمىزنىڭ تۇرمۇشىغا يىقىنلاشتۇرغىنىغا رەھمەت ئىيتىمەن. لېكىن بۇ قېتىم رىياسەتچى قىزنىڭ باش كىيىمى چۈشۈپ قاپتۇ، بەلكىم ھاۋا بەك ئىسسىق بولغاچقىدۇ. مەن ئويلايمەن، ھېچ بولمىسا ئۆزىمىزنىڭ تاراتقۇلىرىدا بولسىمۇ مىللىي ئەنئەنىلىرىمىزنى گەۋدىلەندۈرۈشكە تىرىشقان بولساق.

تولۇقلىما مەزمۇن (2012-12-6 12:07):
ئەتلەس كۆينەك بىلەن يالاڭباش تۇرسا قەتئىي ماسلاشمىغۇدەك، راسلا....

alfira420

بۈگۈن ئەلكۈيى تورى ئارقىلىق ئاتاقلىق كومپىزوتورىمىز ئابلەت ئابلىكىمنى تېخىمۇ چوڭقۇر چۈشەندىم...
  ئابلەت ئاكىمىز ئەسلىدە مائارىپچى ئىكەن ئەمەسمۇ....  ئابلەت ئاكىمىزنىڭ ئۆزى ئېيتقان ناخشلىرى بەك جىق بولمىسىمۇ لېكىن قەلىمى ئاستىدا پۈتكەن كۈيلەر نۇرغۇن ئىدى ...  ئۇنىڭ ئىجادىيەتلىرى ھەممە كىشىلەرنىڭ ياقتۇرىشىغا ئېرىشىپ كېلىۋاتقان ھېلىھەم ئابلەت ئاكىمىز ھەممىمىزنىڭ كۆڭلىدە چوڭقۇر ئورۇن ئېلىپ كېلىۋاتىدۇ.
بىر كىشىنىڭ نەتىجە قازانمىقى ئاسان ئەمەس لېكىن خەلق كۆڭلىدە مەڭگۈ ئورۇن ئېلىش تېخىمۇ قېيىن... لېكىن بۇنى ئابلەت ئاكىمىز قىلالىدى دەپ ئويلايمەن... گەرچە ئۆزى ئېيتقان ناخشىلىرىدىن ئىجادىيەتلىرى كۆپرەك بولسىمۇ خەلق يەنىلا شۇ ناخشىلارنىڭ ئىجادىيەتچىسىنى ئۇنتۇپ قالغىنى يوق.....
ئابلەت ئاكا، قەلىمىڭىز توختاپ قالمىسۇن،  ئىشىنىمەن قەلىمىڭىز بىلەن يەنە نۇرغۇن ياخشى كۈيلەر پۈتۈپ چىقىدۇ، كەسىپتە تېخىمۇ ئۇتۇق قازىنىشىڭىزنى تىلەيمەن.  ئىجادىيىتىڭىزدىن باشقا يەنە شۇ ئاۋازىڭىزنى تېخىمۇ كۆپ ئاڭلاپ تۇرۇشنى ئۈمىد قىلىمەن. ئاخىرىدا ئىشلىرىڭىزغا ئوڭۇشلۇق تىلەيمەن... ئاللا ئىشلىرىڭىزنى بەرىكەتلىك قىلسۇن````
ئەلكۈيى تورىغىمۇ رھمەت..... ئاللا سىلەرنى بەرىكەتلىك قىلسۇن.... تېخىمۇ روناق تاپقايىسىلەر

akattrgvl

سەنئەتكارلارنىڭ ئىچىدە خېلى قايىل قىلارلىق ،تەسىرى كۈچى بار ئارتىس دەپ بىلىمەن بۇ كومپىزىتۇر ئاكامنى،خېلى ئادەمنىڭ چاڭقىغان يەلىرگە بارغۇدەك ناخشىلارنى روياپقا  چىقىرىدۇ .ھەر قېتىم مۇشۇ «مۇزىكىسنى ئىشلگۈچى» دېگەن گەپنى ئاڭلىغان ۋەياكى كۆرگەن ۋاقىتتا تېكىستنىغۇ يازىدىغاندۇ مۇزىكىسنى قانداقمۇ ئشلەيدىغاندۇ دەپ قالىمەن  ،زادى تەس كەسىپ بۇ .........بالىسنىڭ ئاۋازىنى دەيمەن نېمىدىگەن يۇقىرى ھە ئۆزى كىچىكلا تۇرۇپ ئاۋازىنىڭ يۇقىرلىقىنى دېيىشىپ كەتتۇق ئۆيدىكىلەر بىلەن. ئارتىسنىڭ بالىسى ئارتىس بولىدۇ دېگەن گەپ راسىت ئوخشايدۇ ئىجادىيەتلىرىڭىز ئۇتۇقلۇق بولسۇن ،ئائىلىڭىز بەخىتكە تولسۇن .

arslani

ئابلەت ئابلىكمنى ئىزدەش

(ئارسلان )

(ھېكايە)




بۇ بىر ھەقىقى بولغان ۋەقە .


ئۆتكەن يىلنىڭ تازا جاندىن ئۆتكۈدەك سوغۇق بولىۋاتقان  بىر كۈنى ئىدى .يېقىن بىر دوستۇم بولدىغان ،ياتىقىمغا ھاسىراپ -ھۆمۈدەپ كىرىپتۇ ،
-ئاداش ، ئابلەت ئابلىكىم بېيجىڭدا ئىكەن .
- ئادوشششش ، ئۇندا ئەمەستۇ ؟!
- جىڭ گەپ ماۋۇ .
شۇنداق قىلىپ بېيجىڭدىكى مەركىزى موزىكا ئىنستىتوتىدا ئوقۇيدىغان دوسلۇرۇمدىن سۈرۈشتۈرۈپ ئىشنىڭ راس ئىكەنلىكىنى ، ئابلەت ئابلىكىمنىڭ ئوقۇشقا كەلگىنىگە بىر مەزگىل بولغانلىقىنى بىلدىم . بىر نەرسە تېپىۋالغاندەك خۇش بولۇپ كەتتىم ، ئۇنىڭ بىلەن بىر كۆرۈشۈشنى ئۇزۇندىن ئارزۇ قىلاتتىم . شۇ كۈنى كەچتىلا كارۋاتتا ئابلەتكامنىڭ ناخشىسىنى ئاڭلاپ يېتىپ يۇقۇردىكى بىر كۈپلىت شىئېرىمغا ئىلھام كەپ قالدى ، دەررۇ خاتىرلىۋالدىم . بىر نەچچە كۈنلەر ئۆتتى ، شۇ ئارىدا مەركىزى مىللەتلەر ئۇنۋېرستىتىدا يىلدا ئۆتكۈزلىدىغان نەۋرۇز پائالىيتى كىچىلىكىنىڭ خەۋرى كەلدى ھەم مەن ئورۇنلىماقچى بولغان ‹ بوستان چاچ › ناملىق خەلق ناخشىسى بۇ كىچىلىككە قاتناشتۇرۇلماقچى بولدى ، بۇنىڭدىن خۇش بولۇپ دەرسلىرىم بىلەن بىللە كىچىلككە تەييارلىق قىلىپ يۈرىۋاتاتتىم ، كىچىلىككە بىر نەچچە كۈن قالغاندا ئىچكى خەۋەرلەردىن ئابلەت ئابلىكىمنىڭمۇ بۇ كىچىلىككە قاتنىشىدىغانلىقى ھەم نومۇر  ئورۇنلاپ بىرىدىغانلىقى ھەققىدىكى ‹ يىپ ئۇچى› نى تاپشۇرۇپ ئالدىم .  ئۇنىڭ بىلەن بىر سەھنىدە تۇرۇپ نومۇر ئورۇنلىماقچى بولغىنىمدىن شۇنداق خۇشال ئىدىم ، شۇ كۈنىلا يۇقۇردىكى شىئېرىمنى بىر گىزىت چوڭلۇقىدا يۇدۇرۇپ ھەم جاھازىغا ئالدۇرۇپ ئۇنىغا كىچىلىكتە سوۋغا قىلىش ئۈچۈن تەييارلىدىم .  ئادەمنىڭ بىر ئادەمگە ھۆرمىتى ، مىھىر مۇھەببىتى بولۇش دىگەن ھەقىقەتەن باشىقىچە بولىدىكەن ، دىمىسىمۇ ئابلەتكامنىڭ موزىكىلىرىغا شۇ قەدەر ئامراق ئىدىم ھەم ناخشلىرىنى ئۈگىنەتتىم . شۇنداق قىلىپ ئەتىسى ئەتتىگەندە سىنىپقا چىقتىم ، سىنىپ مەسئۇلىمىزنىڭ گىپىنى ئاڭلاپ بېشىمغا سۇ قۇيغاندەك بولۇپ كەتتىم ، كىچىلك كۈنى مۇھىم بىر ئىمتىھان ئورۇنلاشتۇرۇلغان ئىدى ، بۇ چاغدا مىنىڭ نومۇرۇم كىچىلكنىڭ رەسمىي نومۇرلىرى قاتارىدىن ئاللىقاچان ئورۇن ئېلىپ ھەم تەشۋىقات ۋاراقلىرىغىمۇ بېسىلىپ بولغان ئىدى ، گەپنىڭ راستىنى قىلغاندا شۇ چاغدا نومۇرۇمنى سەھننىگە چىقىرالماسلىق چوڭ ئىش ئەمەس ئىدى ، بەلكى ئابلەتكام بىلەن كۆرۈشۈش ئىشىنىڭ سۇغا چىلىشىدىغىنىنى ئويلىساملا بەك بىئارام بولاتتىم . .
چىۋىن دورىسى يەۋالغاندەكلا بولۇپ قالغان ئىدىم ، سىنىپ مەسئۇلۇمنى ھەم باشقا مۇناسىۋەتلىك كىشىلەرنى تېپىپ ئىزدەم قانچە قېتىملاپ قايتا - قايتا روخسەت سوراپ يالۋۇرغان بولساممۇ پىرىنسىپقا كۆنگەن  كىشىلەرگە سۆزلىرىم قىلچە تەسىر قىلمىدى ، يەنە كىلىپ  ئۇ ۋاقىتلار مىنىڭ ئىچكىرى تولۇقنىڭ ئۈچىنجى يىللىقى مەزگىلىم ئىدى ، تۈزۈمىمىزنىڭ قانچىلىك قاتتىقلىقىنى بىر ئۆزىمىز بىلمىسەك باشقىلار تەسەۋۋۇر قىلمىقى تەس ئىدى ، ئايدا  پەقەت بىر قېتىم ئىككى سائەتلا مەكتەپ سىرتىغا چىقىدىغان ئىجازىتىمىز بار ئىدى ، ئۇنى دىدىم بۇنى دىدىم ، دەيدىغانننىڭ ھەممىنى دىدىم ،  ئاقمىدى . ھەتتا كىچىلىك ئورۇنلاشتۇغۇچى تەرەپتىن مەكتەپكە تىلىفۇن قىلدى ، قوشۇلمىدى ، لىكىن چوقۇم بارمىسام بولمايتتى ، شۇ كۆڭۈل يېرىمچىلىقتا ياتاققا كىردىم ، دوسلۇرۇمنىڭ ھەممىسىنىڭ بۇ ئىشتىن خەۋرى بار ئىدى ، كىچىچە نەچچە دوستۇم مەن بىلەن بىللە پىلان تۈزەپ چىقتى . شۇنىڭ بىلەن ئەتىسى ئەتتىگەندە ‹تەلىيىمگە › قاتتىق ‹قىزىتىپ قالدىم › ، بىر دوستۇم يىللىق مەسئۇلىمىزغا تىلىفۇن قىلىپ مىنىڭ ئاغرىىپ قالغىنىمنى ھەم ئۆزىنىڭ بىللە دوختۇرغا ئاپارماقچى بولغىنىنى ئېيىتتى ، قارشى تەرەپتىن مۇئەللىمنىڭ قوشۇلغان ئاۋازىنى ئاڭلاپ شۈكىرە دىدۇق ، شۇنىڭ بىلەن بىر نەچچە دوستۇم ئابلەتكام ئۈچۈن تەييارلىغان سۈرەتنى مەكتەپ تېمىدىن يامىشىپ سىرىتقا چىقىرىپ بىرىدىغان ، مەن بىلەن ھېلىقى دوستۇم ‹ قانۇنلۇق › مەكتەپتى ئايرىلىپ ‹كىسەل كۆرسەتكىنى دوختۇرخانىغا › بارىدىغان بولۇپ كىلىشتۇق . شۇ تاپتا ھەممىمىزنىڭ يۈرىكى دۈپۈلدەپ سوقماقتا ئىدى ، چۈنكى بىز يامان يىرى كەلسە قاتتىق جازالىنىش ياكى مەكتەپتىن ئايرىلىپ ئۆيگە قايتىشقا تەۋەككۈل قىلىۋاتقان ئىدۇق .
خۇداغا مىڭ شۈكىرى ھەممە ئىش ئۆز پىتى بولىۋاتاتتى ، كىچىلىك باشلىنىشقا  ئىككى سائەتچە ۋاقىت قالغان ئىدى ، شۇ چاغلاردا بېيجىڭنىڭ مەن تۇرىۋاتقان يىرىدىن مەركىزى مىللەتلەر ئۇنۋېرستىتىغا تىز سۈرئەتلىك ئاپتۇۋۇز  ۋە ئارلىقتا بىېر ماشىنا ئالمىشىپ دىگەندەك يوللار بىلەن  ئىككى سائەتتىن ئارتۇق ۋاقىتتا ئاران يىتىپ بارغىنى بولاتتى ، كىچىلىك ئورۇنلاشتۇرغۇچى تەرەپتىكىلەر ۋەئۇسۇلغا چىقماقچى بولغان قىز توختىماي تىلىفۇن قىلىپ  تىز لىكتە ئۈلگۈرۈپ كىلىشنى جىكىلەۋاتاتتى ،  ‹ ماقۇل › ، جاۋابىم شۇ ئىدى ، دوستۇم بىلەن ئاۋال تىز سۈرئەتلىك ئاپتۇۋۇزغا ئولتۇردىغان ئەگەر ئۈلگۈرەلمىگۈدەك بولۇپ قالساق نەچچە پۇل كەتسە (ئوقۇغۇچى دىگەن نامىرات كىلىمىز ئەمەسمۇ ) تاكسى توسۇپ چوقۇم ئۈلگۈرۈپ بېرىشقا مەسلىھەتلەشتۇق ، ئاپتۇۋۇزمۇ كەلدى ، چىقتۇق ، قولۇمدا جاھازىلانغان شىئېر ۋە سۈرەت ، ئىچىمدە ناخشا تىكىستى ۋە ئاھاڭلار ، دوستۇمنىڭ قولىدا سەھنىگە چىققاندا كىيىدىغان كىيىملىرىم ۋە ئۇنىڭ ئابلەتكامغا ئاتاپ ئالغان بىر دەستە گۈلى .......بۇ ئىككى سائەتنىڭ قانداق ئۆتكىنىنى بىلمەيمەن  ، تىپىرلاش ۋە بىر ئۆمىدلا بار ئىدى .بىر  ماشىنا توختىدى ، يولۇچىلار ئاپتۇۋۇزدىن چۈشۈشكە باشلىدى ، دوستۇم بىلەن  ئاپتۇۋۇزدىن چۈشۈشكە  تەمشەلدۇق ، يۈرىكىم ‹ قارتلا › قىلىپ قالدى ، بىر تونۇش چىراي ، شۇنداقلا بۈگۈن ئۇچۇرشۇپ قېلىشنى ئەسلا خالىمايدىغان بىر چىراي  ماڭا قاراپ تۇراتتى ، ئۇ مەكتىۋىمدىكى يەنە بىر ئايال مۇئەللىم ئىدى ، بەلكىم بىر نەچچە قېتىملىق كالا ئوك مۇسابىقىلىرنىڭ ۋە تەنھەركەت يىغىنلىرنىڭ بىر ئىككى تۈرىنىڭ چىمپىيونلىقىنى ئالغىنىم ۋە ئۇدا ساقلاپ كىلىۋاتقىنىم ئۈچۈنمىكىن   بۇ مەكتەپتىكى مۇ ئەللىملەر  شۇنداقلا ئوقۇغۇچىلار
ھەممىسى دىگۈدەك تونۇيتى . ئاپلا دەپ قالدىم ،مۇئەللىم گەپ قىلماي ماشنىدىن چۈشتى ،ھەم يولىغا كەتتى ، كىچىلىك باشلىنىپ بولغان ئىدى ، پىلانىمىز بويچە تاكسى توستۇق ، تاكسىدا ئاللادىن بىردىنبىر ئۆمۈد قىلىدىغىنىم ئۇ مۇئەللىمنىڭ مىنى كۆرگىنىنى باشقىلارغا دىمەسلىكى ئىدى ،تاكسىغا چىقتتۇق ، ھەر ئىككىلىمىزنىڭ يۈرىكىنىڭ قانچىلىك سوقىۋاتقىنى ئىككىلىمىزگە ئايان ئىدى ، تىلىفۇنۇم سايرىدى ، ئىكرانغا قارىدىم ، دەل سىنىپ مەسئۇلۇمنىڭ تىلىفۇن نومىرى ئىدىم ، دىمەك سىنىپ مەسئۇلۇم خەۋەر تاپقان ئىدىم ، ھېلىقى ماشنىدا ئۇچۇرتۇپ قالغان خوتۇننى ئىچىمدە مىڭنى قاغىدىم ،تىلىفۇننى ئالدىم .مۇئەللىمىمنىڭ سۆزى ئاڭلاندى
--ھازېرلا يېنىمغا ئۈنمىسەڭ ،ئەتە ئەتىگەن ئۆيۈڭگە قايتىشقا تەييارلىق قىل . مۇئەللىمىم شۇ بىر جۈملە سۆز بىلەن تىلىفۇننى قويىۋەتتى .
دوستۇم ئىككىمىز قاققان قوزۇقتەك ئورنىمىزدا تۇرۇپ كەتتۇق ، كۆز ئالدىمدا مىنىڭ نومۇرۇمنىڭ ئىلان قىلنىشى ، ئابلەتكامغا شىئېرىمنى كۆڭۈل سوۋغامنى ئۇنىغا بىرىۋېلىش ،بىر پارچە خاتىرە سۈرەتكە چۈشۈپ بۇ ھۆرمەت   قىلىدىغان كىشىم بىلەن خاتىرە قالدۇرۋېلىش ، مۇئەللىمىم ئۇرغان شۇ بىر تىلىفۇن ، بىر جۈملە سۆز  بۇلارنىڭ ھەممىنى كۆپۈككە ئايلاندۇردى ،ئۇدۇل مەكتەپكە قايىتتىم ، سىنىپ مەسئۇلىمنى ئىزدىدىم ، يىگىرمىگە يېقىن ئوقۇتقۇچى ئولتۇرغان ئىشخانىدىلا ئۇنىڭ دىگىنى بويچە  مۇئەلىمىمنىڭ يېنىغا ئۈندۈم ، كۆزۈمگە ياش تولغان ، لىكىن تېخى ئېتىلىپ چىقمىغان ئىدى . مۇئەللىمىم  قاپاقنى خېلى راۋۇرۇس تۈرگەن ئىدى، ئۇ سەۋەبىنى سورىدى ، ھەممىنى راسچىللىق بىلەن بىرنى قالدۇرماي تاپشۇردۇم ئۇ مەندىن ئابلەت دىگەن كىمۇ دەپ سورىدى ، مەن ئۇنىغا ئابلەتكامنى تونۇشتۇردۇم ، بۈگۈنكى زامان ئۇيغۇر موزىكىچىلقىدكى ئورنىنى تونۇشتۇردۇم ،گەپنىڭ ئارقىسىنى ئىچىمگە پاتمىغان ، ئەلەم قاپلىشىپ كەلگەن يىغا ۋە شۇنچە توسساممۇ ئۇنىما چىقىپ كەتكەن كۆز يېشىم بىلەن ئاياغلاشتۇردۇم . مۇئەللىملەرنىڭ ھەممىسى ئاغزىنى كاماردەك ئېچىشىپ قالغان ئىدى ، ئۇلار ھەيرانلىقمۇ ياكى ئىچ ئاغرىتىشمۇ ئىشقىلىپ بىلگىلى بولمايدىغان بىر ئىپادە بىلەن بۇتتەك قېتىپ قېلىشقان ئىدى .
كۆزۈمدە ياش ئىشخانىدىن چىقىۋاتسام ھېلىقى خوتۇن ئۇچراپ قالدى ، ئالدىغا بېرىپ         ‹رەھمەت ›دىدىم ، ئۇمۇ بۇتتەك قېتىپ قالدى ،  .
كەچتە مۇئەللىم ئىشخانىسىغا چاقىردى ، كىرىدىم ، يالغۇزكەن ، نۇرغۇن گەپلەرنى قىلدى تەربىيە قىلدى ، بىر ئېغىز گەپ قىلماي ئاڭلىدىم ، مىنى ئەڭ تەسىرلەندۈرگىنى ئۇنىڭ ئەڭ ئاخىردىكى بىر جۈملە سۆزى بولدى
- بىلگەن بولسام سىنى ئۆزۈملا ئېلىپ بارسام بوپتىكەن .
ئەتىسى سىنىپ مەسئۇلۇم ھېلىقى ماشنىدا ئۇچۇرشۇپ قالغان ۋە كۆزۈمدە ياش ئۇچۇرتۇپ قالغان مۇئەللىم ئايالنىڭ مەن بىلەن پاراڭلاشقۇسى بارلىقىنى ئېيىتتى .
-         - ئۇنىڭ بىلەن پاراڭلاشقۇم يوق . دىدىم ، بىرىنجى قېتىم بىر مۇئەللىمنى رەت قىلىشىم ئىدى .
دوسلۇرۇم تەسەللىي بەردى ، ئىلھاملاندۇردى ، ئاكاممۇ بۇداقى پۇرسەتتى كۆرشىشنى  ئېيىتتى  ،ئەتىسى ئابلەتكامغا تىلىفۇن ئالدىم ، ئۇ ئىشلارنىڭ ھېچقايسىسى دىمىدىم ، پەقەت نەۋرۇز بايرىمنى تەبرىكلىدىم ھەم ئاللاھ خالىسا بىر دىدارلىشىپ ئەسرارلىشىش ئارزۇيۇمنى ئېيىتقىنىمدا ئابلەتكام تىلىفۇندا ئوقۇشۇمغا ئۇتۇقلار ھەم ياخشى نەتىجە تىلىگەندىن كىيىن ‹ئاللاھ خالىسا دىدارلىشىمىز ، ئەسرارلىشىمىز ، بەلكىم يېقىن دوسىت بولۇپ كىتىمىز ئىنىم ، قەدرىمىزنى قىلىشايلى › دىدى ، ياخشى تىلەكلىرىمىز بىلەن خوشلاشتۇق ، نەچچە كۈننىڭ ئالدىدا ئەينى ۋاقىتتى سىنىپ مەسئۇلىم تىلىفۇن قىلىپتۇ ، ئۇ مىنىڭ ئوقۇش پۈتتۈرگەندىن كىيىن ئابلەتكام بىلەن كۆرۈشكەن -كۆرۈشمىگىنىمنى   سورىدى
ئابلەتكامنىڭ ئېيىتقان سۆزى بىلەن جاۋاپ قايتۇردۇم :

ـ ئاللاھ خالىسا كۆرشىمىز !


2012-يىلى 12-ئاينىڭ 6-كۈنى   ( شەھرى تىيەنجىن )

شۇ قېتىم نۇرغۇن  تەسىرلىك ھەم قىزىقارلىق ئىشلار بولغان ئىدى
مەزمۇن ھەم شەكىل ئىتىبارى بىلەن قىسقارتتىم !