شىنجاڭ -چىڭخەي مۇسابىقە تولۇق فىلىمى ۋە زىيارىتى

umidwar

شىنجاڭ تاشئالما پۇتبول كوماندىسى بىلەن چىڭخەي سەنكې كوماندىسىنىڭ 11-چىسلادىكى مۇسابىقە ئەھۋالى تولۇق فىلىمى ۋە ئەلكۈيى تورى مەخسۇس زىيارىتى

ئەسسالامۇئەلەيكوم ئەلكۈيى تورىدىكى مۆھتىرەم تورداشلار ، ئالدى بىلەن ھەممىڭلارغا ئالەمچە خۇشاللىق، بەخت-ئامەت ۋە كۈنلىرىڭلارغا ئولۇغ ئاللادىن ئاسايىشلىق تىلەيمىز!
ھەممەيلەنگەن مەلۇم بولغاندا 2012-يىللىق جۇڭگو ب دەرىجىلىك بىرلەشمە ئايلانما پۇتبول مۇسابىقىسى باشلانغاندىن بۇيان شىنجاڭ كوماندىسىدىكى ئەزىمەتلىرىمىز ئۆزىنىڭ ئەمەلىي ماھارىتى،چەبدەسلىكى ۋە ۋۇجۇدۇدىكى باتۇرلۇقى بىلەن شىنجاڭ پۇتبولچىلىقىغا يېڭىدىن جان كىرگۈزۈپ كەلدى ۋە نەچچە مىليونلىغان تەڭرىتاغنىڭ جەنۇب- شىمالىدىكى پۇتبول مەستانىلىرىغا روھىي مەدەت ئاتا قىلىپ جۇڭگو پۇتبولچىلىقىنىڭ يېڭى دەۋرىنىڭ شىنجاڭدىن باشلىنىدىغانلىقىغا ئۆزىنىڭ ئەمەلىي ئەھۋالى بىلەن پاكىت كۆرسىتىپ كەلدى.
ئەلنىڭ ئارزۇسىنى ئۆزىنىڭ يۈكسەك نىشانى قىلغان ئەلكۈيى تورىمۇ ئۆز نۆۋىتىدە شىنجاڭ كوماندىسىنىڭ ھەر قايسى مۇسابىقىلىرى شۇنداقلا كوماندا ئەزالىرى بىلەن ئۇچرىشىشقا ئىمكانىيتى بولمىغان نەچچە مىليونلىغان تورداشلارنى كۆزدە تۇتۇپ ،كىچە - كۈندۈز جاپالىق ئىشلەش ئارقىلىق  ھەر قايسى نۆۋەتلىك مۇسابىقىلەرنى ئەڭ تېز سۈرئەتتە ئەڭ سۈپەتلىك ھالەتتە تورداشلارنىڭ ھۇزۇرىغا سۇنۇپ كەلدى.ئەلۋەتتە 6-ئاينىڭ 11-كۈنى چۈشتىن كىيىنكى ھاياجانلىق مىنۇتلارنى ، قىيالماسلىق كۆز ياشلىرىنى،شىنجاڭ كوماندىسى ، شىنجاڭ پۇتبول ئەزىمەتلىرى ھەققىدىكى مۇسابىقە ئەھۋالىنى تورغا يوللاشمۇ بىزنىڭ ئەڭ يۈكسەك دەرىجىدىكى باش تارتىپ بولمايدىغان شەرەپلىك خىزمەت  ۋەزىپىمىز  قاتارىدىن ئورۇن ئالدى ئەلۋەتتە! تۈنۈگۈن بىز  مۇسابىقە نەق مەيدانىدىن ئايرىلغاندىن كىيىن،شىركىتىمىزنىڭ  پروگرامما ئىشلەش بۆلۈمىدىكى خادىملارنىڭ ئازراقمۇ دەم ئالماي كىچە - كۈندۈز ئىشلىشى نەتىجىسىدە بۇ فىلىم تولۇق پۈتۈپ تورداشلارنىڭ ھۇزۇرىغا سۇنۇلدى.

2012-يىلى 6-ئاينىڭ 11-كۈنى  چۈشتىن كىيىن ئۈرۈمچى ۋاقتى سائەت  3 دە ، 2012-يىللىق جۇڭگۇ B دەرىجىلىك بىرلەشمە ئايلانما مۇسابىقىسىنىڭ 9-ئايلانما مۇسابىقىسى شىنجاڭ تەنتەربىيە زالىدا داغدۇلۇق باشلاندى .شىنجاڭ كوماندىسىغا مەدەت ۋە ئىلھام بىرىش ئۈچۈن نەق مەيدانغا يىتىپ بارغان شىنجاڭلىق پۇتبول مەستانىلىرى بۈگۈن 60مىڭدىن ئاشقان بولۇپ،دۆلىتىمىزدە 60مىڭدىن ئاشقان تاماششىبىن پۇتبول مۇسابىقىسىگە قاتناشقان تارىخ بولماسلىق رىكورتىنى بوزۇپ تاشلىدى. چوڭ - كىچىك، قېرى - ياش شىنجاڭلىق پۇتبول مەستانىلىرى ئۆزلىرىنىڭ دۇنيادىكى ھەرقانداق دۆلەتتىكى پۇتبول مەستانىلىرىدىن قېلىشمايدىغانلىقىنى ئۆز ئەمەلىيتىدە كۆرسەتتى.بۇ قېتىمقى مۇسابىقىدە شىنجاڭ غەربى دىيار تاشئالما كوماندىسى ساھىپخان بولۇپ ، چىڭخەي سەنكې كوماندىسى بىلەن بولغان ھەل قىلغۇچ مۇسابىقىنى كۈتىۋالدى . بۇ كەسكىن مۇسابىقىدە ، چىڭخەي كوماندىسى ئۆزىدە بار بولغان ئالاھىدىلىكلىرىنى  تولۇق جارى قىلدۇرۇپ 2 دە 0 نەتىجە بىلەن شىنجاڭ تاشئالما كوماندىسىنى يېڭۋالدى ، شىنجاڭ تاشئالما كوماندىسى بۇ پەسىلىك مۇسابىقىدە ئۆزمەيدانىدا تۇنجى مەغلۇبىيەتكە ئۇچىرىدى .
ئەزىمەتلىرىمىزنى بۇنداق كىچىككىنە مەغلۇبىيەت ئالدىدىمۇ ئەڭ زور تىرىشچانلىقىمىز بىلەن قوللاش،ئۇلارنىڭ كىيىنكى قېتىم غەلبە قازىنىشى ئۈچۈن ياخشى مۇھىت ئاتا قىلىشنىڭ يەنە بىر مۇھىم رولى ئەلۋەتتە. ئۇنداق بولسا مەزكۇر فىلىمنى تولۇق كۆرۈپ ئەزىمەتلىرىمىزگە تېما ئاستىغا ئىنكاسلارنى يېزىش ئارقىلىق ئۇلارنى قوللاشمۇ بىز دەۋاتقان ئەنە شۇ مەدەت بىرىشنىڭ  يارقىن نامايەندىسىدۇر!

ئەلكۈيى تورى بۇ ھەقتە ئىشلىگەن فىلىمنىڭ تولۇق تەپسىلاتى

مۇسابىقە مەيدانىغا ۋە مەزكۇر فىلىمغا مۇناسىۋەتلىك نۇرغۇن رەسىملەر،  بۇ فىلىمنىڭ يۇقىرى ئېنىقلىقتىكى سۈزۈك نۇسخسى داۋاملىق تورغا يوللىنىۋاتىدۇ.

مەيداندا توپ كۆرۈشكە كەلگەن شىنجاڭلىق توپ مەستانىلىرىدىن كۆرۈنۈش(بۈگۈن جۇڭگو تارىخىدا ھەر قانداق مۇسابىقىدە بۇنداق كۆپ ئادەم بولماسلىق تارىخى رىكورتىنى شىنجاڭلىق پۇتبول مەستانىلىرى بوزۇپ تاشلىدى)

ئەزىمەتلىرىمىز چىڭخەي كوماندىسىنىڭ ۋارتارىغا توپ ئۇرماقتا

60مىڭدىن ئوشۇق بولغان شىنجاڭلىق پۇتبول مەستانىلىرى ئەزىمەتلەرگە مەدەت بەردى

مۇھەممەدجان ئۈمىدۋار مۇسابىقە نەق مەيدانىدا تورداشلارغا خەۋەر بەرمەكتە

ئەزىمەتلىرىمىز ھۇجۇم قىلغان توپنى چىڭخەي كوماندىسى ۋارتارى تۇسىۋالماقتا

كەسكىن جەڭ داۋام قىلماقتا

شىنجاڭ تاشئالما كوماندىسى ئالدىنقى ئايلانما مۇسابىقىدە كۈچلۈك سانالغان بىيجىڭ كوماندىسىنى يېڭۋالغان ئىدى ، ھازىرچە نومۇر رېتىدە ئۈچىنجى ئورۇندا تۇرىۋاتىدۇ . چىڭخەي كوماندىسى ئالدىنقى ئايلانمىدا ھېچقانداق مۇسابىقە ئوينىمىدى ،ئەلۋەتتە بۇ ئەھۋال ئۇلارنىڭ  يىتەرلىك ئارام ئېلىۋېلىشىغا ئەڭ ياخشى شارائىت بىلەن تەمىن ئەتتى ، چېڭخەي كوماندىسى ھازىرچە نومۇر رېتىدە تۆتىنجى ئورۇندا . بۇ قېتىمقى ئايلانما مۇسابىقىدە بۇ ئىككى كوماندا تار يولدا دوقۇرۇشۇپ قالدى .بۇ شىمالى رايۇندىكى تۆت كۈچلۈك كوماندا ئىچىدە يەنە بىر قېتىم كۈچلۈكلەر ئۆز-ئارا ئۇچىرىشىشى بولۇپ ھېساپلىنىدۇ .گەرچە كوماندىمىز تۈنۈگۈن بىر قېتىم مەغلۇبىيەتكە دۇچار بولغان بولسىمۇ چىڭخەي كوماندىسى يەنىلا بىزنىڭ ئارقىمىزدا  تۇرىۋاتىدۇ.

مۇسابىقە باشلىنىپلا ۋەزىيەت جىدىيىلىشىپ ، 20 مىنۇت بولغاندا چىڭخەي كوماندىسى بىر توپ ئۇرۇپ ئۈستۈنلۈكنى ئېگەللىدى . نەتىجە 1 دە 0 بولدى .ئالدىنقى يېرىم مەيدان مۇسابىقىدە ئۈستۈنلۈكنى ئالغان چېڭخەي كوماندىسى مۇستەھكەم ئۇرۇنلىشىشقا باشلىدى ، شۇنىڭ بىلەن شىنجاڭ كوماندىسى كۈرۈنىشتە ئازراق ئالاقزادە بولۇپ كەتتى . 32 مىنۇت بولغاندا شىنجاڭ كوماندىسىدىن ئابدۇغېنى مۇھاسىرنى بوزۇپ چقىپلا پاس بەردى ، ئەپسۇسسىنارلىقى ئوتتۇرا يولدىكى سەپدىشى يىتىشەلمىدى . 42 مىنۇت بولغاندا ، شىنجاڭ تاشئالما كوماندىسىدىن 9-نومۇرلۇق ئەخمەتجان ناھايتى ئىسىل بىر توپنى قارشى تەرەپنىڭ مەيدانىغا ئەكىرىپ  ۋارتاغا  ئىنتايىن چىرايلىق تەپكەن بولسىمۇ ، توپ ۋارتار تۈمۈرىگە تىگىپ كىتىپ قاڭقىپ كەتتى، ئەمما توپ كىرمىدى .

ئالدىنقى يېرىم مەيدان ئاياغلىشىپ ماھىرلار مەيداندىن چىقىۋاتىدۇ

شۇنداق قىلىپ جىددى كەيپىياتتا  توپ مەستانىلىرىنىڭ ئالقىش سادالىرى ۋە مەدەتلىرى بىلەن ئىككى تەرەپ ۋاقتىنچە 0-1 نەتىجە بىلەن يېرىم مەيدان مۇسابىقى ئاياغلاشتۇردى .

كىيىنكى يېرىم مەيدان باشلىنىپ شىنجاڭ كوماندىسى قارشى تەرەپ ۋارتارىغا ھۇجۇم قىلىپ كىردى

كېيىنكى يېرىم مەيدان باشلاندى ، كۈرۋېلىشقا بۇلىدىكى بۇ مەيداندا شىنجاڭ تاشئالما كوماندىسى توپ مەستانىلىرىنىڭ ئۈمىدىنى يەردە قويماسلىق ئۈچۈن ، توختىماستىن ھۇجۇم قىلىپ ھۇجۇم كۈچىنى ئاشۇردى . 47 مىنۇت بولغاندا ، شىنجاڭ تاشئالما كوماندىسى كورنى توپ تېپىش پۇرسىتىگە ئىگە بولدى ، ئەمما قارشى تەرەپكە ھېقانداق تەھدىت ئەكىلەلمىدى . 52مىنۇت بولغاندا كوماندا ئەزايىمىز ئەسقەر قارشى كوماندىدىكى ليۇچىڭ تەرپىدىن يىقىتىلدى ، شۇنىڭ بىلەن ليۇچىڭغا سېرىق كارىتا بېرىلدى .  56 مىنۇت بولغاندا ، چىڭخەي كوماندىسى ئۈزىدىكى نومۇر ئەۋزەلىكىگە تاينىپ نومۇر پەرقىنى چوڭايتتى ، چىڭخەي كوماندىسى بۇ چاغدا كاللا توپ بىلەن ۋارتاغا بىر توپ ئۇرۇپ كىرگۈزدى . شۇنىڭ بىلەن نەتىجە 0-2 بولدى .

شىنجاڭ تاشئالما كوماندىسى بۇ پەسىلىك مۇسابىقىدە ئۆز مەيدانىدا تۇنجى ئىككى توپ ئارقىدا قالدى . 60 مىنۇت بولغاندا ، شىنجاڭ كوماندىسى ھۇجۇمنى تىزلەتتى ، ھۇجۇمچى ئەخمەتجان تەپكەن ئەركىن توپ ۋارتا تەرىپىدىن تۇتىۋېلىندى .
63 مىنۇت بولغاندا شىنجاڭ تاشئالما كوماندىسى يەنە بىر قېتىم ئەركىن توپ تېپىش پۇرسىتىگە ئىگە بولدى ، ئەمما تەپكەن توپ سەل ئىگىز بولۇپ كېتىپ توپ كىرمىدى .

ۋاقىتنىڭ قىستاپ كىلىشى بىلەن شىنجاڭ كوماندىسى تېخىمۇ جىددىيلىشىشكە باشلىدى . 85 مىنۇت بولغاندا ،5-نومۇرلۇق ئەزىمىتىمىز پەرھات چەكلەنگە رايۇنغا بېسىپ كېرىپ بېكلەر تەرىپىدىن قائىدىگە خىلاپ ھالدا يېقىتىۋىتىلدى ، ئەمما رېپىر بۇنى ئاڭقىرالماي قالدى . ئاخىرى شىنجاڭ تاشئالما كوماندىسى يەنە تىزلىكتە قايتۇرما ھۇجۇم قىلدى . شۇنداق قىلىپ ئاخىرى شىدەتلىك جەڭدە ساھىپخان شىنجاڭ كوماندىسى 0-2 نەتىجە بىلەن چىڭخەي كوماندىسىغا ئۇتتۇرۇپ تۇنجى مەغلۇبيتىنى كۈتىۋالدى .

مۇسابىقە ئاياغلىشىپ بىر قانچە مىنۇتتىن كىيىن ئەلكۈيى تورىنىڭ قۇرغۇچىسى مەمەتجان ئۈمىدۋار ئارام ئېلىش ئۈيىدە شىنجاڭ كوماندىسىدىكى 9-نومۇرلۇق ئەزىمەت ئەخمەتجان بىلەن مۇسابىقە ھەققىدە سۆزلەشمەكتە

شىنجاڭ كوماندىسىدىكى ئەزىمەتلىرىمىزدىن 9-نومۇرلۇق ماھىر ئەخمەتجان ۋە  27-نومۇرلۇق ماھىر ئابدۇغېنى  ئەلكۈيى تورىنىڭ قۇرغۇچىسى مۇھەممەدجان ئۈمىدۋار بىلەن كىيىم ئالماشتۇرۇش ئۆيىدە سۆزلىشىپ تورداشلارغا شۇنداقلا بارلىق پۇتبول مەستانىلىرىگە كۆڭۈل سۆزى قىلماقتا

مۇسابىقە ئاخىرلاشقاندىن كىيىن مەن شىركىتىمىزدىكى خادىملارنى باشلاپ شىنجاڭ كوماندىسىدىكى ئەزىمەتلەردىن ھال سوراش ئۈچۈن مەيداندىكى ئارام ئېلىش ئۆيىگە باردىم،ئۇ يەردە بىز توپچى ئەزىمەتلىرىمىزنىڭ ناھايتى قىزغىن كۈتىۋېلىشىغا ئېرىشتۇق،ھەممەيلەن بۇ قېتىمقى مەغلۇبىيتى ئارقىلىق پۇتبول مەستانىلىرىغا يۈز كىلەلمەيدىغانلىقىنى،ئەسلىدە ھەممەيلەننىڭ ئەڭ ياخشى نەتىجىلەر بىلەن مەيداندىكى قوللىغۇچىلىرىغا ئەڭ ياخشى جاۋاب بەرگۈسى بولسىمۇ بۇ قېتىمقى تەقدىرگە دۇچ كەلگەنلىكىنى ئەمما كىلەركى نۆۋەت چوقۇم ئەڭ ياخشى نەتىجە بىلەن پۇتبول سۈيەر شىنجاڭ خەلقىگە جاۋاب قايتۇرىدىغانلىقىنى ئېيتتى،ھەمدە ئەلكۈيى تورى ئىشلىگەن شىنجاڭ كوماندىسىغا ئائىت  بىر قانچە قېتىملىق زىيارەت فىلىمىنى توردا كۆرۈپ، تورداشلارنىڭ ئىنكاسلىرىنى ئوقۇپ  ناھايتى خۇشال بولغانلىقىنى ، بارلىق تورداشلارغا ئۆزلىرىگە ۋاكالىتەن سالام يوللاپ قويىشىنى بىلدۈردى.

گەرچە شىنجاڭ كوماندىسى ئۇتتۇرۋەتكەن بولسىمۇ ، مەيدان كەيپىياتى يەنىلا يۇقۇرى بولۇپ ، توپ مەستانىلىرى ئۆزلىرىنىڭ شىنجاڭ كوماندىسىنىڭ ئۇتتۇرىشى ياكى ئۇتۇشىنى مۇھىم دەپ قارىمايدىغانلىقىنى ئۇلارنىڭ قەيسىرانە روھىغا مەدەت ئاپىرانە ئوقۇيدىغانلىقىنى قەتئىي ئۈمىدسىزلىنمەيدىغانلىقىنى ھەمدە كېيىنكى ئايلانما مۇسابىقىدە شىنجاڭ كوماندىسدىكى ئەزىمەتلەرنىڭ ئەڭ  ياخشى  نەتىجىگە ئېرشەلەيدىغانلىقىغا،ئۇلارنىڭ دۆلىتىمىزدىكى ئەڭ مۇنەۋۋەر پۇتبولچىلاردىن بولۇپلا قالماي دۇنياغا يۈزلىنىدىغانلىقىغا  ئىشىندىغانلىقىنى بىلدۈرۈشتى .

شىنجاڭ پۇتبول كوماندىسىنىڭ ياردەمچى تىرىنىرى مۇسابىقە تولۇق ئاياغلاشقاندىن كىيىن ئەلكۈيى تورىنىڭ زىيارىتىنى قوبۇل قىلماقتا

پۇتبول مەستانىسى،تالانتلىق رىياسەتچى،شىنجاڭ سىرك ئۆمىكىنىڭ كۈلدۈرگە ئارتىسى مەمەتجان رۇزى سايىت ئەلكۈيى تورى ئارقىلىق شىنجاڭ كوماندىسىدىكى ئەزىمەتلەرگە كۆڭۈل سۆزى قىلماقتا

شۇنداق مۇسابىقە مەيدانىدا ئادەمنى تەسىرلەندۈرىدىغان ناھايتى كۆپ ئىشلار گەپ - سۆزلەر بولدى،گەرچە نەچچە ئون مىڭلىغان تاماششىبىنلار بار بولسىمۇ مەيدان تەرتىپى ئىنتايىن تەرتىپلىك ئاياغلاشتى....بەلكىم بۇ تېمىدا ھەممىنى بىر بىرلەپ دەپ بۇلالماسلىقىمىز مۇمكىن،ئىھتىمال بىز ئىشلىگەن شىنجاڭ كوماندىسى بىلەن چىڭخەي كوماندىسى ھەققىدىكى بۈگۈنكى فىلىم بۇنىڭغا يەنە بىر ياخشى جاۋاب بۇلالايدۇ ئەلۋەتتە....

مۇسابىقە كۆرگىلى كەلگەن پۇتبول مەستانىلىرى مۇسابىقە ئاياغلاشقاندىن كىيىن ئەلكۈيى تورى ئارقىلىق ئەزىمەتلەرگە كۆڭۈل سۆزى قىلماقتا

   ئاخىرىدا بىز ئەلكۈيى تورى ۋە شىركىتىمىز شۇنداقلا بارلىق تورداشلار نامىدىن ئۆز ئەمەلىيتى ۋە قابىلىيتى ئارقىلىق پۈتۈن شىنجاڭ خەلقىگە ئۈمىد،ئىشەنچ ئاتا قىلىپ كىلىۋاتقان شىنجاڭ كوماندىسىدىكى ئەزىمەتلىرىمىزگە بۇنىڭدىن كىيىنكى مۇسابىقىلەردە ئەڭ ياخشى نەتىجىگە ئېرىشىشى ئۈچۈن سەمىمىي تىلەكلەرنى يوللاش ۋە ئۇلارغا ئامەت تىلەش بىلەن بىرگە بۇ تېمىنىڭ كىيىنكى راۋاجىنى،ئىنكاسلار بىلەن شىنجاڭ كوماندىسىغا كۆڭلىدىكىنى ئېيتىشنى بارلىق تورداشلارغا قالدۇرىمىز.

كامالىي ئېھتىرام بىلەن :
ئەلكۈيى تور بېكىتى
ئەلكۈيى تور تېخنىكا چەكلىك شىركىتى
2012-يىلى 6-ئاينىڭ 11-كۈنى

ئەسكەرتىش:تېما مەزمۇنى ۋە ئىنكاسلارنىڭ باشقىچە شاخلاپ كەتمەسلىكى ،شىنجاڭ كوماندىسىدىكى ئەزىمەتلىرىمز تېمىغا مۇناسىۋەتلىك ئىنكاسلارنى كۆرمەكچى بولسا تور بەتمۇ تور بېكەت ئارىلاپ بۇلالماسلىقى سەۋەبىدىن بۇ تېمىنى روخسىتىمىزسىز باشقا تور بېكەتلەرگە يوللاشقا ، مەزمۇنىنى كۆچۈرۈشكە بولمايدۇ.

kiraman ھەقىي سالاھىيەتلىك ئەزا

بىرەر قېتىم يىڭىلىپ قالغانلىقىغا قەتئىي ئۈمىدسەزلەنمەيمىز جۇما ، رەھمەت ئەلكۈيىگە شۇنداقلا قوللىغان پۈتكۈل قېرىنداشلارغا ، بىز مەڭگۈ قوللايمىز ئەزىمەتلىرىمىزنى ، ھۇررا شىنجاڭ!

yigana0998

تەجىربە-ساۋاقلارنى يەكۈنلەپ، بىرنىيەتتە مەغلۇبىيەتنى غەلبىگە ئايلاندۇرۇشقا تىرىششىنى ئۈمۈد قىلىش بىلەن بىرگە ئەزىمەتلىرىمىزنىڭ ساغلام روھقا ئىگە بولىشىغا تىلەكداشمەن.
ئادەم تۇغۇلۇپلا ماڭغان ئەمەس.......................
ئەلكۈيى خىزمەتچىلىرىگە تەشەككۇر!

aygul0206

كونىلار مەغلۇبىيەت__مۇۋاپىقىيەتنىڭ ئانىسى دەپ ئېيتقان...بىر قېتىملىق يېڭىلىش بۇندىن كېيىنمۇ يېڭىلىشتىن دېرەك بەرمەيدۇ،بىر قېتىملىق مەغلۇبىيەت بىرقېتىملىق تەجرىبە ھېسابلىنىدۇ. شىنجاڭ پۇتبۇل كوماندىسىدىكى ئەزىمەتلەرنىڭ تۈنۈگۈنكى مۇسابىقىدىكى ئىپادىسىمۇ خېلى ياخشى بولدى. ئەمما قارشى تەرەپنىڭ تەن ساپاسى ھەم پۇتبۇل ماھارىتىنىڭ ئۈستۈنلۈكى ئەزىمەتلىرىمىزگە روھى بېسىم ئېلىپ كەلگەن بولىشى مۇمكىن، شۇ سەۋەپلىك ئىقتىدارىنى دېگەندەك جارى قىلدۇرالماي قالدى...بۇ پەقەت بىر قېتىملىق ساۋاق خالاس، پۇتبۇل ئەزىمەتلىرىنىڭ بۇنىىڭدىن مەيۈسلەنمەي، بۇ قېتىملىق مۇسابىقىدىن ئالغان تەجرىبە- ساۋاقلىرىنى يەكۈنلەپ كېيىنكى مەيدان مۇسابىقىدە تېخىمۇ ياخشى نەتىجىلەرنى قولغا كەلتۈرۈش ئۈچۈن توختىماي ئالغا ئىلگىرلەيدۇ...ئىشىنىمەنى، شىنجاڭ پۇتبۇل كوماندىسىنىڭ ئەزىمەتلىرى بۇنىڭلىق بىلەن بوشىشىپ قالماي،تېخىمۇ ئالغا باسىدۇ...شىنجاڭ پۇتبۇل كوماندىسى ھۇررا!!!شىنجاڭ پۇتبۇل كوماندىسىنىڭ ئەزىمەتلىرى غەلبە مەڭگۈ سىلەرگە مەنسۇپ،بوشاشماي ئالغا ئىلگىرلەڭلار!!!سىلەر بىز شىنجاڭلىقلارنىڭ پەخرى...

explorer

مەن پۇتبۇل بىلەن باشلانغۇچتا ئۇچراشقان بولۇپ ، ئۇ چاغدا بۇ پۇتبۇل توپى ماڭا پەقەت بىر يۇملاق شارسىمان كۆڭۈل پۇشىقىنى چىقىردىغان ، ئۆلگىدەك ۋارقىراپ ئوينايدىغان بىر خىل ئويۇنچۇق ھېساپلىناتتى .
مەن ياشلىق مەزگىلىگە قەدەم قويغاندىن كېيىن ئۆگىنىش ، ئىزدىنىش ، خىزمەت قىلىش بىلەن تەدرىجى پۇتبۇل ساھەسىدىن كۆپ ، كۆپ بولغاندىمۇ راۋرۇس كۆپ يىراقلىشىپ كەتتىم . ئادەم چوڭ بولغان سىرى ھەر نەرسىنىڭ ماھيىتىنى چۈشىنىشكە باشلايدىكەن . كچىگىمدە ئۇنى ئاددى بىر ئۇيۇنچۇققا ئوخشاتقان بولسام ئەمدىلىكتە بىر مۇرەككەپ ئۇيۇنچۇقلۇقىنى ھىس قىلدىم . ھەمدە توپقا بولغان چۈشەنچەممۇ تەدرىجى ئۆزگەردى ،  بۇ ئۆزى دۈگلەك يۇملاق توپ ھېچكىمنىڭ يۈزىنى قىلمايدىغان ، قايسى پۇت كۈچلۈك بولسا شۇ ياققا ماڭدىغان ئىككى يۈزلۈمچى ئىككەن . بۇ خۇددى ھازىرقى رىقابەت كەسكىن جەمئىيەتنىڭ ھەققىي بىر كارتىنا ئويۇنى ئىكەن ، ئادەمنى ھەققىي رىقابەتنىڭ نېملىكىنى ھەققى ھىس قىلدۇردىكەن .
تۈنگۈن پۇتبۇل مەيدانىدىكى ئادەملەرنى كۆرسە ، ئادەم خۇددى ياۋروپاغا پۇتبۇل لوڭقىسى كۈرۈش ئۈچۈن بارغاندەك تۇيغۇدا بولۇپ قالدىكەن . مەيداندىكى ۋۇۋ....... دىگەن ئاۋاز ماڭا ئالاھىدە سىزىم ئاتا قىلدى ، ھەر قېتىم بۇ ئاۋازنى ئاڭلىغاندا يۈركۈم بىر خىل بولۇپ كەتتى .... خۇددى بىر توپ بۈرە توپىدا ئۆز توپىدىكىلەرگە قايغۇرما ، مەنزىل ئالدىڭدا دەۋاتقاندەك بولدۇم ، كۆپچىلىكنىڭ ھۇررا....... دىگەن ئاۋازلىرىنى ئاڭلىغىنمدا ھۇررا ، بىز سېنى قوللايمىز ، ھۇررا ، ئارقاڭغا قەتئىي قاراپ قالما . ئالدىڭغىلا قاراپ ھۇررا دىگەن بىر سىزىم بولدى . شۇنىڭ بىلەن مەن باشتا توۋلىيالمىغان بولساممۇ كېيىن كۈچۈمنىڭ بارىچە ھوۋلاپ ، ھۇررا ، ھۇررا دەپ گېلىم يىرتىلغىچە ۋارقىراپ ئۇلارغا مەدەت بەردىم .  ئىشقىلىپ ھەققى مەيداندا كۆرسە باشقىچە بۇلدىكەن .
تۈنگۈن بۇ مۇسابىقىگە داڭلىق شەخىسلەردنمۇ راس كەپتۇ ، مەن نۇرغۇن داڭلىق شەخىسلەرنى ئۇچىراتتىم . ئىشقىلىپ بۇ مۇسابىقە راۋرۇس مۇسابىقە بولدى .
مەيلى ئۇلار ئۇتتۇرسۇن ياكى ئۇتسۇن ئۇ مۇھىم ئەمەس ، گەپ ئۇلارنىڭ ئۆزىدىن ئۆزى ئېشىپ چۈشىشى ، بۇ دۇنيادا ھېچكىم ئۈزىدەك يامان ئەمەس ، ئىنسان دىگەنگە نۇرغۇن يۇشۇرۇن كۈچ ئاتا قىلىنغان بىز ئۇلارنى بايقاپ ، ۋاقتىدا ئىشىلتىپ ئۈزىمىزدىن ئېشىپ بىر قەدەم ئۈزىمىزنىياخشلىساق شۇ كۇپايە .
ئەزمەتلەر ، تېرىشىڭلار ! سىلەر بىزنىڭ روھى ئۇزۇقىمىز ! سىلەر بىز ئۈچۈن توپ ئوينايسىلەر ، بىز سىلەر ئۈچۈن تولايمىز ! بىز سىلەرنى قوللايمىز ! بىز سىلەردىن پەخىرلىنىمىز ! بىز سىلەردىن سۈينىمىز ! سىلەرمۇ ئاز بولمىغان بېسىم ، ۋە مەشق ئازابلىرىنى تارتىپ ھازىرغىچە تىرشىپ ئۈمىدىمىزنى كۈچىڭىلارنىڭ بېرىچە يەردە قويمىدىڭلار ! بىز بۇنى چۈشنىمىز !

explorer

مېنىڭ تېخنىكىلىق باھا بىردىغانغا سالايھىتىم بولمىسىمۇ مەن تۈنگۈن كۈزەتكەن بىر مەسلىنى تورداشلار بىلەن ئورتاقلاشماقچىمەن ، بولسا ھەر ھالدا مەغلۇپ بولۇشتىكى سەۋەپنى تېپىپ شۇنى ھەل قىلىپ مۇۋاپىقىيەتكە ئىنتىلسەك !
ۋارتا ئىككى ئۈچ قېتىم چەكلەنگەن سىزىقتىن چىكىتىپ توپ تەپتى ، قارشى تەرەپنىڭ ۋارتاسى قەتئىي چەكلەنگەن سىزىقتىن چىقىپ باقمىدى .

giometiriya

تاشچىن نامىدىكى بىر تورداش بۇ تېمىنى ئەلكۈيى مۇنبىرىگە ئايرىم تېما شەكلىدە يوللىغان،بىراق بىز مەزمۇنى مۇشۇ تېما ئاستىغا يېزىلسا مۇۋاپىق دەپ قاراپ ، تاشچىن نامىدا بۇ يەرگە يۆتكىدۇق.


يوللىغۇچى : تاشچىن
نىمىشقىكىن كۆزۈمنى ياش ئەگىدى.گەرچە بۇنداق بىر كۈننىڭ ھامان بېشىمىزغا كىلدىغىننى ھىس قىلساممۇ لىكىن  بېشىمغا كەلگەندە يۈرىكىمنىڭ بۇنچىلىك ئېچىشىپ كىتىشىنى ئويلاپمۇ باقمىغان ئىدىم  ,بۇرۇندىنلا ئۆزۈمنى بىر ھەقىقي پۇتبول مەستانىسى دەپ ئويلايتتىم   ،بىر كوماندىنى ياخشى كۆرۈپ ئۇلانىڭ كۈلكە-چاقچىقىغا  يىغا-قايغۇسىغا تەڭ ھەمرا بولدۇم، ئۇلانى ئىچىمدىن چىقىرىپ ياخشى كۆرگەندەك ھىس قىلاتتىم . لىكىن ئۇلار بىرەر مەيدان ئۇتتۇرۋەتسە ماڭا ئىنتايىن نورمال ئىشتەك تۇيۇلاتتى . بىراق بۇ قېتىم شىنجاڭ كوماندىسى ئۇتتۇرۋەتكەندە مەن پەقەت چىدىمىدىم ،ئەسلىدە  بۇ مىنىڭ شىنجاڭ كوماندىسىدىن ئۈمىدسىزلەنگىنىم ئەمەس بەلكى شىنجاڭ كوماندىسىغا بولغان ئوتتەك قىزغىنلىقىمكەن ‏‏.  
         بۇ مەيدان مۇسابىقە ئىنتايىن كەسكىن بولدى  ئەزىمەتلىرىمىزمۇ بۇرۇنقىدەكلا جېنىنى تىكىپ كۈچىنىڭ بارىچە تىرىشتى ،لىكىن مۇشۇنداق «قاغا بالام ئاپپاق ،كىرپە بالام يۇمشاق» دەپ ئۆتۈپ كىتىمىزمۇ ياكى ئۆتكۈزگەن سەۋەنلىكلىرىمىزنى بىر يەكۈنلەپ قايتا سەۋەنلىك ئۆتكۈزۈشتىن ساقلىنىمىزمۇ.  ئەمدى مەن ئۆزۈم يەكۈنلىگەن سەۋەنلىكلەنى ئوتتۇرغا قويۇپ باقاي.   
      1. ئىتتىپاقلىق   
  بىر كوماندا كوماندا بولۇپ  تەشكىللىنىپ ئۇزاق داۋام قىلىش دەۋىر سۈرۈش ئۈچۈن قانداق شەرت ھازارلاش كىرەك .  چوقۇم ئىتتىپاقلىشىش ئۈملىشىش كىرەك ، پۇتبول مۇسابىقىسىنى 11ئادەم  ئوينايدۇ، بىرەر ئىككى ئادەمگە تايىنىپ يىڭىش مۇمكىن ئەمەس . تۈنۈگۈنكى مۇسابىقىدە بۇ ئەھۋالنى ھەمىمىز كۆردۇق ،ئەزالىرىمىز قېنى قىززىقلىقتىنمۇ ياكى كەينىدە قېلىپ جىددىيلىكتىنمۇ ئۆز-ئارا ئىتتىپاقلىققا تەسىر يەتكۈزدىغان ئەھۋاللار كۆرۈلدى، بۇ بىزنىڭ كۈتكىنىمىزمىدى ؟  ھەم تۆنۈگۈنكى مۇسابىقىنى كۆرگىلى ئاپتونۇم رايوننىڭ يۇقىرى قاتلام رەھبەرلىرى بېرىپتۇ ،بۇنداق ئىتتىپاقسىز ئەھۋالنى كۆرۈپ بەلكىم كوماندىغا تەسىرى بولىدىغان بەزى بىر سۆزلەنى ئېيتىپ يوليورۇقلانى بەرمىدى دىگىلى بولمايدۇ، ئۇيغۇرلار ئەزەلدىن  ئۆم خەق، ئەنە ئاتىلشىمىزدىنلا  چىقىپ تۇرۇدۇ . شۇڭا ئىتتىپاقلىققا ئالاھىدە دىققەت قىلسا.
‏       2. ئورۇن  ئالىدىغان  ھۇجۇمچىنىڭ  بولماسلىقى  ،  ئىككى ياندىن  بۆسۈش  ئاساسەن مۇۋاپىقىيەتلىك ، لىكىن  چىقارغاندىن  كىيىن  ئورۇن  ئالىدىغان ھۇجۇمچى  يوق ،مەيلى  كاپىتانىمىز  بولسۇن  ياكى  ئۇنىڭ  كەينىدىكى  بوشلۇققا  كىرگەن  سايىلىرى  بولسۇن تازا ئۈنۈمى ياخشى ئەمەس .   
           ‏3.سەپ قالايمىقان
‏  سەپ بىر قەدەر چېچىلاڭغۇ  دەل ۋاقتىدا ئۆز ئورنىغا قايتالمايدىغان ئەھۋاللار كۆپ ،ئوتتۇرا مەيدان تەشكىللىگۈچىسى كىم ؟ بۇنى قايسىڭلار بىلىسىلەر ،ئەزالىرىمىزنىڭ تېخنىكىسىنىڭ چىدامچانلىقىنىڭ يۇقىرىلىقى  ئادەمنى ھەقىقەتەن قايىل قىلىدۇ ،لىكىن پاس ياخشى ئەمەس ئۆز ئالدىغا توپ ھەيدەش ئەھۋالى كۆپ . ئەگەر مۇشۇ نۇقتىنى تونۇپ يەتسە كۆپ پاسلىشىپ ئەنە شۇ تېخنىكىلىرىنى يەنە نامايەن قىلالايتتى دەپ ئويلايمەن .
‏    ئىشىنىمەنكى شىنجاڭ كوماندىسى چوقوم كۈتكەن يىرىمىزدىن چىقىدۇ  .
‏    يەكۈنلىشىم مۇشۇ يەرگىچە بولسۇن، ئازۇيۇم بۇ ئەرزىمەس تىمامغا كوماندا ‏ئەزالىرىنىڭ  نەزىرى يىتىپ قېلىپ ئازراق پايدىسى تەگسە ئەجەپ ئەمەس

يەنە بىر گەپ ، مەن كەسپى يازغۇچى شائىر ئەمەس خاتالىقتىن خالىي ئەمەسمەن نۇقسانلار بولسا سەمىمي پىكىر-تەكلىپلىرىڭلانى ئايىمىغايسىلەر...      

muddia

مەن بۇ مۇسابىقە جەريانىنى ئەلكۈيى تورىدىن كۆرۈپ ناھايىتى خوشال بولدۇم. شىنجاڭ كوماندىسى مۇسابىقىدە غەلىبە قىلسىمۇ، مەغلۇپ بولسىمۇ ئەلكۇيى تورى ئوخشاشلا ئىزچىل تورغا يوللاپ تورداشلارنىڭ ئۇسسۇزلىغىنى قاندۇرىۋاتىدۇ. مۇسابىقە دىگەنلىك ئۇتۇش-ئۇتتۇرۇش  ئارقىلىق قىزىيدۇ. ئوتقانلار خوشال بولسا، ئۇتتۇرغانلار تەجرىبە-ساۋاقنى يەكۈنلەيدۇ. بۇ مۇسابىقىدىمۇ شىنجاڭ كوماندىسىدىكىلەر قاتتىق تىرىشتى، ئۇلارنىڭ چەبدەسلىگى كۆزگە كۆرۈنۈش بىلەن بىر ۋاقىتتا، يالغۇز ھەركەت قىلىشقا ئامراقلىقىمۇ كۆزگە چېلىقىپ قالىدىكەن.  پۇتبولچى ئەزىمەتلىرىمىزنىڭ تەۋەككۇلچىلىق، باتۇرلۇق بىلەن ئىپادىلىنىۋاتقان خارەكتىرى ئۇلارنىڭ مۇسابىقە مەيدانىدىكى ئالاھىدىلىگىگە ئايلىنىپ، توپ ئويناشتىكى خاسلىقىغا ئوخشايدىكەن. پۇتبول مەستانىلىرىنىڭ كۆپلىگى خەلقىمىزنىڭ ئەتراپىمىزدىكى  باشقىلارغا ئوخشىمايدىغان بىر تەرىپىنى كۆرسۈتۈپ بىرىدىكەن. پۇتبول ئويناش ھەم پۇتبول كۆرۈش قىزغىنلىغىنى خەلقىمىزنىڭ ئۆزگىچە ئارتۇقچىلىقىدەك ھىس قىلدىم. بۇنداق مۇسابىقىلەرنى قەشقەر-خوتەنلەردە ئۆتكۈزسە تاماشىبىنلىرى قانچىلىك بۇلۇپ كىتەر دەپ ئويلاپ قالدىم. ئەلكۈيى تورىنىڭ خەلىقنىڭ ئويلىغىنى بىلەن بىر يەردىن چىقىپ، ئاكتىپلىق بىلەن مۇسابىقىنى ئىز قوغلاپ تارقىتىپ كىلىۋاتقانلىغىدىن قايىللىق بىلەن سۆيۈندۈم.

Shahdiyar ھەقىي سالاھىيەتلىك ئەزا

بۇمۇ ئاللاھنىڭ ئورۇنلاشتۇرىشى. تەجرىبە-ساۋاقلارنى يەكۈنلەپ، داۋاملىق تىرىشىپ، تېخىمۇ يۈكسەك نەتىجىلەرگە ئېرىشىشىگە ئىشىنىمەن. تۆنۈگۈن 1- قېتىم كىرىپ كەتكەن توپنىڭ ئالدىدىلا ئولتۇرۇپ كۆرگەن ئىدىم. كەينىمدىكىلەر «ھې.... ئۇنداق قىلما، ئۇنداق قىلما.............» دەپ توۋلاپلا كەتتى. بەلكىم توپچىلىرىمىزنىڭ كۆڭلى مېنىڭكىدىن بەكرەك يېرىم بولۇۋاتقاندۇ. ئۇلار داۋاملىق قوللاشقا مۇھتاج. توختاپ قالمايلى. ھېلىغۇ بىر قېتىم ئىكەن، 10 قېتىم ئۇتتارسىمۇ داۋاملىق قوللىشىمىز كېرەك. مۇسابىقىدە دېگەن ئۇتۇش، ئۇتتۇرۇش بولۇپ تۇرىدۇ. بۇلارمۇ بەك تىرىشتى. ئەمما، ئالدىنقى مەيداندا تازا ماسلىشىپ كېتەلمىدى. يەنىمۇ تىرىشىڭلار. غەلبە تىرىشقانلارغا مەنسۇپ.
ئىتتىپاقلىقنى ساقلاڭلار. ئۆز كوماندا ئەزالىرىڭلارنى ياخشى ئاسىراڭلار. تۆنۈگۈن 5- نومۇرنىڭ ئۆز ئەزالىرىغا ۋارقىراپ-جارقىرىغىنىنى كۆرگەن ئەتىراپىمدىكىلەر كېيىپلا كەتتى. توپ دېگەننى بىرلا ئادەم بولسا بولىدىغان نەرسە ئەمەس. ئىتتىپاقلىق كۈچ.
ئەمما، تۆنۈگۈنكى مۇسابىقىدىكى ئىككى قېتىم كىرىپ كەتكەن توپنى ئۆز كۆزۈم بىلەن كۆرسەممۇ ھەرگىز ئۈمىدسىزلەنمەيمەن. «ئۆلمىگەن جاندا ئۈمىد بار....» دەيدىغان گەپ بارغۇ. تىرىشىڭلار. كېيىنكى غەلبە سىلەرگە مەنسۇپ!

aytolgankiqa

ئەسسالامۇ ئەلەيكۇم تورداشلار! ئەلكۇيى تورى ناھايىتى تىز مۇسابىقە ئەھۋالىنى بىزگە سۇنۇپتۇ بۇنىڭغا كۆپ رەخمەت ئىيتىمىز! مەن نەخ مەيدان مۇسابىقىنى كوردۈم. ئۆزۇم بىر پوتبولچى شۇنداقلا يەنە قىزغىن مەستانە. ئاتۇشتىن مۇسابىقە كورگىلىلا باردىم ، تولىمۇ ھاياجانلاندىم ، كۆزلىرىمدىن ياشلا توكۈلدى ...گەرچە يىڭىلساقمۇ ئۇلارغا بولغان ھۆرمىتىم ئۆزگەرمىدى ساما ئويناپ كەيپىياتنى كۆترۈپ ئۇلارغابولغان ئىشەنچىمىزنى ئىپادىلدۇق......