ئاتا-ئانىمىز گۇناھكار ئەمەس

paklih

	خېلى بولدى بۇ ئىشلار كۆڭلۈمنى بىر قىسما قىلىپ قويىۋاتقىلى. ئۇزۇن بولدى ئاتا - ئانامدىن ئايرىلىپ ئۈرۈمچى دېگەن يۇتتا ئوقۇپ - ئىشلەپ يۈرگىلى، تاپقان پۇلۇم ئانچە كۆپ بولمىسىمۇ يەنىلا بەزىلەردەك ئاتا - ئانامنى كۈندە ئون قېتىم دەككە - دۈككىگە سېلىپ، ئېغىر غەملەرگە چۆكتۈرۈپ، يەنە پات - پاتلا زار - زار يىغلاتمىدىم. ئاتا - ئانىسىنىڭ قول ئىلكىدە يوقلىرى ئوقۇيالمىغانلىقىنى، يارامسىز بوپ قالغانلىقىنى ئاتا - ئانىسىنىڭ يارامسىزلىقىدىن كۆرسە، ھال كۈنى يامان ئەمەس ئائىلىدە ئۆسۈپ يېتىلگەن يارامسىز، ئەقىلسىز ئوغۇل قىزلىرىمىز ئۆز ھالىنى ئاتا - ئانىسىنىڭ ئالدىراشلىقى، ئۆز ئارزۇسغا ھۆرمەت قىلمايۋاتقانلىقىدىن كۆرۈشۈپ ئۆزلىرى بىلگەن سەنەمگە دەسسىشىپ، بىكارچىلار ۋە قىلىقسىزلار كوچىسىنى ئاۋاتلاشتۇرۇپ بىزنى،ئەقىل كۆزى بىلەن جەمىئىيەتكە بېقىۋاتقانلارنى ھاڭ تاڭ قالدۇرماقتا. تۇغۇپ مۇشتۇمدەك چېغىڭدىن ھازىرقى ھالىتىڭگە كەلتۈرگەن ئاتا - ئاناڭ سەن بىلگەننى بىلمەسمۇ؟ سەن ئويلىغاننى ئويلىماسمۇ؟ سەن تۆرەلمىگەن چاغلاردىن باشلاپ سېنىڭ غېمىڭنى قىلغان، ساڭا زور ئۈمۈدلەرنى باغلىغان شۇ بىر جۈپ يۈرەك، ئارزۇ ئارمانلارغا تولغان يۈرەك سەن ئۈچۈن ئويلىماسما؟ سەن تېخى بايىلا ئۇنىڭ دىلىغا ئازار بېرىپ چىقىپ كەتتىڭ، ئۇ يۈرىكى قان ھالەتتە ئەلەمدە بۇسۇغىدا قېپ قالدى.... سەن ئۆزۈڭنىڭ خاتا قىلغانلىقىڭنى بىلىسەن، ئۇلاردىن ئورۇنسىز تەلەپلەرنى كۈتكىنىڭنىڭ بىر بىمەنىلىك ئىكەنلىكىنى بىلىسەن، ئۇلارنىڭ گۇناھسىز ئىكەنلىكىنى ھەم بىلىپ تۇرىسەن ئەمما، ئالدىغا بېرىپ ئانا مېنى كەچۈرۈڭ، دادا كۈتكەن يېرىڭىزدىن چىقالمىدىم دىيىشنى نۇمۇس دەپ بىلىسەن، ئەمما يەنە ئۆزۈڭ بىلگەن كوچىغا دەسسەپ كېتىپ قالىسەن. ئۆزۈڭنىڭ بىر ئانا، ئۆزۈڭنى بىر دادا دەپ ئويلاپ كۆر قېنى. سەن ئۆزۈڭنى خېلى خېلى خېلىلاردىن ئۈستۈن دەپ ئويلايسەن، خېلى خېلى خېلىلارنىڭ قىلغان ئىشىنى ياراتمايسەن، ئەگەر ئازراقلا ئىمكانىيەت بولسا خېلى خېلى خېلىلاردىن خېلى ياخشى ئىشلارنى قىلىدىغانغا كۆزۈڭ يېتىدۇ، ھەم چوقۇم دەپ ئۆزۈڭگە ئىشىنىسەن. قاراپ تۇرۇپ يامان يولغا ماڭمايسەن، زىيان تارتىدىغان ئىشلارغا بىر كىم زورلىسىمۇ مەيلىڭ تارتمايدۇ...چۈنكى سەن دىگەن سەن دە. نۇرغۇن ئارزۇ ئارمانلىرىڭ بار ، يېتەلمىدىڭ. ئەمما كەلگۈسى پەرزەنتىڭ ۋە ئەۋلاتلىرىڭنىڭ بولسىمۇ شۇ ئارزۇلىرىڭغا لايىق ياشايدىغانلىقىغا ئىشىنىسەن ھەم شۇنىڭغا يېتىش ھەم يەتكۈزۈش ئۈچۈن كۈرەش قىلىسەن ياشاۋاتىسەن... سەن ئاتا - ئاناڭ كۆرسەتكەننى ياراتماي، ساڭا ئەگەشكەنلەرگە قىيا باقماي، زامانەڭنىڭ گۈلى بولغان شۇ سۆيگۈنىڭ بىلەن توي قىلدىڭ، پۈتۈن ئارزۇ ئۈمۈدلىرىڭنى كەلگۈسى بالاڭ ئۈچۈن قۇربان قىلىپ جاپالىق كۈرەش قىلدىڭ، بۇنىڭ ھەممىسى ئۆزۈڭگە ئايان.ئەمدى شۇ پەرزەنتىڭ ...سەن دۇنياغا ئاپىرىدە قىلغان، سەن پوق - سۈيدۈكىنى ئادالاپ، ماڭقىسىنى ئېرتىپ، يېتىلەپ ھەق - ناھەقنى كۆرسىتىپ چوڭ قىلغان بالاڭ ساڭا بويدۇق سوقۇپ، سەندىن بىلەرمەنلىك قىلسا، سېنى كۆزگە ئىلماي پۇللىرىڭنى خالىغانچە خەجلەپ، سەن مىڭ جاپادا بالىلىرىم تالادا قالمىدۇن دەپ سالغان ۋە مىڭ مىڭ تۈمەنلەپ قەرزلەرگە بوغۇلۇپ سېتىۋالغان، بېزىگەن، سېنى مىڭ كويلارغا سالغان ئۆيۈڭگە كىرمەي نەدىكى مەيخانا، تورخانا، چوڭ كوچا، بۇلۇڭ پۇچقاق جايلاردا خارلىنىپ، زارلىنىپ يۈرسە ھەم يېتىپ تۈنەپ يۈرسە سېنىڭ يۈرىكىڭ ئېزىلمەمدۇ، ئاچچىقىڭ كەلمەمدۇ، پۇشتىڭدىن تۆرەلگەن ئەشۇ ئارزۇ - ئۈمۈدلىرىڭنىڭ تۇمانلىق ئەتىسىنى بۈگۈنلا كۆرسىتىۋاتقان شۇ جىگىرىڭنىڭ قاپقارا ئەتىسىگە ئىشەنگۈڭ كەلمەي ئون يىل يۈز يىل قېرىپ كەتمەمسەن؟ ئەڭ مۇھىمى شۇنچە يىلدىن شۇنچە ۋاقىتتىن بىكار ياشاپتىمەن دەپ پۇشايمان، ئۈمىدسىزلىك قاينىمىدا غېرىبانە قالمامسەن؟ ئاتا - ئانىمىزغا بىزنى تۇغۇپ، ئارزۇ ئۈمىد باغلىغانلىق گۇناھ ئەمەس. ئەقلىڭنى تاپ ئەي ئوغۇل، ئەي نادان قىز. ھازىرلا يۈگۈرۈپ كىرىپ بىچارە ئاناڭ قوللىرىغا سۆي، جاپاكەش داداڭنىڭ پۇتلىرىغا ئېسىل. ئۇلار سېنى كەچۈرىدۇ، ئۇلار يەنىلا سېنى ياخشى بوپ كەتسىكەن، دېگەن ئۈمۈدتتە ... (ئاخىرى بار)

zuaya

	بۇ ھەقيقەتەنمۇ  ئادەمنى ئۆزى توغرىسىدا چوڭقۇر ئويغا سالىدىغان تىما بوپتۇ .ئاتا ئانىغا قاخشاش ۋە ئۇلاردىن ئاغرىنىش ئۇلاردىن تېخىمۇ كۆپ نەرسىلەرنى تەلەپ قىلىشش كۆپىنچە ياشلىرىمىزنىڭ بېشىدىن ئۆتكەن بولۇشى مۇمكىن. ياخشى تىمىڭىزغا رەخمەت.

noorislam

	سىز ئوتتۇرىغا قويغان مەسىلە ھەقىقەتەنمۇ رېئالنى مەسىلىدۇر، تورداشلار دىققىتىگە تۆۋەندىكىلەر سۇنۇلدى! كۆرۈپ باققايسىلەر!

abm165

	مەن  ئۇرۇمچىدە ئۇقۇعان ئانا مەكتىۋىمدەئۇقۇش پۇتتۇرۇپ  ئۇقۇتقۇچى بۇلۇپ قالعان ، ئاتا-ئانامنىڭ تەلىۋى بۇيىچە يۇرتۇمعا قايتىپ كىلىپ ،تىرشىپ ئىشلەپ ئىككى سىڭلىم ،بىر ئىنىمنى ئوقۇتۇپ حىزمەتكە ئورۇنلاشتۇردۇم ، ھەم ئۇلارنى ئويلۇك-ئوچاقلق قىلدىم ،نۇرعۇن پۇل حەجلەپ دادامنى داۋالاتقان بولساممۇ 97-يىلى  تۇگەپ كەتتى .2000-يىلى ئانامعا نەچچە 10مىڭ يۇەن حەجلەپ 300كۇۋادىرات مىتىرلق ئوي سىپ  بەردىم .2004-يىلى ئانامنى ھەج قىلدۇردۇم ، ھازىر دىھقان تۇققانلىرىمدىن 4نى ئومەككە تىزىملىتىپ قويدۇم ، مۇشۇ ئىككى يىل  جەرىيانىدا قىيىنچىلىقى بار تۇققانلىرىمعا نەچچە ئون مىڭيۇەن ياردەم قىلدىم . مەن بۇ پۇللارنى  ئاكسىيە بازىرىدىن تاپتىم . ھازىر ئانام  بىلەن كۇندە بىر قىتىم كۇرشەپ تۇرىمەن . ئوزۋاحتىدا ئاتا-ئانام ئوچۇن ،ئۇرۇمچىدىكى  ياحشى تۇرمۇشتىن ۋازكەچكەن بولساممۇ ھازىر ھەرگىز پۇشايمان قىلمايمەن . چۇنكى ھازىر يۇرتىمىزنىڭ شارائىتىمۇ ئۇرۇمچىنىڭكىدىن قىلىشمايدىعان بولدى . تىرىشساق ھەممە ئىمكانىيەت بار . يۇرتىمىز نامرات بولسىمۇ بايلارمۇ ئاز ئەمەس ،ئۇرۇمچى چوڭ -ئاۋات شەھەر بولسىمۇ ئەمما تىلەمچىلەرمۇ ئاز ئەمەس . بۇنداق رىئاللقنى ئاتا-ئانىنىڭ حىزمىتىنى ياحشى قىلىش  ئارقىلىقلا ئوزگەرتكىلى  بۇلىدۇ . چۇنكى بۇ دۇنيادا 3-حىل ئادەم حار-زەبۇنلۇقتا ئوتىدۇ :     1. ئاتا-ئانىسىنى تاشلىۋەتكەن ئادەم .     2. بىلىمنى قەدىر لىمىگەن ئادەم .     3. ئىسراپحورلۇق -ھەشەمەتچىلىك قىلعان ئادەم . شۇڭا ئاسمانعا چىقىپ كەتسەكمۇ  ئاتا-ئانىنى تاشلىۋەتمەيلى . مانا مەن ئۇرۇمچىدىن ۋازكىچىپمۇ  گۇلدەك ياشاۋاتىمەن . تىحى ياۋرۇپا ،ئوتتۇرا شەرىقلەردە ساياھەتتە بۇلۇشنىڭ تەييارلىقىنىمۇ  قىلىپ قويدۇم .

salam234

	ئادەم‹ ئۆزىگە تەئەللۇق بولغان نەرسىنىڭ قەدرىگە پەقەت شۇنى يوقاتقاندىلا ئاندق يىتىدۇ ›.بۇنىڭ ئەڭ چوڭ مىسالى ئاتا -ئانا

ArislanMemet

	ياخشى تېما ئىكەن ، بالىلار بالىلىق بولغاندا ئاندىن ھىس قىلىدىكەن كۆپ ئىشلارنى . تېما ئىگىسىگە رەھمەت . لىكىن مەن كۆيەرمەن بالامغا ، بالام كۆيەر بالىسىغا دىگەندەك ئىشلاردىنمۇ ساقلانماق بەزىدە تەس ئىكەن . تېمىدا تىلغا ئېلىنغان ئىنساپسىز بالىلارغا ئاللاھ ئىنساب بەرسۇن .

turditohti

	‹‹بالاڭغا بىرىپ باق،ئارقىسىدىن سوراپ(باق)››دىگەن ماقال بىكارغا چىقىمىغان

turkinaz0992

	ئىنساننىڭ بىرلا ئاتا - ئانىسى بولىدۇ . ئۇنى تېگىشكىلى ياكى   ئالماشتۇرغىلى بولمايدۇ ،  بۇ ھەممىگە ئايان ھەقىقەت . پەرزەنت تەربىيىسىدە ئاتا - ئانىنىڭ باش تارتىپ بولمايدىغان مەسئۇلىيىتى بولغىنىدەك ، پەرزەنتنىڭمۇ  ئاتا - ئانىسىغا ۋاپادار بولۇش  ، ئۇلارنىڭ ئەجرىنى ئاقلاش مەجبۇرىيىتى بار .

xahinxah

	ھەي!

asd520

	بۇ تېمىنى ياخشى يوللاپسىز، مەن ئوغۇل-قىزلىرىمىزنىڭ تېزراق ئەقلىنى تېپىپ، توغرا يولغا تېزراق قايتىشىنى ئۈمىد قىلىمەن.